ថៃឆ្លើយទាំងបំពានឥតខ្មាស់ថា មិនបានប្រើ ​F-16 វាយ​ប្រហារ​ជន​ស៊ីវិលទេ

កងទ័ពភូមិន្ទថៃ នៅថ្ងៃទី២៥ ខែកក្កដា បានឆ្លើយតបដោយមិនមានសេចក្ដីអៀនខ្មាស់ទៅកាន់ប្រព័ន្ធផ្សព្វផ្សាយកម្ពុជាថា ខ្លួនមិនបានប្រើ​យន្តហោះចម្បាំង F-16 ដើម្បី​វាយ​ប្រហារលើ​ជន​ស៊ីវិលទេ ប៉ុន្តែយោងតាមប្រភពព័ត៌មានក្រៅផ្លូវការបានចុះផ្សាយថា យន្តហោះ F-16 របស់ថៃបានធ្លាក់នៅទីតាំងផ្សេងដែលគេពុំទាន់ដឹង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យកងទ័ពលោកឧត្តមសេនីយ៍ឯក Winthai Suvaree បានបញ្ជាក់ពីការចោទប្រកាន់ថា ប្រទេសថៃបានប្រើប្រាស់យន្តហោះដើម្បីវាយប្រហារលើគោលដៅជនស៊ីវិល។ កងទ័ពបដិសេធទាំងស្រុងចំពោះការចោទប្រកាន់នេះ ហើយ​យល់​ឃើញ​ថា​វា​ជា​ព័ត៌មាន​មិន​ពិត ដែល​អាច​នឹង​ប្រើ​ដើម្បី​ជះឥទ្ធិពល​ដល់​ការ​យល់​ឃើញ​នៅ​បរទេស។

បើទោះបីជាភាគីប្រទេសថៃ បានបដិសេធឥតកេរ្តិ៍ខ្មាស់យ៉ាងណាក៏ដោយ ប៉ុន្តែយោងតាមព័ត៌មានក្រៅផ្លូវការបានឲ្យដឹងថា កម្ពុជាបានបាញ់ទម្លាក់យន្តហោះ F-16 របស់ថៃ ចំនួនមួយគ្រឿង។ ប៉ុន្តែបណ្តាញផ្សព្វផ្សាយរបស់ថៃ បានច្រានចោលការលើកឡើងនេះយ៉ាងព្រោងព្រាត ទាំងយន្តហោះប្រភេទនេះបានហោះឆ្វែលចូលមកកាន់ទឹកដីកម្ពុជា និងបានបំផ្លិចបំផ្លាញទីតាំងដែលជនស៊ីវិលកំពុងរស់នៅ។

ជាងនេះទៅទៀត កាលពីថ្ងៃទី២៤ ខែកក្កដា ឆ្នាំ២០២៥ ប្រទេសថៃបានធ្វើឲ្យប៉ះពាល់ និងបំផ្លិចបំផ្លាញទីតាំងជុំវិញ នៃរចនាសម្ព័ន្ធផ្ទាល់របស់ប្រាសាទព្រះវិហារ ដែលជាបេតិកភណ្ឌពិភពលោកនិងជាមរតកវប្បធម៌ប្រវត្តិសាស្ត្រដ៏ថ្លៃថ្លារបស់ប្រជាជនខ្មែរ ពោលគឺ យោធាថៃបានប្រើប្រាស់គ្រប់អាវុធធន់ធ្ងន់គ្រប់ប្រភេទ ដោយរាប់ទាំងគ្រាប់ផ្លោងនិងការទម្លាក់គ្រាប់បែកពីយន្តហោះ ធ្វើឲ្យប៉ះដល់ប្រាសាទព្រះវិហារ និងតំបន់ក្បែរប្រាសាទបែកជាបំណែកខ្ចាត់ខ្ទាយ។ ដែលនោះសបញ្ចាក់ឲ្យដឹងថា ថៃបានរំលោភយ៉ាងធ្ងន់ធ្ងរលើអនុសញ្ញាទីក្រុងឡាអេឆ្នាំ១៩៥៤ ស្តីពីកិច្ចការពារសម្បត្តិវប្បធម៌ក្នុងអំឡុងពេលជម្លោះប្រដាប់អាវុធ។ ប្រទេសដែលរំលោភអនុសញ្ញានេះ អាចនឹងប្រឈមមុខការចោទប្រកាន់ពី ឧក្រិដ្ឋកម្មសង្គ្រាម៕

អត្ថបទ៖ សាង ស្រីល័ក្ខ

ចុចអាន៖ថៃស្រែកប្រាប់គ្នាឯងកុំធ្វើអំពើអមនុស្សធម៌ ក្រោយអតីត​អ្នក​ប្រដាល់ ​ទះ​កំផ្លៀង​ពលករ​ខ្មែរ​