តុលាការបាននិយាយកាលពីថ្ងៃអង្គារ៍ថា កាលបរិច្ឆេទ​នៃ​ដំណើរ​ការ​នីតិវិធីមិនទាន់ត្រូវបានកំណត់នៅឡើយទេ ប៉ុន្តែទំនងជាមិនចាប់ផ្តើមមុនឆ្នាំក្រោយនោះទេ។

របាយការណ៍របស់ក្រុមប្រឹក្សាវេជ្ជសាស្ត្រដែលផ្តល់ទៅឱ្យព្រះរាជអាជ្ញាកាលពីមុនបានសន្និដ្ឋានថា លោក Maradona មានការឈឺចាប់អស់រយៈពេលជាង ១២ម៉ោង មិនបានទទួលការព្យាបាលគ្រប់គ្រាន់ ហើយអាចមានជីវិតប្រសិនបើគាត់ត្រូវបានបញ្ជូនទៅមន្ទីរពេទ្យត្រឹមត្រូវ។

ចៅក្រម ៣នាក់មកពីតុលាការឧទ្ធរណ៍នៅទីក្រុង San Isidro នៅខាងក្រៅទីក្រុង Buenos Aires បានបញ្ជាក់ពីការចោទប្រកាន់ដែលនាំមកដោយរដ្ឋអាជ្ញាពីបទមនុស្សឃាតដោយការធ្វេសប្រហែស​របស់​សមាជិកក្រុមគ្រូពេទ្យ​ដែល​ព្យាបាលលោក Maradona។

គ្រូពេទ្យវះកាត់សរសៃប្រសាទ លោក Leopoldo Luque និងវិកលចរិត លោក Agustina Cosachov ត្រូវបានចោទប្រកាន់ពីបទបរាជ័យក្នុងការថែទាំ Maradona។ ក្រុមគ្រូពេទ្យរបស់ លោក Maradona ក៏រួមបញ្ចូលពេទ្យ​យចិត្តសាស្រ្ត Carlos Díaz, វេជ្ជបណ្ឌិត Nancy Forlini និង Pedro Di Spagna អ្នកសម្របសម្រួលគិលានុបដ្ឋាយិកា Mariano Perroni និងគិលានុបដ្ឋាយិកា Ricardo Almirón និង Dahiana Madrid។

លោក Maradona ដែលធ្លាប់បានឈ្នះ World Cup ជាមួយអាហ្សង់ទីនក្នុងឆ្នាំ១៩៨៦ បានស្លាប់​ក្នុង​វ័យ​​៦០​ឆ្នាំ​ដោយសារគាំងបេះដូងនៅថ្ងៃទី២៥ ខែវិច្ឆិកា ឆ្នាំ២០២០ នៅឯផ្ទះជួលមួយនៅខាងក្រៅទីក្រុង Buenos Aires បន្ទាប់ពីការវះកាត់ខួរក្បាលបានពីរសប្តាហ៍។

ការធ្វើកោសល្យវិច័យដំបូងរបស់ Maradona បង្ហាញថា លោក​ស្លាប់ដោយសារមូលហេតុធម្មជាតិ៕

ប្រែសម្រួល៖ មន្នីរ័ត្ន
ប្រភព៖ apnews.com

The post ក្រុម​គ្រូពេទ្យព្យាបាលលោក Maradona ត្រូវកាត់​ទោស​ពាក់ព័ន្ធការ​ស្លាប់​របស់លោក appeared first on Kampuchea Thmey Daily.

ឥឡូវនេះ Álvarez មានអាយុ៣៧ឆ្នាំដែលបានផ្តល់សក្ខីកម្មកាលពីសប្តាហ៍មុននៅ​តុលាការ​ក្រសួង​យុត្តិធម៌ប្រទេសអាហ្សង់ទីនដែលកំពុងស៊ើបអង្កេតជុំវិញការចោទប្រកាន់របស់នាង​លើលោក Maradona តាំងពីនាងអាយុ១៦ឆ្នាំ។

លោក Maradona ដែលជាតារាបាល់ទាត់ដ៏ល្បីល្បាញបានទទួលមរណភាពកាលពីខែវិច្ឆិកា ឆ្នាំ២០២០។

ពាក្យបណ្តឹងពាក់ព័ន្ធនឹងការធ្វើដំណើររបស់នាង Álvarez ទៅប្រទេសអាហ្សង់ទីនជាមួយលោក Maradona ក្នុងឆ្នាំ២០០១ដែលពេលនោះវីរបុរសបាល់ទាត់អាយុប្រហែល៤០ឆ្នាំ ហើយនាងទើបអាយុ១៦ឆ្នាំ។

នាង Álvarez បាននិយាយថា នាងបានជួបលោក Maradona លើកដំបូងមុនពេលធ្វើដំណើរទៅអាហ្សង់ទីនបន្តិចដែលនៅពេលនោះវីរបុរសអាហ្សង់ទីនស្ថិតនៅប្រទេសគុយបាដើម្បីព្យាបាលការញៀនថ្នាំ។

នៅក្នុងសន្និសីទសារព័ត៌មាននៅទីក្រុង Buenos Aires នាង Álvarez បានចោទលោក Maradona បានចាប់រំលោភនាងនៅគ្លីនិកមួយនៅ Havana ដែលលោក Maradona កំពុងស្នាក់នៅ ខណៈម្តាយនាងស្ថិតនៅក្នុងបន្ទប់ជិតនោះ។

Álvarez បាននិយាយថា ៖«គាត់បិទមាត់ខ្ញុំ ចាប់រំលោភ។ ខ្ញុំមិនចង់គិតច្រើនរឿងនោះទេ។ ខ្ញុំជាក្មេងស្រី ភាពបរិសុទ្ធរបស់ខ្ញុំត្រូវបានលួច។ វាពិតជាឈឺចាប់។ ខ្ញុំឈប់រស់នៅក្នុងភាពបរិសុទ្ធដែលជាក្មេងស្រីជួបបទពិសោធបែបនេះ»។

Álvarez ធ្លាប់បានចាត់ទុកទំនាក់ទំនងរបស់​នាង​ជា​មួយ​លោក Maradona ក្នុងបទសម្ភាសជាមួយអ្នកសារព័ត៌មានថាជា «ការឯកភាេះ» ប៉ុន្តែនាងក៏បាននិយាយដែរថា យ៉ាង​ហោច​ណាស់ លោក Maradona ធ្លាប់​ចាប់បង្ខំនាងម្តង​ដែរ។

នាងថា គ្រួសាររបស់នាងបានត្រឹមតែអនុញ្ញាតឲ្យមានទំនាក់ទំនងជាមួយតារាបាល់ទាត់នេះ បើទោះជាអាយុខុសគ្នាឆ្ងាយក៏ដោយ ពីព្រោះលោក Maradona មានទំនាក់ទំនងមិត្តភាពជាមួយអតីតប្រធានាធិបតីគុយបាលោក Fidel Castro។

Álvarez និយាយថា នាងដាក់ពាក្យបណ្តឹងដើម្បីជួយដល់ស្ត្រីរងគ្រោះទាំងអស់ពីការកេងប្រវ័ញ្ច។ ដើម្បីអាចជួយពួកគេតាមអ្វីដែលខ្ញុំអាច។ នេះជាគោលបំណងខ្ញុំ»៕

ប្រែសម្រួល៖ វីរបុត្រ
ប្រភព៖ theguardian

The post ស្ត្រី​​គុយ​បា​​ចោទ​​វីរ​បុរស​​បាល់ទាត់​​អាហ្សង់ទីន​​ Maradona​ រំលោភ​​នាង​​តាំង​ពី​អាយុ​១៦​ឆ្នាំ appeared first on Kampuchea Thmey Daily.

ប៉ូលិសបានដកហូតកុំព្យូទ័រយួរដៃកំណត់ត្រាវេជ្ជសាស្រ្តនិងឧបករណ៍ចល័តក្នុងអំឡុងពេលនៃការវាយឆ្មក់រយៈពេល ៣ ម៉ោងដែលជាផ្នែកមួយនៃការស៊ើបអង្កេតដើម្បីកំណត់ថាតើមានការធ្វេសប្រហែសរបស់ផ្នែកគ្រូពេទ្យដែរឬទេ។

ប៉ូលិសបានឆ្មក់ចូលផ្ទះ និងគ្លីនិករបស់លោក Leopoldo Luque ដែលជាគ្រូពេទ្យផ្ទាល់របស់លោក Maradona រយៈពេល ៣ ម៉ោងកាលពីព្រឹកថ្ងៃអាទិត្យ និងបានដកហូតព្យូទ័រយួរដៃ កំណត់ត្រាវេជ្ជសាស្រ្ត និងទូរស័ព្ទដៃ ខណៈដែលពួកគេព្យាយាមស្វែងរកឲ្យឃើញថាតើមានការប្រព្រឹត្តធ្វេសប្រហែសក្នុងការព្យាបាលលើ Maradona ដែរឬទេ?

ប៉ុន្តែលោក Luque បានបដិសេធរាល់ការធ្វើខុសទាំងនោះ ។ លោក Luque បាននិយាយទាំងទឹកភ្នែកក្នុងសន្និសីទសារពត៌មានមួយនៅឯផ្ទះរបស់គាត់ថា “មិនមានកំហុសផ្នែកវេជ្ជសាស្រ្តណាមួយឡើយ ។ Diego មានជំងឺគាំងបេះដូង ។ ចំពោះអ្នកជំងឺដែលមានជំងឺបែបនេះគឺជារឿងធម្មតាទៅហើយនៅលើពិភពលោកដែលបានស្លាប់ដូចនេះ ។ អ្វីគ្រប់យ៉ាងដែលអាចធ្វើបានត្រូវបានធ្វើដើម្បីការពារ Diego” ។

Maradona បានទទួលការវះកាត់កំណកឈាមនៅខួរក្បាលកាលពីដើមខែវិច្ឆិកា ។ លោក Luque បានអនុញ្ញាតឲ្យគាត់ចាកចេញពីមន្ទីរពេទ្យ ៥ ថ្ងៃក្រោយមក ។ គ្រូពេទ្យរូបនេះបាននិយាយថា គាត់បានធ្វើអ្វីគ្រប់យ៉ាងដែលអាចធ្វើបានរហូតដល់មិនអាចទៅរួច ។

ការវាយឆ្មក់នេះបានកើតឡើង បន្ទាប់ពីសមាជិកក្រុមគ្រួសាររបស់ Maradona បានប្រាប់អ្នកស៊ើបអង្កេតថា ពួកគេបានឃើញការប្រយុទ្ធរវាង Maradona និងគ្រូពេទ្យផ្ទាល់ខ្លួនរបស់គាត់ បន្ទាប់ពីកូនស្រីរបស់ Maradona គឺនាង Dalma និង Giannina បានសាកសួរអំពីថ្នាំព្យាបាលឪពុករបស់ពួកគេ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

The post គ្រូពេទ្យរបស់ Maradona ត្រូវបានស៊ើបអង្កេតពីបទមនុស្សឃាត appeared first on Kampuchea Thmey Daily.

អាវនេះជាកម្មសិទ្ធិរបស់អតីតកីឡាករអង់គ្លេស Steve Hodge ដែលបានទទួលវាពី Maradona បន្ទាប់ពីការប្រកួតដែលបានជួយឲ្យអាហ្សង់ទីនយកឈ្នះអង់គ្លេសនៅវគ្គ quarter-finals ឬវគ្គ ៨ ក្រុមចុងក្រោយក្នុងលទ្ធផល ២-១ ។

លោក Hodge បានប្រាប់ប្រព័ន្ធផ្សព្វផ្សាយអង់គ្លេសនៅក្នុងបទសម្ភាសន៍តាមទូរទស្សន៍ថា “ខ្ញុំបានដើរតម្រង់ទៅ Maradona ហើយខ្ញុំបានដោះអាវរបស់ខ្ញុំដូរជាមួយគាត់នៅលើទីលាន ។ បច្ចុប្បន្នអាវនេះត្រូវបានដាក់បង្ហាញនៅសារមន្ទីរបាល់ទាត់ជាតិអង់គ្លេសក្នុងទីក្រុង Manchester” ។

Maradona ស៊ុតបញ្ចូលទីបាន ៣៤ គ្រាប់ក្នុងការបង្ហាញខ្លួន ៩១ លើកឲ្យក្រុមជម្រើសជាតិអាហ្សង់ទីន ហើយចូលលេងក្នុងព្រឹត្តិការណ៍ World Cup បានចំនួន ៤ ដង ។

ចំណែកក្នុងក្លឹបអាជីពវិញ Maradona បានលេងឲ្យក្លិប Barcelona និង Napoli ដោយឈ្នះពានរង្វាន់ក្របខណ្ឌ Serie A ២ សម័យកាលជាមួយក្លិបអ៊ីតាលី ។ គាត់បានចាប់ផ្តើមអាជីពរបស់គាត់ជាមួយក្លិប Argentinos Juniors ហើយក៏លេងឲ្យ Sevilla និង Boca Juniors ព្រមទាំង New Old’s Old Boys នៅក្នុងប្រទេសកំណើតរបស់គាត់ផងដែរ ។

គួរបញ្ជាក់ថា វីរបុរសបាល់ទាត់អាហ្សង់ទីន Diego Maradona បានទទួលមរណភាពក្នុងវ័យ ៦០ ឆ្នាំដោយសារជំងឺគាំងបេះដូងនៅឯផ្ទះរបស់គាត់ក្នុងទីក្រុង Buenos Aires ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS / BBC

The post អាវដែល Maradona ពាក់យកដៃទះបាល់បញ្ចូលទីអង់គ្លេស ដាក់លក់ក្នុងតម្លៃកប់ពពក appeared first on Kampuchea Thmey Daily.

មានតែសាច់ញាតិនិងមិត្តភក្តិជាង២០នាក់ប៉ុណ្ណោះដែលបានចូលរួមក្នុងពិធីលាជាលើកចុងក្រោយកាលពីថ្ងៃព្រហស្បតិ៍។

ប៉ុន្តែមុននេះ ហ្វូងមនុស្សដ៏ធំធេងបានចេញមកតាមដងផ្លូវដើម្បីគោរពវិញ្ញាណក្ខន្ធដោយមានអ្នកខ្លះយំ ធ្វើកាយវិការថើបនិងបួងសួងនៅពេលពួកគេឆ្លងកាត់មឈូសរបស់គាត់។

Maradona បានស្លាប់ដោយសារជំងឺគាំងបេះដូងនៅថ្ងៃពុធក្នុងអាយុ៦០ឆ្នាំ។

មរណភាពរបស់លោកបាននាំឲ្យមានការកាន់ទុក្ខនៅជុំវិញពិភពលោកប៉ុន្តែមិនមានកន្លែងណាដែលមានអារម្មណ៍សោកសៅជាងនៅក្នុងប្រទេសដែលចាត់ទុកលោកជាវីរបុរសជាតិនោះទេ។

មឈូសរបស់ Maradona ដែលដណ្តប់ទង់ជាតិនិងអាវបាល់ទាត់ជម្រើសជាតិអាហ្សង់ទីនមានស្លាកលេខ១០នៅលើខ្នងត្រូវបានដាក់បង្ហាញជាសាធារណៈនៅវិមានប្រធានាធិបតីកាលពីថ្ងៃព្រហស្បតិ៍។

ត្រឹមពេលរសៀល មនុស្សតម្រង់ជួរប្រវែងជាងមួយគីឡូម៉ែត្របានប៉ះទង្គិចជាមួយប៉ូលិសខណៈពួកគេព្យាយាមឡោមព័ទ្ធវិមាន។

មានរបាយការណ៍អំពីការប្រើឧស្ម័នបង្ហូរទឹកភ្នែកនិងគ្រាប់កាំភ្លើងជ័រខណៈមន្រ្តីប្រដាប់ដោយឧបករណ៍បង្ក្រាបកុបកម្មបានព្យាយាមរារាំងហ្វូងមនុស្ស។

នៅទីបំផុត អាជ្ញាធរត្រូវបានបង្ខំចិត្តបញ្ឈប់ការទស្សនាមឈូសជាសាធារណៈដើម្បីរក្សាសន្តិភាព។

ក្បួនដឹកសពបានដឹកសពរបស់គាត់ទៅកាន់ទីបញ្ចុះសព Bella Vista នៅជាយក្រុងដែលគាត់ត្រូវបានគេបញ្ចុះនៅក្បែរផ្នូរឪពុកម្តាយរបស់គាត់៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ Diego Maradona ស្លាប់ក្នុងវ័យ ៦០ឆ្នាំ ដោយសារជំងឺខ្សោយបេះដូង

ចុចអាន៖ ដំណឹងក្រៀមក្រំ! វីរបុរសបាល់ទាត់អាហ្សង់ទីន Diego Maradona ទទួលមរណភាព

The post ប៉ូលិសអាហ្សង់ទីនប៉ះទង្គិចជាមួយហ្វូងអ្នកកាន់ទុក្ខស្តេចបាល់ទាត់ Maradona appeared first on Kampuchea Thmey Daily.

កាល​ពី​ថ្ងៃ​ពុធ សមាគមបាល់​ទាត់​របស់​ប្រទេស​នេះ ក៏​បាន​ចេញ​មុខ​អះអាង​ពីការស្លាប់​របស់​លោក Maradona តាម​រយៈការ​បង្ហោះ​សារខ្លី​មួយ​លើ​ប្រព័ន្ធ​ផ្សព្វផ្សាយ​សង្គម។

លើ​បណ្តាញ Twitter លោក Claudio Tapia ប្រធានសមាគមបាល់​ទាត់​អាហ្សង់ទីន សរសេរថា “ជារឿងសោកស្តាយប៉ុនពេកនៃ​ការ​ស្លាប់​របស់​វិរបុរស​បាល់​ទាត់ លោក Diego Armando Maradona។ លោកនឹង​ស្ថិត​ក្នុង​ដូង​ចិត្ត​ពួក​យើង​គ្រប់គ្នា”។  

លោក Maradona ជាអតីតកំពូលកីឡាករ​បាល់​ទាត់​អស្ចារ្យបំផុតក្នុង​ប្រវត្តិសាស្ត្រ​របស់​ប្រទេស​អាហ្សង់ទីន ដោយ​ជួយ​លើក​មុខ​មាត់​ប្រទេស​ខ្លួន ក្នុង​នាម​ជា​ម្ចាស់​ពាន​ World Cup ឆ្នាំ១៩៨៦ ក្រោយ​ប្រើ​ដៃ​ដាល់​បាល់​ចូល​សំណាញ់ទី​របស់​អង់គ្លេស ក្នុង​ការ​ប្រកួត​វគ្គ​ផ្តាច់​ព្រ័ត។

ជាមួយ​ទេព្យកោសល្យ និង​ល្បិច​ក្នុង​ការ​លេង​កីឡាបាល់​ទាត់ នាំ​ឲ្យ​ពលរដ្ឋអាហ្សង់ទីន ឲ្យរហ័សនាម​ Maradona ជាដៃនៃ​ព្រះ​ជាម្ចាស់ “Hand of God”៕

ប្រែសម្រួល៖ សុភា
ប្រភព៖ CNN

The post Diego Maradona ស្លាប់ក្នុងវ័យ ៦០ឆ្នាំ ដោយសារជំងឺខ្សោយបេះដូង appeared first on Kampuchea Thmey Daily.

អតីតខ្សែបម្រើប្រយុទ្ធនិងជាអ្នកចាត់ការទូទៅនៃក្រុមជម្រើសជាតិអាហ្សង់ទីនរូបនេះបានគាំងបេះដូងស្លាប់នៅឯផ្ទះរបស់គាត់ក្នុងទីក្រុង Buenos Aires។ គាត់ត្រូវបានគេដឹងថាជាមនុស្សដែលងប់ងុលនឹងថ្នាំញៀន។

គាត់បានទទួលជោគជ័យក្នុងការវះកាត់កំណកឈាមក្នុងខួរក្បាលកាលពីដើមខែវិច្ឆិកាហើយត្រូវទទួលការព្យាបាលភាពញៀននឹងគ្រឿងស្រវឹង។

Maradona គឺជាប្រធានក្រុមនៅពេលដែលប្រទេសអាហ្សង់ទីនឈ្នះពានរង្វាន់ World Cup ឆ្នាំ១៩៨៦។ គាត់បានសាងភាពល្បីល្បាញដោយសារគ្រាប់បាល់ “Hand of God” យកដៃទះបាល់បញ្ចូលទីក្នុងជំនួបជាមួយអង់គ្លេសនៅវគ្គ quarter-finals ឬវគ្គប្រាំបីក្រុមចុងក្រោយ។

ប្រធានាធិបតីអាហ្សង់ទីនលោក Alberto Fernandez បានប្រកាសកាន់ទុក្ខទូទាំងរយៈពេល៣ថ្ងៃ ។

Maradona បានលេងឲ្យក្លិប Barcelona និង Napoli ក្នុងអាជីពរបស់គាត់ដោយឈ្នះពានរង្វាន់ក្របខណ្ឌ Serie A ២សម័យកាលជាមួយក្លិបអ៊ីតាលី។ គាត់បានចាប់ផ្តើមអាជីពរបស់គាត់ជាមួយក្លិប Argentinos Juniors ហើយក៏លេងឲ្យ Sevilla និង Boca Juniors ព្រមទាំង New Old’s Old Boys នៅក្នុងប្រទេសកំណើតរបស់គាត់ផងដែរ។

Maradona ស៊ុតបញ្ចូលទីបាន៣៤គ្រាប់ក្នុងការបង្ហាញខ្លួន៩១លើកឲ្យក្រុមជម្រើសជាតិអាហ្សង់ទីនហើយចូលលេងក្នុងព្រឹត្តិការណ៍ World Cup បានចំនួន៤ដង។

Maradona បានដឹកនាំប្រទេសរបស់គាត់ទៅវគ្គផ្តាច់ព្រ័ត្រឆ្នាំ១៩៩០នៅប្រទេសអ៊ីតាលីតែត្រូវចាញ់ក្រុមអាល្លឺម៉ង់ខាងលិចមុនពេលដឹកនាំក្រុមម្តងទៀតនៅសហរដ្ឋអាមេរិកក្នុងឆ្នាំ១៩៩៤ប៉ុន្តែគាត់ត្រូវបានបញ្ជូនទៅស្រុកកំណើតវិញបន្ទាប់ពីខកខានការធ្វើតេស្តរកសារធាតុប៉ូវកម្លាំង៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ កីឡាករ ធា​រី ចន្ថា​ប៊ី​ន ប្រកាស​លា​អ្នកគាំទ្រ​ក្លឹប Perak FA នៅ​ម៉ាឡេស៊ី ក្រោយ​ចប់​រដូវ​កាល​

ចុចអាន៖ កំពូល​កីឡាករ​បាល់ទាត់​ដែល​ទម្លាប់​យក​ដំណើរ​កម្សាន្ត​លំហែ​មុន​ការ​ប្រកួត​មក​ដល់

The post ដំណឹងក្រៀមក្រំ! វីរបុរសបាល់ទាត់អាហ្សង់ទីន Diego Maradona ទទួលមរណភាព appeared first on Kampuchea Thmey Daily.