មេធាវីនៃក្រុមគ្រួសាររបស់ Dacera គឺលោក Brick Reyes បានប្រកាសបែបនេះនៅក្នុងសន្និសីទកាសែតជាមួយម្តាយរបស់ Dacera នៅថ្ងៃសុក្រទី២៩ខែមករានេះ ពោលគឺមួយថ្ងៃបន្ទាប់ពីប៉ូលិសជាតិហ្វីលីពីន (PNP) បានប្រកាសថា Dacera ស្លាប់ដោយសារជំងឺផ្ទុយពីការជឿជាក់របស់ក្រុមគ្រួសារដែលថា នាងត្រូវបានគេរំលោភ។

លោក Reyes និយាយថាគ្រួសារ Dacera សង្ស័យថា មានការលាក់បាំងមួយផ្សេងទៀត។ ពួកគេជឿថា ប៉ូលិសបានពិនិត្យសំណាកសរីរាង្គដែលមិនមែនយកពីសពរបស់ Dacera ដើម្បីទៅធ្វើការសន្និដ្ឋានថា នាងបានស្លាប់ដោយសាររោគាពាធ។

លោកនិយាយថា “ក្រុមគ្រួសាររបស់ Dacera ទាមទារឲ្យធ្វើតេស្ត DNA លើសំណាកទាំងអស់នៃសរីរាង្គរបស់ Dacera ក៏ដូចជាការគាស់សពមកវិញផងដែរដូច្នេះ យើងអាចប្រៀបធៀប DNA នៅលើដៃនិងជើងរបស់នាង”។

លោកនិយាយថា តាមវិធីនេះ ក្រុមគ្រួសារអាចផ្ទៀងផ្ទាត់ការរកឃើញរបស់ប៉ូលិសបាន។

សពរបស់ Dacera ត្រូវបានបញ្ចុះក្នុងទីក្រុង General Santos កាលពីជាងពីរសប្តាហ៍មុន ពោលគឺនៅថ្ងៃទី១០ខែមករា។

ការស៊ើបអង្កេតបឋមរបស់ប៉ូលិសជាតិហ្វីលីពីនចូលទៅក្នុងករណីចាប់រំលោភ ជាមួយនឹងបណ្តឹងមនុស្សឃាតប្រឆាំងគូកនរបស់ Dacera ចំនួន១១នាក់ក្នុងពិធីជប់លៀងឆ្លងឆ្នាំថ្មី បានចាប់ផ្តើមឡើងវិញកាលពីថ្ងៃពុធទី២៧ខែមករា។

ប៉ូលិសបានបញ្ជូនរបាយការណ៍វេជ្ជសាស្ត្រផ្លូវច្បាប់និងលទ្ធផលតេស្ត DNA ក្នុងអំឡុងពេលនៃដំណើរការនេះទៅឲ្យអយ្យការ។ ឯកសារថតចម្លងក៏ត្រូវបានប្រគល់ជូនក្រុមគ្រួសារផងដែរ។

របាយការណ៍ដែលចុះហត្ថលេខាដោយលោកឧត្តមសេនីយ៍ទោ Joseph Palmero បានបង្ហាញថា “មូលហេតុនៃការស្លាប់ដោយសារការធ្វើមនុស្សឃាតគឺត្រូវបានច្រានចោលក្នុងករណីរបស់កញ្ញា Dacera ពីព្រោះអាការៈប៉ោងសរសៃឈាម ត្រូវបានចាត់ទុកថាជាស្ថានភាពសុខភាពរបស់នាង។ ការរំលោភសេពសន្ថវៈឬការប្រើថ្នាំជ្រុល នឹងមិនបណ្តាលឲ្យមានការវិវត្តនៃជំងឺប៉ោងសរសៃឈាមទេ”។

របាយការណ៍បានលើកឡើងថា ខណៈដែលជំងឺប៉ោងសរសៃឈាមជាទូទៅត្រូវបានគេរកឃើញក្នុងចំណោមអ្នកជំងឺវ័យចំណាស់ដោយសារតែការកកខ្លាញក្នុងសរសៃឈាមនោះ ការកើនឡើងសម្ពាធឈាមក៏អាចបណ្តាលឲ្យមានការស្លាប់ដូចជាករណីរបស់ Dacera ដែរ។

របាយការណ៍បន្ថែមថា “មិនមានជាតិអាល់កុលឬថ្នាំញៀនណាមួយត្រូវបានប្រើប្រាស់នៅយប់ មុនពេលនាងស្លាប់ទេ។ បេះដូងរបស់ Dacera មានទម្ងន់ខុសធម្មតាដែលធ្វើឲ្យនាងលើសឈាម”៕

ប្រែសម្រួលដោយ៖ Vann Vann

ប្រភព៖ Rappler

ចុចអាន៖ ច្បាស់ហើយទាក់ទងការស្លាប់នារីអូតែសហ្វីលីពីន តែមិនមែនជាករណីចាប់រំលោភ

The post មិនទាន់ចប់ទេ! គ្រួសាររបស់នារីអូតែសហ្វីលីពីន ទាមទារឲ្យគាស់សពនាងមកវិញដើម្បីធ្វើរឿងមួយ appeared first on Kampuchea Thmey Daily.

ការស៊ើបអង្កេតបឋមរបស់ប៉ូលិសជាតិហ្វីលីពីនចូលទៅក្នុងករណីចាប់រំលោភ ជាមួយនឹងបណ្តឹងមនុស្សឃាតប្រឆាំងគូកនរបស់ Dacera ចំនួន១១នាក់ក្នុងពិធីជប់លៀងឆ្លងឆ្នាំថ្មី បានចាប់ផ្តើមឡើងវិញនៅថ្ងៃពុធទី២៧ខែមករានេះ។

ប៉ូលិសបានបញ្ជូនរបាយការណ៍វេជ្ជសាស្ត្រផ្លូវច្បាប់និងលទ្ធផលតេស្ត DNA ក្នុងអំឡុងពេលនៃដំណើរការនេះទៅឲ្យអយ្យការ។ ឯកសារថតចម្លងក៏ត្រូវបានប្រគល់ជូនក្រុមគ្រួសារផងដែរ។

របាយការណ៍ដែលចុះហត្ថលេខាដោយលោកឧត្តមសេនីយ៍ទោ Joseph Palmero បានបង្ហាញថា “មូលហេតុនៃការស្លាប់ដោយសារការធ្វើមនុស្សឃាតគឺត្រូវបានច្រានចោលក្នុងករណីរបស់កញ្ញា Dacera ពីព្រោះអាការៈប៉ោងសរសៃឈាម ត្រូវបានចាត់ទុកថាជាស្ថានភាពសុខភាពរបស់នាង។ ការរំលោភសេពសន្ថវៈឬការប្រើថ្នាំជ្រុល នឹងមិនបណ្តាលឲ្យមានការវិវត្តនៃជំងឺប៉ោងសរសៃឈាមទេ”។

របាយការណ៍បានលើកឡើងថា ខណៈដែលជំងឺប៉ោងសរសៃឈាមជាទូទៅត្រូវបានគេរកឃើញក្នុងចំណោមអ្នកជំងឺវ័យចំណាស់ដោយសារតែការកកខ្លាញក្នុងសរសៃឈាមនោះ ការកើនឡើងសម្ពាធឈាមក៏អាចបណ្តាលឲ្យមានការស្លាប់ដូចជាករណីរបស់ Dacera ដែរ។

របាយការណ៍បន្ថែមថា “មិនមានជាតិអាល់កុលឬថ្នាំញៀនណាមួយត្រូវបានប្រើប្រាស់នៅយប់ មុនពេលនាងស្លាប់ទេ។ បេះដូងរបស់ Dacera មានទម្ងន់ខុសធម្មតាដែលធ្វើឲ្យនាងលើសឈាម”។

របាយការណ៍បានបញ្ជាក់ថា “ផ្អែកលើព័ត៌មានដែលមានក្នុងដៃ មូលហេតុនៃការស្លាប់នេះ ត្រូវបានចាត់ថ្នាក់ជាការស្លាប់ដោយធម្មជាតិ”៕

ប្រែសម្រួលដោយ៖ Vann Vann

ប្រភព៖ Phil Star

The post ច្បាស់ហើយទាក់ទងការស្លាប់នារីអូតែសហ្វីលីពីន តែមិនមែនជាករណីចាប់រំលោភ appeared first on Kampuchea Thmey Daily.

ករណីរបស់នាង Christine Dacera ដែលត្រូវបានគេរកឃើញស្លាប់នៅក្នុងបន្ទប់សណ្ឋាគារបន្ទាប់ពីពិធីជប់លៀងថ្ងៃចូលឆ្នាំសកល បានបង្កឲ្យមានភាពល្បីល្បាញក្នុងបណ្តាញផ្សព្វផ្សាយអស់រយៈពេលជាច្រើនសប្តាហ៍មកហើយ។

ភ្លាមៗនោះ ប៉ូលិសបាននិយាយថា នាងត្រូវបានគេចាប់រំលោភនិងសម្លាប់ ហើយបានចាប់ខ្លួនបុរសចំនួន៣នាក់។ ប៉ុន្តែបុរសទាំងនេះត្រូវបានដោះលែងវិញព្រោះគ្មានភ័ស្តុតាងគ្រប់គ្រាន់។

ការបញ្ជាឲ្យដកតំណែងមេបញ្ជាការប៉ូលិសក្រុង Makati លោក Harold Depositar គឺជាការវិវឌ្ឍន៍ចុងក្រោយបង្អស់ហើយបានកើតឡើង បន្ទាប់ពីមានការរិះគន់យ៉ាងខ្លាំងចំពោះការដោះស្រាយរឿងក្ដីនេះ។

នៅថ្ងៃទី៤ខែមករា ប៉ូលិសបានចេញសេចក្តីថ្លែងការណ៍មួយថា ពួកគេបានដោះស្រាយករណីស្លាប់របស់អ្នកបម្រើការតាមយន្តហោះអាយុ២៣ឆ្នាំរួចរាល់ហើយ។ ប៉ូលិសបន្ថែមថា នាងត្រូវបានគេចាប់រំលោភនិងសម្លាប់។

សេចក្តីថ្លែងការណ៍បានបន្ថែមទៀតថា ប៉ូលិសបានចាប់ខ្លួនជនសង្ស័យ៣នាក់ខណៈ៩នាក់ផ្សេងទៀត កំពុងរត់គេច។ បុរសទាំង១២នាក់នោះ បាននៅជាមួយនាងក្នុងយប់កើតហេតុ។

ទោះបីជាមានការត្រួតពិនិត្យផ្នែកវេជ្ជសាស្រ្តដោយស្របច្បាប់លើការស្លាប់នេះក៏ដោយ ក៏លោ​ក Depositar នៅតែបញ្ជាក់ថា ពួកគេបានចាត់ទុកថានេះ ជាករណីរំលោភសម្លាប់រួចទៅហើយ។

ការធ្វើកោសល្យវិច័យលើកទី២ ត្រូវបានធ្វើឡើងលើសពរបស់នារីអូតែស ហើយមន្ត្រីកំពុងរង់ចាំលទ្ធផល។ ក្រុមគ្រួសាររបស់នាងជឿជាក់ថា លទ្ធផលនឹងបង្ហាញថា Dacera ត្រូវបានគេបង្ខំឲ្យប្រើគ្រឿងញៀន ហើយចាប់រំលោភនិងសម្លាប់៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ ការធ្វើកោសល្យវិច្ច័យលើសពនារីអូតែសហ្វីលីពីន ត្រូវបិទបញ្ចប់

The post ដោះស្រាយករណីនារីអូតែសមិនចេញ ហ្វីលីពីនបញ្ជាឲ្យដកមេប៉ូលិសក្រុង Makati appeared first on Kampuchea Thmey Daily.

លោក Guevarra បាននិយាយថា ឥឡូវនេះ NBI កំពុងធ្វើការជាមួយមន្ទីរពេទ្យ Makati Medical Center ដែលជាកន្លែង Dacera ត្រូវបានគេយកទៅ បន្ទាប់ពីនាងត្រូវគេប្រទះឃើញសន្លប់នៅក្នុងអាងងូតទឹកនៃបន្ទប់សណ្ឋាគារ ក្រោយពេលជប់លៀងជាមួយមិត្តភក្តិកាលពីថ្ងៃទី១ខែមករា។

លោកនិយាយថា លោកនឹងទុកឲ្យ NBI ចេញលទ្ធផលនៃការធ្វើកោសល្យវិច្ច័យនេះ។

មុននេះ NBI និយាយថា ខ្លួនបានយកទឹកនោមយ៉ាងហោចណាស់១០០មីល្លីលីត្រពីសពរបស់ Dacera ហើយនិយាយថា នេះនឹងជួយពួកគេឲ្យពិនិត្យមើលវត្តមាននៃជាតិអាល់កុលឬថ្នាំញៀន។

លោក Guevarra បានបញ្ជាឲ្យ NBI ស៊ើបអង្កេតការស្លាប់របស់អ្នកបម្រើការតាមយន្ដហោះរូបនេះនៅពេលរកឃើញថា ការស៊ើបអង្កេតដំបូងរបស់ប៉ូលិសគឺមិនទាន់គ្រប់គ្រាន់នោះទេ។

ប៉ូលិសបានឃុំខ្លួនមិត្ដភក្ដិ៣នាក់ក្នុងចំណោមមិត្ដភក្ដិដែលចូលរួមក្នុងពិធីជប់លៀងឆ្លងឆ្នាំជាមួយ Dacera ប៉ុន្ដែរដ្ឋអាជ្ញាបានបញ្ជាឲ្យដោះលែងពួកគេវិញ ដើម្បីធ្វើការស៊ើបអង្កេតបន្ថែម។

បុរសចំនួន១១នាក់ កំពុងប្រឈមនឹងបណ្តឹងព្រហ្មទណ្ឌពីបទរំលោភសេពសន្ថវៈនិងមនុស្សឃាត៕

ប្រែសម្រួលដោយ៖ Vann Vann

ប្រភព៖ GMA

ចុចអាន៖ ហ្វីលីពីនបង្ហាញបុរសទី១៣ ពាក់ព័ន្ធករណីស្លាប់នារីអូតែស

The post ការធ្វើកោសល្យវិច្ច័យលើសពនារីអូតែសហ្វីលីពីន ត្រូវបិទបញ្ចប់ appeared first on Kampuchea Thmey Daily.

អនុប្រធាននិងជាអ្នកនាំពាក្យរបស់ NBI លោក Ferdinand Lavin បាននិយាយនៅក្នុងកម្មវិធី Viber ថា អ្នកដែលគេចាប់អារម្មណ៍គឺជាបុរសទី១៣ ដែលស្នាក់នៅបន្ទប់លេខ២២០៧នៃសណ្ឋាគារ City Garden Grand។ គាត់បានចូលខ្លួន មកបង្ហាញមុខនៅការិយាល័យ។

កាលពីសប្តាហ៍មុន បុរសចំនួន១២នាក់ដែលស្នាក់នៅបន្ទប់លេខ២២០៧ ជាកន្លែង Dacera ចូលទៅអំឡុងពិធីជប់លៀងថ្ងៃចូលឆ្នាំសកលមុនពេលនាងត្រូវបានគេរកឃើញថាស្លាប់នៅក្នុងបន្ទប់លេខ២២០៩ បានបង្ហាញខ្លួននៅមុខ NBI ដើម្បីបង្ហាញភាពស្អាតស្អំរបស់ពួកគេ។

លោក Lavin បាននិយាយថា អ្នកដែលចាប់អារម្មណ៍គឺមានឈ្មោះនៅលើប្រព័ន្ធផ្សព្វផ្សាយសង្គមថា Ethan Maguire។

លោក Lavin និយាយថា “គាត់មកពីតំបន់លេខ៨ ហើយយើងបាននាំគាត់ទៅទីនោះជាមួយអ្នកប្រឹក្សារបស់គាត់កាលពីម្សិលមិញ”។

នៅក្នុងបទសម្ភាសន៍ជាមួយអ្នកយកព័ត៌មានកាលពីថ្ងៃសុក្រ លោក Lavin បាននិយាយថា មេធាវីរបស់គាត់បានទូរស័ព្ទទៅ NBI ហើយស្នើសុំធ្វើការបកស្រាយដើម្បីបង្ហាញភាពស្អាតស្អំ៕

ប្រែសម្រួលដោយ៖ Vann Vann

ប្រភព៖ Phil Star

ចុចអាន៖ ហ្វីលីពីនស្គាល់អត្តសញ្ញាណបុរសនៅក្នុងបន្ទប់ដែលនារីអូតែស ស្លាប់

The post ហ្វីលីពីនបង្ហាញបុរសទី១៣ ពាក់ព័ន្ធករណីស្លាប់នារីអូតែស appeared first on Kampuchea Thmey Daily.

ព័ត៌មាននេះត្រូវបានបញ្ជាក់ប្រាប់ CNN Philippines ដោយរដ្ឋមន្ត្រីក្រសួងយុត្តិធម៌លោក Menardo Guevarra ប៉ុន្តែលោកបាននិយាយថា លោកនឹងមិនបង្ហាញឈ្មោះរបស់ពួកគេទេរហូតដល់ពួកគេត្រូវបានកោះហៅ។

NBI កំពុងធ្វើការស៊ើបអង្កេតផ្ទាល់របស់ខ្លួនខណៈសំណួរអំពីមូលហេតុនៃការស្លាប់របស់ Dacera នៅតែគ្មានចម្លើយ។

ក្រុមគ្រួសាររបស់ Dacera និងអគ្គស្នងការនគរបាលជាតិហ្វីលីពីនលោក Debold Sinas បានអះអាងថា នាងត្រូវបានគេចាប់រំលោភហើយវាអាចបណ្តាលឲ្យនាងស្លាប់។ ទោះយ៉ាងណា ការអះអាងនេះមិនត្រូវបានគាំទ្រដោយការរកឃើញខាងវេជ្ជសាស្ត្រផ្លូវការទេ ដែលចង្អុលបង្ហាញថា ជំងឺប៉ោងសរសៃឈាមគឺជាមូលហេតុនៃការស្លាប់របស់នាង។

ក្រសួងយុត្តិធម៌បានចេញដីកាស៊ើបអង្កេតទៅ NBI ព្រោះការស៊ើបអង្កេតដំបូងរបស់ប៉ូលិសក្រុង Makati គឺមិនទាន់គ្រប់គ្រាន់នៅឡើយទេ។

ការខ្វះភ័ស្តុតាងក៏នាំឲ្យរដ្ឋអាជ្ញាក្រុង Makati បញ្ជាឲ្យដោះលែងជនសង្ស័យ៣នាក់ បន្ទាប់ពីត្រូវប៉ូលិសចាប់ឃុំឃាំងក៏ដូចជាដកពាក្យបណ្តឹងប្រឆាំងនឹងបុគ្គលមួយចំនួនផ្សេងទៀតផងដែរ។ រដ្ឋអាជ្ញាបានបញ្ជាឲ្យមានការស៊ើបអង្កេតបឋមបន្ថែមទៀត។

ក្រៅពី NBI, ការិយាល័យប្រចាំតំបន់រដ្ឋធានី (NCRPO) ក៏បានបង្កើតក្រុមការងារស៊ើបអង្កេតពិសេស ដើម្បីទទួលបានភស្តុតាងបន្ថែមទៀតផងដែរ។

យោងតាមអ្នកនាំពាក្យ NCRPO លោកស្រី Jenny Tecson បានឲ្យដឹងថា ពួកគេកំពុងប្រឈមនឹងបញ្ហាដ៏ធំមួយនៅពេលដែលសាកសពជនរងគ្រោះ ត្រូវបានគេអប់កុំឲ្យស្អុយមុនពេលធ្វើកោសល្យវិច័យ។

លោកស្រីនិយាយថា ការអប់សាកសពនេះអាចលុបឬបំផ្លាញភ័ស្តុតាងដែលមានសក្តានុពល៕

ប្រែសម្រួលដោយ៖ Vann Vann

ប្រភព៖ CNN Philippines

ចុចអាន៖ លទ្ធផលកោសល្យវិច័យលើនារីបម្រើការតាមយន្តហោះហ្វីលីពីន

The post ហ្វីលីពីនស្គាល់អត្តសញ្ញាណបុរសនៅក្នុងបន្ទប់ដែលនារីអូតែស ស្លាប់ appeared first on Kampuchea Thmey Daily.