តាមការចុះផ្សាយរបស់ KCNA នៅថ្ងៃសុក្រទី២ខែកុម្ភៈ, លោក គីម បានប្រកាសបែបនេះ ពេលចុះត្រួតពិនិត្យរោងចក្រផលិតនាវា Nampho នៅឯកំពង់ផែធំមួយ លើឆ្នេរភាគខាងលិច ដើម្បីពិនិត្យការសាងសង់នាវាចម្បាំងថ្មីៗ។

លោក គីម និយាយថា “ការពង្រឹងកម្លាំងទ័ពជើងទឹក បានក្លាយជាបញ្ហាសំខាន់បំផុត ក្នុងការការពារអធិបតេយ្យដែនសមុទ្រ ប្រកបដោយភាពជឿជាក់របស់ប្រទេស និងបង្កើនការត្រៀមលក្ខណៈសម្រាប់សង្រ្គាមនាពេលនេះ”។

ក្នុងអំឡុងពេលនោះ លោក គីម ក៏ស្តាប់របាយការណ៍សង្ខេបអំពីការសាងសង់នាវាចម្បាំង ស្របតាមផែនការមេរយៈពេលប្រាំឆ្នាំ ដើម្បីពង្រឹងកម្លាំងយោធា​ ដែលដាក់ចេញក្នុងសមាជបក្សកាលពីខែមករាឆ្នាំ២០២១ផងដែរ។

សេចក្តីប្រកាសរបស់លោក គីម កើតឡើងបន្ទាប់ពី កូរ៉េខាងជើងទើបធ្វើតេស្តមីស៊ីលយុទ្ធសាស្រ្តប្រភេទថ្មី បាញ់ចេញពីនាវាមុជទឹក ដែលមានការត្រួតពិនិត្យផ្ទាល់ពីរូបគាត់។

មីស៊ីលនោះមានឈ្មោះ Pulhwasal-3-31 ហើយក្នុងការធ្វើតេស្ត មីស៊ីលបានហោះលើសមុទ្រនៅភាគខាងកើតប្រទេស និងវាយប្រហារចំគោលដៅលើកោះមួយ។

សូមបញ្ជាក់ មីស៊ីលផ្លោងរបស់កូរ៉េខាងជើង ត្រូវបានហាមឃាត់ដាច់ខាត ក្រោមសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ។

ទោះបីជាយ៉ាងណាក៏ដោយ ក្នុងរយៈពេលប៉ុន្មានខែថ្មីៗនេះ កូរ៉េខាងជើងបានសាកល្បងអាវុធជាច្រើនប្រភេទ ដែលរួមមានប្រព័ន្ធមីស៊ីលផ្លោងដែលកំពុងស្ថិតក្រោមការអភិវឌ្ឍ និងយានគ្មានមនុស្សបើកនៅក្រោមទឹកផងដែរ។

កាលពីឆ្នាំមុន កូរ៉េខាងជើងថែមទាំងសម្ពោធ នាវាមុជទឹកវាយប្រហារនុយក្លេអ៊ែរលើកដំបូងរបស់ខ្លួនទៀតផង ដោយអ្នកវិភាគនិយាយថា នាវាមុជទឹកនោះហាក់ដូចជាច្នៃពីនាវាមុជទឹកដែលមានស្រាប់ ដើម្បីផ្ទុកមីស៊ីលផ្លោង៕

អត្ថបទ៖ សុខ សុវណ្ណ

ចុចអាន៖ កូរ៉េខាងជើង ធ្វើតេស្តមីស៊ីលប្រភេទថ្មី បាញ់ចេញពីនាវាមុជទឹក

The post លោក គីម ជុងអ៊ុន ប្រកាសឲ្យកងទ័ព ត្រៀមធ្វើសង្គ្រាម appeared first on Kampuchea Thmey Daily.

ឧកញ៉ា ហ៉ី គីមហុង ម្ចាស់ក្រុមហ៊ុនពិភពដីមាស ត្រូវបាន លោក សេង ហៀង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ចោទប្រកាន់ពីបទ «ឆបោកមានស្ថានទម្ងន់ទោស» តាមមាត្រា៣៨០ នៃក្រមព្រហ្មទណ្ឌ ខណៈក្រុមអង្គរក្សរបស់លោកត្រូវបានតុលាការចោទប្រកាន់ពីបទ «ហិង្សាមានស្ថានទម្ងន់ទោស» តាមមាត្រ២១៨ នៃក្រមព្រហ្មទណ្ឌ។

គួរឱ្យដឹងថា ឧកញ៉ា ហ៉ី គីមហុង ម្ចាស់ក្រុមហ៊ុនពិភពដីមាស និងក្រុមអង្គរក្សសរុប ១៤នាក់ ពាក់ព័ន្ធករណីបោកប្រាស់ប្រជាពលរដ្ឋ ត្រូវបានសមត្ថកិច្ចបញ្ជូនទៅកាន់សាលាដំបូងរាជធានីភ្នំពេញ នៅរសៀលថ្ងៃទី៨ ខែសីហា ឆ្នាំ២០២៣។ ពេលបញ្ជូនដល់តុលាការ មានប្រជាពលរដ្ឋជាច្រើនរយនាក់ បានតម្រង់ជួរនៅមុខសាលាដំបូងរាជធានីភ្នំពេញ ដើម្បីចូលបំភ្លឺនៅចំពោះមុខតុលាការ។

កម្លាំងស្នងការដ្ឋាននគរបាលរាជធានីភ្នំពេញ បានចាប់ខ្លួនឧកញ៉ា ហ៉ី គីមហុង ម្ចាស់ក្រុមហ៊ុនពិភពដីមាស និងក្រុមអង្គរក្សសរុប ១៤នាក់ ពាក់ព័ន្ធករណីបោកប្រាស់ប្រជាពលរដ្ឋកាលពីរសៀលថ្ងៃទី៧ ខែសីហា ឆ្នាំ២០២៣ នៅស្នាក់ការក្រុមហ៊ុនពិភពដីមាស ស្ថិតក្នុងភូមិត្រពាំងថ្លាន់ សង្កាត់ពន្សាំង ខណ្ឌព្រែកព្នៅ។ ការចាប់ខ្លួនឧកញ៉ាម្ចាស់ក្រុមហ៊ុនពិភពដីមាសរូបនេះ ធ្វើឡើងតាមដីកាបញ្ជាឱ្យចូលខ្លួនរបស់ព្រះរាជអាជ្ញា នៃអយ្យការអមសាលាដំបូងរាជធានីភ្នំពេញ។ នៅពេលចុះអនុវត្តដីកា ក្រុមអង្គរក្សឧកញា បានរារាំងសមត្ថកិច្ច និងបានប្រើហិង្សាទៅលើកម្លាំងសមត្ថកិច្ចផងដែរ។

ប្រភពព័ត៌មាននៅកន្លែងកើតហេតុ បានបញ្ជាក់ថា ក្នុងប្រតិបត្តិការនេះកម្លាំងសមត្ថកិច្ច ក៏បានប៉ះទង្កិចគ្នាជាមួយក្រុមអង្គរក្សរបស់ម្ចាស់ក្រុមហ៊ុនពិភពដីមាស រហូតកម្លាំងសមត្ថកិច្ចបង្ខំចិត្តផ្ទុះអាវុធដើម្បីគ្រប់គ្រងស្ថានការណ៍នៅកន្លែង ហើយឃាត់ខ្លួនទាំងក្រុមអង្គរក្សនោះតែម្តង។

គួររំលឹកថា ឧកញ៉ា ហ៉ី គីមហុង ធ្លាប់ត្រូវបានស្នងការដ្ឋាននគរបាលខេត្ដកំពត ចេញលិខិតអញ្ជើញឱ្យចូលខ្លួនដើម្បីធ្វើការសាកសួរពាក់ព័ន្ធបណ្ដឹងប្រជាពលរដ្ឋ ដែលបានដាក់ទុនវិនិយោគជាមួយក្រុមហ៊ុននេះ គិតជាទឹកប្រាក់សរុបប្រមាណ ៦លានដុល្លារ ប៉ុន្ដែឧកញ៉ានេះមិនចូលខ្លួននោះទេ ហើយថែមទាំងព្យាយាមគេចវេស រហូតសមត្ថកិច្ចចាប់ខ្លួន៕

The post ឧកញ៉ា ម្ចាស់ក្រុមហ៊ុនពិភពដីមាស និងមនុស្ស ៥នាក់ ត្រូវឃុំនៅពន្ធនាគារព្រៃស បណ្តោះអាសន្ន appeared first on Kampuchea Thmey Daily.

ឧកញ៉ា ហ៊ី  គឹមហុង ប្រធានក្រុមហ៊ុនពិភពដីមាស និងអង្គរក្ស ១៣នាក់ ត្រូវបានសមត្ថកិច្ចចាប់ខ្លួន កាលពីរសៀល ថ្ងៃទី៧ ខែសីហា បន្ទាប់ពីមានអតិថិជនរាប់សិបនាក់បានមកតវ៉ានៅមុខស្នាក់ការ ដើម្បី​សុំជួបលោកឧកញ៉ា ដោះស្រាយ តែត្រូវបានក្រុមអង្គរក្សរបស់ឧកញ៉ាប្រទូសរ៉ាយគ្នា និងដកកាំភ្លើងខ្លី រួចវាយសមត្ថកិច្ចម្នាក់។

ពាក្យបណ្ដឹងរបស់ប្រជាពលរដ្ឋពាក់ព័ន្ធទៅនឹងបទឆបោក ដែលធ្វើឱ្យប្រជាពលរដ្ឋលង់ខ្លួន ទៅខ្ចីលុយធនាគារ ទិញដីឡូត៍របស់ក្រុមហ៊ុនពិភពដីមាស ដែល ឧកញ៉ា ហ៊ី  គឹមហុង ជាប្រធាន។

នគរបាលជំនាញ នៃស្នងការដ្ឋាននគរបាលរាជធានីភ្នំពេញ បានបញ្ជូន ឧកញ៉ា ហ៊ី  គឹមហុង និងបក្ខពួក ១៣នាក់ផ្សេងទៀត បញ្ជូនទៅតុលាការចាត់ការតាមផ្លូវច្បាប់ ដោយរងការចោទប្រកាន់ពី បទឆបោក មានស្ថានទម្ងន់ទោស និង ២បទល្មើសផ្សេងទៀត៕

The post ពលរដ្ឋខេត្តកំពត ប្ដឹងឧកញ៉ា ហ៊ី គឹមហុង កើនជាង ១ ពាន់បណ្ដឹង ប្រាក់ជាង ២១ លានដុល្លារ appeared first on Kampuchea Thmey Daily.

លោកបណ្ឌិត ឈត ប៊ុនថង មន្ដ្រីស្រាវជ្រាវផ្នែកទំនាក់ទំនង វប្បធម៌ អប់រំ និងទេសចរណ៍ នៃរាជបណ្ឌិត្យសភាកម្ពុជា មានប្រសាសន៍ប្រាប់កម្ពុជាថ្មី នៅថ្ងៃទី ៩ ខែសីហានេះថា ការចាប់ខ្លួន និងបញ្ជូនខ្លួនឧកញ៉ា ហ៊ី គឹមហុង ប្រធានក្រុមប្រឹក្សាភិបាល និងជាម្ចាស់ក្រុមហ៊ុនពិភពដីមាស និងបក្ខពួកមួចំនួនទៀតទៅតុលាការ ពាក់ព័ន្ធនឹងករណីឆបោកនោះ ទោះតិច ឬច្រើន នឹងជះឥទ្ធិពលដល់កេរ្តិ៍ឈ្មោះ កិត្តិយស សេចក្ដីថ្លៃថ្នូរ សម្រាប់បុគ្គលផ្ទាល់ខ្លួនផង និងដល់អ្នកមានគោរមងារឧកញ៉ា ផ្សេងទៀតដែរ។

លោកបណ្ឌិត ឈត ប៊ុនថង កត់សម្គាល់ឃើញថា នាពេលបច្ចុប្បន្ននេះ បុគ្គលដែលទទួលបានគោរមងារឧកញ៉ាមានចំនួនច្រើនដែរ និងក៏មានសមាគមឧកញ៉ាផងដែរ។ លោកបន្ថែមថា «អញ្ចឹងហើយ កាលណាបុគ្គលម្នាក់ ពីរនាក់ហ្នឹង ទោះបីថា មិនអាចថា បុគ្គលមួយចំនួនធ្វើអាក្រក់ទៅវានាំឲ្យខូចឧកញ៉ាទាំងមូលក៏ពិតមែន ក៏ប៉ុន្តែតិច ឬច្រើនប្រជាពលរដ្ឋ គាត់តែងតែគិតថា មានអ្នកឧកញ៉ា មានឧកញ៉ា មានលោកឧកញ៉ា ធ្វើអីមិនល្អទៅ ចង់មិនចង់ឧកញ៉ាដទៃទៀត ទោះបីគាត់មិនបានធ្វើអាក្រក់ក៏ដោយវាជះឥទ្ធិពលមិនល្អពីបុគ្គលមួយចំនួនតូចហ្នឹង»។

ជាទស្សនៈផ្ទាល់ខ្លួន លោកបណ្ឌិត ឈត ប៊ុនថង មើលឃើញថា ការចាប់ខ្លួន និងបញ្ជូនខ្លួនឧកញ៉ា ហ៊ី គឹមហុង និងបក្ខពួកមួចំនួនទៀតទៅតុលាការនោះ គឺសមត្ថកិច្ចអនុវត្តទៅតាមតួនាទីភារកិច្ចរបស់ខ្លួនប៉ុណ្ណោះ ហើយលោកបណ្ឌិតសង្ឃឹម ថា តុលាការនឹងចាត់វិធានការឲ្យបានត្រឹមត្រូវតាមផ្លូវច្បាប់ ដើម្បកុំឲ្យទៅដល់កេរ្តិ៍ឈ្មោះ កិត្តិយស និងសេចក្ដីថ្លៃថ្នូររបស់ក្រុមឧកញ៉ាដទៃទៀត។

បន្ថែមពីលើនេះទៀត លោកបណ្ឌិត ឈត ប៊ុនថង ក៏សង្ឃឹមដែរថា សមាគមឧកញ៉ា នឹងចេញសេចក្ដីបំភ្លឺ ឬក៏បញ្ជាក់ណាមួយ ដើម្បីបង្ហាញអំពីការទទួលខុសត្រូវ និងការពារកេរ្តិ៍ឈ្មោះ កិត្តិយស និងសេចក្ដីថ្លៃថ្នូរថា ឧកញ៉ាទាំងអស់ មិនមែនសុទ្ធតែដូចឧកញ៉ា ហ៊ី គឹមហុង ប្រធានក្រុមប្រឹក្សាភិបាល និងជាម្ចាស់ក្រុមហ៊ុនពិភពដីមាស នោះទេ។

សូមជម្រាបថា នគរបាលជំនាញ នៃស្នងការដ្ឋាននគរបាលរាជធានីភ្នំពេញ បានចាប់បញ្ជូនឧកញ៉ា ហ៊ី  គឹមហុង ប្រធានក្រុមហ៊ុនពិភពដីមាស និងបក្ខពួកសរុប ១៤នាក់ បញ្ជូនទៅតុលាការចាត់ការតាមផ្លូវច្បាប់ កាលពីថ្ងៃទី ៨ ខែសីហា ឆ្នាំ ២០២៣ ដោយរងការចោទប្រកាន់ពីបទឆបោកមានស្ថានទម្ងន់ទោស និង ២បទល្មើសផ្សេងទៀត៕  

The post បណ្ឌិត ឈត ប៊ុនថង ៖ ករណីឧកញ៉ា ហ៊ី គឹមហុង ទោះតិច ឬច្រើន នឹងជះឥទ្ធិពលដល់កេរ្តិ៍ឈ្មោះឧកញ៉ាផ្សេងទៀត appeared first on Kampuchea Thmey Daily.

អ្នកនាំពាក្យនៃស្នងការដ្ឋាននគរបាលរាជធានីភ្នំពេញ បានបញ្ជាក់ថា ការបញ្ជូនខ្លួនលោកឧកញ៉ា ហ៊ី គីមហុង និងអង្គរក្ស១៣នាក់ទៅតុលាការនេះ គឺពាក់ព័ន្ធបទល្មើសមួយចំនួនដូចជា អំពើឆបោកមានស្ថានទម្ងន់ទោស ពាក់ព័ន្ធការញុះញង់ឲ្យប្រព្រឹត្តអំពើប្រឆាំងអ្នករាជការសាធារណៈ និងពាក់ព័ន្ធការសម្អាតប្រាក់៕

The post នគរបាលនឹងបញ្ជូនលោកឧកញ៉ា ហ៊ី គីមហុង និងអង្គរក្ស១៣នាក់ទៅតុលាការនៅរសៀលថ្ងៃទី៨ សីហានេះ appeared first on Kampuchea Thmey Daily.

បើតាមការបញ្ជាក់របស់អ្នកនាំពាក្យនៃស្នងការដ្ឋាននគរបាលរាជធានីភ្នំពេញរូបនេះកាលពីថ្ងៃទី៧ ខែសីហា ការចាប់ខ្លួនលោកឧកញ៉ា ហ៊ី គីមហុង អគ្គនាយកក្រុមហ៊ុនពិភពដីមាស និងភរិយា រួមទាំងអង្គរក្ស១៣រូប គឺអនុវត្តតាមដីការបស់ព្រះរាជអាជ្ញាអមសាលដំបូងរាជធានីភ្នំពេញ បានធ្វើការនាំខ្លួនលោកម្ចាស់ដីឡូត៍ ពីភពដីមាស ដើម្បីនាំខ្លួនមកសាកសួរបន្ថែមនៅស្នងការដ្ឋាននគរបាលរាជធានីភ្នំពេញ។

លោកឧកញ៉ា ហ៊ី គីមហុង អគ្គនាយកក្រុមហ៊ុន ពិភពដីមាស រួមទាំងភរិយា និងក្រុមអង្គរក្សចំនួន១៣រូប ត្រូវបានកម្លាំងនគរបាលនៃស្នងការដ្ឋាននគរបាលរាជធានីភ្នំពេញធ្វើការឃាត់ខ្លួននៅរសៀលថ្ងៃទី៧ ខែមេសា នៅចំណុចការិយាល័យរបស់ក្រុមហ៊ុន ពិភពដីមាស ស្ថិតក្នុងភូមិត្រពាំងថ្លាន់ សង្កាត់ពន្សាំង ខណ្ឌព្រែកភ្នៅ រាជធានីភ្នំពេញ។

ការឃាត់ខ្លួននេះ បានធ្វើឡើងបន្ទាប់ពីមានអតិថិជនរាប់សិបនាក់បានមកតវ៉ានៅមុខស្នាក់ការ និងនាំគ្នាដុតកង់ឡានដើម្បីសុំជួបលោកឧកញ៉ាជជែកគ្នាដោះស្រាយ តែត្រូវបានក្រុមអង្គរក្សរបស់លោកឧកញ៉ាប្រទូសរ៉ាយគ្នា និងដកកាំភ្លើងខ្លី រួចវាយសមត្ថកិច្ចម្នាក់ ទើបសមត្ថកិច្ចសម្រេចចិត្តបាញ់ឡើងលើជាច្រើនគ្រាប់ដើម្បីទប់ទល់៕

អត្ថបទ៖​ សុខុម

The post សមត្ថកិច្ចកំពុងសួរនាំលោកឧកញ៉ា ហ៊ី គីមហុង និងបក្ខពួក នៅស្នងការដ្ឋាននគរបាលរាជធានីភ្នំពេញ appeared first on Kampuchea Thmey Daily.

វរសេនីយ៍ឯក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ មានប្រសាសន៍ប្រាប់ “កម្ពុជាថ្មី” មុននេះថា ស្នងការដ្ឋាននគរបាលរាជធានីភ្នំពេញ បានអនុវត្តតាមដីការបស់ព្រះរាជអាជ្ញាអមសាលាដំបូងរាជធានីភ្នំពេញបាន ធ្វើការនាំខ្លួន ម្ចាស់ដីឡូត៍ពិភពដីមាស ហើយពេលនេះបានយកមកសាកសួរបន្ថែមនៅស្នងការដ្ឋាននគរបាលរាជធានីភ្នំពេញ។

វរសេនីយ៍ឯក សាន សុខសីហា មានប្រសាសន៍បន្តថា៖ “សរុបមក នៅពេលនេះ យើងបាននាំយកខ្លួនមនុស្ស ១៤នាក់ ដែលពាក់ព័ន្ធ ទី១ ម្ចាស់ដីឡូត៍ពិភពដីមាស ទី២គឺ អង្គរក្សចំនួន១៣រូប ដែលបានរារាំង និងបង្កហិង្សាមកលើសមត្ថកិច្ច។ ទាក់ទងម្ចាស់ក្រុមហ៊ុនគឺអនុវត្តតាមតាមដីការបស់ព្រះរាជអាជ្ញាអមសាលាដំបូងរាជធានីភ្នំពេញ ចំណែកក្រុមអង្គរក្ស គឺពាក់ព័ន្ធរារាំង និងបង្កហិង្សាមកលើសមត្ថកិច្ច”។

គួរបញ្ជាក់ថា លោកឧកញ៉ា ហ៊ី គីមហុង អគ្គនាយកក្រុមហ៊ុនពិភពដីមាស រួមទាំងភរិយា នៅរសៀលថ្ងៃទី៧ ខែសីហា នេះ ត្រូវបានកម្លាំងនគរបាល នៃស្នងការដ្ឋាននគរបាលរាជធានីភ្នំពេញ ឃាត់ខ្លួន បញ្ជូនទៅស្នងការរាជធានីដើម្បីសួរនាំ ក្រោយមានពាក្យបណ្ដឹងពីប្រជាពលរដ្ឋជាច្រើនគ្រួសារ។

បើតាមប្រភពព័ត៌មាន ក្រុមសន្តិសុខជាច្រើនដែលយាមកាមនៅខាងមុខការិយាល័យលក់របស់ក្រុមហ៊ុន ក៏ត្រូវបានឃាត់ខ្លួនផងដែរ ដោយសារដកកាំភ្លើង និងប្រើអំពើហិង្សាលើសមត្ថកិច្ច ហើយក៏ត្រូវសមត្ថកិច្ចផ្ទុះអាវុធជាច្រើនគ្រាប់ឡើងលើដើម្បីចាប់ខ្លួនតែម្ដង។

ការឃាត់ខ្លួននេះ បានធ្វើឡើងនៅចំណុចការិយាល័យរបស់ក្រុមហ៊ុន ពិភពដីមាស ស្ថិតក្នុងភូមិត្រពាំងថ្លាន់ សង្កាត់ពន្សាំង ខណ្ឌព្រែកភ្នៅ រាជធានីភ្នំពេញ៕

The post ឃាត់ខ្លួន ឧកញ៉ា និងអង្គរក្ស ១៤ រូប បង្កហិង្សាលើសមត្ថកិច្ច នៅក្រុមហ៊ុនពិភពដីមាស appeared first on Kampuchea Thmey Daily.

លោកឧកញ៉ា ហ៊ី គីមហុង អគ្គនាយកក្រុមហ៊ុន ពិភពដីមាស រួមទាំងភរិយា និងក្រុមសន្តិសុខជាច្រើននាក់ត្រូវបានកម្លាំងនគរបាលនៃស្នងការដ្ឋាននគរបាលរាជធានីភ្នំពេញធ្វើការឃាត់ខ្លួននៅរសៀលថ្ងៃទី៧ ខែមេសា នេះ នៅចំណុចការិយាល័យរបស់ក្រុមហ៊ុន ពិភពដីមាស ស្ថិតក្នុងភូមិត្រពាំងថ្លាន់ សង្កាត់ពន្សាំង ខណ្ឌព្រែកភ្នៅ រាជធានីភ្នំពេញ។

ការឃាត់ខ្លួននេះ បានធ្វើឡើងបន្ទាប់ពីមានអតិថិជនរាប់សិបនាក់បានមកតវ៉ានៅមុខស្នាក់ការ និងនាំគ្នាដុតកង់ឡានដើម្បីសុំជួបលោកឧកញ៉ាជជែកគ្នាដោះស្រាយ តែត្រូវបានក្រុមអង្គរក្សរបស់លោកឧកញ៉ាប្រទូសរ៉ាយគ្នា និងដកកាំភ្លើងខ្លី រួចវាយសមត្ថកិច្ចម្នាក់ ទើបសមត្ថកិច្ចសម្រេចចិត្តបាញ់ឡើងលើជាច្រើនគ្រាប់ដើម្បីទប់ទល់៕

The post អ្នកនាំពាក្យស្នងការរាជធានីបញ្ជាក់ពីការចាប់ខ្លួនលោកឧកញ៉ា ហ៊ី គីមហុង និងបក្ខពួក appeared first on Kampuchea Thmey Daily.