Davis Cup Archives - Kampuchea Thmey Daily

អបអរសាទរ! កម្ពុជា បានឡើងទៅកម្រិត៣ Davis Cup ប្រចាំអាស៊ី ក្រោយឈ្នះកាតារ

chean virakbot — Sat, 13 Jul 2024 07:50:56 +0000

ក្រុមកីឡាវាយកូនបាល់កម្ពុជា បានឡើងទៅកាន់កម្រិតទី៣ប្រចាំតំបន់អាស៊ី-អូសេអានី នៃពានរង្វាន់អន្តរជាតិ Davis Cup ហើយ បន្ទាប់ពីបានយកឈ្នះលើក្រុមជម្រើសជាតិ កាតារ ក្នុងវគ្គផ្តាច់ព្រ័ត្រ មុននេះបន្តិចដោយលទ្ធផល ២-០។

ពិន្ទុលំអិត ២វិញ្ញាសា កម្ពុជា ឈ្នះ កាតារ

វិញ្ញាសាឯកត្តជនទី១ ប៊ុន កេន្នី បានយកឈ្នះកីឡាករកាតារ ២-០ (៦-៣, ៦-៤)។
វិញ្ញាសាឯកត្តជនទី២ ឡេង សារិនរាជ បានវាយបកយកឈ្នះកីឡាករកាតារ ២-១ បន្ទាប់ពីត្រូវបានកាតារនាំមុខ ០-១មុន (១-៦, ៦-៣, ៦-៣)។
វិញ្ញាសាវាយគូមួយមិនទាន់ប្រកួតចប់ទេ។ បើទោះជាលទ្ធផល ឈ្នះ ឬ ចាញ់ ក៏កម្ពុជា បានឡើងទៅកាន់កម្រិត៣ដដែល។

ក្រុមម្ចាស់ផ្ទះកម្ពុជា បានឡើងមកកាន់វគ្គខ្វែងក្នុងនាមជាក្រុមលេខ២ក្នុងពូល B បន្ទាប់ពីការប្រកួតសន្សំពិន្ទុទី១ ឈ្នះ អ៉ីរ៉ាក់ ៣-០, ប្រកួតទី២ ឈ្នះមីយ៉ាន់ម៉ា ៣-០ ប៉ុន្តែសន្សំពិន្ទុចុងក្រោយចាញ់ គុយវែត ១-២ ខណៈគុយវែតជាក្រុមលេខ១ក្នុងពូល។

កាលពីឆ្នាំ២០២៣ ក្រុមវាយកូនបាល់កម្ពុជាលេងនៅកម្រិត៣ប្រចាំតំបន់អាស៊ី-អូសេអានី ប៉ុន្តែធ្វើមិនបានល្អ ធ្លាក់មកកម្រិត៤ ហើយឆ្នាំ២០២៤ កម្ពុជាបានទទួលធ្វើជាម្ចាស់ផ្ទះលើកដំបូងក្នុងពានរង្វាន់អន្តរជាតិនេះ។ ទីបំផុតកម្ពុជាបានឡើងទៅកាន់កម្រិត៣វិញដោយជោគជ័យ។

កម្ពុជាមានកីឡាករ ប៊ុន កេន្នី, ឡេង សារិនរាជ, ឃ្លាំង ពន្លក, ទេព ទីម៉ូធី, និង ម៉ាត់ធូ ហ្គ្រោស្លីង ដែលមានលោក ទេព រិទ្ធីវិទ្ធ ជាប្រធានដឹកនាំ៕

អត្ថបទ៖ វីរបុត្រ

The post អបអរសាទរ! កម្ពុជា បានឡើងទៅកម្រិត៣ Davis Cup ប្រចាំអាស៊ី ក្រោយឈ្នះកាតារ appeared first on Kampuchea Thmey Daily.

Davis Cup៖ កម្ពុជា បានលេខ២ក្នុងពូល ឡើងវគ្គខ្វែង ក្រោយចាញ់ គុយវែត ១-២

chean virakbot — Fri, 12 Jul 2024 08:19:51 +0000

ក្រុមកីឡាវាយកូនបាល់កម្ពុជា ទទួលបានចំណាត់ថ្នាក់លេខ២ ក្នុងពូល B បន្ទាប់ពីចាញ់ គុយវែត ដោយលទ្ធផល ១-២ សម្រាប់ការប្រកួតវគ្គសន្សំពិន្ទុក្នុងពូលចុងក្រោយ ពានរង្វាន់អន្តរជាតិ Davis Cup ប្រចាំតំបន់អាស៊ី-អូសេអានី កម្រិត៤។

លទ្ធផលការប្រកួត កម្ពុជា ចាញ់ គុយវែត ១-២

វិញ្ញាសាឯកត្តជនទី១៖ ឃ្លាំង ពន្លក ចាញ់ Bader Alabdullah ០-២ (ពិន្ទុ ៣-៦, ០-៦)
វិញ្ញាសាឯកត្តជនទី២៖ ឡេង សារិនរាជ ឈ្នះ Mubarak Abdulhamid ២-០ (ពិន្ទុ៧-៦, ៧-៥)
វិញ្ញាសាវាយគូ៖ កីឡាករ ឡេង សារិនរាជ ចាប់ដៃ ទេព ទីម៉ូធី ចាញ់ Bader Alabbullah ចាប់ដៃ Mubarak Abdulhamid ១-២ (៣-៦, ២-៦)

ចប់វគ្គសន្សំពិន្ទុ ក្នុងពូល កម្ពុជា ឈ្នះ២ប្រកួត និងចាញ់១ប្រកួត ស្ថិតនៅលេខ២ពូល B ខណៈ គុយវែត ឈ្នះទាំង៣ប្រកួត ឈរលេខ១ក្នុងពូល B។

ការប្រកួតនៅវគ្គខ្វែង កម្ពុជា ជួប ក្រុមលេខ១ក្នុងពូល A គឺ កាតារ ខណៈ គុយវែត ជួប ក្រុមលខ២ក្នុងពូល A គឺ ស្រីលង្កា នៅថ្ងៃទី១៣ ខែកក្កដា ឆ្នាំ២០២៤។ ក្រុមដែលទទួលបានជ័យជម្នះថ្ងៃពីរក្រុមនឹងឡើងទៅកាន់តំបន់អាស៊ី-អូសេអានី កម្រិត៣៕

អត្ថបទ៖ វីរបុត្រ

The post Davis Cup៖ កម្ពុជា បានលេខ២ក្នុងពូល ឡើងវគ្គខ្វែង ក្រោយចាញ់ គុយវែត ១-២ appeared first on Kampuchea Thmey Daily.

Davis Cup៖ ថ្ងៃនេះ កម្ពុជា ប៉ះ ក្រុមខ្លាំង គុយវែត ប្រជែងយកលេខ១ពូល B

chean virakbot — Fri, 12 Jul 2024 03:05:08 +0000

ក្រុមកីឡាវាយកូនបាល់កម្ពុជា ត្រូវប្រកួតវគ្គសន្សំពិន្ទុក្នុងចុងក្រោយជាមួយក្រុមខ្លាំង គុយវែត នៅថ្ងៃនេះ ដើម្បីប្រជែងលេខ១ក្នុងពូល B ក្នុងព្រឹត្តិការណ៍ពិភពលោក Davis Cup ប្រចាំតំបន់អាស៊ី-អូសេអានី កម្រិត៤ (ASIA/OCEANIA IV)។

ក្រុមម្ចាស់ផ្ទះ កម្ពុជា និង គុយវែត បានកក់កៅអីវគ្គខ្វែងរួចហើយ បន្ទាប់ពីបានឈ្នះ២ប្រកួតរៀងៗខ្លួនក្នុងវគ្គសន្សំពិន្ទុក្នុងពូល។ ការប្រកួតសន្សំពិន្ទុកាលពីថ្ងៃទី១០ ខែកក្កដា កម្ពុជា បានយកឈ្នះ អ៉ីរ៉ាក់ ៣-០ និងនៅថ្ងៃទី១១ ខែកក្កដា កម្ពុជា បានឈ្នះ មីយ៉ាន់ម៉ា ៣-០។ ចំណែក គុយវែត ឈ្នះ មីយ៉ាន់ម៉ា ២-០ និងឈ្នះ អ៉ីរ៉ាក់ ២-០ ដែរ។

ពិន្ទុលំអិត កម្ពុជា ៣-០ អ៉ីរ៉ាក់

វិញ្ញាសាឯកត្តជន៖ កីឡាករ ប៊ុន កេន្នី បានឈ្នះ Saidi Adel ២-០ (៦-១, ៦-០)
វិញ្ញាសាឯកត្តជន កីឡាករ Krusling Mathew បានឈ្នះ Abdullah Ali Hatem ២-០ (៧-៦, ៦-៣)
វិញ្ញាសាគូ៖ កីឡាករ ឡេង សារិនរាជ និង Tep Timothy បានឈ្នះ Al Ubaidy min និង Mohammed Abuzed Saber ដោយលទ្ធផល ២០- (ពិន្ទុ ៦-៤, ៦-៤)

ពិន្ទុលំអិត កម្ពុជា ៣-០ មីយ៉ាន់ម៉ា

វិញ្ញាសាឯកត្តជនទី១៖ កីឡាករ Krusling Mathew បានឈ្នះកីឡាករមីយ៉ាន់ម៉ា Hein Latt Kyaw ២-០ (៦-៤, ៦-៤)
វិញ្ញាសាឯកត្តជនទី២៖ កីឡាករ ឡេង សារិនរាជ បានឈ្នះកីឡាករមីយ៉ាន់ម៉ា Aung Kyaw Naing ដោយពិន្ទុ ២-០ (៦-៣, ៦-២)
វិញ្ញាសាវាយគូ៖ កីឡាករ ប៊ុន កេន្នី ចាប់ដៃគូ ឃ្លាំង ពន្លក បានឈ្នះ កីឡាករមីយ៉ាន់ម៉ា Hein Htet Zaw ចាប់ដៃ Aung Myo Thant ដោយលទ្ធផល ២-០ (៧-៥, ៧-២)

តាមដានលទ្ធផលផ្សាយផ្ទាល់៖ Davis Cup Result

អត្ថបទ៖ វីរបុត្រ

The post Davis Cup៖ ថ្ងៃនេះ កម្ពុជា ប៉ះ ក្រុមខ្លាំង គុយវែត ប្រជែងយកលេខ១ពូល B appeared first on Kampuchea Thmey Daily.

Davis Cup៖ ថ្ងៃទី២ កម្ពុជា ឈ្នះ មីយ៉ាន់ម៉ា ទាំង៣វិញ្ញាសា

chean virakbot — Thu, 11 Jul 2024 08:21:22 +0000

ក្រុមកីឡាវាយកូនបាល់កម្ពុជាបានយកឈ្នះក្រុមវាយកូនបាល់មីយ៉ាន់ម៉ា ដោយលទ្ធផល ៣-០ សម្រាប់ការប្រកួតសន្សំពិន្ទុក្នុងពូលថ្ងៃទី២ ត្រូវនឹងថ្ងៃទី១១ ខែកក្កដា ឆ្នាំ២០២៤ នៅពហុកីឡដ្ឋានជាតិមរតកតេជោ។

សម្រាប់ការប្រកួតដែលមាន៣វិញ្ញាសាគឺ កម្ពុជា យកឈ្នះទាំង៣វិញ្ញាសាដែលស្មើនឹង ៣-០។ នេះជាការប្រកួតសន្សំពិន្ទុថ្ងៃទី២ បន្ទាប់ពីថ្ងៃទី១ កម្ពុជា បានយកឈ្នះ អ៉ីរ៉ាក់ ដោយលទ្ធផល ៣-០។ ថ្ងៃទី៣ ត្រូវនឹងថ្ងៃទី១២ ខែកក្កដា កម្ពុជា នឹងប៉ះក្រុមគុយវែត មុនពេលប្រកួតវគ្គថ្ងៃចុងក្រោយនៅថ្ងៃទី១៣ ខែកក្កដា។

លទ្ធផលទាំង៣វិញ្ញាសា

វិញ្ញាសាឯកត្តជនទី១៖ កីឡាករ Krusling Mathew បានឈ្នះកីឡាករមីយ៉ាន់ម៉ា Hein Latt Kyaw ២-០ (៦-៤, ៦-៤)
វិញ្ញាសាឯកត្តជនទី២៖ កីឡាករ ឡេង សារិនរាជ បានឈ្នះកីឡាករមីយ៉ាន់ម៉ា Aung Kyaw Naing ដោយពិន្ទុ ២-០ (៦-៣, ៦-២)
វិញ្ញាសាវាយគូ៖ កីឡាករ ប៊ុន កេន្នី ចាប់ដៃគូ ឃ្លាំង ពន្លក បានឈ្នះ កីឡាករមីយ៉ាន់ម៉ា Hein Htet Zaw ចាប់ដៃ Aung Myo Thant ដោយលទ្ធផល ២-០ (៧-៥, ៦-២)។

អត្ថបទ៖ វីរបុត្រ

The post Davis Cup៖ ថ្ងៃទី២ កម្ពុជា ឈ្នះ មីយ៉ាន់ម៉ា ទាំង៣វិញ្ញាសា appeared first on Kampuchea Thmey Daily.

Davis Cup តំបន់អាស៊ីកម្រិត៤៖ ម្ចាស់ផ្ទះ កម្ពុជា ឈ្នះ អ៉ីរ៉ាក់ ៣-០

chean virakbot — Wed, 10 Jul 2024 09:33:53 +0000

ក្រុមកីឡាវាយកូនបាល់កម្ពុជា បានយកឈ្នះ ក្រុមជម្រើសជាតិ អ៉ីរ៉ាក់ ដោយលទ្ធផល ៣-០ ក្នុងព្រឹត្តិការណ៍វាយកូនបាល់ពិភពលោក Davis Cup ប្រចាំតំបន់អាស៊ី-អូសេអានី កម្រិត៤ (ASIA/OCEANIA IV) ដែលកម្ពុជាធ្វើជាម្ចាស់ផ្ទះ ចាប់ពីថ្ងៃទី១០ ដល់ទី១៣ ខែកក្កដា ឆ្នាំ២២០២៤។

ការប្រកួតថ្ងៃទី១ ការប្រកួតនៅទីលានវាយកូនបាល់ ក្នុងពហុកីឡដ្ឋានជាតិអូឡាំពិក។ វិញ្ញាសាឯកត្តជន ប៊ុន កេន្នី បានឈ្នះកីឡាករ Saidi Adel ដោយលទ្ធផល ២-០។ កីឡាករកម្ពុជា Krusling Mathew បានឈ្នះ Abdullah Ali Hatem ដោយលទ្ធផល ២-០ ខណៈវិញ្ញាសាវាយគូ ឡេង សារិនរាជ និង Tep Timothy បានយកឈ្នះ Al Ubaidy និង Mohammed Abuzed Saber ដោយលទ្ធផល ២-០។

ពិន្ទុលំអិត

វិញ្ញាសាឯកត្តជន៖ កីឡាករ ប៊ុន កេន្នី បានឈ្នះ Saidi Adel ២-០ (៦-១, ៦-០) ប្រើពេល១ម៉ោង និង២២នាទី
វិញ្ញាសាឯកត្តជន កីឡាករ Krusling Mathew បានឈ្នះ Abdullah Ali Hatem ២-០ (៧-៦, ៦-៣) ប្រើពេល២ម៉ោង និង៥នាទី
វិញ្ញាសាគូ៖ កីឡាករ ឡេង សារិនរាជ ចាប់ដៃគូ Tep Timothy បានឈ្នះ Al Ubaidy ចាប់ដៃគូ Mohammed Abuzed Saber ដោយលទ្ធផល ២-០ (៦-៤, ៦-៤ ) ប្រើពេល១ម៉ោងនិង២២នាទី។

សូមបញ្ជាក់ថា ការប្រកួត ASIA/OCEANIA IV ដែលកម្ពុជាធ្វើជាម្ចាស់ផ្ទះលើកដំបូងនេះមាន៨ប្រទេសចូលរួមប្រកួត និងបែងចែកជា២ពូល។ ពូល A មាន កាតារ គីជីស្ថាន ស្រីលង្កា និង អារ៉ា់ប់រួម ខណៈពូល B មាន កម្ពុជា គុយវែត អ៉ីរ៉ាក់ និង មីយ៉ាន់ម៉ា។

ក្រោយចប់វគ្គសន្សំពិន្ទុ ក្រុមលេខ១ពូល A ប៉ះ លេខ២ ពូល B ខណៈ លេខ១ពូល B ត្រូវប៉ះ លេខ២ពូល A។ ២ក្រុមដែលទទួលបានជោគជ័យ នឹងឡើងទៅកម្រិត៣(ASIA/OCEANIA III)។ ក្រុមបាតតារាងពូលទាំងពីរនឹងត្រូវកាត់ចេញធ្លាក់ទៅកម្រិត៥ ហើយក្រុម២ធ្លាក់ពីកម្រិត៣ ចូលមកកម្រិត៤៕

អត្ថបទ៖ វីរបុត្រ

The post Davis Cup តំបន់អាស៊ីកម្រិត៤៖ ម្ចាស់ផ្ទះ កម្ពុជា ឈ្នះ អ៉ីរ៉ាក់ ៣-០ appeared first on Kampuchea Thmey Daily.

ក្រុមវាយកូនបាល់កម្ពុជាកំពុងប្រកួតជាមួយហ៊្សក់ដានីជើងឯក Davis Cup ប្រចាំតំបន់អាស៊ី

chean virakbot — Wed, 26 Jul 2023 07:24:35 +0000

ក្រុមកីឡាវាយកូនបាល់ជម្រើសជាតិកម្ពុជាកំពុងប្រកួតក្នុងពានរង្វាន់កម្រិតពិភពលោក Davis Cup កម្រិតទី៣ ប្រចាំតំបន់ Asia/Oceania នៅប្រទេសស្រីលង្កា ចាប់ពីថ្ងៃទី២៦ ដល់ទី៣០ ខែកក្កដា ឆ្នាំ២០២៣។

តាមការចាប់ឆ្នោតក្រុម កម្ពុជា ស្ថិតនៅពូល ? ជាមួយ ហ៊្សកដានី ម៉ាឡេស៊ី និងអូសេអានី។ សម្រាប់កីឡាករកម្ពុជាមាន៤រូបគឺ ឡុង សំនៀង, ឃ្លាំង ពន្លក, ឡេង សារិនរាជ និងកីឡាករ ទេព ទីម៉ូធី។ ក្រោយចប់ការប្រកួតវគ្គសន្សំពិន្ទុក្នុងពូល ក្រុមលេខ១ និងលេខ២នៃពូលនីមួយៗត្រូវឡើងវគ្គខ្វែងជាមួយពូល A ដើម្បីរកក្រុមជយលាភីឡើងទៅតំបន់ II។

សម្រាប់ការប្រកួតបើកឆាកនារសៀលថ្ងៃទី២៦ ខែកក្កដានេះ ក្រុមជម្រើសជាតិកម្ពុជាប្រកួតជាមួយក្រុមខ្លាំង ហ៊្សកដានី ក្នុងវគ្គសន្សំពិន្ទុក្នុងពូល។

កាលពីឆ្នាំមុន (២០២២) កម្ពុជា បានប្រកួតឈ្នះ សិង្ហបុរី ២-១ នៅក្នុងកម្រិត៤ ដើម្បីបានឡើងមកកម្រិត៣នេះ ដូច្នេះនេះជាលើកទី៦ ដែលកម្ពុជា បានលេងនៅក្នុង ????? ??? កម្រិត៣ ខណៈ ៥លើកកន្លងមកនៅឆ្នាំ២០១២, ២០១៣, ២០១៤, ២០១៥ និង២០១៦។

????? ??? ជាព្រឹត្តិការណ៍ប្រកួតវាយកូនបាល់កម្រិតពិភពលោកដែលធ្វើឡើងតាមកម្រិត និងតំបន់ដែលមាន ៤កម្រិត និងគ្រប់គ្រងដោយសហព័ន្ធកីឡាវាយកូនបាល់អន្តរជាតិ (???) ហើយប្រកួតប្រជែងជារៀងរាល់ឆ្នាំរវាងក្រុមមកពីជាង ១៤០ប្រទេស៕

ទស្សនាលទ្ធផលបច្ចុប្បន្នភាព សូមចុចលើ Davis Cup 2023

អត្ថបទ៖ វីរបុត្រ

The post ក្រុមវាយកូនបាល់កម្ពុជាកំពុងប្រកួតជាមួយហ៊្សក់ដានីជើងឯក Davis Cup ប្រចាំតំបន់អាស៊ី appeared first on Kampuchea Thmey Daily.

កម្ពុជាធ្លាប់ឈ្នះសិង្ហបុរី ថ្ងៃនេះប៉ះគ្នាវគ្គផ្តាច់ព្រ័ត្រ Davis Cup ប្រចាំអាស៊ី

chean virakbot — Sat, 22 Oct 2022 01:34:52 +0000

ក្រុមកីឡាវាយកូនបាល់ជម្រើសជាតិកម្ពុជានឹងប្រកួតជាមួយក្រុមជម្រើសជាតិសិង្ហបុរី រសៀល ថ្ងៃសៅរ៍នេះ ប្រចាំតំបន់ Asia/Oceania Group VI ដើម្បីយកក្រុមមួយឡើងទៅកម្រិត៣ នៃព្រឹត្តិការណ៍វាយកូនបាល់ពិភពលោក Davis Cup ឆ្នាំ២០២២ នៅប្រទេសបារ៉ែន។

មុនឡើងដល់វគ្គផ្តាច់ព្រ័ត្រ ក្រុមកម្ពុជាធ្វើបានល្អឥតខ្ចោះវគ្គសន្សំពិន្ទុក្នុងពូលគឺបានប្រកួតទី១ ឈ្នះប៊ូតាន ៣-០, ប្រកួតទី២ឈ្នះម៉ុងហ្គោលី ៣-០ និងចុងក្រោយឈ្នះតួកម៉េនីស្ថាន ២-១ ដើម្បីឈរលើកំពូលតារាងពូល A ឡើងទៅវគ្គផ្តាច់ព្រ័ត្រ។

ចំណែក សិង្ហបុរីនៅក្នុងពូល B ប្រកួតទី១បានឈ្នះ ម្ចាស់ផ្ទះ បារ៉ែន ៣-០, ប្រកួតទី២ ឈ្នះ គុយវ៉ែត ៣-០, ប្រកួតទី៣ ឈ្នះ ឡាវ ៣-០ និងទី៤ឈ្នះ ហ្គាំ ៣-០ ឈរលើកំពូលតារាង និងឡើងវគ្គផ្តាច់ព្រ័ត្រ។

កីឡាករវាយកូនបាល់ខ្មែរ-បារាំងលេខ១កម្ពុជា ប៊ុន កេន្នី បាននិយាយថា ៖«សិង្ហបុរីល្អ ហើយសម្រាប់ការប្រកួតថ្ងៃនេះ ឱកាសមានដូចគ្នា៥០/៥០»។

ក្នុងព្រឹត្តិការណ៍ Davis Cup ក្រុមកម្ពុជាធ្លាប់ចូលរួមប្រកួតដំបូងតាំងពីឆ្នាំ២០១២ ហើយការប្រកួតបើកឆាកលើកដំបូងបានយកឈ្នះ សិង្ហបុរី ដោយលទ្ធផល ៣-០ នៅទីក្រុងដូហា ដូច្នេះអាចជាកម្លាំងចិត្តមួយសម្រាប់កម្ពុជាក្នុងការប្រកួតថ្ងៃនេះ។ ទាំងកម្ពុជា និងសិង្ហបុរីសុទ្ធតែធ្លាប់បានឡើងកម្រិត៣ដូចគ្នា។

ក្រុមកម្ពុជាធ្លាប់ស្ថិតនៅកម្រិត៣ចាប់ពីឆ្នាំ២០១២ ដល់ ឆ្នាំ២០១៦ ហើយធ្លាក់ទៅកម្រិត៤ ពីឆ្នាំ២០១៧ រហូតដល់ឆ្នាំ២០២២នេះ ខណៈសិង្ហបុរី ស្ថិតនៅកម្រិត៤ពីឆ្នាំ២០១១ដល់១៣, ឆ្នាំ២០១៤ បានឡើងកម្រិត៣ តែឆ្នាំ២០១៥ធ្លាក់ទៅកម្រិត៣វិញ។ ឆ្នាំ២០១៦ បានឡើងកម្រិត៣វិញ ឆ្នាំ២០១៧ធ្លាក់ទៅកម្រិត៣វិញរហូតដល់ឆ្នាំ២០២២នេះ។

កម្ពុជា លេខ១ពូល A និង សិង្ហបុរី លេខ១ ពូល B ប្រកួតគ្នាវគ្គផ្តាច់ព្រ័ត្រ ដើម្បីយកក្រុមខ្លាំងមួយដំឡើងទៅកម្រិតទី៣ប្រចាំតំបន់អាស៊ី Asia/Oceania Group III នៃព្រឹត្តិការណ៍វាយកូនបាល់ពិភពលោក Davis Cup ឆ្នាំ២០២២។ នេះជាការប្រកួតអន្តរជាតិយ៉ាងល្អសម្រាប់ក្រុមកម្ពុជាដែលកំពុងត្រៀមខ្លួនសម្រាប់ស៊ីហ្គេម ឆ្នាំ២០២៣៕

-ចំណាត់ថ្នាក់លេខ១៖ កម្ពុជា vs សិង្ហបុរី
-លេខ៣ និងលេខ៤៖ តួកម៉េនីស្ថាន vs គុយវ៉ែត
-លេខ៥ និង លេខ៦៖ បារ៉ែន vs ហ្គាំ

អត្ថបទ៖ វីរបុត្រ

The post កម្ពុជាធ្លាប់ឈ្នះសិង្ហបុរី ថ្ងៃនេះប៉ះគ្នាវគ្គផ្តាច់ព្រ័ត្រ Davis Cup ប្រចាំអាស៊ី appeared first on Kampuchea Thmey Daily.

អរគុណដល់ ប៊ូតាន និងម៉ុងហ្គោលី ជា Fans កម្ពុជា ប៉ះតួកម៉េនីស្ថានម្សិលមិញ

chean virakbot — Fri, 21 Oct 2022 02:12:26 +0000

សហព័ន្ធកីឡាវាយកូនបាល់កម្ពុជាបានបញ្ចេញសារ និងរូបភាពដែលបង្ហាញពីប្រតិភូកីឡាវាយកូនបាល់ប៊ូតាន និងម៉ុងហ្គោលី ជាអ្នកគាំទ្រដល់ក្រុមវាយកូនបាល់ជម្រើសជាតិកម្ពុជានៅពេលប្រកួតជាមួយតួកម៉េនីស្ថាន ម្សិលមិញ ក្នុងព្រឹត្តិការណ៍វាយកូនបាល់ពិភពលោក Davis Cup ឆ្នាំ២០២២ នៅប្រទេសបារ៉ែន។

សហព័ន្ធបាននិយាយថា ៖«អ្នកគ្រប់គ្នាស្រឡាញ់កម្ពុជា! អរគុណជាពិសេសដល់សហព័ន្ធកីឡាវាយកូនបាល់ប៊ូតាន និងសហព័ន្ធកីឡាវាយកូនបាល់ម៉ុងហ្គោលី ដែលបានគាំទ្រ និងលើកទឹកប្រកបដោយភាតរភាព»។ ជាមួយគ្នានេះ សហព័ន្ធកីឡាវាយកូនបាល់ប៊ូតាន ថែមទាំងនិយាយ«អបអរសាទរ»ដល់កម្ពុជាទៀតផងដែលបានឡើងវគ្គផ្តាច់ព្រ័ត្រ។

ការទៅទស្សនា និងគាំទ្រដល់ក្រុមកម្ពុជានេះ បន្ទាប់ពីក្រុមវាយកូនបាល់ជម្រើសជាតិប៊ូតាន និងម៉ុងហ្គោលីអស់ឱកាសឡើងវគ្គបន្ត បន្ទាប់ពីធ្វើមិនបានល្អ។ ក្នុងនោះ ក្រុមប៊ូតាន និងម៉ុងហ្គោលី បានចាញ់ក្រុមកម្ពុជា ដោយលទ្ធផល ៣-០ ដូចគ្នា។

ថ្វីបើក្រុមប្រទេសទាំងពីរអស់ឱកាស និងចាញ់កម្ពុជាក៏ដោយ ក៏ពួកគាត់ចង់ឲ្យក្រុមកម្ពុជាឡើងវគ្គបន្ត ដូច្នេះហើយបានជាពួកគាត់មកគាំទ្រ លើកទឹកចិត្តដល់កម្ពុជាផ្ទាល់ដើម្បីឲ្យយកឈ្នះតួកម៉េនីស្ថាន។ ជាលទ្ធផល កម្ពុជាបានឈ្នះតួកម៉េនីស្ថាន ២-១ ដើម្បីឈរលើកំពូលតារាង ឡើងវគ្គផ្តាច់ព្រ័ត្រ ជួប សិង្ហបុរី នាថ្ងៃសៅរ៍ ស្អែកនេះ ដើម្បីជ្រើសរើសយកមួយក្រុមឡើងកម្រិត៣ ប្រចាំតំបន់ Asia/Oceania Group III នៃព្រឹត្តិការណ៍វាយកូនបាល់ពិភពលោក Davis Cup ឆ្នាំ២០២២ នៅប្រទេសបារ៉ែន។

កម្ពុជាវគ្គសន្សំពិន្ទុក្នុងពូលបានឈ្នះប៊ូតាន ៣-០, ឈ្នះម៉ុងហ្គោលី ៣-០ និងចុងក្រោយឈ្នះតួកម៉េនីស្ថាន ២-១ ដើម្បីឈរលើកំពូលតារាងពូល A ខណៈ សិង្ហបុរី ឈ្នះម្ចាស់ផ្ទះ បារ៉ែន ៣-០, ឈ្នះ គុយវ៉ែត ៣-០, ឈ្នះ ឡាវ ៣-០ ឈរលើកំពូលតារាង ពូល B និងឡើងវគ្គផ្តាច់ព្រ័ត្រស្វ័យប្រវត្តិ ទោះបីជានៅសល់មួយប្រកួតជាមួយ ហ្គាំ។

កម្ពុជា លេខ១ពូល A និង សិង្ហបុរី លេខ១ ពូល B ត្រូវប្រកួតគ្នាវគ្គផ្តាច់ព្រ័ត្រ ដើម្បីយកក្រុមខ្លាំងមួយដំឡើងទៅកម្រិតទី៣ប្រចាំតំបន់អាស៊ី Asia/Oceania Group III៕

អត្ថបទ៖ វីរបុត្រ

The post អរគុណដល់ ប៊ូតាន និងម៉ុងហ្គោលី ជា Fans កម្ពុជា ប៉ះតួកម៉េនីស្ថានម្សិលមិញ appeared first on Kampuchea Thmey Daily.

Davis Cup Archives - Kampuchea Thmey Daily

អបអរសាទរ! កម្ពុជា បាន​ឡើង​ទៅកម្រិត៣ Davis Cup ប្រចាំអាស៊ី ក្រោយឈ្នះកាតារ

Davis Cup៖ កម្ពុជា បាន​លេខ២​ក្នុង​ពូល ឡើងវគ្គខ្វែង ក្រោយចាញ់ គុយវែត ១-២

Davis Cup៖ ថ្ងៃនេះ កម្ពុជា ប៉ះ ក្រុម​ខ្លាំង គុយវែត ប្រជែងយក​លេខ១ពូល B

Davis Cup៖ ថ្ងៃទី២ កម្ពុជា ឈ្នះ មីយ៉ាន់ម៉ា ទាំង​៣វិញ្ញាសា

Davis Cup តំបន់​អាស៊ី​កម្រិត​៤​៖ ម្ចាស់ផ្ទះ កម្ពុជា ឈ្នះ អ៉ីរ៉ាក់ ៣-០

ក្រុមវាយកូនបាល់កម្ពុជាកំពុងប្រកួតជាមួយហ៊្សក់ដានីជើង​ឯក Davis Cup ប្រចាំតំបន់អាស៊ី

កម្ពុជា​​ធ្លាប់​​ឈ្នះ​​សិង្ហបុរី ​ថ្ងៃ​​នេះ​​ប៉ះ​​គ្នា​​វគ្គ​​ផ្តាច់​​ព្រ័ត្រ Davis​ Cup​ ប្រចាំ​​អាស៊ី

អរគុណដល់​ ប៊ូតាន​ និង​ម៉ុងហ្គោលី​ ជា​ Fans​ កម្ពុជា​​ ប៉ះ​​តួកម៉េនីស្ថាន​ម្សិល​​មិញ

អបអរសាទរ! កម្ពុជា បានឡើងទៅកម្រិត៣ Davis Cup ប្រចាំអាស៊ី ក្រោយឈ្នះកាតារ

Davis Cup៖ កម្ពុជា បានលេខ២ក្នុងពូល ឡើងវគ្គខ្វែង ក្រោយចាញ់ គុយវែត ១-២

Davis Cup៖ ថ្ងៃនេះ កម្ពុជា ប៉ះ ក្រុមខ្លាំង គុយវែត ប្រជែងយកលេខ១ពូល B

Davis Cup៖ ថ្ងៃទី២ កម្ពុជា ឈ្នះ មីយ៉ាន់ម៉ា ទាំង៣វិញ្ញាសា

Davis Cup តំបន់អាស៊ីកម្រិត៤៖ ម្ចាស់ផ្ទះ កម្ពុជា ឈ្នះ អ៉ីរ៉ាក់ ៣-០

ក្រុមវាយកូនបាល់កម្ពុជាកំពុងប្រកួតជាមួយហ៊្សក់ដានីជើងឯក Davis Cup ប្រចាំតំបន់អាស៊ី

កម្ពុជាធ្លាប់ឈ្នះសិង្ហបុរី ថ្ងៃនេះប៉ះគ្នាវគ្គផ្តាច់ព្រ័ត្រ Davis Cup ប្រចាំអាស៊ី

អរគុណដល់ ប៊ូតាន និងម៉ុងហ្គោលី ជា Fans កម្ពុជា ប៉ះតួកម៉េនីស្ថានម្សិលមិញ