ភ្នំពេញ ៖ លោក ហេង រតនា អគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (ស៊ីម៉ាក់) បានចុះផ្សាយតាមបណ្តាញសង្គមហ្វេសប៊ុកផ្ទាល់ខ្លួន អំពីប្រវត្តិនិងហេតុការណ៍ការទម្លាក់គ្រាប់បែកបំផ្លាញ «ស្ពានជ័យជម្នះ» (ដែលប្រជាពលរដ្ឋខ្លះហៅថា «ស្ពានមេទឹក») នៅឃុំថ្មដា ស្រុកវាលវែង ខេត្តពោធិ៍សាត់ ដោយយន្តហោះចម្បាំងថៃ កាលពីថ្ងៃទី១៣ ខែធ្នូ ឆ្នាំ២០២៥។

លោក ហេង រតនា បានលើកឡើងថា បន្ទាប់ពីបានអានសៀវភៅស្រាវជ្រាវចងក្រងប្រវត្តិនៃការទម្លាក់គ្រាប់បែកលើស្ពាននេះក្នុងសង្គ្រាមឈ្លានពានពីសំណាក់យោធាសៀម លោកបានបញ្ជាក់ថា គ្រាប់បែកដែលប្រើប្រាស់គឺប្រភេទ MK-82 ចំនួន ៧ គ្រាប់ ដែលមួយគ្រាប់ៗ មានទម្ងន់ប្រមាណ ២៣០ គីឡូក្រាម ហើយត្រូវបានយន្តហោះចម្បាំងទម្លាក់ជា ២ ដង។

តាមឯកសារស្រាវជ្រាវ ស្ពាននេះត្រូវបានកសាងដំបូងនៅឆ្នាំ ១៩៨៤ ក្រោមការដឹកនាំផ្ទាល់របស់ ប៉ុល ពត ហើយបានដាក់ឈ្មោះថា «ស្ពានប្តេជ្ញាឈ្នះ»។ នៅក្នុងយុទ្ធនាការរដូវប្រាំងឆ្នាំ ១៩៨៥ កងទ័ពរដ្ឋាភិបាលប្រជាមានិតកម្ពុជាបានវាយដណ្តើមយកជ័យជម្នះនៅទីតាំងនេះ ហើយបានសាងសង់ស្ពានដែកថ្មី ដោយប្តូរឈ្មោះជា «ស្ពានជ័យជម្នះ» រហូតមកដល់សព្វថ្ងៃ។

ក្រោយមក ស្ពានបេតុងនិងផ្លូវថ្មីនៅតំបន់នេះ ត្រូវបានរាជរដ្ឋាភិបាលសម្ពោធដាក់ឱ្យប្រើប្រាស់ជាផ្លូវការនៅឆ្នាំ ២០២០ ដែលជាគម្រោងសហប្រតិបត្តិការជាមួយរដ្ឋាភិបាលចិន។

លោក ហេង រតនា បានសម្តែងការចាប់អារម្មណ៍យ៉ាងខ្លាំងចំពោះសេចក្តីសង្ខេបរបស់ក្រុមស្រាវជ្រាវ ដែលមានខ្លឹមសារថា ៖

«នៅក្រោមចរន្តទឹកហូរកាត់ពីលើបំណែកបាក់បែកដោយសារគ្រាប់បែករបស់ខ្មាំង! ស្ពានមេទឹកកំពុងឈរយ៉ាងស្ងៀមស្ងាត់ក្នុងនាមជា «សាក្សី» នៃសោកវិនាសកម្មដែលមិនអាចបំភ្លេចបាន។ ការទម្លាក់គ្រាប់បែកកម្ទេចស្ពានពីសំណាក់ចោរសៀមឈ្លានពាននេះ មិនត្រឹមតែជាការកាត់ផ្តាច់រូបវន្តនៃផ្លូវគមនាគមន៍ប៉ុណ្ណោះទេ ប៉ុន្តែវាគឺជាការកាត់ផ្តាច់ទំនាក់ទំនងរវាងមនុស្សនិងមនុស្ស និងការបំផ្លាញសេចក្តីសុខសាន្តនៃមាតុភូមិជាទីស្រលាញ់របស់យើង។»

លោកបានបន្ថែមថា បំណែកដែកនិងសសរស្ពានដែលបាក់បែកនោះ មិនមែនគ្រាន់តែជាកម្ទេចឥដ្ឋបេតុងទទេនោះទេ ប៉ុន្តែវាជា សាក្សីរស់នៃប្រវត្តិសាស្ត្រដ៏ឈឺចាប់ និងជាស្នាមរបួសពីសង្គ្រាមឈ្លានពាន ដែលត្រូវទុកជាភស្តុតាងសម្រាប់រំលឹកដល់ការលះបង់ និងបទពិសោធន៍ដ៏លំបាករបស់ជាតិ ព្រមទាំងជាមេរៀនដល់យុវជនជំនាន់ក្រោយឱ្យយល់អំពីតម្លៃនៃ «សន្តិភាព» ។

គួរបញ្ជាក់ថា ការទម្លាក់គ្រាប់បែកនេះបានកើតឡើងនាព្រឹកថ្ងៃទី១៣ ខែធ្នូ ដោយយន្តហោះចម្បាំងថៃ បានទម្លាក់គ្រាប់បែកចំនួនពីរលើកមកលើស្ពាន បណ្តាលឱ្យខូចខាតទាំងស្រុង និងប៉ះពាល់ដល់ការធ្វើដំណើររបស់ប្រជាពលរដ្ឋនៅតាមបណ្តោយផ្លូវជាតិលេខ ៥។ រដ្ឋាភិបាលកម្ពុជាបានចេញសេចក្តីថ្លែងការណ៍ថ្កោលទោសយ៉ាងខ្លាំងចំពោះទង្វើឈ្លានពាននេះ៕

The post យន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤ appeared first on Kampuchea Thmey Daily.

យោងតាមរបាយការណ៍របស់សមត្ថកិច្ចស្រុកបានបញ្ជាក់ថា គ្រាប់យុទ្ធភណ្ឌមិនទាន់ផ្ទុះទាំងនេះ ត្រូវបានគេប្រទះឃើញ កាលពីព្រឹកថ្ងៃទី ០៣ ខែមិថុនា ឆ្នាំ២០២៦ នៅក្នុងដីស្រែមួយកន្លែងស្ថិតក្នុងភូមិដំណាក់សាលា ឃុំតាក្រី ស្រុកកំរៀង ខេត្តបាត់ដំបង ខណៈដែលបុរសម្នាក់បានប្រើប្រាស់គ្រឿងចក្រ (អេស្កា) កាយដីស្រែក៏បានប្រទះឃើញតែម្ដង។

បុរសដែលបើកអេស្កាមានឈ្មោះ លន់ ម៉េងជូ អាយុ ២៩ ឆ្នាំ រស់នៅត្រង់ចំណុចកើតហេតុខាងលើ ដោយបានបញ្ជាក់ថា នៅ​ពេល​ដែល​ខ្លួន​ចាប់​ផ្ដើមកាយដីបានបន្តិច ក៏ស្រាប់​តែ​ឃើញ​គ្រាប់ជាប្រភេទគ្រាប់ផ្លោង បាន​អណ្ដែតមកលើតាមប៉ែលអេស្កា ដោយមានការភ័យខ្លាចខ្លួនក៏បានរាយការណ៍ទៅកម្លាំងសមត្ថកិច្ច បន្ទាប់​មកខាងអង្គការស៊ីម៉ាក់ក៏បានចុះមកត្រួតពិនិត្យ ព្រមទាំងបានរុករកបន្ថែមសរុបចំនួន ២២ គ្រាប់។

នៅក្នុងចំណោមគ្រាប់ទាំងនោះគឺមាន គ្រាប់ប្រភេទត្បាល់ ៦០ មីល្លីម៉ែត្រចំនួន ១២ គ្រាប់ និងគ្រាប់ប្រភេទត្បាល់ ៨២ មីល្លីម៉ែត្រ ចំនួន ១០ គ្រាប់ ដោយនៅពេលនោះដែរ កម្លាំងស៊ីម៉ាក់បានប្រមូលគ្រាប់ទាំងអស់យកទៅទុកទីសុវត្ថិភាពដើម្បីកំទេចចោល។ ដោយអាជ្ញាធរនិងកម្លាំងសមត្ថកិច្ចក៏បានធ្វើការអំពាវដល់ប្រជាពលរដ្ឋទាំងអស់ត្រូវមានការប្រុងប្រយ័ត្ន នៅ​ពេល​ដែល​ជួប​ប្រទះ​និង​យុទ្ធភណ្ឌ​មិន​ទាន់ផ្ទុះត្រូវរាយការណ៍ជាបន្តទៅអង្គភាពជំនាញ គេមានការប៉ះពាល់ ឬយកទៅរក្សាទុកដើម្បីកែច្នៃ វាអាចបង្កអត់មានគ្រោះថ្នាក់ដល់អាយុជីវិត៕

អត្ថបទ ៖ សោ និយមរ័ត្ន

The post យុទ្ធភណ្ឌមិនទាន់ផ្ទុះ២២គ្រាប់ ត្រូវ​បាន​ប្រទះ​ឃើញ កប់​ក្នុង​ដីស្រែនៅស្រុកកំរៀង appeared first on Kampuchea Thmey Daily.

ព្រះវិហារ ៖ នាព្រឹកថ្ងៃទី០៧ ខែឧសភា ឆ្នាំ២០២៦ ក្រុមការងារនៃមជ្ឈមណ្ឌលសកម្មភាពកំចាត់មីនកម្ពុជា CMAC កំពុងបន្តធ្វើការរុករកសំណល់ជាតិផ្ទុះ នៅបរិវេណប្រាសាទព្រះវិហារ ដែលប្រាសាទនេះត្រូវបានចុះបញ្ជីជាសម្បត្តិបេតិកភណ្ឌពិភពលោកនេះ ស្ថិតក្នុងស្រុកជាំក្សាន្ត។

ការងាររុករកនេះ ស្ថិតក្រោមគម្រោងជំនួយរបស់ UNESCO បន្ទាប់ពីសង្គ្រាមឈ្លានពានថៃ របស់ថៃនាពេលកន្លងមក លើដែនអធិបតេយ្យភាពកម្ពុជា។

សូមជម្រាបជូនថា នៅក្នុងសង្គ្រាមឈ្លានពានរបស់កងកម្លាំងថៃ មកលើដែនអធិបតេយ្យភាពកម្ពុជា ទាំងពីរលើក ថៃបានធ្វើការបាញ់ផ្លោង និងទម្លាក់គ្រាប់បែក មិនរើសមុខ មិនរើសទីតាំង ដែលបណ្តាលឱ្យខូចខាតជាទម្ងន់នូវផ្ទះសម្បែង ហេដ្ឋារចនាសម្ព័ន្ធស៊ីវិល វត្តអារាម សាលារៀន មណ្ឌលសុខភាព ប្រាសាទបុរាណ ដែលក្នុងនោះ ប្រាសាទព្រះវិហាររបស់ខ្មែរបានរងការខូចខាតជាទម្ងន់។

យោងតាមក្រសួងវប្បធម៌ និងវិចិត្រសិល្បៈ បានឱ្យដឹងថា ប្រាសាទព្រះវិហារ រងការខូចខាត ចំនួន ១៤២កន្លែង និងតំបន់ជុំវិញ ៤២កន្លែង ដោយសារការទម្លាក់គ្រាប់បែកពីលើអាកាសដោយដ្រូន និងយន្តហោះចម្បាំងរបស់យោធាថៃ។

ប្រាសាទព្រះវិហារ ត្រូវបានអង្គការ UNESCOសម្រេចចុះបញ្ជីជា សម្បត្តិបេតិកភណ្ឌពិភពលោក កាលពីថ្ងៃទី ០៧ ខែកក្កដា ឆ្នាំ២០០៨ នាកិច្ចប្រជុំលើកទី៣២ នៅទីក្រុងកេបិច ប្រទេសកាណាដា៕
ដោយ៖ ជុន កុសល

The post CMAC កំពុងបន្តរុករកសំណល់ជាតិផ្ទុះ នៅបរិវេណប្រាសាទព្រះវិហារ ដែលជាគម្រោងរបស់អង្គការ UNESCO appeared first on Kampuchea Thmey Daily.

ការអំពាវនាវជាថ្មីនេះ បន្ទាប់សង្កេតឃើញពលរដ្ឋមួយចំនួនបានយកគ្រាប់មកព្យួរនៅតាមដងផ្លូវ បង្កជាការព្រួយបារម្ភប៉ះពាល់ដល់សុវត្ថិភាពនៅតាមទីសាធារណៈ។ ក្រោយមានហេតុការណ៍មិនប្រក្រតីនេះ អង្គភាពស៊ីម៉ាក់បានចាត់មន្រ្តីជំនាញចុះទៅសាកសួរផ្ទាល់ ដើម្បីទទួលបានព័ត៌មានលម្អិត។

លោក​ ហេង រតនា​ បង្ហោះសារនៅលើបណ្តាញសង្គមហ្វេសប៊ុកផ្ទាល់ខ្លួនដោយភ្ជាប់ជាមួយរូបភាពគ្រាប់យុទ្ធភណ្ឌនៅថ្ងៃទី ២៧ ខែមីនានេះ ដោយបញ្ជាក់ថា ទោះបីជាគ្រាប់មិនទាន់ផ្ទុះ តែការយកព្យួរទុកជូនCMAC បែបនេះក៏ដោយគឺជាទង្វើខុសច្បាប់។ ក្នុងន័យនេះ លោកក្រើនរំឮកថា បើពលរដ្ឋប្រទះឃើញមានគ្រាប់ ត្រូវរាយការណ៍ទៅមន្រ្តីជំនាញ ឬអាជ្ញាធរដែលនៅជិតបំផុត ចៀសវាងបំផ្លាស់ទីគ្រាប់ដោយផ្ទាល់។

លោកសង្កត់ធ្ងន់ថា៖«(ការព្យួរ)នេះទង្វើប្រកបដោយគ្រោះថ្នាក់​ និងខុសឆ្គងទាំងស្រុង។​ អង្គភាពCMACបានអប់រំផ្សព្វផ្សាយនិងតែងតែអំពាវនាវហើយអំពាវនាវទៀត​ថា​ ហាមប៉ះពាល់គ្រាប់យុទ្ធភណ្ឌមិនទាន់ផ្ទុះ​ ឃើញនៅកន្លែងណាដាក់សញ្ញាសម្គាល់​ និងរាយការណ៍ជូនអាជ្ញាធរមូលដ្ឋាន​ឬមន្ត្រីប៉ូលិស​ ឬមន្ត្រីCMACដែលនៅជិតបំផុត​»។ លោកបន្ថែមថា ព្រោះការលើកដាក់​ ដឹកជញ្ជូន​ វាយដំ​ វាអាចបណ្តាលឱ្យផ្ទុះគ្រោះថា្នក់បាត់បង់ជីវិតខ្លួនឯង​ និងអ្នកដទៃ។

កាលពីថ្ងៃទី ១៩ ខែមីនា ឆ្នាំ ២០២៦ មានករណីផ្ទុះគ្រាប់បែកចង្កោមបណ្តាលឱ្យបុរសម្នាក់វ័យ៤២ឆ្នាំបាត់បង់អាយុវជីវិត ខណៈបុរសអាយុ៤៧ឆ្នាំម្នាក់ទៀតរងរបួសធ្ងន់ធ្ងរ ស្ថិតនៅភូមិបឹងស្នោ ឃុំស្លក្រាម ស្រុកស្វាយចេក ខេត្តបន្ទាយមានជ័យ។ បើតាមអាជ្ញាធរមីន ហេតុការណ៍ផ្ទុះគ្រាប់នេះបណ្តាលមកពីជនរងគ្រោះ បានកាន់គ្រាប់បែកចង្កោមមកបោះទើប បណ្តាលឱ្យផ្ទុះតែម្តង៕

The post ជាថ្មីម្តងទៀត! CMAC ទទូចដល់ពលរដ្ឋចៀសវាងដឹកជញ្ជូន ឬព្យួរគ្រាប់យុទ្ធភណ្ឌនៅសាធារណៈ appeared first on Kampuchea Thmey Daily.

តាមការបញ្ជាក់ គ្រោះថ្នាក់នេះបានបណ្តាលឱ្យបុរសអាយុ៤២ឆ្នាំម្នាក់បាត់បង់ជីវិត ខណៈបុរសអាយុ៤៧ឆ្នាំម្នាក់ទៀតរងរបួសធ្ងន់ធ្ងរ។ ហេតុការណ៍នេះកើតឡើងនៅភូមិបឹងស្នោ ឃុំស្លក្រាម ស្រុកស្វាយចេក ខេត្តបន្ទាយមានជ័យ។

លោក ហេង រត បានឱ្យដឹងថា ផ្អែកលើវត្ថុតាងនៅកន្លែងកើតហេតុ គ្រាប់បែកដែលផ្ទុះគឺជាកូនគ្រាប់បែកចង្កោមប្រភេទ M46 នៃគ្រាប់ផ្លោង ១៥៥ មម (NR269) ដែលជាសំណល់គ្រាប់មិនទាន់ផ្ទុះពីអតីតសង្គ្រាម។

ក្នុងសារនោះ លោកក៏បានសម្តែងការសោកស្តាយយ៉ាងជ្រាលជ្រៅ ចំពោះការបាត់បង់ជីវិត និងជូនពរឱ្យអ្នករងរបួសឆាប់ជាសះស្បើយវិញ។

ជាមួយគ្នានេះ អគ្គនាយក CMAC បានព្រមានថា សំណល់យុទ្ធភណ្ឌសង្គ្រាមនៅតែបន្តគំរាមកំហែងដល់សុខសន្តិភាព សុវត្ថិភាពជីវិត និងការអភិវឌ្ឍសេដ្ឋកិច្ចសង្គមនៅកម្ពុជា។ ដូច្នេះ លោកអំពាវនាវឱ្យប្រជាពលរដ្ឋបង្កើនការប្រុងប្រយ័ត្ន ជៀសវាងប៉ះពាល់ ឬចូលទៅក្បែរ គ្រាប់មិនទាន់ផ្ទុះ និងវត្ថុសង្ស័យផ្សេងៗ។

អាជ្ញាធរក៏បានណែនាំឱ្យប្រជាពលរដ្ឋជូនដំណឹងភ្លាមៗទៅកាន់អង្គភាព CMAC ឬអាជ្ញាធរមូលដ្ឋាន ប្រសិនបើប្រទះឃើញវត្ថុសង្ស័យ ដើម្បីទទួលបានការចាត់ចែងយ៉ាងមានសុវត្ថិភាព៕

The post CMAC បញ្ជាក់ករណីផ្ទុះគ្រាប់បែកចង្កោមនៅបន្ទាយមានជ័យ បណ្តាលឱ្យមនុស្សស្លាប់ និងរបួសធ្ងន់ appeared first on Kampuchea Thmey Daily.

អគ្គនាយក​នៃមជ្ឈមណ្ឌល​សកម្មភាព​កំចាត់មីន​កម្ពុជា (CMAC) លោក​ ហេង រតនា​ បានឱ្យដឹងថា នៅថ្ងៃទី១១​ ខែមីនា​ ឆ្នាំ២០២៦នេះ​ នៅទីបញ្ជាការ CMAC ភ្នំពេញ​ បានទទួលម៉ាស៊ីនរាវមីនទំនើបជំនាន់ថ្មីប្រភេទAdvanced Land­mine Ima­ging Sys­tem (ALIS) mine detect­ors ចំនួន៣០គ្រឿង​ ដែលគិតជាថវិកាមានចំនួនប្រមាណជាង១លាន៣សែនដុល្លារអាមេរិក​ ជាជំនួយរបស់រដ្ឋាភិបាលជប៉ុនផ្តល់ជូនរាជរដ្ឋាភិបាលកម្ពុជា ដើម្បីគាំទ្រសកម្មភាពអង្គភាពCMAC បានអនុម័តតាំងពីដើមឆ្នាំ២០២៥​ និងបានដំណើរការដេញថ្លៃទិញដែលសម្ភារបច្ចេកទេសខ្លះត្រូវចំណាយពេលវេលាប្រមាណពី១-២ឆ្នាំទើបអាចទទួលបាន។

សូមបញ្ជាក់ថា​ ម៉ាស៊ីនរាវមីនប្រភេទ (ALIS) នេះ ត្រូវបានស្រាវជ្រាវ និងអភិវឌ្ឍន៍បច្ចេកទេសរួមបញ្ចូលគ្នារវាង​ប្រពន្ធ័ស្រូបសារធាតុដែកនិងប្រពន្ធ័រ៉ាដាកំណត់ចំណុច​រូបភាព (a metal detector and Ground Penetrating Radar, GPR)​ ដោយសហការរវាងអង្គភាពCMACនិងសកលវិទ្យាល័យTOHOKU ជប៉ុន​ដឹកនាំដោយលោកសាស្ត្រាចារ្យ​  Prof. Motoyuki Sato ដែលចាប់ផ្តើមតាំងពីឆ្នាំ២០០៥-២០០៦​ ពោលមានរយៈពេលជាង២០ឆ្នាំ​ ទើប​សម្រាចបានជោគជ័យដ៏ថ្លៃថ្លាមួយនេះ។ ម៉ាស៊ីនរាវមីននេះ​ ប្រៀបដូចឧបករណ៍ស្គែនមើលរូបភាពក្រោមដី​ ដែលមានប្រយោជន៍ការពារសុវត្ថិភាពនិងល្បឿននៃការបោសសម្អាតគ្រាប់មីន និងសំណល់យុទ្ធភណ្ឌសង្គ្រាមកាន់តែមានប្រសិទ្ធភាពថែមទៀត។

នៅក្នុងខែមីនា ឆ្នាំ ២០២៦ នេះ ជប៉ុនក៏បានផ្តល់ម៉ាស៊ីនបោសម្អាតមីនមន្ត (Robot) ចំនួន ៤គ្រឿងដែលនឹងត្រូវពង្រាយប្រតិបត្តិការនៅជួរមុខ ដើម្បីចូលរួមរំដោះផ្ទៃដីរងផលប៉ះពាល់ដោយសំណល់គ្រាប់យុទ្ធភណ្ឌសង្គ្រាមថៃឈ្លានពាន និងគ្រាប់មីន ដើម្បីធានាសុខសុវត្ថិភាពជូនប្រជាពលរដ្ឋ។ ព្រមទាំងផ្តល់គ្រឿងចក្រកម្ទេចមីនថ្មីទំនើប ប្រភេទ KOMATSU ដើម្បីចូលរួមកម្ទេចសំណល់យុទ្ធភណ្ឌសង្គ្រាម៕

The post ជប៉ុន ផ្តល់ម៉ាស៊ីនរាវមីនជំនាន់ថ្មី៣០គ្រឿងបន្ថែមទៀត មានតម្លៃជាង ១លាន៣សែនដុល្លារដល់កម្ពុជា appeared first on Kampuchea Thmey Daily.

ក្នុងសេចក្តីថ្លែងការណ៍ដដែល អាជ្ញាធរមីនបានបញ្ជាក់ថា កម្ពុជា នៅតែប្តេជ្ញាចិត្តយ៉ាងពេញលេញចំពោះកាតព្វកិច្ចរបស់ខ្លួនក្រោម Ottawa Treaty (អនុសញ្ញាហាមប្រាមការប្រើប្រាស់មីនប្រឆាំងមនុស្ស)។ កម្ពុជា មិនបានដាក់មីនថ្មីឡើយ ហើយជំហរនេះមិនមានការផ្លាស់ប្តូរ ដោយបន្តរក្សាតម្លាភាព និងភាពច្បាស់លាស់ជានិច្ច។

អាជ្ញាធរមីនបានលើកឡើងថា តំបន់ព្រំដែនកម្ពុជា–ថៃ នៅតែរងការគំរាមកំហែងធ្ងន់ធ្ងរពីមីន និងសំណល់ជាតិផ្ទុះពីសង្គ្រាម ដែលបន្សល់ទុកពីជម្លោះប្រដាប់អាវុធជាច្រើនទសវត្សរ៍កន្លងមក។ មីន និងសំណល់ជាតិផ្ទុះត្រូវបានរកឃើញជាបន្តបន្ទាប់នៅតំបន់នេះ ទាំងនៅភាគីកម្ពុជា និងភាគីថៃ។ ដូច្នេះ ភាគីទាំងពីរគួរបង្កើនកិច្ចសហប្រតិបត្តិការទ្វេភាគី ដើម្បីបោសសម្អាត និងដោះស្រាយបញ្ហានេះឱ្យបានមានប្រសិទ្ធភាព សម្រាប់សុវត្ថិភាពរបស់ប្រជាពលរដ្ឋនៅតំបន់ព្រំដែន។

ជាមួយគ្នានេះ អាជ្ញាធរមីនបានសង្កត់ធ្ងន់ថា ការរក្សាទុកភស្តុតាង ការស៊ើបអង្កេត និងការធ្វើសេចក្តីសន្និដ្ឋានជាឯកតោភាគី ព្រមទាំងការបង្ហាញជាសាធារណៈដោយមិនមានការផ្ទៀងផ្ទាត់រួមគ្នា មិនអាចចាត់ទុកថាជាការស្វែងរកការពិតប្រកបដោយភាពស្មោះត្រង់ និងវិជ្ជាជីវៈបានឡើយ។ បញ្ហាមីន គឺជាបញ្ហារសើប ដែលតម្រូវឱ្យមានការវាយតម្លៃ និងផ្ទៀងផ្ទាត់បច្ចេកទេសរួមគ្នា ដោយមានតម្លាភាព និងកិច្ចសហប្រតិបត្តិការ។

អាជ្ញាធរមីនបានបន្ថែមថា ការដោះស្រាយបញ្ហានេះ គួរត្រូវអនុវត្តតាមយន្តការដែលបានព្រមព្រៀងគ្នារវាងភាគីទាំងពីរ សម្រាប់ការវាយតម្លៃ និងផ្ទៀងផ្ទាត់បច្ចេកទេស។ កម្ពុជាត្រៀមខ្លួនជាស្រេចក្នុងការសហការប្រកបដោយស្ថាបនា និងតម្លាភាព ដើម្បីស្រាយបំភ្លឺការពិត និងធានាសុវត្ថិភាពជូនជនស៊ីវិល និងសហគមន៍នៅតំបន់ព្រំដែន។

សេចក្តីថ្លែងការណ៍បញ្ចប់ដោយបញ្ជាក់ថា សកម្មភាពមីន មិនគួរត្រូវបានយកទៅប្រើប្រាស់ដើម្បីបម្រើគោលបំណងនយោបាយឡើយ ព្រោះវាជាកិច្ចការមនុស្សធម៌ដែលមានគោលដៅសង្គ្រោះជីវិត កាត់បន្ថយហានិភ័យ និងលើកកម្ពស់សន្តិភាព ព្រមទាំងការជឿទុកចិត្តគ្នាទៅវិញទៅមក។ កម្ពុជានៅតែប្តេជ្ញាចិត្តក្នុងការសន្ទនា បន្តកិច្ចសហប្រតិបត្តិការ និងខិតខំប្រឹងប្រែងរួមគ្នា ឆ្ពោះទៅសម្រេចបានព្រំដែនដែលមានសុវត្ថិភាព ស្ថិរភាព និងមានការខណ្ឌសីមាច្បាស់លាស់៕

The post អាជ្ញាធរមីនអំពាវនាវឱ្យរាយការណ៍ករណីមីនតាមព្រំដែនដោយប្រុងប្រយ័ត្ន និងបន្តប្តេជ្ញាចិត្តតាមអនុសញ្ញាអូតាវ៉ា appeared first on Kampuchea Thmey Daily.

បើតាមការបញ្ជាក់របស់លោក ហេង រតនា អគ្គនាយកនៃ មជ្ឈមណ្ឌលសកម្មភាពកម្ចាត់មីនកម្ពុជា (CMAC) គ្រឿងចក្រកម្ទេចមីនធុនធ្ងន់ប្រភេទ Komatsu នេះ មានទម្ងន់ជាង ៤០ តោន និងជាសម្ភារបច្ចេកទេសសំខាន់សម្រាប់ការបង្កើនប្រសិទ្ធភាពនៃការងារកម្ទេចមីននៅតំបន់មានហានិភ័យខ្ពស់។

គ្រឿងចក្រប្រភេទនេះ ត្រូវបានអភិវឌ្ឍន៍ និងកែច្នៃបច្ចេកទេសនៅកម្ពុជា តាមរយៈកិច្ចសហការរវាងអង្គភាព CMAC និងក្រុមហ៊ុន Komatsu ចាប់តាំងពីចុងទសវត្សរ៍ឆ្នាំ១៩៩០ ហើយត្រូវបានដាក់ឱ្យដំណើរការប្រើប្រាស់ជាផ្លូវការនៅក្នុងអង្គភាព CMAC ចាប់ពីឆ្នាំ២០០៥មក។

លោក ហេង រតនា បានថ្លែងអំណរគុណយ៉ាងជ្រាលជ្រៅដល់រដ្ឋាភិបាលជប៉ុន ដែលបានផ្តល់គ្រឿងចក្រកម្ទេចមីនធុនធ្ងន់នេះជូនរាជរដ្ឋាភិបាលកម្ពុជា ដើម្បីគាំទ្រដល់ប្រតិបត្តិការបោសសម្អាតមីន និងសំណល់យុទ្ធភណ្ឌសង្គ្រាមមនុស្សធម៌នៅកម្ពុជា ឲ្យកាន់តែមានល្បឿនលឿន និងមានប្រសិទ្ធភាពខ្ពស់។

ការគាំទ្រនេះ មានសារៈសំខាន់ជាពិសេសសម្រាប់ការបោសសម្អាតសំណល់យុទ្ធភណ្ឌសង្គ្រាមនៅតាមតំបន់ព្រំដែន និងតំបន់ដែលរងផលប៉ះពាល់ពីអតីតសង្គ្រាម ដើម្បីធានាសុវត្ថិភាពជូនប្រជាពលរដ្ឋ អាចវិលត្រឡប់ទៅរស់នៅភូមិឋានវិញ និងប្រើប្រាស់ដីធ្លីសម្រាប់ការកសាងជីវភាព និងអភិវឌ្ឍន៍សេដ្ឋកិច្ចក្នុងបរិយាកាសសន្តិភាព និងសុវត្ថិភាពយូរអង្វែង៕

The post ជប៉ុនផ្តល់គ្រឿងចក្រកម្ទេចមីនថ្មី គាំទ្រ CMAC ពន្លឿនការបោសសម្អាតសំណល់យុទ្ធភណ្ឌសង្គ្រាម appeared first on Kampuchea Thmey Daily.