តាមសេចក្តីរាយការណ៍របស់ Reuters នៅថ្ងៃព្រហស្បតិ៍ទី៥ខែមិថុនាឆ្នាំ២០២៥ កប៉ាល់នេះមានឈ្មោះ Morning Midas កំពុងធ្វើដំណើរពីទីក្រុង Yantai ប្រទេសចិនទៅកាន់ទីក្រុង Lázaro Cárdenas ប្រទេសម៉ិកស៊ិក ស្រាប់តែមានអគ្គិភ័យឆាបឆេះឡើងនៅត្រង់ផ្នែកផ្ទុករថយន្តអគ្គិសនី។

ដោយសារតែនាវិក២២នាក់គ្រប់គ្រងស្ថានការណ៍មិនបាន ពួកគេត្រូវបង្ខំចិត្តបោះបង់ចោលកប៉ាល់នោះ ហើយនាវាពាណិជ្ជករ Cosco Hellas ដែលស្ថិតនៅក្បែរនោះ បានជួយសង្គ្រោះសមាជិកនាវិកទាំងអស់ដោយសុវត្ថិភាព។

យ៉ាងណាក្រោយមកឆ្មាំសមុទ្រអាមេរិក ដោយមានការសហការជាមួយក្រុមហ៊ុនដែនសមុទ្រ Zodiac Maritime ដើម្បីបើកប្រតិបត្តិការពន្លត់ភ្លើងនោះ។

The Morning Midas គឺជាកប៉ាល់ដឹករថយន្ត មានប្រវែង១៨២ម៉ែត្រ សង់ឡើងក្នុងឆ្នាំ២០០៦ ដោយមានចុះបញ្ជីនៅក្រោមឈ្មោះប្រទេសលីបេរីយ៉ា។

ជុំវិញហេតុការណ៍ខាងលើ គេមិននៅមិនរកឃើញមូលហេតុដែលបង្កឲ្យមានអគ្គិភ័យឡើយ ហើយភ្លាមៗក៏មិនទាន់ដឹងអំពីទំហំនៃការខូចខាតដែរ៕

អត្ថបទ៖ សុខ សុវណ្ណ

ចុចអាន៖ កប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ

The post កប៉ាល់ ដឹករថយន្ត ៣ ០០០គ្រឿង ត្រូវអគ្គិភ័យឆាបឆេះនៅសមុទ្រ រដ្ឋអាឡាស្កា appeared first on Kampuchea Thmey Daily.

មួយរយៈចុងក្រោយនេះ គេសង្កេតឃើញភ្នំភ្លើងបញ្ចេញសកម្មភាពគួរឲ្យព្រួយបារម្ភ ហើយថែមទាំងមានការរញ្ជួយដីជាច្រើនលើកច្រើនសានៅផ្ទៃខាងក្រោមភ្នំភ្លើងផងដែរ។

តាមការចុះផ្សាយរបស់ Daily Mail កាលពីថ្ងៃអង្គារទី២៩ខែមេសាឆ្នាំ២០២៥, អ្នកជំនាញព្រមានថា ភ្នំភ្លើងនេះអាចផ្ទុះនៅប៉ុន្មានសប្តាហ៍ឬប៉ុន្មានខែខាងមុខក៏ថាបាន ហើយពោរពេញដោយកម្លាំងខ្លាំង ដូច្នេះប្រជាពលរដ្ឋនៅជិតៗនោះ ត្រូវប្រុងប្រៀបខ្លួននិងស្តាប់សេចក្តីជូនដំណឹងឲ្យជាប់ជានិច្ច ចៀសវាងគ្រោះថ្នាក់ដល់អាយុជីវិត។

ក្នុងករណីភ្នំនេះផ្ទុះ វាមិនមែនត្រឹមជះឥទ្ធិពលដល់មនុស្សប៉ុណ្ណោះទេ ប៉ុន្តែវាក៏បង្កផលប៉ះពាល់ខ្លាំងក្លាចំពោះវិស័យអាកាសចរណ៍ផងដែរព្រោះថា វានឹងបាញ់ផេះឡើងលើមេឃ ធ្វើឲ្យយន្តហោះ ហោះមិនកើត។

អាកាសយានដ្ឋានធំបំផុតចំនួន២គឺ Ted Stevens Anchorage International Airport (ANC) និង Fairbanks International Airport (FAI) នឹងត្រូវបិទទ្វារដើម្បីសុវត្ថិភាព ធ្វើឲ្យជើងហោះហើរត្រូវពន្យាពេលឬលុបចោលតែម្តង។ កត្តានេះ មិនមែនប៉ះពាល់ត្រឹមជើងហោះហើរដឹកអ្នកដំណើរទេ តែវាក៏ប៉ះពាល់យន្តហោះដឹកទំនិញផងដែរ ជាហេតុធ្វើឲ្យរំខានដល់ខ្សែសង្វាក់ផ្គត់ផ្គង់ជាសកល។

សូមជម្រាបថា ភ្នំភ្លើង Spurr មានកម្ពស់ ៣ ៣៥៣ម៉ែត្រស្ថិតនៅចម្ងាយប្រហែល១២៨គីឡូម៉ែត្រពីទីក្រុង Anchorage ដែលមានប្រជាជនជិត ៣០០ ០០០នាក់។

ភ្នំភ្លើងនេះបានផ្ទុះលើកចុងក្រោយក្នុងឆ្នាំ១៩៩២ ដែលកាលនោះ ព្រលាន ANC ត្រូវបិទអស់រយៈពេល ២០ម៉ោង ហើយពពកផេះបានគ្របដណ្តប់ពាសពេញទីក្រុង Anchorage៕

អត្ថបទ៖ សុខ សុវណ្ណ

ចុចអាន៖ ផ្ទុះ​ភ្នំភ្លើង​នៅ​ហ្វីលីពីន ព្រួស​ផ្សែងផេះ​កម្ពស់ ៤ ០០០​ម៉ែត្រ​

The post ភ្នំភ្លើងនៅអាឡាស្កា ជិតផ្ទុះជាមួយកម្លាំងដ៏ខ្លាំង ខណៈអ្នកជំនាញព្រមានពីគ្រោះថ្នាក់ធ្ងន់ធ្ងរ appeared first on Kampuchea Thmey Daily.

តាមការចុះផ្សាយរបស់ ABC នៅថ្ងៃសៅរ៍ទី៨ខែកុម្ភៈឆ្នាំ២០២៥ ឧទ្ធម្ភាគចក្ររបស់ក្រុមសង្គ្រោះ បានរកឃើញបំណែកយន្តហោះនៅលើទឹកកក ក្នុងចម្ងាយប្រហែល១៩គីឡូម៉ែត្រពីឆ្នេរសមុទ្រទីក្រុង Nome។

ទោះបីជាយ៉ាងណាក៏ដោយ គេនៅមិនដឹងទេថាតើយន្តហោះនេះធ្លាក់ដោយសារមូលហេតុអ្វី។

សូមជម្រាបថា យន្តហោះខ្នាតតូចនេះជាប្រភេទ Cessna 208 Caravan មានដឹកមនុស្សចំនួន១០នាក់ ក្នុងដំណើរចេញពីទីក្រុង Unalakleet ទៅកាន់ទីក្រុង Nome ប៉ុន្តែវាបានបាត់ចេញពីរ៉ាដា ខណៈនៅសល់១០នាទីទៀតទើបដល់គោលដៅ។

ការធ្លាក់យន្តហោះនេះ គឺជាឧបទ្ទវហេតុធំទីបី ដែលញាំញីវិស័យអាកាសចរណ៍អាមេរិក ក្នុងរយៈពេលត្រឹមប្រាំបីថ្ងៃប៉ុណ្ណោះ។

កាលពី​ថ្ងៃ​ទី​២៩ខែមករា យន្តហោះ​ពាណិជ្ជកម្មនិង​ឧទ្ធម្ភាគចក្រ​យោធា ​បាន​បុក​គ្នា​នៅ​ជិត​រដ្ឋធានី វ៉ាស៊ីនតោន ឌីស៊ី ដោយ​សម្លាប់​មនុស្ស​៦៧​នាក់​។

លុះមកដល់ថ្ងៃទី៣១ខែមករា យន្តហោះពេទ្យបានធ្លាក់នៅទីក្រុង Philadelphia ដោយសម្លាប់មនុស្ស ៦ នាក់ជិះក្នុងនោះ និងមនុស្សម្នាក់ទៀតនៅលើដី៕

អត្ថបទ៖ សុខ សុវណ្ណ

ចុចអាន៖ យន្តហោះដឹកអ្នកដំណើរអាមេរិកមួយគ្រឿង បាត់ចេញពីរ៉ាដា មិនដឹងជោគវាសនាទៅជាយ៉ាងណា

The post ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់ appeared first on Kampuchea Thmey Daily.

អ្នកនាំពាក្យ John Kirby និយាយថា វត្ថុគ្មានមនុស្សបើកនេះ គឺមានទំហំប៉ុនរថយន្តធុនតូច និងហោះក្នុងរយៈកម្ពស់ខ្ពស់ ១២០០០ម៉ែត្រ ហើយបង្កការគំរាមកំហែង ដល់អាកាសចរណ៍ស៊ីវិល។ 

ទោះបីជាយ៉ាងណាក៏ដោយ គោលបំណង និងប្រភពដើមរបស់វត្ថុនេះ មិនត្រូវបានគេដឹងច្បាស់ទេ។

រឿងនេះ កើតឡើងមួយសប្តាហ៍បន្ទាប់ពីយោធាអាមេរិក បាញ់ទម្លាក់បាឡុងរបស់ចិននៅលើដែនទឹកសហរដ្ឋអាមេរិក។

ឧទ្ធម្ភាគចក្រ និងយន្តហោះដឹកជញ្ជូន ត្រូវបានបញ្ជូនទៅដើម្បីប្រមូលកម្ទេចកម្ទីពីក្នុងទឹកនៃសមុទ្រ Beaufort។

លោក Kirby និយាយថា “យើងមិនដឹងថាអ្នកណាជាម្ចាស់វាទេ ហើយមិនដឹងថាតើវាជាកម្មសិទ្ធិរបស់រដ្ឋ ឬសាជីវកម្ម ឬជាកម្មសិទ្ធិឯកជននោះឡើយ”។

វត្ថុ​នេះ​ត្រូវ​បាន​គេ​ប្រទះ​ឃើញ​ជា​លើក​ដំបូង​កាលពី​យប់​ថ្ងៃ​ព្រហស្បតិ៍ បើ​ទោះ​ជា​មន្ត្រី​មិន​បាន​បញ្ជាក់​ពី​ម៉ោងច្បាស់ៗ​ក៏​ដោយ៕

ប្រែសម្រួល៖ Vann Vann

ប្រភព៖ BBC

ចុចអាន៖ អាមេរិក រកឃើញឧបករណ៍ទំនើប សម្រាប់យកការណ៍ នៅក្នុងបាឡុងចិន

The post អាមេរិក បាញ់ទម្លាក់វត្ថុ ហោះក្នុងរយៈកម្ពស់ខ្ពស់មួយទៀត នៅរដ្ឋ Alaska appeared first on Kampuchea Thmey Daily.

ក្រុមឃ្លាំមើលរលកយក្សស៊ូណាមិ បានចេញការព្រមានរួចទៅហើយចំពោះកោះ ហាវ៉ៃ។ ការព្រមាននេះបាននិយាយថា ប្រសិនបើរលកយក្សស៊ូណាមិកើតឡើងមែននោះ ពួកគេនឹងមិនប៉ះពាល់ដល់កោះនេះទេរហូតដល់ម៉ោង ១២ និង ៥៣ នាទីរំលងអាធ្រាត្រ (ម៉ោងនៅអាមេរិក)។

អ្នកយកព័ត៌មានម្នាក់នៅអាឡាស្កា បានបង្ហោះ Twitter ថា ស៊ីរ៉ែនព្រមានស៊ូណាមិ ក៏បន្លឺឡើងផងដែរក្នុងទីក្រុង Kodiak។ អ្នកនាំពាក្យប៉ូលិស បានប្រាប់ទូរទស្សន៍ Fox News ថា អាជ្ញាធរកំពុងជំរុញឲ្យប្រជាជន ជម្លៀសខ្លួនចេញដោយសារតែការគំរាមកំហែងពីរលកយក្សស៊ូណាមិ។

សម្រាប់ព័ត៌មានលម្អិត កម្ពុជាថ្មី នឹងផ្តល់ជូនជាបន្ត!

ប្រែសម្រួល៖ Vann Vann

ប្រភព៖ FOX

ចុចអាន៖ ក្ដៅៗ ហ្វីលីពីន ជួបគ្រោះរញ្ជួយដីខ្លាំងក្លាកម្រិត ៦.៧ រ៉ិចទ័រ

The post ស៊ីរ៉ែនព្រមានស៊ូណាមិលាន់ទ្រហឹង នៅពេលការរញ្ជួយដី ៨.២រ៉ិចទ័រ វាយប្រហារ អាឡាស្កា appeared first on Kampuchea Thmey Daily.