ហ្វីលីពីនបង្ហាញបុរសទី១៣ ពាក់ព័ន្ធករណីស្លាប់នារីអូតែស

ការិយាល័យស៊ើបអង្កេតជាតិ (NBI) បាននិយាយកាលពីម្សិលមិញថា មនុស្សម្នាក់ទៀតដែលជាប់ពាក់ព័ន្ធចំពោះមរណភាពរបស់នារីអូតែស Christine Dacera ត្រូវបានបង្ហាញឈ្មោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុប្រធាននិងជាអ្នកនាំពាក្យរបស់ NBI លោក Ferdinand Lavin បាននិយាយនៅក្នុងកម្មវិធី Viber ថា អ្នកដែលគេចាប់អារម្មណ៍គឺជាបុរសទី១៣ ដែលស្នាក់នៅបន្ទប់លេខ២២០៧នៃសណ្ឋាគារ City Garden Grand។ គាត់បានចូលខ្លួន មកបង្ហាញមុខនៅការិយាល័យ។

កាលពីសប្តាហ៍មុន បុរសចំនួន១២នាក់ដែលស្នាក់នៅបន្ទប់លេខ២២០៧ ជាកន្លែង Dacera ចូលទៅអំឡុងពិធីជប់លៀងថ្ងៃចូលឆ្នាំសកលមុនពេលនាងត្រូវបានគេរកឃើញថាស្លាប់នៅក្នុងបន្ទប់លេខ២២០៩ បានបង្ហាញខ្លួននៅមុខ NBI ដើម្បីបង្ហាញភាពស្អាតស្អំរបស់ពួកគេ។

លោក Lavin បាននិយាយថា អ្នកដែលចាប់អារម្មណ៍គឺមានឈ្មោះនៅលើប្រព័ន្ធផ្សព្វផ្សាយសង្គមថា Ethan Maguire។

លោក Lavin និយាយថា “គាត់មកពីតំបន់លេខ៨ ហើយយើងបាននាំគាត់ទៅទីនោះជាមួយអ្នកប្រឹក្សារបស់គាត់កាលពីម្សិលមិញ”។

នៅក្នុងបទសម្ភាសន៍ជាមួយអ្នកយកព័ត៌មានកាលពីថ្ងៃសុក្រ លោក Lavin បាននិយាយថា មេធាវីរបស់គាត់បានទូរស័ព្ទទៅ NBI ហើយស្នើសុំធ្វើការបកស្រាយដើម្បីបង្ហាញភាពស្អាតស្អំ៕

ប្រែសម្រួលដោយ៖ Vann Vann

ប្រភព៖ Phil Star

ចុចអាន៖ ហ្វីលីពីនស្គាល់អត្តសញ្ញាណបុរសនៅក្នុងបន្ទប់ដែលនារីអូតែស ស្លាប់