ក្នុងឱកាសនោះ សម្តេចមហាមន្ត្រី គុយ សុផល បានពាំនាំនូវការផ្តាំផ្ញើសាកសួរសុខទុក្ខ និងការយកចិត្តទុកដាក់ពីថ្នាក់ដឹកនាំ ជាពិសេសចំពោះគ្រួសារកងកម្លាំងប្រដាប់អាវុធ ដែលបានលះបង់កម្លាំងកាយចិត្ត ក្នុងការការពារបូរណភាពទឹកដី សន្តិសុខ និងសុខសន្តិភាពជូនប្រជាពលរដ្ឋ។

សម្តេចមហាមន្ត្រី ក៏បានលើកទឹកចិត្តដល់ក្រុមគ្រួសារវីរៈកងទ័ពទាំងអស់ ឱ្យបន្តថែរក្សាសាមគ្គីភាព រស់នៅដោយអនាម័យ និងខិតខំប្រកបរបរចិញ្ចឹមជីវិត ដើម្បីលើកកម្ពស់ជីវភាពគ្រួសារ ឱ្យកាន់តែប្រសើរឡើង។

ប្រជាពលរដ្ឋដែលទទួលអំណោយ បានសម្តែងនូវក្តីរំភើប និងថ្លែងអំណរគុណយ៉ាងជ្រាលជ្រៅ ចំពោះការយកចិត្តទុកដាក់ និងការជួយឧបត្ថម្ភពីសម្តេចមហាមន្ត្រី គុយ សុផល ដែលតែងតែគិតគូរដល់សុខទុក្ខរបស់ប្រជាពលរដ្ឋ និងគ្រួសារកងកម្លាំងនៅតាមមូលដ្ឋាន៕

ដោយ ៖  វ៉ាន់ សេដ្ឋា

The post សម្តេចមហាមន្ត្រី គុយ សុផល ចែកអំណោយជូនគ្រួសារវីរៈកងទ័ពជួរមុខ ១៥៣គ្រួសារ នៅស្រុកបរិបូណ៌ appeared first on Kampuchea Thmey Daily.

សម្តេចមហាមន្ត្រី បានឱ្យដឹងថា សកម្មភាពមនុស្សធម៌នេះ គឺជាការបង្ហាញពីការយកចិត្តទុកដាក់ខ្ពស់របស់រាជរដ្ឋាភិបាល មន្ត្រីរាជការគ្រប់ជាន់ថ្នាក់ ប្រជាពលរដ្ឋ និងសប្បុរសជនទាំងអស់ ដែលបានរួមគ្នាជាកម្លាំងមហាសាមគ្គីជាតិ ដើម្បីជួយគាំទ្រប្រជាពលរដ្ឋដែលកំពុងជួបការលំបាកក្នុងជីវភាពរស់នៅ។

សម្តេចមហាមន្ត្រី ក៏បានលើកទឹកចិត្តឲ្យប្រជាពលរដ្ឋបន្តជឿជាក់លើការដឹកនាំរបស់រាជរដ្ឋាភិបាលកម្ពុជា ក្រោមការដឹកនាំរបស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដែលកំពុងខិតខំប្រឹងប្រែងយ៉ាងសកម្មក្នុងការថែរក្សាសុខសន្តិភាព សុខសុវត្ថិភាព និងការលើកកម្ពស់ជីវភាពរស់នៅរបស់ប្រជាពលរដ្ឋទូទាំងប្រទេស។

ជាមួយគ្នានេះ សម្តេចមហាមន្ត្រី ក៏បានបង្ហាញនូវការគាំទ្រ និងជំនឿជាក់យ៉ាងមុតមាំលើយុទ្ធសាស្ត្ររបស់រាជរដ្ឋាភិបាល ក្នុងការដោះស្រាយបញ្ហានានា ដោយផ្តោតសំខាន់លើសុខទុក្ខ សុខមាលភាព និងផលប្រយោជន៍របស់ប្រជាពលរដ្ឋជាចម្បង៕ ដោយ ៖វ៉ាន់ សេដ្ឋា

The post ពលរដ្ឋងាយរងគ្រោះ ១០០គ្រួសារ នៅខេត្តកំពង់ឆ្នាំង ទទួលអំណោយពី សម្តេចមហាមន្ត្រី គុយ សុផល appeared first on Kampuchea Thmey Daily.

ការប្រគល់ផ្ទះនេះ គឺជាសកម្មភាពមួយដែលបង្ហាញពីការយកចិត្តទុកដាក់យ៉ាងខ្ពស់របស់អាជ្ញាធរមូលដ្ឋាន ក្នុងការលើកកម្ពស់ជីវភាពរស់នៅរបស់ប្រជាពលរដ្ឋដែលកំពុងប្រឈមមុខនឹងភាពលំបាក និងជួយស្តារឡើងវិញនូវសុវត្ថិភាពសង្គម សម្រាប់គ្រួសារដែលរងផលប៉ះពាល់ពីបញ្ហាសង្គមផ្សេងៗ។

លោក អ៊ំ ចំរើន បានលើកឡើងថា ផ្ទះដែលត្រូវបានប្រគល់ជូននេះ ត្រូវបានសាងសង់ឡើងដោយមានការគាំទ្រពីអង្គការដៃគូ គឺអង្គការសម្ព័ន្ធចាប់ដៃ ដែលបានចូលរួមយ៉ាងសកម្មក្នុងការផ្តល់ជំនួយសង្គម និងការពារសិទ្ធិមនុស្ស ជាពិសេសការជួយដល់ជនរងគ្រោះដោយសារការឆបោក។ មិនត្រឹមតែផ្ទះប៉ុណ្ណោះទេ ក្រុមការងារក៏បាននាំយកសម្ភារៈប្រើប្រាស់ចាំបាច់មួយចំនួន ដូចជា អង្ករ មី និងសម្ភារៈប្រើប្រាស់ប្រចាំថ្ងៃ ដើម្បីជួយសម្រួលដល់ជីវភាពគ្រួសារនោះផងដែរ។

លោកអភិ​បាលស្រុកបានលើកឡើងបន្ថែមថា ការជួយឧបត្ថម្ភនេះ មិនត្រឹមតែជាការផ្តល់ជំនួយផ្នែកសម្ភារៈប៉ុណ្ណោះទេ ប៉ុន្តែជាការផ្តល់កម្លាំងចិត្ត និងក្តីសង្ឃឹមថ្មីដល់គ្រួសារដែលកំពុងជួបការលំបាកឲ្យអាចឈរជើងឡើងវិញ និងបន្តជីវិតដោយមានកិត្តិយស និងសុវត្ថិភាពក្នុងសង្គម។

សកម្មភាពនេះក៏បញ្ជាក់ឲ្យឃើញពីការសហការល្អរវាងអាជ្ញាធរមូលដ្ឋាន និងអង្គការដៃគូ ក្នុងការចូលរួមដោះស្រាយបញ្ហាសង្គម និងកាត់បន្ថយភាពក្រីក្រ នៅតាមតំបន់ជនបទ។ ជាពិសេស គឺជាការចូលរួមក្នុងការការពារ និងគាំទ្រជនរងគ្រោះ ដើម្បីឲ្យពួកគេមានឱកាសរស់នៅល្អប្រសើរឡើង និងរួមចំណែកក្នុងការអភិវឌ្ឍសង្គមជាតិឲ្យកាន់តែរឹងមាំ៕

អត្ថបទ៖ វីរៈ

The post អភិបាល​ស្រុក​ទ្រាំង​ប្រគល់ផ្ទះមួយខ្នងជូនគ្រួសារ​រងគ្រោះដោយសារការចាញ់បោកមេខ្យល់ទៅប្រទេសថៃ appeared first on Kampuchea Thmey Daily.

លោក វ៉ាង វិនពីន បញ្ជាក់ថា ចិន និងកម្ពុជា គឺជាមិត្តដែកថែប នៅជាមួយគ្នាជាយូរណាស់មកហេីយ ហេីយចិននឹងបន្តសហការក្នុងការចូលរួមគាំទ្រដោះបញ្ហាព្រំដែនរវាងប្រទេសកម្ពុជា-ថៃ ដោយសន្តិវិធី។ លោក វ៉ាង វិនពីន (Wang Wenbin) បង្ហាញនូវការជឿជាក់បែបនេះ ក្នុងឱកាសនាំយកអំណោយមនុស្សធម៌ ជូនដល់បងប្អូនជនភៀសសឹក ដែលកំពុងស្នាក់នៅជម្រកបណ្តោះអាសន្នផ្ទះអតីតយុទ្ធជន នៅភូមិស្លក្រាម ឃុំស្លក្រាម ស្រុកស្វាយចេក ខេត្តបន្ទាយមានជ័យ នាថ្ងៃទី១២ ខែមេសា ឆ្នាំ២០២៦។

ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ លោក វ៉ាង វិនពីន (Wang Wenbin) ក៏បានធ្វើការជូនពរទៅដល់ថ្នាក់ដឹកនាំ ក៏ដូចជាប្រជាជនកម្ពុជា ពិសេសបងប្អូនជនភៀសសឹកក្នុងឱកាសឆ្នាំថ្មី សូមមានសុភមង្គល គ្រប់ក្រុមគ្រួសារ និងឆាប់បានវិ់លត្រឡប់ទៅលំនៅឋានវិញ។

ប្រទេសចិន គឺជាប្រទេសដំបូងគេដែលបានផ្តល់អំណោយជូនដល់ជនភៀសសឹក តាមបន្ទាត់ព្រំដែនកម្ពុជា-ថៃ ពិសេសនៅក្នុងខេត្តបន្ទាយមានជ័យ ដែរនេះគឺជាការចូលរួមចំណែកលើកកម្ពស់ជីវភាពប្រចាំថ្ងៃរបស់ប្រជាពលរដ្ឋ ពិសេសប្រជាពលរដ្ឋភៀសសឹក ក្នុងខេត្ត ដែលបានរងផលប៉ះពាល់ដោយសារសង្គ្រាមឈ្លានពាន ពីសំណាក់យោធាថៃ បានដាក់កុងតឺន័រ និងរាយបន្លាលួសហ៊ុំព័ទ្ធ បន្តគ្រប់គ្រងទាំងកម្រោល ក្នុងដែនអធិបតេយ្យភាពរបស់កម្ពុជា ដោយបានបំផ្លិតបំផ្លាញហេដ្ឋារចនាសម្ព័ន្ធ ផ្ទះប្រជាពលរដ្ឋចំនួនជាង២ពាន់ខ្នងត្រូវបានយោធាថៃបំផ្លាញចោល៕

អត្ថបទ៖ អ ពៅ

The post ទូតចិនប្រចាំកម្ពុជា ជឿជាក់លើការដឹកនាំរបស់ប្រមុខរាជរដ្ឋាភិបាលកម្ពុជា ក្នុងការដោះស្រាយបញ្ហាតាមព្រំដែន appeared first on Kampuchea Thmey Daily.

លោក ផន សុភាព តំណាងអគ្គនាយកក្រុមហ៊ុន OCIC លើកឡើងថា ការចែកអំណោយទៅដល់ប្រជាពលរដ្ឋដែលមានជីវភាពខ្វះខាតនាពេលនេះ មិនមែនជាលើកដំបូងនោះទេ គឺក្រុមហ៊ុនតែងតែគិតគូ និងចែកជូនជាច្រើនលើកច្រើនសារមកហើយ។ ជាក់ស្តែងពលរដ្ឋដែលមកទទួលអំណោយពេលនេះ មានចំនួន ១០០គ្រួសារ តំណាងឲ្យប្រជាពលរដ្ឋ ២១៨គ្រួសារ ដោយក្នុង ១គ្រួសារៗទទួលបានអំណោយ អង្ករ ៣០គីឡូក្រាម និងថវិការ ៥0,000រៀល។ លោក ផន សុភាព បន្ថែមថា ការចំណាយលើកនេះ មានចំនួន ២៧,២៥០,០០០រៀល និងយោងការចំណាយ ៣៦លើក កន្លងទៅចំនួន ១,០២៩,៦៥៤,០០០ រៀល នេះគឺជាកម្មវិធីចែកអំណោយលើកទី៣៧ ដូច្នេះគិតដល់បច្ចុប្បន្នលោកអគ្គនាយក បានឧបត្ថម្ភគិតជាប្រាក់ទាំងអស់ប្រមាណ ១,០៥៦,៩០៤,០០០ រៀល។

លោក ផន សុភាព លើកឡើងទៀតថា បច្ចុប្បន្នក្រុមហ៊ុនបានសហការយ៉ាងជិតស្និតជាមួយអាជ្ញាធរគ្រប់ជាន់ថ្នាក់ ជាពិសេសក្នុងមូលដ្ឋានសង្កាត់ព្រែកតាសេក ​សង្កាត់ព្រែកលៀប សង្កាត់ជ្រោយចង្វារ និងសាលាខណ្ឌ​​​​ជ្រោយ​ចង្វារ​ ក្នុងការចូលរួមថែរក្សាសន្តិសុខ សុវត្ថិភាពជូនប្រជាពលរដ្ឋ។ ក្រៅពីនោះក្រុមហ៊ុនបានសហការយ៉ាងជិតស្និតជាមួយរាជរដ្ឋាភិបាល និងសាលារាជធានីភ្នំពេញ ក្នុងការដោះស្រាយគោលនយោបាយ​ជូនប្រជាពលរដ្ឋ​ដែលទទួលរងផលប៉ះពាល់នៅក្នុងគម្រោងអភិវឌ្ឍន៍ទីក្រុងជ្រោយចង្វារ ប្រកបដោយសន្តិវិធី៕

The post ពលរដ្ឋ ២១៨គ្រួសារទទួលបានអំណោយពីក្រុមហ៊ុន OCIC នាឱកាសពិធីបុណ្យចូលឆ្នាំខ្មែរ appeared first on Kampuchea Thmey Daily.

ក្នុងឱកាសនោះ លោក ម៉ៅ ស៊ីថា បានថ្លែងថា សកម្មភាពមនុស្សធម៌នេះ គឺជាការចូលរួមអនុវត្តគោលនយោបាយរបស់រាជរដ្ឋាភិបាល ក្នុងការកាត់បន្ថយភាពក្រីក្រ និងលើកកម្ពស់សុខុមាលភាពប្រជាពលរដ្ឋ។ ព្រមទាំងបង្ហាញពីសាមគ្គីភាព និងស្មារតី «ខ្មែរជួយខ្មែរ» ក្នុងការជួយគ្នាក្នុងគ្រាលំបាក។

សូមបញ្ជាក់ដែរថា សប្បុរសជនដែលបានចូលរួមចែកអំណោយនាឱកាសនេះដែរមាន៖ លោកស្រី កែវ សុខគីម, លោក គោរម្យ ដាឡា, លោក ណុប សុផាត លោក សុត ពិសិដ្ឋ ,លោក មន បុត្រ, លោក ស្រី ម៉ៅស្រីរត្ន័ និង លោក មួង ភារត្ន័ លោក ចន្ទ ជៀប លោក មេឃុំ និងសប្បុរសជនជាច្រើនរូបទៀត។

អំណោយដែលបានផ្តល់ជូនក្នុងមួយគ្រួសារ រួមមាន អង្ករ ២៥ គីឡូក្រាម មីជាតិ ១ កេះ ទឹកត្រី ១ យួរ ទឹកស៊ីអ៊ីវ ១ យួរ ស្ករស ១ គីឡូក្រាម អំបិល ១ គីឡូក្រាម ប៊ីចេងកន្លះគីឡូក្រាម ច្រាសដុសធ្មេញ ៦ ដើម ថ្នាំដុសធ្មេញ ១ ប្រអប់ ថ្នាំប៉ារ៉ាបញ្ចុះកំដៅ ១ បន្ទះ និងថវិកា ៨០,០០០ រៀល។ អំណោយទាំងនេះ មានគោលបំណងជួយសម្រាលបន្ទុកជីវភាពប្រចាំថ្ងៃ និងលើកទឹកចិត្តដល់ប្រជាពលរដ្ឋដែលកំពុងប្រឈមនឹងការខ្វះខាត ឱ្យអាចបន្តរស់នៅដោយមានសុខុមាលភាពល្អប្រសើរឡើង៕

អត្ថបទ៖ វីរៈ

The post លោក ម៉ៅ ស៊ីថា នាំយកអំណោយមនុស្សធម៌ ចែកជូនពលរដ្ឋ ១៥គ្រួសារ នៅស្រុកសំរោង appeared first on Kampuchea Thmey Daily.

ក្នុងសកម្មភាពមនុស្សធម៌នេះ ក្រុមការងារបានផ្តល់ជូនសិស្សានុសិស្សចំនួន ២៨៨នាក់ កងកម្លាំងប្រដាប់អាវុធចំនួន ៧០នាក់ និងលោកគ្រូអ្នកគ្រូចំនួន ១៣នាក់ ដើម្បីជួយលើកទឹកចិត្ត និងគាំទ្រជីវភាពរស់នៅ និងការសិក្សានៅតំបន់ដែលកំពុងប្រឈមនឹងភាពលំបាក។

ក្នុងឱកាសនោះ ហៃ វណ្ណា បានពាំនាំការសាកសួរសុខទុក្ខពីសម្ដេចតេជោ ហ៊ុន សែន ជូនដល់គ្រួសារជនភៀសសឹក និងសិស្សានុសិស្សដែលកំពុងបន្តការសិក្សា ដោយបញ្ជាក់ពីការយកចិត្តទុកដាក់ និងការគាំទ្ររបស់ថ្នាក់ដឹកនាំជាតិចំពោះប្រជាពលរដ្ឋគ្រប់រូប។

លោក ហៃ វណ្ណា ក៏បានថ្លែងអំណរគុណចំពោះវិរកងទ័ព និងគ្រួសារ ព្រមទាំងលោកគ្រូអ្នកគ្រូ ដែលបន្តបំពេញភារកិច្ចបង្រៀននៅតាមជំរុំភៀសសឹក ទោះបីស្ថិតក្នុងស្ថានភាពលំបាកក៏ដោយ ប៉ុន្តែនៅតែបន្តខិតខំបង្រៀន និងលើកទឹកចិត្តសិស្សានុសិស្សឱ្យបន្តការសិក្សា។ លើសពីនេះ លោកក៏បានកោតសរសើរចំពោះការរក្សាអនាម័យបរិស្ថាន ទាំងនៅទីធ្លាសិក្សា និងក្នុងជីវិតប្រចាំថ្ងៃ ដែលបង្ហាញពីសណ្តាប់ធ្នាប់ល្អ និងវិន័យខ្ពស់ក្នុងសហគមន៍។

លោក ហៃ វណ្ណា តាងនាមឲ្យសមាគមជនជាតិខ្មែររស់នៅប្រទេសជប៉ុន បានថ្លែងអំណរគុណដល់កងកម្លាំងមូលដ្ឋាន និងលោកគ្រូអ្នកគ្រូ ដែលបានសហការយ៉ាងសកម្មក្នុងការអនុវត្តសកម្មភាពមនុស្សធម៌នេះ ព្រមទាំងសប្បុរសជនខ្មែរ និងជប៉ុន ដែលបានចូលរួមឧបត្ថម្ភសម្ភារៈសិក្សា និងថវិកា ដើម្បីរួមចំណែកលើកកម្ពស់វិស័យអប់រំ និងគាំទ្រសហគមន៍៕

The post សមាគមខ្មែរនៅជប៉ុន ចែកសម្ភារៈសិក្សា និងថវិកាជូនពលរដ្ឋ និងកងកម្លាំងនៅខេត្តព្រះវិហារ appeared first on Kampuchea Thmey Daily.

នាឱកាសនោះលោករដ្ឋមន្រ្តី បានថ្លែងអំណរគុណ និងកោតសរសើរចំពោះស្មារតីទទួលខុសត្រូវខ្ពស់របស់រដ្ឋបាលខេត្ត និងអាជ្ញាធរមានសមត្ថកិច្ចទាំងអស់ ដែលបានជួយអន្តរាគមន៍ដោះស្រាយបានទាន់ពេលវេលាក្នុងការជួយសង្គ្រោះប្រជាពលរដ្ឋភៀសសឹកទៅតំបន់មានសុវត្ថិភាព និងផ្តល់ការយកចិត្តទុកដាក់ខ្ពស់ក្នុងការធានាដល់ការផ្គត់ផ្គង់គ្រប់បែបយ៉ាងដល់ការស្នាក់នៅជាបណ្តោះអាសន្ន។

ឈរលើស្មារតី «ខ្មែរស្រឡាញ់ខ្មែរ ខ្មែរជួយខ្មែរ ខ្មែរតែមួយ» អំណោយដែលយើងត្រូវរួមគ្នាជួយនាពេលនេះគឺជាការឆ្លើយតបក្នុងគ្រាលំបាកខ្វះខាតទាំងឡាយនៅចំពោះមុខ ដែលរដ្ឋបាលខេត្តមានតម្រូវការជាច្រើនយកទៅដោះស្រាយតាមតម្រូវការជាក់ស្តែង។ ជាមួយគ្នានេះ លោករដ្ឋមន្រ្តីក៏បានជម្រាបជូនអំពីស្មារតីគាំទ្រ និងការជឿជាក់យ៉ាងមោះមុតរបស់ប្រជាពលរដ្ឋ កម្មករនិយោជិត និងនិយោជកនៅទូទាំងប្រទេស លើការដឹកនាំរបស់សម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត ក្នុងការការពារអធិបតេយ្យ និងបូរណភាពដែនដីកម្ពុជា ឱ្យបានសុខសន្តិភាព។

ក្នុងនាមរដ្ឋបាលខេត្ត លោក មាន ចាន់យ៉ាដា បានថ្លែងអំណរគុណយ៉ាងជ្រាលជ្រៅជាទីបំផុតចំពោះថ្នាក់ដឹកនាំក្រសួង មន្រ្តីរាជការ សប្បុរសជន ម្ចាស់រោងចក្រ សហគ្រាស ក្រុមហ៊ុន ថ្នាក់ដឹកនាំសហជីព និងបងប្អូនកម្មករនិយោជិតទាំងអស់ ដែលបាននាំមកជាអំណោយថវិកា និងសម្ភារ សម្រាប់ផ្តល់ជូនដល់ជនភៀសសឹក និងក្រុមគ្រួសារវីរកងទ័ពនាពេលនេះ។

អំណោយនាពេលនេះ រួមមាន៖ ថវិកាចំនួន ៤០លានរៀល ជូនរដ្ឋបាលខេត្ត និងចំនួន ៩០លានរៀលបន្ថែមទៀតសម្រាប់ជូនដល់ ៦អង្គភាព (អង្គភាពនីមួយៗទទួលបាន ១៥លានរៀល), ម៉ូតូ(Wave)ចំនួន ១២គ្រឿង, ផ្ទាំងសូឡា, អាយកូម, គ្រឿងឧបភោគបរិភោគ, ភេសជ្ជៈ, ថ្នាំសង្កូវ និងទឹកដោះគោឆៅ។

ជាចុងក្រោយក្នុងឱកាសបុណ្យចូលឆ្នាំសកល ឆ្នាំ២០២៦នេះ  ឯកឧត្តមរដ្ឋមន្រ្តីបានជូនពរឱ្យថ្នាក់ដឹកនាំរដ្ឋបាលខេត្ត មន្រ្តីរាជការ អាជ្ញាធរ កងកម្លាំងប្រដាប់អាវុធគ្រប់ប្រភេទ ជាពិសេសវីរកងទ័ពជួរមុខសូមមានសុខសុវត្ថិភាព និងឈ្នះអស់មារសត្រូវទាំងឡាយ៕

The post លោក ហេង សួរ ដឹកនាំមន្ត្រីចុះសួរសុខទុក្ខ និងផ្តល់អំណោយដល់រដ្ឋបាលខេត្តឧត្តរមានជ័យ ដើម្បីយកទៅប្រើប្រាស់តាមតម្រូវការជាក់ស្តែង appeared first on Kampuchea Thmey Daily.