លោក បានគូសបញ្ជាក់ថា ការប្រយុទ្ធប្រឆាំងអំពើជួញដូរមនុស្ស គឺទាមទារនូវការចូលរួមពីគ្រប់ភាគីពាក់ព័ន្ធ ជាពិសេសប្រព័ន្ធផ្សព្វផ្សាយ និងអ្នកសារព័ត៌មាន ដែលមានតួនាទីសំខាន់ក្នុងការផ្សព្វផ្សាយព័ត៌មានពិត អប់រំប្រជាពលរដ្ឋ និងបង្ការការចាញ់បោកមេខ្យល់ ឬបណ្តាញជួញដូរមនុស្ស។

ការស្នើរបស់រដ្ឋមន្ត្រីក្រសួងព័ត៌មានបែបនេះ បានធ្វើឡើងនៅក្នុងសិក្ខាសាលាស្តីពី «វិធានការបង្ការ ទប់ស្កាត់អំពើជួញដូរមនុស្សគ្រប់ទម្រង់ និងទេសន្តរប្រវេសន៍» កាលពីព្រឹកថ្ងៃទី២៦ ខែឧសភា ឆ្នាំ២០២៦ នៅទីស្តីការក្រសួងព័ត៌មាន។ ក្នុងសិក្ខាសាលានេះក៏មានវត្តមានចូលរួមពីលោកស្រី ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្រ្តៃយ៍នៃគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស ក្នុងការធ្វើបទបង្ហាញអំពីការងារប្រយុទ្ធប្រឆាំងនឹងអំពើជួញដូរមនុស្ស។

សម្រាប់លោករដ្ឋមន្រ្តី នេត្រ ភក្ត្រា ការប្រយុទ្ធប្រឆាំងអំពើជួញដូរមនុស្ស មិនអាចពឹងផ្អែកតែលើការអនុវត្តច្បាប់ប៉ុណ្ណោះទេ ប៉ុន្តែលោកកត់សម្គាល់ថា ត្រូវមានការបង្ការទប់ស្កាត់ អប់រំ ការផ្សព្វផ្សាយព័ត៌មានត្រឹមត្រូវ ការជួយសង្គ្រោះជនរងគ្រោះ និងកិច្ចសហការអន្តរស្ថាប័ន ព្រមទាំងការចូលរួមរបស់សង្គមទាំងមូល។

លោក ថា អំពើជួញដូរមនុស្ស ឬការធ្វើចំណាកស្រុកដោយខុសច្បាប់ មិនត្រឹមតែប៉ះពាល់ដល់មនុស្សម្នាក់ៗទេ ប៉ុន្តែប៉ះពាល់ដល់សេចក្ដីថ្លៃថ្នូររបស់មនុស្ស សុវត្ថិភាពសង្គម សណ្ដាប់ធ្នាប់សាធារណៈ សេដ្ឋកិច្ច គ្រួសារ និងកិត្តិយសជាតិ។ ដូច្នេះការជួយសង្គ្រោះជនរងគ្រោះពីការជួញដូរ ពិតជាមានសារៈសំខាន់ ប៉ុន្តែលើសពីនេះលោកសង្កត់ធ្ងន់ថា ការបង្ការមិនឱ្យពលរដ្ឋធ្លាក់ចូលអន្ទាក់ឧក្រិដ្ឋជន គឺកាន់តែសំខាន់៕

ដោយ៖ ធឿន វ៉ាន់សុង

The post រដ្ឋមន្ត្រីក្រសួងព័ត៌មានស្នើប្រព័ន្ធផ្សព្វផ្សាយចូលរួមបង្ការទប់ស្កាត់អំពើជួញដូរមនុស្ស appeared first on Kampuchea Thmey Daily.

លោក ទូច សុឃៈ បានឱ្យដឹងថា ប្រតិបត្តិការបង្ក្រាបអំពើជួញដូរមនុស្ស និងអាជីវកម្មផ្លូវភេទ ដែលសរុប១៤៧ករណី គឺសមត្ថកិច្ចបានឃាត់ខ្លួនជនសង្ស័យចំនួន២០៥នាក់ មានស្រី៣៧នាក់ និងជនបរទេស១៩នាក់ ដោយត្រូវបានអនុវត្តនូវវិធានការបញ្ជូនទៅសាលាដំបូងរាជធានីខេត្ត។

បើតាមអ្នកនាំពាក្យរង ក្នុងចំណោមការបង្ក្រាបទាំង១៤៧ករណីនោះ មានអំពើជួញដូរមនុស្សបង្ក្រាបបានចំនួន៥៥ករណី ឃាត់ខ្លួនមនុស្ស៧៩នាក់ ស្រី៧នាក់ ជនបរទេស១៣នាក់ និងសង្គ្រោះជនរងគ្រោះបានចំនួន២០០នាក់។ ខណៈអាជីវកម្មផ្លូវភេទបង្ក្រាបបានចំនួន៩២ករណី ឃាត់ខ្លួនមនុស្ស១២៦នាក់ ស្រី៣០នាក់ ជនបរទេស៦នាក់ និងសង្គ្រោះជនរងគ្រោះ២៨៣នាក់។ ជារួមទាំងអំពើជួញដូរមនុស្ស និងអាជីវកម្មផ្លូវភេទ សមត្ថកិច្ចបានរំដោះជនរងគ្រោះសរុប៤៨៣នាក់។

ក្នុងរយៈពេលដូចគ្នានេះ ក្រសួងមហាផ្ទៃ ក៏បានសហការជាមួយក្រសួងការបរទេស និងសហប្រតិបត្តិការអន្តរជាតិ និងស្ថាប័នជំនាញទាំងក្នុង និងក្រៅប្រទេស ជួយអន្តរាគមន៍ឱ្យពលរដ្ឋខ្មែរបានត្រឡប់មកប្រទេសកម្ពុជាវិញសរុប១៥៧នាក់ ក្នុងនោះមានអនីតិជន៣៦នាក់។ នេះជាការបន្ថែមឱ្យដឹងពីលោក ទូច សុឃៈ៕

The post ៩ខែ សមត្ថកិច្ចក្រសួងមហាផ្ទៃ ឃាត់មនុស្សជាង២០០នាក់ក្នុងអំពើជួញដូរមនុស្ស និងអាជីវកម្មផ្លូវភេទ appeared first on Kampuchea Thmey Daily.

តាមរបាយការណ៍របស់ក្រសួងការបរទេសសហរដ្ឋអាមេរិក ដែលបានចេញផ្សាយកាលពីថ្ងៃទី២៩ ខែកញ្ញា បានចោទរដ្ឋាភិបាលកម្ពុជា ថា មិនបានខិតខំទប់ស្កាត់បទល្មើសជួញដូរមនុស្សឡើយ។

អ្នកនាំពាក្យរងក្រសួងមហាផ្ទៃ លោក ទូច សុឃៈ បានប្រតិកម្មតបនឹងការចេញរបាយការណ៍ខាងលើ ដោយលោកលើកឡើងថា របាយការណ៍នេះមិនបានឆ្លុះបញ្ចាំងអំពីកិច្ចខិតខំប្រឹងប្រែងគ្រប់ជ្រុងជ្រោយរបស់ប្រទេសកម្ពុជានោះទេ ពាក់ព័ន្ធនឹងការងារប្រយុទ្ធប្រឆាំងនឹងអំពើជួញដូរមនុស្សនៅកម្ពុជា។

ថ្លែងប្រាប់កម្ពុជាថ្មី នាថ្ងៃទី២ ខែតុលា ឆ្នាំ២០២៥នេះ លោក ទូច សុឃៈ បានអះអាងអំពីការខិតខំរបស់កម្ពុជា រាប់ចាប់តាំងពីអាណត្តិរដ្ឋាភិបាលដឹកនាំដោយសម្ដេចតេជោ ហ៊ុន សែន ជាអតីតនាយករដ្ឋមន្ត្រី និងបន្តដល់នីតិកាលទី៧ ដែលមានសម្ដេចធិបតី ហ៊ុន ម៉ាណែត ជាប្រមុខ ក្នុងការប្ដេជ្ញាចិត្តខ្ពស់ប្រយុទ្ធប្រឆាំងដាច់ខាតរាល់ទម្រង់នៃឧក្រិដ្ឋកម្មឆ្លងដែន ជាពិសេសអំពើជួញដូរមនុស្សនេះតែម្ដងដែលកំពុងក្លាយជាបញ្ហាសកលដ៏ស្មុគស្មាញ សូម្បីតែសហរដ្ឋអាមេរិកខ្លួនឯងក៏មានបញ្ហានេះដែរ។

លោក ទូច សុឃៈ បានទទួលស្គាល់ពីចំណុចខ្វះខាតរបស់កម្ពុជាក្នុងសកម្មភាពប្រយុទ្ធប្រឆាំងអំពើជួញដូរមនុស្សនេះ ក៏ប៉ុន្តែលោកក៏ចង់ឱ្យការធ្វើរបាយការណ៍មួយណានោះ គឺត្រូវធ្វើយ៉ាងណាធានាឱ្យបាននូវការវាយតម្លៃមួយគ្រប់ជ្រុងជ្រោយ ស្របតាមជំនាញ កត្តាវិទ្យាសាស្ត្រ និងឆ្លុះបញ្ចាំងជារួមពីគោលជំហររបស់សហរដ្ឋអាមេរិក។

សម្រាប់បទល្មើសជួញដូរមនុស្ស ដែលកំពុងក្លាយជាបញ្ហារួមជាសកលនោះ អ្នកនាំពាក្យរងក្រសួងមហាផ្ទៃ បានទាមទារនូវកិច្ចសហប្រតិបត្តិការ ទាំងក្របខណ្ឌទ្វេភាគី ពហុភាគី ក្នុងតំបន់ និងអន្តរជាតិឱ្យកាន់តែទូលំទូលាយបន្ថែមទៀតរវាងប្រទេសនិងប្រទេស ដើម្បីសម្រេចបាននូវគោលដៅរួម គឺលុបបំបាត់ការជួញដូរមនុស្ស។ ខណៈកម្ពុជាតែងតែផ្ដល់នូវកិច្ចសហការជាមួយបណ្ដាប្រទេសទាំងអស់លើពិភពលោក រាប់ទាំងសហរដ្ឋអាមេរិក ក្នុងការប្រយុទ្ធប្រឆាំងនឹងបទឧក្រិដ្ឋកម្មឆ្លងដែន មានជាអាទិ៍ ភេរវកម្ម ឧក្រិដ្ឋកម្មជួញដូរអាវុធ រត់ពន្ធគ្រឿងញៀន លាងលុយកខ្វក់ និងអំពើជួញដូរមនុស្សនេះតែម្ដង៕

The post របាយការណ៍អាមេរិកចោទកម្ពុជាអត់ខំទប់ស្កាត់អំពើជួញដូរមនុស្ស ក្រសួងមហាផ្ទៃ ថា មិនឆ្លុះបញ្ចាំងពីការពិតឡើយ appeared first on Kampuchea Thmey Daily.

បើតាមឧត្តមសេនីយ៍ឯក សុខ វាសនា អគ្គនាយកនៃអគ្គនាយកដ្ឋានអន្តោប្រវេសន៍ ជនរងគ្រោះដោយអំពើជួញដូរមនុស្សទាំង១១៨នាក់ ត្រូវបានសមត្ថកិច្ចអន្តោប្រវេសន៍អន្តរាគមន៍ក្នុងករណីសរុបចំនួន៥៩ ដែលភាគច្រើនត្រូវបានគេអូសទាញឱ្យទៅរៀបការដោយខុសច្បាប់ជាមួយជាជនបរទេស បានធ្វើឡើងជាក្រុមៗ។

ឆ្លើយនឹងសំណួរថាតើមន្ត្រីនគរបាលអន្តោប្រវេសន៍ប្រើវិធីសាស្រ្តបែបណា ទើបអាចសន្និដ្ឋានដឹងអំពីរឿងនេះ លោកឧត្តមសេនីយ៍ឯក បានឱ្យដឹងថា ករណីសង្ស័យបានស្ដែងឡើងជាអាទិ៍ស្ត្រីរងគ្រោះមានវ័យក្មេងៗ ខ្លះធ្វើដំណើរទៅក្រៅប្រទេសដោយគ្មានគោលដៅ ឬថាទៅដើរលេង តែមិនដឹងដើរលេងនៅឯណាឱ្យពិតប្រាកដ ឬខ្លះគ្មានថវិកាសមស្របសម្រាប់ធ្វើដំណើរទៅក្រៅប្រទេស និងខ្លះទៀតស្ដែងអាការៈមិនប្រក្រតីនៅចំពោះមុខសមត្ថកិច្ចតែម្ដង។

លោកឧត្តមសេនីយ៍ឯក បានបន្ថែមថា បន្ទាប់ពីមានការសង្ស័យ សមត្ថកិច្ចជំនាញបានសាកសួរព័ត៌មានបឋម និងរាយការណ៍ទៅមន្ត្រីជំនាញពាក់ព័ន្ធនឹងការប្រយុទ្ធប្រឆាំងអំពើជួញដូរមនុស្ស ដើម្បីសាកសួរនិងស្រាវជ្រាវលម្អិតរហូតឈានទៅសន្និដ្ឋានបានថា អ្នកទាំងនោះបានចាញ់បោកមេខ្យល់ ដោយអូសទាញ លួងលោម ទាំងតាមរយៈចិត្តសាស្ត្រ ទឹកប្រាក់ សម្ភារៈនិយម និងការផ្ដល់ក្ដីសង្ឃឹមផ្សេងៗ។

លោក សុខ វាសនា បានលើកឡើងថា ក្នុងនាមជាសេនាធិការរបស់ក្រសួងមហាផ្ទៃលើការងារគ្រប់គ្រងច្រកទ្វារព្រំដែន ស្របតាមបទបញ្ជាដឹកនាំរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រី និងការទទួលដឹកនាំអនុវត្តប្រកបដោយភាពម៉ឺងម៉ាត់គ្រប់ជ្រុងជ្រោយរបស់លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អគ្គនាយកដ្ឋានអន្តោប្រវេសន៍ បានរួមចំណែកទាំងការទប់ស្កាត់ និងការសម្របសម្រួលទទួលស្ត្រីខ្មែរដែលជាជនរងគ្រោះនៃអំពើជួញដូរមនុស្ស រួមទាំងករណីអូសទាញបោកបញ្ឆោតទៅរៀបការជាមួយជនបរទេស។

ជាក់ស្ដែង រយៈពេល៦ខែដូចគ្នានេះ មន្ត្រីអន្តោប្រវេសន៍ក្រសួងមហាផ្ទៃ ក៏បានផ្ដល់កិច្ចសហការសម្របសម្រួលទទួលស្រ្តីខ្មែរជាជនរងគ្រោះនៃអំពើជួញដូរមនុស្សនៅប្រទេសចិនចំនួន៧៨ករណី។ តាមលោកអគ្គនាយកអន្តោប្រវេសន៍ ចំណោមករណីសម្របសម្រួលទទួលទាំង៧៨នោះ គឺមានមនុស្សសរុប១៨៨នាក់ ក្នុងនោះ ស្ត្រីរងគ្រោះមានរហូតដល់ទៅ ១៨៧ នាក់។ ក្នុងន័យនេះ លោកបានអំពាវនាវប្រជាពលរដ្ឋនិងភាគីពាក់ព័ន្ធ រួមគ្នាអប់រំផ្សព្វផ្សាយបង្កើតទប់ស្កាត់បញ្ហានេះ ជាពិសេសស្ត្រីត្រូវប្រុងប្រយ័ត្នកុំជឿតាមការអូសទាញ នឹងត្រូវស្វែងរកព័ត៌មានឱ្យបានច្បាស់លាស់មុនសម្រេចចិត្តចេញទៅក្រៅប្រទេសតាមបុគ្គលមួយចំនួន៕

The post ៦ខែ កម្ពុជាទប់ស្កាត់ករណីសង្ស័យជួញដូរមនុស្ស១១៨នាក់ ដែលត្រូវអូសទាញទៅរៀបការ appeared first on Kampuchea Thmey Daily.

នគរបាល​បាន​ប្រាប់​ថា ដោយ​អនុវត្ត​តាម​បទបញ្ជា​របស់ លោក​ឧត្ដមសេនីយ៍​ឯក ជួន ណារិន្ទ អគ្គ​ស្នងការ​រង និង​ជា​ស្នងការ​នគរបាល​រាជធានី​ភ្នំពេញ និង​មាន​ការ​សម្របសម្រួល​ពី​ព្រះរាជអាជ្ញា​រង​អម​សាលាដំបូង​រាជធានី​ភ្នំពេញ កម្លាំង​ការិយាល័យ​ប្រឆាំង​ការ​ជួញដូរ​មនុស្ស និង​ការពារ​អនីតិជន ដឹកនាំ​ដោយ​លោក​ឧត្ដមសេនីយ៍​ទោ ចាន់ កិត្តិខុម ស្នងការ​រង ផែន​ការងារ​ប្រឆាំង​ការ​ជួញដូរ​មនុស្ស និង​ការពារ​អនីតិជន និង​ការងារ​យេនឌ័រ និង​លោកស្រី​ឧត្ដមសេនីយ៍​ត្រី ឆេង សារ៉េត ស្នងការ​រង ទទួល​ដឹកនាំ​ការិយាល័យ​ប្រឆាំង​ការ​ជួញដូរ​មនុស្ស និង​ការពារ​អនីតិជន បាន​ចុះ​បង្ក្រាប​ហាង​ម៉ាស្សា ១ កន្លែង យីហោ ម៉ាស្សា​សុខភាព ដែល​មាន​ទីតាំង​ស្ថិត​នៅផ្ទះ ២ ល្វែង លេខ ១៣៩&១៤១ ផ្លូវ 8m ភូមិ​ស្ងួន​ពេជ្រ សង្កាត់​កន្ទោក ខណ្ឌ​កំបូល និង​ឃាត់ខ្លួន​ជនសង្ស័យ​ឈ្មោះ ថា​ន់ សុខ​ហេង ភេទ​ស្រី ជនជាតិ​ខ្មែរ (​ថៅកែ​ហាង​ម៉ាស្សា)។

ក្នុង​ប្រតិបត្តិការ​នោះ​ដែរ កម្លាំង​ជំនាញ បាន​សង្គ្រោះ​ជនរងគ្រោះ​ចំនួន ៥ នាក់ ជា​អនីតិជន (​ស្រី ៤ នាក់​ , ភេទ​ទីបី ១ នាក់​) រួម​នឹង​ដកហូត​វត្ថុ​តាង​មួយ​ចំនួន យក​មក​កាន់​ការិយាល័យ ដើម្បី​ធ្វើការ​សាកសួរ និង​អនុវត្ត​តាម​នីតិវិធី។

បន្ទាប់ពី​ការ​សង្គ្រោះ ជនរងគ្រោះ ត្រូវ​បាន​បញ្ជូន​ទៅ​មន្ទីរ​សង្គមកិច្ច និង ស្តារ​នីតិ​សម្បទា ដើម្បី​ធានា​ថា​ពួកគេ​ទទួល​បាន​ការ​ការពារ សេរីភាព និង​ជំនួយ​ចាំបាច់​ផ្សេងៗ ដូចជា​ សេវា​សុខភាព ការពារ​ផ្លូវ​ច្បាប់ និង​សេវា​ពិគ្រោះ​យោបល់​ផ្លូវចិត្ត។ ដោយឡែក​ជនសង្ស័យ​ដែល​ជា​ម្ចាស់​ទីតាំង​ នគរបាល​ជំនាញ​ បាន​កសាង​នីតិវិធី​បញ្ជូន​ទៅ​តុលាការ​ចាត់ការ​តាម​ផ្លូវ​ច្បាប់៕

អត្ថបទ ៖ សំណាង

The post កម្លាំងការិយាល័យប្រឆាំងការជួញដូរមនុស្ស និងការពារអនីតិជន សង្គ្រោះជនរងគ្រោះជាអនីតិជន ៥ នាក់ ពីកន្លែងម៉ាស្សា ១ កន្លែង appeared first on Kampuchea Thmey Daily.

ប្រតិបត្តិការនេះធ្វើឡើងកាលពីយប់​ថ្ងៃ​ទី​៨​ ខែមិថុនា​ ឆ្នាំ​២០២៥ ដឹកនាំដោយលោក​ឧត្តមសេនីយ៍ទោ​ សុក​ សំបូរ​ ប្រធាន​នាយកដ្ឋាន​ប្រឆាំង​ការ​ជួញដូរ​មនុស្ស​និង​ការពារ​អនីតិជន ក្រោមការសម្របសម្រួលពីលោក​ សំ​ម​ ប្ញ​ទ្ធី​វាសនា​ ព្រះរាជអាជ្ញា​រង​នៃ​អយ្យការ​អម​សាលាដំបូង​រាជធានី​ភ្នំពេញ​ ស្ថិត​នៅ​ក្បាលដី​៥៧៦​ ផ្លូវ​៥០​ម៉ែត្រ​ ភូមិ​ប្រការ​ សង្កា​ត់​ព្រៃ​ស​ ខណ្ឌដង្កោ​ រាជធានី​ភ្នំពេញ​។

តាមរបាយការណ៍របស់អគ្គស្នងការដ្ឋាននគរបាលជាតិ បានឲ្យដឹងនៅរសៀលថ្ងៃទី៩មិថុនា នេះថា ក្នុងប្រតិបត្តិការ​ចុះ​ត្រួតពិនិត្យ​ និង​បង្ក្រាប​ជាក់ស្តែង​ កម្លាំងជំនាញបានឆែកឆេរ​នៅ​ចំពោះ​មុខ​តំណាង​ម្ចាស់​ទីតាំង​ រក​ឃើញ​មនុស្ស​ចំនួន​១២១​នាក់​ (​ស្រី​១០៤​នាក់​ និង​ប្រុស​១៧​នាក់​)​ ក្នុង​នោះ​រក​ឃើញ​មាន​អនីតិជន​១៤​នាក់។ ក្រោយពីឃាត់ខ្លួន កម្លាំងជំនាញបានបញ្ជូនមនុស្សប្រសីទាំង១២១នាក់ ទៅនាយកដ្ឋានប្រឆាំង​ការ​ជួញដូរ​មនុស្ស​ និង​ការពារ​អនីតិជន ​ដើម្បី​បន្ត​នីតិវិធី​៕

The post បង្ក្រាប​​ភោជនីយដ្ឋាន​ និង​ខារ៉ាអូខេ​ ដាយ​មិន​ស្តារ​ ​ទួល​ពង្រ ឃាត់ខ្លួនមនុស្សប្រុសស្រី១២១នាក់ ពាក់ព័ន្ធករណីបង្កប់​សេវាកម្ម​ផ្លូវភេទ appeared first on Kampuchea Thmey Daily.

ប្រតិបត្តិការនេះបានធ្វើឡើងនៅវេលាម៉ោង១០និង៣៥នាទីយប់ ថ្ងៃទី២៤ ខែមេសា ឆ្នាំ២០២៥ ស្ថិតនៅតាមបណ្តោយផ្លូវបេតុងអមផ្លូវរថភ្លើង ចំណុចភូមិព្រៃសាលា សង្កាត់កាកាបទី២ ខណ្ឌពោធិសែនជ័យ រាជធានីភ្នំពេញ។

មន្រ្តីនគរបាលជំនាញបានឲ្យដឹងថា ការចុះបង្ក្រាបនេះ ធ្វើឡើងបន្ទាប់ពីមានសេចក្ដីរាយការណ៍ថា ទីតាំងភោជនីដ្ឋានយីហោ ត្នោតផ្អែម ខាងលើសង្ស័យមានលួចបង្កប់សេវ៉ាបម្រើផ្លូវភេទ ទើបសមត្ថកិច្ចដាក់កម្លាំងជំនាញសហការជាមួយកម្លាំងសមត្ថកិច្ចនៃអធិការដ្ឋាននគរបាលខណ្ឌពោធិ៍សែនជ័យ ស្រាវជ្រាវរហូតឈានដល់ការឆ្មក់ចុះបង្រ្កាបជាក់ស្តែងតែម្តង និងបានឃាត់ខ្លួនមនុស្សប្រុសស្រីជាច្រើននាក់ ព្រមទាំងដកហូតសម្ភារៈផ្សេងៗមួយចំនួន ចំណែកអ្នកដែលមិនមានការពាក់ព័ន្ធ ត្រូវបានឲ្យចេញត្រឡប់ទៅវិញធម្មតា។

ក្រោយពីធ្វេីការឃាត់ខ្លួនរួចសមត្ថកិច្ចក៏បាននាំខ្លួនបុរស​ និងនារីជាច្រើននាក់ រួមមានសម្ភារៈមួយចំនួនដឹកតាមរថយន្តយកទៅអគ្គស្នងការដ្ឋាននគរបាលជាតិ ដើម្បីសួរនាំបន្ត និងចាត់ការតាមនីតិវិធីច្បាប់៕

អត្ថបទ៖ សុភា

The post បង្រ្កាបទីតាំងហាងយីហោ ត្នោត ផ្អែម ឃាត់ខ្លួនមនុស្សប្រុសស្រីច្រើននាក់ពាក់ព័ន្ធការបង្កប់សេវាកម្មផ្លូវភេទ appeared first on Kampuchea Thmey Daily.

ប្រតិបត្តិការនេះបានធ្វើឡើងនៅវេលាម៉ោងជាង១១យប់ ថ្ងៃទី២៤ ខែកុម្ភៈ ឆ្នាំ២០២៥ នៅតាមបណ្ដោយផ្លូវ ១៩៥២ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

ប្រភពពីនគរបាលជំនាញបានឲ្យដឹងថា មុនឈានដល់ការចុះបង្ក្រាបទីតាំងហាង ម្លប់ធ្នង់ មានលាភ នេះ គឺមានសេចក្ដីរាយការណ៍មកថា ក្នុងទីតាំងហាងនេះ មានបង្កប់ដោយនារីបម្រើសេវាផ្លូវភេទជាច្រើននាក់នៅក្នុងហាង។ មន្ត្រីជំនាញថា ក្នុងករណីភ្ញៀវដែលមកផឹកស៉ី ស្រវឹងហើយត្រូវការនារីមប្រើសេវាផ្លូវភេទ ហើយតថ្លៃត្រូវគ្នា ក៏មានសេវានោះតែម្ដង។

ក្នុងរង្វង់ប្រតិបត្តិការនេះ កម្លាំងនគរបាលបានឃាត់មនុស្សស្រីជាង២០នាក់ និងអ្នកគ្រប់គ្រងទីតាំងហាងយកទៅនាយកដ្ឋាននគរបាលប្រឆាំងការជួញដូរមនុស្ស និងការពារអនិតិជន នៃអគ្គស្នងការនគរបាលជាតិ ដើម្បីអនុវត្តបន្តតាមនីតិវិធី៕

អត្ថបទ៖ សុភា

The post បង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌ​សែនសុខ ឃាត់ខ្លួននារីជាង២០នាក់ appeared first on Kampuchea Thmey Daily.