បញ្ហានេះ ប៉ះពាល់ដល់បណ្តាញទំនាក់ទំនង ដែលជាកម្មសិទ្ធិរបស់ក្រុមហ៊ុន Meta ទាំងអស់ ពោលគឺពេលចូលប្រើប្រាស់ ពួកគេជួបពាក្យ load និង page not found ឬ Log out ចេញពីគណនីរបស់ពួកគេតែម្តង។

ចុះតើ ក្រុមហ៊ុន Meta ខាតលុយប៉ុន្មាន ចំពោះការគាំងនេះ?

យោងតាមការផ្សាយរបស់ New York Post, គាំង Facebook មួយម៉ោង ក្រុមហ៊ុន Meta ត្រូវខាតលុយអស់ចន្លោះពី ១៣.៣ លានដុល្លារ ទៅ ១៦.៥ លានដុល្លារអាមេរិក ពីការផ្សាយពាណិជ្ជកម្ម។ 

នេះបានន័យថា Meta នឹងបាត់ចំណូលកាន់តែច្រើន បើ Facebook គាំងកាន់តែយូរ។ ជាក់ស្តែង បើងាកទៅមើលកាលពីឆ្នាំ២០២១ ពេលនោះ Facebook គាំង៧ម៉ោង ធ្វើឲ្យក្រុមហ៊ុន ខាតអស់ ១០០លានដុល្លារអាមេរិក។

ក្រៅពីប៉ះពាល់ចំណូលក្រុមហ៊ុន តម្លៃដោះដូរភាគហ៊ុនរបស់ Meta ក៏ធ្លាក់ចុះភ្លាមៗ ប្រហែល ១.៥% ទៅ ២% ផងដែរ នៅពេលប្រព័ន្ធចាប់ផ្តើមគាំង៕

អត្ថបទ៖ សុខ សុវណ្ណ

The post គាំងយប់មិញ Facebook ខាតលុយ ១៣-១៦ លានដុល្លារអាមេរិក appeared first on Kampuchea Thmey Daily.

ក្នុងសុន្ទរកថានាថ្ងៃពុធនេះ លោករដ្ឋដដែលបាន​ឱ្យដឹងយ៉ាងដូច្នេះថា ប្រសិន​បើ Meta មិនធ្វើដូចការទាមទារ​ ក្រុមហ៊ុនអាចនឹងត្រូវពិន័យជាប្រាក់រហូតដល់ ១ លានដុល្លារសិង្ហបុរី (៧៧៥ ៦៩៨ ដុល្លារអាមេរិក)។ បទបញ្ជាដដែល​ធ្វើឡើង​ក្រោមច្បាប់ស្តីពីឧក្រិដ្ឋកម្មលើអ៊ិនធឺណិតថ្មីរបស់​សិង្ហបុរី ដែលបានចូលជាធរមាននៅក្នុងខែកុម្ភៈ ឆ្នាំ ២០២៤។

​លោក​ Goh Pei Ming បាននិយាយ​បន្តយ៉ាងដូច្នេះថា៖ «យើងកំពុងចេញ (បញ្ជា) ទៅ Meta ពីព្រោះ Facebook គឺជាវេទិកាកំពូល ដែល​ជនបោកប្រាស់ប្រើសម្រាប់​ក្លែងបន្លំការបោកប្រាស់​ ហើយប៉ូលិសបានវាយតម្លៃថា ត្រូវតែមានវិធានការច្បាស់លាស់បន្ថែមទៀតដើម្បីទប់ស្កាត់ការបោកប្រាស់​»។

មកទល់ពេលនេះ Meta មិន​ទាន់បាន​ចេញ​ការ​ឆ្លើយ​តប​ភ្លាមៗយ៉ាងណាទេ​។

គួររំឭកថា កាលពីខែសីហា ក្រសួងកិច្ចការផ្ទៃក្នុង​សិង្ហបុរីបានរកឃើញថា ជាង ១/៣ នៃការបោកប្រាស់ពាណិជ្ជកម្ម​អេឡិចត្រូនិកទាំងអស់ ដែល​បានកត់ត្រាក្នុងឆ្នាំ ២០២៤ ត្រូវបានប្រព្រឹត្តនៅលើ Facebook ។ ​ក្រសួងក៏បានវាយតម្លៃផងដែរថា ​ពាណិជ្ជកម្មអេឡិចត្រូនិក «Marketplace» របស់ Facebook ថា មាន​ភាព​ខ្សោយ​ជាងគេ ក្នុងចំណោម​វេទិកា​ពាណិជ្ជកម្មអេឡិចត្រូនិកចំនួន​ ៥ បើនិយាយអំពីមុខងារប្រឆាំងការបោកប្រាស់៕

The post សិង្ហបុរីបញ្ជាឱ្យ Meta ចេញវិធានការ «ប្រឆាំងការឆបោក» បើមិនដូច្នោះទេ អាចរងពិន័យ appeared first on Kampuchea Thmey Daily.

Facebook បាន​បង្ហោះនៅលើផេកផ្លូវការរបស់​ខ្លួន​យ៉ាងដូច្នេះថា៖ «ថ្ងៃនេះ យើង​ប្រកាសពីគំនិតផ្តួចផ្តើមរយៈពេលវែង ដើម្បីធ្វើឱ្យមុខងារ Feed កាន់តែ​មាន​ការចាប់អារម្មណ៍ និងជួយដល់អ្នកបង្កើតមាតិកា ឱ្យមាន​អ្នកមើលច្រើន»។

ក្រុមហ៊ុនបន្តថា Facebook នឹង​ចាប់ផ្ដើមដំបូង ដោយការបង្រ្កាបលើ​មាតិកា Spam ដែលគេសំដៅជាទូទៅលើប្រភេទមាតិកាមាន​គុណភាពទាប មិនជាប់ទាក់ទងគ្នា ឬ​មាន​ការផ្សព្វផ្សាយហួសហេតុ ​ដែលភាគច្រើន ត្រូវបាន​គេ​ប្រើ​ដើម្បីបោកបញ្ឆោតអ្នកមើល ឬ​ម៉ាស៊ីនស្វែងរក (Search Engines)។

ជំនួសមកវិញ Facebook បន្ថែមថា៖ «យើងនឹងផ្តល់អាទិភាព​លើ​មាតិកា​របស់អ្នកបង្កើតមាតិកា ដែលចែករំលែកខ្លឹមសារមាតិកាដើម (Original Content) និងចូលរួមយ៉ាងពិតប្រាកដជាមួយទស្សនិកជនរបស់ពួកគេ»។

លើសេចក្ដីប្រកាសក្នុងគេហទំព័ររបស់ខ្លួន Facebook បាន​និយាយថា៖ «គណនីខ្លះ បង្ហោះខ្លឹមសារដែលមានចំណងជើងវែងឆ្ងាយ រំខាន ហើយជាញឹកញាប់ ភ្ជាប់ជាមួយ​នឹង​ហាសថេគ (hashtags) ច្រើនហួសហេតុ។ ​​ខ្លះ​ទៀត​រួម​បញ្ចូល​ទាំង​ចំណង​ជើង ​ដែល​មិន​ទាក់​ទង​នឹង​ខ្លឹមសារ​ទាំង​ស្រុង។ ឧទាហរណ៍ ដាក់រូបឆ្កែដ៏គួរឱ្យស្រឡាញ់ ប៉ុន្តែសរសេរអំពីយន្តហោះ»។ ក្រុមហ៊ុន​កំណត់ថា គណនីដែល​ប្រើយុទ្ធសាស្ត្រទាំងនេះ នឹង​ទទួលបាន​អ្នកមើលតែពី​អ្នកតាមដាន (Followers) របស់​ខ្លួនប៉ុណ្ណោះ ហើយនឹង​គ្មាន​សិទ្ធិសម្រាប់ការរកប្រាក់ (Monetization) នោះទេ។

បើតាម​ Facebook បណ្តាញ Spam ច្រើនតែបង្កើតគណនីរាប់រយ ដើម្បីចែករំលែកមាតិកាបែប Spam ដូចគ្នា ដែលធ្វើឱ្យ​រំខានដល់មុខងារ Feed របស់​អ្នកប្រើប្រាស់។ ក្រុមហ៊ុនថា៖ «គណនីដែលយើងរកឃើញថាមានការចូលរួមនៅក្នុងឥរិយាបថនេះ នឹងមិនមានលក្ខណៈគ្រប់គ្រាន់សម្រាប់ការរកប្រាក់ទេ ហើយ​កំណត់នឹងឱ្យមាន​អ្នកទស្សនាតិចជាងមុន»។

ក្រៅតែការបង្រ្កាបលើមាតិកាបែប Spam ក្រុមហ៊ុន Facebook ក៏កំណត់គោលដៅផងដែរ​លើ Engagement ក្លែងក្លាយ ដែល​គេ​សំដៅលើ​ការប្រាស្រ័យទាក់ទងគ្នាដូចជា​ការចុចឡាយក៍ បញ្ចេញមតិយោបល់ ឬ​ចែករំលែកជាដើម​។

Facebook និយាយយ៉ាងដូច្នេះថា៖ «យើងនឹងចាត់វិធានការដ៏ខ្លាំងក្លាបន្ថែមទៀតនៅលើ Facebook ដើម្បីទប់ស្កាត់អាកប្បកិរិយានេះ។ ជាឧទាហរណ៍ មតិដែលយើងរកឃើញថាមាន Engagement ក្លែងក្លាយ នឹងត្រូវបាន​កំណត់ឱ្យមាន​គេឃើញតិចជាងមុន។ យើងក៏បន្តតាមដាន និងលុបផេកក្លែងក្លាយដែល​ប្រើដើម្បីបង្កើន Reach (ចំនួនអ្នកមើល) ផងដែរ»។ ក្រុមហ៊ុនបន្ថែមថា ក្នុងឆ្នាំ ២០២៤ Facebook បាន​លុបចោលនូវផេកចំនួន​ ១០០ លាន​ ដែលបានប្រើប្រព័ន្ធស្វ័យប្រវត្តិដើម្បីជំរុញអ្នកតាមដាន ឬ​ Engagement ក្លែងក្លាយ ជាដើម។

ទន្ទឹមនឹង​នេះ Facebook ក៏នឹងបន្តចាត់វិធានការផងដែរ លើ​គណនី ឬផេក ដែលបន្លំខ្លួនធ្វើជនដទៃ៕

The post Facebook ប្រកាសបង្រ្កាបលើមាតិកា​បែប Spam និង Engagement ក្លែងក្លាយ appeared first on Kampuchea Thmey Daily.

​តាំងពីដើមខែ​នេះ​មក​ អ្នកប្រើប្រាស់ Facebook បានទទួលការជូនដំណឹងពីក្រុមហ៊ុន ដោយបញ្ជាក់ថា៖ «ចាប់ពីថ្ងៃទី ៦ ខែមិថុនា វិដេអូផ្សាយផ្ទាល់នៅលើ Facebook ដែលនៅយូរ​ជាង ៣០​ ថ្ងៃ នឹងត្រូវដកចេញ»។ អ្នកប្រើប្រាស់ខ្លះថា Facebook ទុកពេលរហូតដល់ខែកក្កដា។

វេទិកាបណ្ដាញ​សង្គមដដែល បានណែនាំអ្នកប្រើប្រាស់ឱ្យទាញយក ផ្ទេរ ឬបំប្លែងវិដេអូផ្សាយផ្ទាល់របស់ពួកគេទៅជា Reels ​ដើម្បី​រក្សា​ទុក​។ អ្នកប្រើប្រាស់អាចពន្យាពេលការលុបរហូតដល់ ៦ ខែ។ បន្ទាប់​ពី​រយៈពេល​នោះ ប្រសិនបើ​មិន​មាន​សកម្មភាព​ណា​មួយ​ទេ វិដេអូ​ផ្សាយ​បន្ត​ផ្ទាល់​ចាស់ៗរបស់​ពួកគេ ​នឹង​ត្រូវ​បាន​លុប​ចេញ​ជា​អចិន្ត្រៃយ៍។

គួរគូស​បញ្ជាក់ថា​ Facebook បានចាប់ផ្តើមអនុវត្តគោលការណ៍ «លុបចេញក្រោយ​ ៣០ ថ្ងៃ​» របស់ខ្លួននៅលើទំព័រផ្ទាល់ខ្លួន និងទំព័រអ្នកគាំទ្រ (fan pages) ក្នុងខែកុម្ភៈ។ ក្រុមហ៊ុន​បាននិយាយ​ក្នុងសេចក្តីប្រកាសថ្ងៃទី ១៨ ខែកុម្ភៈ ថា៖ «ដោយសារតែការចូល​មើលវិដេអូផ្សាយផ្ទាល់ភាគច្រើន កើតឡើងក្នុង​រយៈ​ពេលប៉ុន្មានសប្តាហ៍ដំបូងនៃការផ្សាយ យើង​នឹង​ធ្វើ​បច្ចុប្បន្នភាព​អំពីរយៈពេល ដែលវិដេអូផ្សាយ​ផ្ទាល់ អាច​រក្សាទុកបាន​នៅលើ Facebook»៕

​

​

​

The post ​Facebook នឹង​លុបវិដេអូផ្សាយផ្ទាល់ ​បន្ទាប់ពី ៣០ ថ្ងៃ នៅវៀតណាម appeared first on Kampuchea Thmey Daily.

តាមរយៈបណ្តាញសង្គមហ្វេសបុកផ្ទាល់ខ្លួនអ្នកឧកញ៉ាបណ្ឌិត សំ សុខនឿន បានសរសេរអំពីការចំណាយថវិកាជាមួយក្រុមហ៊ុន​ Meta  ដើម្បីប្រជាប្រិយភាព និងធ្វើជំនួញថា  «ជម្រាបសម្ដេចខ្ញុំក៏ចាយលុយអស់ $370,000 រយៈពេល 3 ឆ្នាំ និង $520,000 រយៈពេល 6 ឆ្នាំ ដើម្បី Boost ដែរ។ អ្នកជំនួញ និងអ្នកនយោបាយ ដែលមានប្រជាប្រិយភាពភាគច្រើនគឺបានពី Boost»។

បណ្ដាញសង្គមហ្វេសប៊ុកត្រូវបានចាត់ទុកបណ្តាញសង្គមពេញនិយមសម្រាប់ពលរដ្ឋខ្មែរ ដោយមិនប្រកាន់វណ្ណ​ៈ ឬធនធានឡើយ ក្នុងនោះអ្នកនយោបាយ អ្នកជំនួញតូច ឬធំ  បានចំណាយថវិកា ដើម្បីរុញយកនូវគោលនយោបាយសេវាកម្ម ឬផលិតផលឱ្យទៅដល់ដៃអតិថិជនប្រកបដោយប្រសិទ្ធភាព ។ ដើម្បីឱ្យហ្វេសប៊ុករុញគណនី ឬទំព័រហ្វេសប៊ុកផ្ទាល់ខ្លួនឱ្យកាន់តែមានប្រសិទ្ធផលខ្ពស់ អ្នកប្រើប្រាស់ចាំបាច់ Boost ថវិកាបន្ថែម ដែលនេះត្រូវបានចាត់ទុកជារឿងធម្មតា។

ក្នុងឱកាសចែកសញ្ញាបត្រនិស្សិតនៅសាកលវិទ្យាល័យអាស៊ីអឺរ៉ុបកាលពីថ្ងៃទី១៩ ខែកុម្ភៈ ឆ្នាំ២០២៥ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជាបានថ្លែងថា ក្នុងមួយរយៈពេលនេះមានក្រុមអ្នកនយោបាយ និងអ្នកតាំងខ្លួនជាអ្នកវិភាគមួយចំនួនបានលើកយកការ Boost ផេកហ្វេសប៊ុករបស់សម្តេចមកធ្វើជាប្រធានបទដើម្បីរិះគន់ វាយប្រហារជាបន្តបន្ទាប់ ដែលបង្កឲ្យមានការយល់ច្រឡំពីសំណាក់ប្រជាពលរដ្ឋ។ បើទោះជាអ្នកនាំពាក្យរបស់នាយករដ្ឋមន្ត្រីបានចេញធ្វើការបញ្ជាក់រួចហើយក៏ដោយ។

សម្តេចបានគូសបញ្ជាក់ថា ថវិកាដែលប្រើប្រាស់ សម្រាប់ជំរុញការផ្សព្វផ្សាយលើទំព័រហ្វេសប៊ុក មិនមែនជាថវិកាជាតិនោះឡើយ ហើយមិនមែនមានតែសម្តេចទេ ដែលប្រើប្រាស់ Boost ហ្វេសប៊ុក មេដឹកនាំនយោបាយលើពិភពលោក ក៏ប្រើប្រាស់ជំរុញការផ្សព្វផ្សាយតាមហ្វេបុកនេះដែរ។

«ក្នុងនាមជាមេដឹកនាំនយោបាយ ខ្ញុំត្រូវការនិយាយជាមួយ ប្រជាពលរដ្ឋរបស់ខ្ញុំ ហើយប្រជាពលរដ្ឋក៏ចង់ដឹងអំពីខ្ញុំដូចគ្នា ដូច្នេះក្រៅអំពីការនិយាយក្នុងកម្មវិធី ខ្ញុំអាចនិយាយតាមបណ្ដាញសង្គម Facebook របស់ខ្ញុំ ហើយខ្ញុំធ្វើបែបនេះតាំងតែពីខ្ញុំមិនទាន់ឡើងធ្វើ ជានាយករដ្ឋមន្រ្ដីមកម្លេះ»។ សម្តេចបន្ថែម៕

The post អ្នកឧកញ៉ាមួយរូបបង្ហើបខ្ទង់ចំណាយជាងកន្លះលានដុល្លារលើការBoost គណនីហ្វេសប៊ុក appeared first on Kampuchea Thmey Daily.

តាមរយៈទិន្នន័យគិតត្រឹមខែមេសាឆ្នាំ២០២៤ ឥណ្ឌា មានអ្នកលេង Facebook ប្រមាណ៣៧៨.០៥លាននាក់ ឈរពីលើសហរដ្ឋអាមេរិក ដែលមាន ១៩៣.៨លាននាក់។

ស្របពេលជាមួយគ្នានោះដែរ ចំណាត់ថ្នាក់លេខ៣បានទៅលើប្រទេសនៅតំបន់អាស៊ីអាគ្នេយ៍គឺ ឥណ្ឌូណេស៊ី ដែលមានអ្នកលេង Facebook ១១៩.០៥លាននាក់។

អ្វីដែលគួរឲ្យកត់សម្គាល់ចំពោះទិន្នន័យនេះគឺថា ក្នុងចំណោមប្រទេសដែលមានអ្នកលេង Facebook ច្រើនបំផុតទាំង១០លើពិភពលោក គឺមាន៧ទៅហើយ ដែលស្ថិតក្នុងទ្វីបអាស៊ី។

ក្រៅពីឥណ្ឌា ជាប់លេខ១ និងឥណ្ឌូណេស៊ី ជាប់លេខ៣, ក្នុងនោះអាស៊ីនៅមានប្រទេស ហ្វីលីពីន ជាប់លេខ៦ (៨៧.៧លាននាក់), លេខ៧ វៀតណាម (៧៥.៣លាននាក់), លេខ៨ បង់ក្លាដែស (៥៥.៦លាននាក់), លេខ៩ ថៃ (៥០.០៥លាននាក់) និងចុងក្រោយគឺ ប៉ាគីស្ថាន (៤៧.៣៥លាននាក់)៕

អត្ថបទ៖ សុខ សុវណ្ណ

ចុចអាន៖ Facebook គាំង១ម៉ោង តើក្រុមហ៊ុន Meta ខាតលុយប៉ុន្មាន?

The post តើប្រទេសណា មានអ្នកលេង Facebook ច្រើនជាងគេលើពិភពលោក? appeared first on Kampuchea Thmey Daily.

ក្រុមហ៊ុននេះរកបានប្រាក់ចំណូលភាគច្រើន តាមរយៈការផ្សាយពាណិជ្ជកម្ម ដូចនេះគ្មានអ្វីត្រូវសង្ស័យឡើយដែលថា ចំណូលរបស់ខ្លួនត្រូវទាញទម្លាក់ដោយសារតែបញ្ហានេះ។

មនុស្សមួយចំនួនដែលជួបប្រទះការជាប់គាំង ដំបូងគិតថា គណនីរបស់ពួកគេអាចត្រូវបានគេ Hack ប៉ុន្តែមានការបង្ហោះជាង ៨០ ០០០ ផូសនៅលើបណ្តាញសង្គម X ដែលអះអាងថា Facebook និង Instagram កំពុងគាំង។

ភ្លាមៗនោះ លោក Andy Stone អ្នកនាំពាក្យក្រុមហ៊ុន Meta បានបញ្ជាក់នៅលើ X ថា “បញ្ហាបច្ចេកទេស បណ្តាលឲ្យមនុស្សពិបាកចូលប្រើប្រាស់សេវាកម្មមួយចំនួនរបស់យើង។ យើងនឹងដោះស្រាយបញ្ហាឲ្យបានលឿនតាមលទ្ធភាព សម្រាប់អ្នកគ្រប់គ្នាដែលរងផលប៉ះពាល់ ហើយយើងសូមអភ័យទោសចំពោះការរអាក់រអួល”។

សូមបញ្ជាក់ថា នៅយប់ថ្ងៃអង្គារទី៥ខែមីនា Facebook ក្នុងប្រទេសកម្ពុជា ត្រូវជួបបញ្ហាជាប់គាំងរយៈពេល១ម៉ោងពោលគឺចាប់ពីម៉ោង ១០ និង ៣០នាទីយប់ រហូតដល់ម៉ោង ១១ និង ៣០នាទីយប់ ទើបដំណើរដូចប្រក្រតីវិញ។

សម្រាប់បញ្ហានេះ បណ្ដាញសង្គម Facebook ហាក់ដូចលុបចោលនូវគណនីអ្នកប្រើប្រាស់ ធ្វើឲ្យអ្នកប្រើប្រាស់មិនអាចចូលគណនីរបស់ពួកគេបានឡើយ។ ចំណែក Instagram ហាក់លុបទិន្នន័យរបស់អ្នកប្រើប្រាស់ដូចជារូបថត និងវីដេអូឃ្លីប ជាដើម៕

អត្ថបទ៖ សុខ សុវណ្ណ

ចុចអាន៖ ដោយសារបញ្ហាដាច់ចរន្តអគ្គិសនីជាសកល ទើប Facebook និង Instagram មិនអាចដំណើរការ

The post Facebook គាំង១ម៉ោង តើក្រុមហ៊ុន Meta ខាតលុយប៉ុន្មាន? appeared first on Kampuchea Thmey Daily.

សម្រាប់បញ្ហារបស់ Meta មុននេះ បណ្ដាញសង្គម Facebook ហាក់ដូចលុបចោលនូវគណនីអ្នកប្រើប្រាស់ ធ្វើឱ្យអ្នកប្រើប្រាស់មិនអាចចូលគណនីរបស់ពួកគេបានឡើយ ។ ចំណែក Instagram ដូចជាលុបទិន្នន័យរបស់អ្នកប្រើប្រាស់ដូចជារូបថត និងវីដេអូឃ្លីប ។

ជាមួយគ្នានេះ បើយើងតាមសារពី Facebook បានជូនដំណឹងយ៉ាងដូច្នេះថា “ថ្ងៃនេះ Facebook បានជួបបញ្ហា សម្រាប់មនុស្សជាច្រើនមិនអាចប្រើប្រាស់បានក្នុងរយៈពេលប្រហែល ២ ម៉ោងកន្លះ។ ហើយនេះជាការជាប់គាំងដ៏អាក្រក់បំផុតមួយក្នុងរយៈពេលជាង ៤ ឆ្នាំ ហើយយើងសុំទោស ចំពោះបញ្ហាជាដំបូងនេះផងដែរ”។

សារខាងលើបានបញ្ជាក់ថា បញ្ហាដែលកំពុងកើតឡើងគឺបណ្ដាលមកពីការដាច់ចរន្តអគ្គិសនី ហើយក៏មានបញ្ហាជាច្រើនទៀតផងដែរ។ Facebook បន្ថែមថា “យើងក៏ចង់ផ្តល់ព័ត៌មានលម្អិតអំពីបច្ចេកទេសបន្ថែមទៀតអំពីអ្វីដែលបានកើតឡើង និងចែករំលែកមេរៀនដ៏ធំមួយនេះ”។

ប្រែសម្រួលដោយ÷ ប៉ោ កុសល

The post ដោយសារបញ្ហាដាច់ចរន្តអគ្គិសនីជាសកល ទើប Facebook និង Instagram មិនអាចដំណើរការ appeared first on Kampuchea Thmey Daily.