ដោយសារបញ្ហាដាច់ចរន្តអគ្គិសនីជាសកល ទើប Facebook និង Instagram មិនអាចដំណើរការ

Facebook និង Instagram បានរងការវាយប្រហារដោយការដាច់ចរន្តអគ្គិសនីទូទាំងពិភពលោក ដែលបានធ្វើឱ្យមនុស្សរាប់លាននាក់មិនអាចចូលប្រើគណនីរបស់ពួកគេបាន។ ហើយសម្រាប់នៅប្រទេសកម្ពុជាបញ្ហាជាប់គាំងនេះបានអូសបន្លាយចាប់តាំងពីម៉ោង ១០ និង ៣០នាទីយប់ រហូតដល់ម៉ោង ១១ និង ៣០នាទីយប់ ថ្ងៃទី០៥ ខែមីនា ទើបដំណើរដូចប្រក្រតីឡើងវិញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់បញ្ហារបស់ Meta មុននេះ បណ្ដាញសង្គម Facebook ហាក់ដូចលុបចោលនូវគណនីអ្នកប្រើប្រាស់ ធ្វើឱ្យអ្នកប្រើប្រាស់មិនអាចចូលគណនីរបស់ពួកគេបានឡើយ ។ ចំណែក Instagram ដូចជាលុបទិន្នន័យរបស់អ្នកប្រើប្រាស់ដូចជារូបថត និងវីដេអូឃ្លីប ។

ជាមួយគ្នានេះ បើយើងតាមសារពី Facebook បានជូនដំណឹងយ៉ាងដូច្នេះថា “ថ្ងៃនេះ Facebook បានជួបបញ្ហា សម្រាប់មនុស្សជាច្រើនមិនអាចប្រើប្រាស់បានក្នុងរយៈពេលប្រហែល ២ ម៉ោងកន្លះ។ ហើយនេះជាការជាប់គាំងដ៏អាក្រក់បំផុតមួយក្នុងរយៈពេលជាង ៤ ឆ្នាំ ហើយយើងសុំទោស ចំពោះបញ្ហាជាដំបូងនេះផងដែរ”។

សារខាងលើបានបញ្ជាក់ថា បញ្ហាដែលកំពុងកើតឡើងគឺបណ្ដាលមកពីការដាច់ចរន្តអគ្គិសនី ហើយក៏មានបញ្ហាជាច្រើនទៀតផងដែរ។ Facebook បន្ថែមថា “យើងក៏ចង់ផ្តល់ព័ត៌មានលម្អិតអំពីបច្ចេកទេសបន្ថែមទៀតអំពីអ្វីដែលបានកើតឡើង និងចែករំលែកមេរៀនដ៏ធំមួយនេះ”។

ប្រែសម្រួលដោយ÷ ប៉ោ កុសល