កីឡា
កីឡាករ ធារី ចន្ថាប៊ីន ប្រកាសលាអ្នកគាំទ្រក្លឹប Perak FA នៅម៉ាឡេស៊ី ក្រោយចប់រដូវកាល
កីឡាករ ធារី ចន្ថាប៊ីន ជាកីឡាកររបស់កម្ពុជា តែម្នាក់គត់ ដែលមានឈ្មោះប្រកបអាជីពបាល់ទាត់នៅក្រៅប្រទេស បានប្រកាសនៅលើទំព័រហ្វេសប៊ុករបស់ខ្លួននៅថ្ងៃអាទិត្យចុងសប្ដាហ៍នេះ លាអ្នកគាំទ្រខ្លួន ក្រោយបញ្ចប់បេសកកម្មជាមួយក្រុម Perak FA ក្នុងលីគកំពូលម៉ាឡេស៊ី Malaysia Super League ក្នុងឆ្នាំ២០២០។
«ជម្រាបលាគ្រួសារ Perak ! សូមអរគុណដល់មិត្តរួមក្រុមទាំងអស់ ក្រុមការងារគ្រូបង្វឹកនិងអ្នកគាំទ្រ ដែលបានជួយខ្ញុំគ្រប់យ៉ាង។ សង្ឃឹមថាគ្រប់គ្នានឹងជួបតែសំណាងល្អ និងជោគជ័យ នៅថ្ងៃខាងមុខ»។ នេះជាសំណេររបស់កីឡាករ ខ្មែរ-បារាំង ធារី ចន្ថាប៊ីន ទៅកាន់ក្លឹបបាល់ទាត់ Perak FA ក្រោយរូបគេបានចប់កិច្ចសន្យាត្រឹម១រដូវកាលជាមួយក្លឹប ខណៈខ្លួនជាកីឡាករកូតាអាស៊ានរបស់ក្លឹបមួយនេះ ប្រចាំលីគកំពូលម៉ាឡេស៊ី។
កីឡាករសមាជិក ក្នុងក្រុមជម្រើសជាតិកម្ពុជារូបនេះ បានបន្តសំណេរជុំវិញអនាគតរបស់ខ្លួនថា៖«2020 ជាឆ្នាំមួយ ដែលមិនងាយស្រួលឡើយ។ សង្ឃឹមថាអ្វីៗនឹងប្រសើរឡើងឆាប់ៗ។ អរគុណទាំងគ្រប់គ្នា ដែលបានផ្ញើសារនិងគាំទ្រ។ ខ្ញុំកំពុងតែសម្លឹងមើលទំព័រថ្មី នៃអាជីពបាល់ទាត់របស់ខ្ញុំ។ ខ្ញុំនឹងប្រាប់ដល់គ្រប់គ្នាឆាប់ៗ។ សូមថែរក្សាខ្លួន»។
ពេញ១រដូវកាលឆ្នាំ២០២០ ជាមួយក្រុម Perak FA កីឡាករ ធារី ចន្ថាប៊ីន បានជួយក្រុមរបស់ខ្លួន ឈ្នះជើងឯកពានបើករដូវកាល Unity Shield និងឈរចំណាត់ថ្នាក់លេខ៤ ក្នុងចំណោមក្រុមទាំង១២ប្រចាំលីគកំពូលម៉ាឡេស៊ី ខណៈរូបគេរកបានគ្រាប់បាល់១គ្រាប់ក្នុងនាមជាខ្សែបម្រើ។ ចំណែកពានរង្វាន់ 2020 Malaysia Cup និងពានរង្វាន់2020 Malaysia FA Cup ត្រូវបានសហព័ន្ធកីឡាបាល់ទាត់ម៉ាឡេស៊ី សម្រេចរំសាយចោលវិញ ដោយសារបញ្ហាកូវីដ១៩។
សូមបញ្ជាក់ថា កីឡាករបាល់ទាត់ ធារី ចន្ថាប៊ីន បានធ្វើដំណើរពីប្រទេសបារាំង ឆ្ពោះមកកម្ពុជា ដោយចុះកិច្ចសន្យាជាក្លឹបភ្នំពេញក្រោន លើកដំបូងកាលពីខែតុលា ឆ្នាំ២០១២ កន្លងទៅ ដំណាលគ្នានឹងមិត្ត ភក្ដិមកពីបារាំងជាមួយគ្នា កុក បូរីស និង គួច ដានី បន្ទាប់ពីពួកគេបានធ្វើដំណើរជាមួយក្រុមបាល់ទាត់កូនខ្មែរ-អឺរ៉ុប ដែលដឹកនាំដោយអតីតវីរបុរសបាល់ទាត់ខ្មែរ ប៉ែន ផាត មកប្រកួតនៅកម្ពុជា អំឡុងពាក់កណ្ដាលឆ្នាំ ២០១២។ រូបគេជាប់ ឈ្មោះក្នុងក្រុមជម្រើសជាតិកម្ពុជា តាំងពីឆ្នាំ២០១៤ រហូតដល់ខែតុលា ឆ្នាំ២០១៧។
នៅដើមរដូវកាលឆ្នាំ២០១៧ រូបគេបានចេញទៅចូលរួមជាមួយក្លឹប Krabi FC សមាជិកពានរង្វាន់លីគលំដាប់ទី២ នៅប្រទេសថៃ ខណៈនៅពាក់រដូវកាលរូបគេ បានផ្លាស់មកលេងនៅកម្ពុជា វិញជាមួយក្លឹបអគ្គិសនីកម្ពុជា។ នៅឆ្នាំ២០១៨ និង២០១៩ រូបគេបានចូលរួមជាមួយក្រុម Terengganu FA នៅលីគកំពូលម៉ាឡេស៊ី ខណៈដើមរដូវកាលឆ្នាំ២០២០ សមាជិកក្រុមជម្រើសជាតិកម្ពុជា រូបនេះ ចូលរួមជាមួយក្រុម Sukhothai នៅលីគកំពូលថៃ មុនបន្តទៅដល់ក្រុម Perak FA របស់ម៉ាឡេស៊ីនេះ៕
អត្ថបទ៖ ម៉េង ហួរ
សមត្ថកិច្ចថៃ ឃាត់ខ្លួនឃាតកបានហើយ ករណីឃាតកម្មលើពលករខ្មែរដូចគ្នា
ចិនគ្រោងវិនិយោគដំណាំរុក្ខជាតិឱសថកែច្នៃ និងវេចខ្ចប់សម្រាប់ការនាំចេញ
កន្លែងសម្ងាត់មានអនាម័យ ស្រីៗត្រូវដឹងតិចនិកទាំង៥ នេះ
Baifern ក្តោបបានឱកាសមាស ឱកាសប្រាក់ តាំងពីដើមឆ្នាំ ២០២១បាត់!
ខ្លាំង! ក្រសួងមហាផ្ទៃដណ្តើមមេដាយដល់ទៅ ៦ ពីការប្រកួតកីឡាទ្រីយ៉ាត្លុងថ្នាក់ជាតិ
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានអន្ដរជាតិ7 days agoប៉ូលិសថៃ ចាប់រំលោភជនសង្ស័យគ្រឿងញៀនមីយ៉ាន់ម៉ា ក្នុងប៉ុស្តិ៍ប៉ូលិស
-
ព័ត៌មានអន្ដរជាតិ4 days agoធ្លាយវីដេអូសម្ងាត់ គ្រូពេទ្យក្រុងអ៊ូហានសារភាពថា ពួកគេត្រូវបានប្រាប់ឲ្យនិយាយកុហកអំពីវីរុសកូរ៉ូណា
-
ព័ត៌មានអន្ដរជាតិ5 days ago១០ ប្រទេសដែលមិនទាន់មានការឆ្លងកូវីដសូម្បីមួយករណី
-
ព័ត៌មានជាតិ6 days agoដើរកណ្តាលក្រុងព្រះសីហនុ លើកនេះ គេប្រាប់ ១០០ ដង មិនស្មើឃើញផ្ទាល់ភ្នែកម្តង
-
ព័ត៌មានជាតិ5 days agoស្គាល់តាមហ្វេសប៊ុក សង្ឃមួយអង្គលួចរួមភេទជាមួយក្មេងស្រីអាយុ១៥ឆ្នាំ នៅក្នុងបន្ទប់ទឹកវត្ត
-
ព័ត៌មានជាតិ6 days agoត្រៀមខ្លួន! អាកាសធាតុត្រជាក់ខ្លាំង នឹងមកដល់យប់នេះ
-
ព័ត៌មានជាតិ6 days agoសម្ដេចក្រឡាហោម ស ខេង ចេញការព្រមានលើកទី១ ស្នងការរងខេត្តកណ្តាល
-
ព័ត៌មានជាតិ4 days agoមិនធ្លាប់មាន អគាររដ្ឋដំបូងគេមានកម្ពស់ ៣៥ ជាន់ លើផ្លូវព្រះនរោត្តម បានបញ្ចប់ការសាងសង់ទាំងស្រុង