តាមរយៈការបង្ហោះនូវសំណេរវែងអន្លាយនោះដែរ បវរញ្ញាវ័យ២២ឆ្នាំរូបនេះ បានសុំនូវការបរិច្ចាគនិងជំនួយគ្រប់ប្រភេទដែលបងប្អូនអាចមានលទ្ធិភាពបរិច្ចាគបាន ពិសេសរបស់របរនិងថ្នាំសង្កូវសង្រ្គោះបឋមដែលអាចព្យាបាលរបួសភ្លាមៗ។ ការបរិច្ចាគមានទីតាំងនៅសួនវត្តបុទម នាវេលាម៉ោង៨ព្រឹកដល់១២ថ្ងៃត្រង់។

បន្ទាប់ពីរូបភាពប៉ុន្មានសន្លឹករបស់ជនភៀសសឹកកម្ពុជា បានចែកចាយភ្លាមៗនោះ អ្នកគាំទ្ររួមមហាជនជាច្រើនបានចូលទៅបញ្ចេញមតិសរសើរ និងអរគុណសម្រាប់ទឹកចិត្តដ៏ថ្លៃថ្លាមិនអាចកាត់ថ្លៃបាន នៅក្នុងនាមនាងជា Miss Cosmo Armenia ឆ្នាំ២០២៤។

បើទោះបីជាបវរកញ្ញារូបនេះមិនបានកើតនៅលើទឹកដីកម្ពុជាមែនពិត តែនៅក្នុងនាមជាមនុស្សជាតិដូចគ្នាដែលស្អប់ខ្ពើមសង្គ្រាម ស្អប់ការឈ្លានពានពីសត្រូវ នាំឲ្យរូបនាងក្លាយជាកម្លាំងចលករដ៏មហិមាមួយ ព្រមទាំងជាសំឡេងមួយដែលស្រែកដល់ពិភពលោកថា ប្រជាជនកម្ពុជាចង់បានសន្តិភាពមិនមែនការរត់ភៀសខ្លួនចោលផ្ទះសម្បែង ព្រោះកម្ពុជាបានឆ្លងកាត់នូវសង្គ្រាមឆ្អែតឆ្អន់ហើយ។

សូមជម្រាបជូនថា Lilia Gzraryan បានបញ្ចប់បរិញ្ញាបត្រផ្នែកទំនាក់ទំនងអន្តរជាតិ និងជាអ្នករៀបចំព្រឹត្តិការណ៍អន្តរជាតិជាផ្លូវការនៅសាកលវិទ្យាល័យ Samara។ នាងមាន​ចំណង់​ចំណូល​ចិត្ត​លើ​វិស័យ​ប្រដាល់ និង​មាន​បទពិសោធន៍​៤​ឆ្នាំ​ក្នុង​កីឡា​នេះ។ នាង​ក៏មាន​ជំនឿ​យ៉ាងមុតមាំថា ការ​ប្រដាល់​បាន​ជួយ​នាង​អភិវឌ្ឍ​វិន័យ​ក្នុង​ជីវិត។

តាំងពីកុមារភាពមក នាងចូលចិត្តតន្ត្រី និងជាអ្នកគាំទ្ររបស់ Michael Jackson និង Ariel Rivera ។ Lilia មានចំណង់ខ្លាំងក្នុងការរៀនភាសា នាងនិយាយភាសាអាមេនី រុស្ស៊ី និងអង់គ្លេស ហើយកំពុងរៀនភាសាចិន អេស្ប៉ាញ និងតាហ្គាឡុក(Tagalog) ផងដែរ៕

អត្ថបទ៖ សាង ស្រីល័ក្ខ

ចុចអាន៖ថៃឆ្លើយទាំងបំពានឥតខ្មាស់ថា មិនបានប្រើ ​F-16 វាយ​ប្រហារ​ជន​ស៊ីវិលទេ

The post ទឹកចិត្ត Miss Cosmo អាមេនី ជួយអំពាវនាវជនភៀសសឹក កម្ពុជា ក្លាយជាកម្លាំងចលករដ៏មហិមាពុំកាត់ថ្លៃបាន appeared first on Kampuchea Thmey Daily.

នៅក្នុងបទសម្ភាសកម្មវិធីរវាង Molistar ជាមួយម្ចាស់មកុដ Miss Cosmo 2024 និង First Runner Up នៅប្រទេសវៀតណាម កញ្ញា Ketut Permata Juliastrid បានកោតសរសើរពីការខិតខំប្រឹងប្រែងតស៊ូ និងឧស្សាហ៍ព្យាយាមរបស់ លក្ខិណា បវរកញ្ញារបស់កម្ពុជា។

ម្ចាស់មកុដ Miss Cosmo 2024 បានលើកឡើងថា លក្ខិណាជាមនុស្សឧស្សាហ៍ព្យាយាមនឹងការងារ​ ព្រោះអំឡុងពេលប្រកួតនាងតែងតែរៀបចំខ្លួនលឿនជាងគេជានិច្ច បើទោះបីជានាងគេងបាន ២ ឬ ៣ ម៉ោងតែប៉ុណ្ណោះ ហើយព្រមទាំងមានថាមពលទៀតផង។ លើសពីនោះកញ្ញា Ketut Permata Juliastrid បានឲ្យដឹងថា នាងគ្រាន់តែចង់មកប្រាប់ឲ្យអ្នកទាំងអស់គ្នាដឹងថា លក្ខិណា ឧស្សាហ៍ព្យាយាមស័ក្ដិសមទទួលបានការកោតសរសើរបន្ថែមទៀត។

គួររំលឹកថា កញ្ញា អុិន លក្ខិណា បានតំណាងឲ្យប្រទេសកម្ពុជាដំបូងគេក្នុងកម្មវិធីប្រកួត Miss Cosmo នៅប្រទេសវៀតណាម ហើយនាងក៏ទទួលបានចំណាត់ថ្នាក់ Top 10 ផងដែរ។ នេះក៏ជាការលើកមុខលើកមាត់ប្រទេសជាតិ តាមរយៈការខិតខំប្រឹងប្រែងរបស់កញ្ញា អុិន លក្ខិណា ដូចគ្នា៕

ទស្សនាវីដេអូពេញ៖

The post ម្ចាស់មកុដ Miss Cosmo 2024 សរសើរកញ្ញា អុិន លក្ខិណា មិនដាច់ពីមាត់ពេលផ្ដល់បទសម្ភាស appeared first on Kampuchea Thmey Daily.

គួរកត់សម្គាល់ថា ការរចនាទាំងពីរនេះមានភាពលម្អិតស្រដៀងគ្នាខ្លាំង មិនថាពណ៌ ម៉ូដសំលៀកបំពាក់របស់ Top5 វៀតណាម និង Kim Kardashian អ្នកទាំងពីរបង្កប់ដោយការច្នៃត្បូង និងទាក់ទាញស្រដៀងគ្នាសឹងតែ១០០ភាគរយ។ ជាមួយគ្នានេះដែរ គេប្រៀបធៀបស្លាបមេអំបៅដែលរចនានៅលើត្រគាក ទាំងសម្លៀកបំពាក់របស់ Xuan Hanh និង Kim Kardashian ត្រូវបានរំលេចដោយរំយោលដែលស្រដៀងនឹងដំណក់ទឹកមិនខុសគ្នាសូម្បីតែមួយចំណុចណាឡើយ។

គេដឹងថា Kim Kardashian ស្លៀករ៉ូបស្រដៀងនឹង Xuan Hanh ដើម្បីដើរលើកម្រាលព្រំក្រហមនៃព្រឹត្តិការណ៍ Met Gala កាលឆ្នាំ២០១៩។ ម៉ូដសំលៀកបំពាក់របស់តារាស្រីហូលីវូដ មានទម្រង់ខ្លីពីលើជង្គង់បន្តិច។ ដោយឡែក សម្រាប់ការរចនារ៉ូបពេលរាត្រីដែលស្លៀកដោយ Xuan Hanh ក្នុងរាត្រីចុងក្រោយនៃ Miss Cosmo 2024 វាត្រូវបានរចនាជាយសំពត់វែងអូសដល់ដីវិញ។

ការលាតត្រដាងនៃភាពស្រដៀងគ្នាមួយចំនួននៅក្នុងការរចនាទាំងពីរនេះ បានធ្វើឲ្យអ្នកគាំទ្រអន្តរជាតិចោទសួរ Xuan Hanh ដែលស្លៀករ៉ូបចម្លង Kim Kardashian ។ ទោះជាយ៉ាងនេះក្តី នេះគ្រាន់តែជាការវាយតម្លៃតែម្ខាងប៉ុណ្ណោះ ពីសាធារណជន ដូច្នេះវាមិនអាចឆ្លុះបញ្ចាំងអ្វីបានច្បាស់លាស់នោះទេ។ ស្របពេលដែលមតិមួយចំនួនរបស់អ្នកលេងអ៊ីនធឺណិតបាននិយាយថា មិនបាច់ឆ្ងល់ទេ​ ឈុតបែបបវរកញ្ញាជារួមគឺតែងស្រដៀងគ្នា ឬអាចថាចម្លងស្ទាយតិចតួចពីគ្នាក៏ថាបាន។ សំខាន់ឈុតនេះស្រដៀងគ្នាបេះដាក់ សឹងតែមិនអាចបែងចែកថាមួយណារបស់ពិតផង។

គួររម្លឹកដែរថា នៅរាត្រីចុងក្រោយនៃ Miss Cosmo 2024 បវរកញ្ញា Xuan Hanh បានឈានចូលវគ្គផ្តាច់ព្រ័ត្រកំពូលទាំង៥ ។ ប៉ុន្តែលទ្ធផល​នេះ​បាន​បញ្ឆេះ​ភាពចម្រូងចម្រាស​យ៉ាង​ខ្លាំង​ពីទស្សនិកជនមួយចំនួនធំមិនពេញចិត្ត ដោយសារតែសម្រស់ហ្វីលីពីនបានត្រឹមឈរនៅកំពូលទាំង១០ បើទោះបីជានាងត្រូវបានចាត់ទុកថាជាបេក្ខនារីខ្លាំងក៏ដោយ។ មិន​ត្រឹម​តែ​ប៉ុណ្ណោះ អ្នក​រៀបចំ​កម្មវិធី Miss Cosmo ក៏​ត្រូវ​បាន​គេ​សង្ស័យ​ថា​ ពេញចិត្ត​នឹង​បេក្ខនារីប្រទេស​ម្ចាស់​ផ្ទះ គឺ Xuan Hanh នេះផ្ទាល់តែម្ដង។

ដ្បិតថាយ៉ាងនេះក្ដី ជាការឆ្លើយតបទៅនឹងឧប្បត្តិហេតុចម្រូងចម្រាស តំណាងកញ្ញា Cosmo – លោក Tran Viet Bao Hoang បានផ្តល់មតិជាក់លាក់ថា «លទ្ធផលបានមកពីទាំងដំណើរការ និងគណៈវិនិច្ឆ័យ។ យើងមានកម្មវិធីដាក់ពិន្ទុឯករាជ្យ និងអង្គភាពសវនកម្មធានានូវតម្លាភាពនៃលទ្ធផល។ ដើម្បីរួមបញ្ចូលកម្មវិធីនេះនៅក្នុងការប្រកួតប្រជែង យើងត្រូវធ្វើការជាមួយចៅក្រម។ កិត្យានុភាពក្នុងការប្រកួតប្រជែង នៅពេលដែលលទ្ធផលត្រូវបានជ្រើសរើស អ្វីគ្រប់យ៉ាងគឺយុត្តិធម៌ចំពោះអ្វីដែលបេក្ខជនបង្ហាញ មិនមែនសម្រាប់តែនរណាម្នាក់នោះទេ។ ជាពិសេសដែរ ការ​យក​បុគ្គល​ណា​ម្នាក់​ទៅ​ប្រៀបធៀប​នឹង​បេក្ខជន​ផ្សេង​ទៀត ខ្ញុំ​យល់​ថា​អយុត្តិធម៌ណាស់​ »៕

អត្ថបទ៖ សាង ស្រីល័ក្ខ

ចុចអាន៖បុរសសង្ហាកាន់មកុដ Miss Cosmo នៅវៀតណាម​ មានប្រវត្តិអប់រំខ្ពស់ ក៏ជាសិស្សពូកែលំដាប់ប្រទេស

The post បវរកញ្ញាវៀតណាមដែលចូល Top5 ​ត្រូវគេចោទថា ស្លៀករ៉ូបក្លែងក្លាយឡើងឆាក Miss Cosmo ឆ្នាំ២០២៤ appeared first on Kampuchea Thmey Daily.

តើបុរសមុខស្រទន់ដែលក្នុងដៃមានកាន់មកុដបវរកញ្ញា Miss Cosmo 2024 រូបនោះជានរណា? ម្ដេចក៏លោកហាក់ទទួលបានការចាប់អារម្មណ៍ខ្លាំងពីមហាជន និងអ្នកទស្សនាកម្មវិធីទូទាំងពិភពលោក?

លោក Traần Việt Bảo Hoàng កើតនៅថ្ងៃទី ២៩ ខែវិច្ឆិកា ឆ្នាំ១៩៩១ នៅទីក្រុង Nha Trang ប្រទេសវៀតណាម គឺជាបុគ្គលលេចធ្លោម្នាក់នៅក្នុងឧស្សាហកម្មកម្មវិធីប្រកួតសម្រស់ ដែលបានក្លាយជា CEO វ័យក្មេង ដ៏មានទេពកោសល្យមានអ្នកគាំទ្រជាច្រើនលើសលប់មិនខុសពីបវកញ្ញាឡើយ។

បុរស​វ័យ៣៣ឆ្នាំរូបនេះ ចាប់ផ្ដើមអាជីពជាមួយនឹងការងារជាច្រើននៅក្នុងប្រព័ន្ធផ្សព្វផ្សាយ និងការកម្សាន្ត ដើម្បីទទួលបានបទពិសោធន៍ និងជួយខ្លួនឯងផ្នែកហិរញ្ញវត្ថុ។ ប៉ុន្មានឆ្នាំមកនេះ គាត់បានក្លាយជាតួអង្គសំខាន់ក្នុងភាពជោគជ័យរបស់រាជនីសម្រស់វៀតណាមនៅលើឆាកអន្តរជាតិ ជាពិសេសមហាជនក៏តែងតែឃើញលោកបង្ហាញមុខក្នុងដំណើរអមដំណើរបវកញ្ញាវៀតណាមទៅប្រកួតលើឆាក។ ហេតុនេះហើយ ​ទើប​លោកទទួលបាននូវ​រហស្សនាម​ថា ​«​ឧកញ៉ាបវរកញ្ញា»។

ជាកត្តាសំខាន់នៅពីក្រោយភាពជោគជ័យរបស់បវរកញ្ញាចក្រវាលវៀតណាមជាច្រើនរដូវកាល នាយកប្រតិបត្តិ Tran Viet Bao Hoang បានក្លាយជាឈ្មោះដែលទាក់ទាញចំណាប់អារម្មណ៍របស់អ្នកគាំទ្រសម្រស់ មិនត្រឹមតែប៉ុណ្ណោះទេ ប៉ុន្តែក៏មានទស្សនិកជនវ័យក្មេងជាច្រើនផងដែរ។ បច្ចុប្បន្នគាត់គឺជានាយកប្រតិបត្តិនៃ Unicorp (ម្ចាស់កម្មសិទ្ធិបញ្ញា Miss Universe Vietnam) និង Unimedia Agency ក៏ដូចជាអ្នករៀបចំរង Miss Universe Vietnam ផងដែរ។ លើសពីនេះលោកក៏ជាម្ចាស់ហាងកាហ្វេ និងភោជនីយដ្ឋាននៅ Da Lat ដែលមានភ្ញៀវជាច្រើនសម្រុកទៅគាំទ្រយ៉ាងគគ្រឹកគគ្រេង។

យ៉ាងណាក៏ដោយ មុន​ពេល​ទទួល​បាន​ជោគជ័យ​ជា​នាយក​ប្រតិបត្តិ បុរសសង្ហារូបនេះ​បាន​បញ្ចប់​ការ​សិក្សា​ថ្នាក់​បរិញ្ញាបត្រ​ផ្នែក​គ្រប់គ្រង​ពាណិជ្ជកម្ម​អន្តរជាតិ​នៅ​សាកលវិទ្យាល័យ​ពាណិជ្ជកម្ម​បរទេស​ទីក្រុង​ហូជីមិញ។ ពេលកំពុងសិក្សានៅសាលា គាត់បានចូលរួមក្នុងការប្រកួតសិក្សាជាប្រចាំ ហើយទទួលបានសមិទ្ធិផលឆ្នើមជាច្រើនដូចជា៖ រង្វាន់ទីបីក្នុងការប្រកួតប្រជែងស្រាវជ្រាវវិទ្យាសាស្ត្ររបស់សិស្សក្នុងឆ្នាំ ២០១១; ជ័យលាភីលេខមួយក្នុងការប្រកួត PR Concept របស់វៀតណាមឆ្នាំ២០១២ ព្រមទាំងជាប់ជាជើងឯកសិស្សពូកែឆ្នាំ២០១២។

ចែករំលែកជាមួយប្រព័ន្ធផ្សព្វផ្សាយអំពីការសិក្សាកាលពីគាត់នៅជានិស្សិត ដោយបាននិយាយថាគាត់កម្របានជាប់ចំណាត់ថ្នាក់លេខ២ណាស់ លើកលែងតែការបញ្ចប់ការសិក្សាពីសកលវិទ្យាល័យ​ និងទៅសាលារៀនដោយទទួលបានអាហារូបករណ៍។ លោកតែងតែងចាត់ទុកការសិក្សា ធ្វើកិច្ចការផ្ទះ និងអានសៀវភៅ ប្រៀបដូចជាចំណង់ចំណូលចិត្តដើម្បីសម្លាប់ពេលវេលា។

ទោះបីជាបែបនេះក្ដី ក៏នៅតែមានមនុស្សតិចណាស់ដែលដឹងថា CEO វ័យក្មេង គឺជាអ្នកដែលបង្កើតយុទ្ធសាស្រ្តសម្រាប់រាជិនីសម្រស់ក្នុងការអភិវឌ្ឍន៍សមត្ថភាព។ គាត់មានទំនួលខុសត្រូវក្នុងការរៀបចំផែនការការប្រកួតប្រចាំឆ្នាំ ស្វែងរកគំនិតថ្មីៗ ស្វែងរកការឧបត្ថម្ភ គ្រប់គ្រងរឿងជាបន្តបន្ទាប់ទាក់ទងនឹងការប្រកួតប្រជែង និងបេក្ខនារីនីមួយៗ ចាប់ពីពេលដែលពួកគេក្លាយជាបេក្ខនារីជាផ្លូវការ រហូតដល់ពួកគេគ្រងដំណែង និងផុតអាណត្តិ។

មិនត្រឹមតែប៉ុណ្ណឹងទេ ជាមួយនឹងទេពកោសល្យ វាគ្មានអ្វីចម្លែកទេដែល CEO វ័យក្មេងរូបនេះមានភាពរឹងមាំផ្នែកហិរញ្ញវត្ថុនិងជាម្ចាស់ជីវិតដ៏សម្បូរបែប។ យោងតាមប្រភពបានឲ្យដឹងថា បច្ចប្បន្នលោកកំពុងស្នាក់នៅក្នុងផ្ទះល្វែងដ៏ប្រណិតមួយក្នុងសង្កាត់២ នៃទីក្រុងហូជីមិញ។ លោកក៏ជាគំរូសម្រាប់ស្ត្រីជាច្រើន ក្រោមហេតុផលចម្បងគឺរូបរាងនិងរចនាប័ទ្មឆើតឆាយផ្ទាល់ខ្លួន។ ដោយ​សារ​តែ​ការងារ​ ​គាត់​តែង​តែ​លេច​មុខក្នុងភាពស្រស់សង្ហា ហើយសូម្បី​តែ​ម៉ូដ​សំលៀកបំពាក់​ធម្មតា​របស់ CEO វ័យ​ក្មេង ​ក៏​ធ្វើ​ឲ្យមនុស្ស​ជា​ច្រើន​សរសើរ​គាត់​ដែរ។ ជារឿយៗគាត់ជ្រើសរើសឈុតសាមញ្ញ ប៉ុន្តែនៅតែប្លែក និងទាន់សម័យបំផុត។ សម្រស់របស់គាត់ក៏ត្រូវគេកោតសរសើររាប់តាំង​ពី​រាង​កាយ កម្ពស់ ទម្ងន់ រហូត​ដល់​ទម្រង់​មុខ​សង្ហា សុទ្ធ​តែ​ត្រូវ​តាម​ស្តង់ដារ​នៃ​ការ​ក្លាយ​ជាបុរស​សង្ហា៕

អត្ថបទ៖ សាង ស្រីល័ក្ខ

ចុចអាន៖Jimmy និង ទេព បូព្រឹក្ស រួមទាំងក្រុមការងារ ទៅគាំទ្របវរកញ្ញាតំណាងកម្ពុជា ដល់វៀតណាម

The post បុរសសង្ហាកាន់មកុដ Miss Cosmo នៅវៀតណាម​ មានប្រវត្តិអប់រំខ្ពស់ ក៏ជាសិស្សពូកែលំដាប់ប្រទេស appeared first on Kampuchea Thmey Daily.

ក្នុងកម្មវិធីប្រកួតប្រជែង Miss Cosmo 2024 វគ្គ Jury Session ដែលប្រព្រឹត្តធ្វើឡើងលើទឹកដីប្រទេសវៀតណាម អ្នកនាង Jimmy Meng អ្នកនាងទេព បូព្រឹក្ស រួមនឹងអ្នកដែលទៅចូលរួមគាំទ្របវរកញ្ញាតំណាងកម្ពុជា បានបង្ហាញវត្តមាន ដើម្បីជាកម្លាំងចិត្តដល់ កញ្ញា អ៉ិន លក្ខិណា ។ ជាមួយនឹងក្តីរំភើបនេះ អ៉ិន លក្ខិណា បានសម្តែងការអរគុណ និងបង្ហាញឆន្ទៈមោះមុត ក្នុងការដណ្តើមម្កុដលើកនេះ ដោយផ្អែកលើបទពិសោធដែលខ្លួនមាន សមត្ថភាព និងភាពជឿជាក់។ ទន្ទឹមនេះ កញ្ញា អ៉ិន លក្ខិណា ក៏ស្នើសុំឱ្យពលរដ្ឋកម្ពុជា ពិសេសអ្នកគាំទ្រ ជួយបន្តបោះឆ្នោតគាំទ្រដល់កញ្ញាផង ដើម្បីទទួលបានជ័យជំនះនេះ។

ដោយឡែក តាមរយៈការដើរម៉ូដនៅលើឆាក Miss Cosmo 2024 ក្នុងសប្តាហ៍នេះ អុិន លក្ខិណា នៅតែធ្វើបានល្អ និងបន្តខិតខំប្រឹងប្រែងយ៉ាងខ្លាំង ដើម្បីសម្រេចបំណងដណ្តើមម្កុដលើកនេះឱ្យបាន ដែលមិនត្រឹមតែជាជយលាភីរបស់ខ្លួននោះទេ ក៏ជាមុខមាត់ជាតិផងដែរ។ ខណៈការដើរម៉ូដលើវេទិកាសប្តាហ៍នេះ ក៏ទទួលបានការកោតសរសើរពីអ្នកដាក់ពិន្ទុ និងអ្នកគាំទ្រផងដែរ។

តួយ៉ាង កាលពី ២សប្តាហ៍មុន លើវេទិកាបង្ហាញម៉ូដក្នុងការកម្មវិធីប្រកួតប្រជែង Miss Cosmo 2024 បវរកញ្ញាតំណាងកម្ពុជារូបនេះ បានធ្វើឱ្យអ្នកគាំទ្រភ្ញាក់ផ្អើលផងដែរ ជាមួយនឹងកាយវិការមួយនៃរបាំបុរាណខ្មែរ ពោរពេញដោយអត្ថន័យ អមនឹងរូបប្រាសាទអង្គរវត្តរចនាលើស្បៃឈុតប្រពៃណីវៀតណាម (AO DAI) ដែលកញ្ញាយកមកបង្ហាញ។

គួររម្លឹកថា កញ្ញា អ៉ិន លក្ខិណា គឺជាអតីត​កញ្ញាឯក​លំដាប់​រង​ទី​១ ឆ្នាំ​២០២១ (Miss Grand Cambodia 2021) និង​ជា​ម្ចាស់​មកុដ Miss Supranational Cambodia 2022 ដែលទទួលបានការគាំទ្រច្រើនពីមហាជននាពេលកន្លងមក ខណៈឆ្នាំ២០២៣ កញ្ញាទទួលបានតំណែងជាលំដាប់រងទី ២ Miss Grand Cambodia 2023 ៕

The post Jimmy និង ទេព បូព្រឹក្ស រួមទាំងក្រុមការងារ ទៅគាំទ្របវរកញ្ញាតំណាងកម្ពុជា ដល់វៀតណាម appeared first on Kampuchea Thmey Daily.

ក្នុងឈុតប្រពៃណីវៀតណាម (AO DAI) ដែលកម្មវិធីតម្រូវឱ្យបវរកញ្ញាទាំងអស់ស្លៀក កញ្ញា អ៉ិន លក្ខិណា បានធ្វើឱ្យគាំទ្រកោតសរសើរ ដែលបាននាំយកអត្តសញ្ញាណខ្មែរលើឆាកអន្តរជាតិ ដោយមិនត្រឹមតែរូបប្រាសាទអង្គរវត្តតំណាងជាតិប៉ុណ្ណោះទេ ថែមទាំងដើរយ៉ាងសមសួន រំលេចនូវកាយវិការដៃដែលដកស្រង់ពីរបាំបុរាណខ្មែរ ឱ្យអន្តរជាតិបានឃើញថែមទៀត។

ជាមួយនឹងការបង្ហាញនេះ កញ្ញា អុិន លក្ខិណា ទទួលបានការកោតសរសើរខ្លាំងពីសំណាក់អ្នកគាំទ្រ ដោយភាគច្រើននិយាយថា បវរកញ្ញាតំណាងជាតិរូបនេះ តែងតែធ្វើឱ្យអ្នកគាំទ្រភ្ញាក់ផ្អើលជានិច្ច។

គួររម្លឹកថា កញ្ញា អុិន លក្ខិណា បានធ្វើដំណើរចាកចេញពីប្រទេសកម្ពុជា ដើម្បីចូលរួមប្រកួត Miss Cosmo 2024 នៅប្រទេសវៀតណាម កាលពីថ្ងៃទី១២ ខែកញ្ញានេះ។ ក្នុងដំណើរចេញទៅប្រកួតលើឆាកអន្តរជាតិនេះដែរ កញ្ញាក៏បានបញ្ជាក់ថា ខ្លួនបានត្រៀមខ្លួនរួចជាស្រេចសម្រាប់ព្រឹត្ដិការណ៍លក្ខណៈអន្ដរជាតិមួយនេះ ដោយនាំយកភាពអស្ចារ្យរបស់កម្ពុជា ទៅកាន់ឆាកប្រកួត។

កញ្ញា អ៉ិន លក្ខិណា គឺជាអតីត​កញ្ញាឯក​លំដាប់​រង​ទី​១ ឆ្នាំ​២០២១ (Miss Grand Cambodia 2021) និង​ជា​ម្ចាស់​មកុដ Miss Supranational Cambodia 2022 ដែលទទួលបានការគាំទ្រច្រើនពីមហាជននាពេលកន្លងមក ខណៈឆ្នាំ២០២៣ កញ្ញាទទួលបានតំណែងជាលំដាប់រងទី ២ Miss Grand Cambodia 2023 ៕

The post អុិន លក្ខិណា ធ្វើឱ្យអ្នកគាំទ្រភ្ញាក់ផ្អើលជាថ្មី ជាមួយនឹងកាយវិការដ៏មានអត្ថន័យ លើឆាក Miss Cosmo 2024 appeared first on Kampuchea Thmey Daily.

កញ្ញា អ៉ិន លក្ខិណា បានធ្វើដំណើរចាកចេញពីប្រទេសកម្ពុជាហើយ កាលពីថ្ងៃទី១២ ខែកញ្ញា ឆ្នាំ២០២៤នេះ នៅលើឆាកអន្តរជាតិ នៃប្រទេសវៀតណាម បន្ទាប់ពីត្រូវបានជ្រើសរើសក្លាយជា Miss Cosmo Cambodia 2024 កាលពីថ្មីៗកន្លងមកនេះ។

ក្នុងដំណើរចេញទៅប្រកួតលើឆាកអន្តរជាតិនេះដែរ កញ្ញា អ៉ិន លក្ខិណា បានបញ្ជាក់មុនឡើងយន្ដហោះថា ខ្លួនបានត្រៀមខ្លួនរួចជាស្រេចសម្រាប់ព្រឹត្ដិការណ៍លក្ខណៈអន្ដរជាតិមួយនេះ ដោយនាំយកភាពអស្ចារ្យរបស់កម្ពុជា ទៅកាន់ឆាកប្រកួតនេះ។ ទន្ទឹមនេះ កញ្ញាក៏បេ្តជ្ញាថា នឹងដណ្តើមជ័យលាភីមកកាន់មាតុភូមិវិញ សម្រាប់អ្នកគាំទ្រនិងមហាជន។

គួរបញ្ជាក់ដែរថាកញ្ញា អ៉ិន លក្ខិណា គឺជាអតីត​កញ្ញា ឯក​លំដាប់​រង​ទី​១ កញ្ញាឯក​ដ៏​អស្ចារ្យ​នៃ​កម្ពុជាឆ្នាំ​២០២១ (Miss Grand Cambodia2021) និង​ជា​ម្ចាស់​មកុដ Miss Supranational Cambodia2022 ដែលទទួលបានការគាំទ្រច្រើនពីមហាជននាពេលកន្លងមក ខណៈឆ្នាំ២០២៣ គឺជាលំដាប់រងទី ២ Miss Grand Cambodia 2023 ៕

អត្ថបទ៖ ចាន់រ៉ា

The post តំណាងកម្ពុជា អ៉ិន លក្ខិណា បេ្តជ្ញាដណ្តើមជ័យលាភីមកកាន់មាតុភូមិវិញ appeared first on Kampuchea Thmey Daily.