ព័ត៌មានអន្ដរជាតិ

Diego Maradona ស្លាប់ក្នុងវ័យ ៦០ឆ្នាំ ដោយសារជំងឺខ្សោយបេះដូង

បានផុស

៦ years មុន

នៅ

ថ្ងៃព្រហស្បតិ៍ ២៦ វិច្ឆិកា ២០២០

ដោយ

វិរបុរសក្នុងវិស័យបាល់ទាត់របស់អាហ្សង់ទីន លោក Diego Maradona ត្រូវគេអះអាងស្លាប់ដោយសារជំងឺខ្សោយបេះដូង និងជំងឺសួត ក្នុងវ័យ ៦០ឆ្នាំ។ នេះបើតាមការបញ្ជាក់ពីប្រភពជិតស្និតក្នុងក្រសួងយុត្តិធម៌អាហ្សង់ទីន ប្រាប់ភ្នាក់ងារព័ត៌មាន CNN។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃពុធ សមាគមបាល់ទាត់របស់ប្រទេសនេះ ក៏បានចេញមុខអះអាងពីការស្លាប់របស់លោក Maradona តាមរយៈការបង្ហោះសារខ្លីមួយលើប្រព័ន្ធផ្សព្វផ្សាយសង្គម។

លើបណ្តាញ Twitter លោក Claudio Tapia ប្រធានសមាគមបាល់ទាត់អាហ្សង់ទីន សរសេរថា “ជារឿងសោកស្តាយប៉ុនពេកនៃការស្លាប់របស់វិរបុរសបាល់ទាត់ លោក Diego Armando Maradona។ លោកនឹងស្ថិតក្នុងដូងចិត្តពួកយើងគ្រប់គ្នា”។

លោក Maradona ជាអតីតកំពូលកីឡាករបាល់ទាត់អស្ចារ្យបំផុតក្នុងប្រវត្តិសាស្ត្ររបស់ប្រទេសអាហ្សង់ទីន ដោយជួយលើកមុខមាត់ប្រទេសខ្លួន ក្នុងនាមជាម្ចាស់ពាន World Cup ឆ្នាំ១៩៨៦ ក្រោយប្រើដៃដាល់បាល់ចូលសំណាញ់ទីរបស់អង់គ្លេស ក្នុងការប្រកួតវគ្គផ្តាច់ព្រ័ត។

ជាមួយទេព្យកោសល្យ និងល្បិចក្នុងការលេងកីឡាបាល់ទាត់ នាំឲ្យពលរដ្ឋអាហ្សង់ទីន ឲ្យរហ័សនាម Maradona ជាដៃនៃព្រះជាម្ចាស់ “Hand of God”៕

ប្រែសម្រួល៖ សុភា
ប្រភព៖ CNN