​បរិមាណនៃការវិនិយោគដ៏ច្រើននេះ ឆ្លុះបញ្ចាំងពី​កិច្ចខិតខំប្រឹងប្រែងរួមគ្នាដើម្បីទាញយកភាពល្បីល្បាញរបស់​ថៃ ដែលជាទិសដៅផលិតកម្មសម្រាប់ប្រព័ន្ធផ្សព្វផ្សាយពិភពលោក ចំពេលដែល​ភាពយន្តថៃក៏ល្បីនៅលើវេទិការបស់ Netflix។ តាមការចុះផ្សាយរបស់កាសែត The Nation សន្ទុះនៃការគាំទ្រភាពយន្តថៃ ធ្វើឱ្យចំនួននៃការចូលមើលមាតិកា ឬភាពយន្តថៃកើនឡើងរហូតដល់ទៅ ៧៥០ លាន​ម៉ោង គិតតែក្នុងឆ្នាំនេះ។

មែនទែនទៅ ការវិនិយោគរបស់ក្រុមហ៊ុន Netflix គាំទ្រយុទ្ធសាស្រ្តជាតិរបស់​ថៃ ​ដែល​កំណត់គោលដៅបង្កើតប្រាក់ចំណូល ៤ ទ្រីលាន​បាត និងការងារចំនួន ២០ លាន តាមរយៈ «សេដ្ឋកិច្ចថ្នៃប្រឌិត» ដែលរួមបញ្ចូលទាំងផលិតកម្មភាព​យន្ត និងវប្បធម៌ ដើម្បីជំរុញកំណើនសេដ្ឋកិច្ច។​ កន្លងមក រដ្ឋាភិបាលថៃបាន​លើកឡើងពីការយកប្រទេសកូរ៉េខាងត្បូងជាគំរូ ដោយ​ទាញយកប្រយោជន៍សេដ្ឋកិច្ចពី «ថាមពលទន់»​។

​ជាក់ស្ដែង ​យុទ្ធសាស្រ្តសម្រាប់វិស័យភាពយន្តថៃ បានទាក់ទាញផលិតកម្មបរទេសជាង ៤ ៦០០ ចាប់តាំងពីឆ្នាំ ២០១៦ ​ដោយរកចំណូលបានជាង ១ ​ប៊ីលានដុល្លារ (៣៣ ​ប៊ីលានបាត) ជាតម្លៃ។

បច្ចុប្បន្ន ក្រៅតែពីក្រុមហ៊ុន Netflix គេឃើញមាន​ក្រុមហ៊ុនអន្តរជាតិ​សំខាន់ៗផ្សេងៗទៀត ដែល​បោះទុនវិនិយោគ ឬមកផលិតភាពយន្ត​នៅថៃ ដូចជា HBO, Universal, FX, Warner Bros, និង iQiyi ជាដើម៕

​

The post Netflix វិនិយោគរាប់រយលានដុល្លារនៅថៃ ដើម្បី​ឱ្យ​ប្រទេសនេះក្លាយជាមជ្ឈមណ្ឌលមាតិកាអាស៊ី appeared first on Kampuchea Thmey Daily.

តារាម៉ូដែលអាហ្សង់ទីនអាចរកបាន១០លានដុល្លារសម្រាប់រដូវកាលទី១ ហើយចំនួននោះអាចកើនឡើង នៅរដូវកាលទី២ បើទោះបីជាក្រុមហ៊ុន Netflix មិន​បានបញ្ចេញតួលេខផ្លូវការក៏ដោយ។ រដូវកាលទី៣ រឿង«I Am Georgina»ត្រូវបានចាក់ផ្សាយនៅលើ Netflix តាំងពីថ្ងៃទី១៨ ខែកញ្ញា។

ប្រភពជាច្រើនបានរាយការណ៍ថា ទ្រព្យសម្បត្តិសុទ្ធរបស់​​ Rodriguez ត្រូវបានគេប៉ាន់ប្រមាណ​​ចំនួន១៩.៧លានដុល្លារ។ ក្រៅពីប្រាក់ចំណូលពី Netflix នាងក៏អាចរកប្រាក់បានប្រមាណ ១០០,០០០ដុល្លារ ពី​ការផ្សព្វផ្សាយពាណិជ្ជកម្មនៅលើគណនី Instagram ដែលមានអ្នកតាមដាន៦៣លាននាក់។ តារា​ម៉ូដែល​រូប​នេះ​​មាន​គ្លីនិកហ្វេហ្ស៊ិន​​ជា​មួយ​ Ronaldo ដែលអាចរកបាន​ចំណូលបាន១០.៥លានដុល្លារក្នុងមួយឆ្នាំ។

រដូវកាលទី៣ ស៊េរីរឿង«I Am Georgina» តារាម៉ូដែលវ័យ៣៩ឆ្នាំរូបនេះបង្ហាញពីភាពស្និទ្ធស្នាលជាងមុន​ជាមួយមិត្តភក្តិជិតស្និទ្ធ និងក្រុមគ្រួសារ ក៏ដូចជាជីវិត​រស់​​នៅក្នុងប្រទេសអារ៉ាប៊ីសាអ៊ូឌីត​ ជាកន្លែងដែល​ Ronaldo កំពុង​លេង​ឲ្យ​ក្លិប Al Nassr តាំង​ពីឆ្នាំ២០២៣។ ​រដូវ​កាល​ទី២ ស៊េរីរឿង«I Am Georgina» តារា​ឆ្នើម​ Ronaldo បានបង្ហាញខ្លួនក្នុងសាច់រឿងនេះមិនបានច្រើនទេ ប៉ុន្តែ​រដូវ​កាល​ទី​៣ រូបគេ​មានបង្ហាញខ្លួន​ច្រើន​។

ចំពោះ Ronaldo ចាប់ផ្តើមមានទំនាក់ទំនងស្នេហាជាមួយ Rodriguez ​កាល​ពី​ឆ្នាំ២០១៦។ គូស្នេហ៍មួយមានកូនពីរនាក់ជាមួយគ្នា ខណៈកូនទី៣ របស់ Ronaldo មានតាមរយៈការពពោះជំនួស៕

ប្រែសម្រួល៖ ផា រតនា

The post មិត្តស្រីរបស់ Ronaldo រកបានចំណូល១០លានដុល្លារពី Netflix appeared first on Kampuchea Thmey Daily.

“The Influencer” បង្ហាញពីអ្នកមានឥទ្ធិពលកំពូលរបស់កូរ៉េខាងត្បូងចំនួន ៧៧ ប្រឆាំងនឹងគ្នាទៅវិញទៅមក ដើម្បីមើលថា តើអ្នកណាអាចមានឥទ្ធិពលជាងគេ។ ចាប់តាំងពីការចាក់បញ្ចាំងលើកដំបូងនៅថ្ងៃទី ៦ ខែសីហា កម្មវិធីនេះបានជាប់ចំណាត់ថ្នាក់ជាស៊េរីលេខ១ នៅក្នុងប្រទេសកូរ៉េខាងត្បូង ហើយទទួលបានការចាប់អារម្មណ៍ជាអន្តរជាតិ​ដោយការបំបែកចូលទៅក្នុង TOP 10 សកល។

ទន្ទឹមនោះទៀតសោត វគ្គផ្តាច់ព្រ័ត្រនៃកម្មវិធីដែលបានចេញផ្សាយនៅថ្ងៃទី ១៣ ខែសីហាគឺពោរពេញទៅដោយការភ្ញាក់ផ្អើល​ ជាពិសេសនៅក្នុងជុំទី៣ ដែលអ្នកមានឥទ្ធិពលត្រូវទាក់ទាញចំណាប់អារម្មណ៍ពីចៅក្រម ១០០នាក់ដើម្បីរស់។ ជុំនេះផ្តោតលើគំនិតដែលថា ការយកចិត្តទុកដាក់ស្មើភាពរស់រានមានជីវិត បានធ្វើឲ្យអ្នកទស្សនាភ្ញាក់ផ្អើល និងត្រូវបានគេសរសើរចំពោះការប្រើប្រាស់បច្ចេកវិទ្យាតាមដានភ្នែកកម្រិតខ្ពស់ ដែលបន្ថែមស្រទាប់ថ្មីនៃភាពរំភើប។

ការចាប់អារម្មណ៍ជាច្រើននាពេលថ្មីៗនេះ ជុំវិញកម្មវិធីបានផ្តោតលើអ្នកមានឥទ្ធិពល Seyeon ដែលការជួបមិននឹកស្មានដល់ជាមួយប្រធាន HYBE លោក Bang Si Hyuk នៅ LA បានធ្វើឲ្យមានការចាប់អារម្មណ៍យ៉ាងទូលំទូលាយ។ Seyeon កើតក្នុងឆ្នាំ ២០០០ និងបច្ចុប្បន្នមានអាយុ ២៤ ឆ្នាំ ត្រូវបានគេស្គាល់ថាដោយសារតតែរូបរាងដ៏ស្រឡូនរបស់នាង និងខ្លឹមសារដ៏សិចស៊ីនៅលើវេទិកាផ្សេងៗរួមទាំង YouTube និង TikTok ដោយមានអ្នកជាវប្រហែល ៣២០,០០០។ ការបង្ហាញខ្លួននៅលើប៉ុស្តិ៍ YouTube “Noppakku Tak Jaehoon” បានបង្ហាញថា ប្រាក់ចំណូលប្រចាំឆ្នាំរបស់នាងឈានដល់ ៣ ពាន់លានវ៉ុនដែលពង្រឹងឋានៈរបស់នាងនាមជា BJ លំដាប់កំពូលនៅក្នុងប្រទេសកូរ៉េខាងត្បូង។

Seyeon បាន​ក្លាយ​ជា​ចំណុច​កណ្តាល​នៃ​ការ​ចាប់​អារម្មណ៍​ បន្ទាប់​ពី​ប៉ុស្តិ៍ YouTube មួយ​បាន​បង្ហោះ​វីដេអូ​នៃ​ការ​ដើរ​ជាមួយ Bang Si Hyuk នៅ Beverly Hills។ ដោយ​ស្លៀក​ឈុត​ពណ៌​ខ្មៅ និង​សំពត់​តូច​តូច Seyeon ត្រូវ​បាន​គេ​ឃើញ​ដើរ​លេង​ជាមួយ Bang ដោយ​មាន​ប្អូន​ស្រី​របស់​នាង​ចូល​រួម​ផង​ដែរ។ វីដេអូ​បង្ហាញ​ថា Bang និយាយ​ទៅកាន់​កាមេរ៉ា​ដោយ​សួរ​ថា “តើ​គេ​ថត​យើង​មែន​ទេ?” ដែលជំរុញឲ្យមានការរំពឹងទុកអំពីទំនាក់ទំនងរបស់ពួកគេ ជាពិសេសដោយសារភាពខុសគ្នានៃអាយុ ២៨ ឆ្នាំរវាង Seyeon និង Bang ដែលកើតក្នុងឆ្នាំ ១៩៧២ ។

យ៉ាងណាមិញ រូបភាព Bang Si Hyuk និង The Influencer បានធ្វើឲ្យកម្មវិធី Netflix ឃើញការកើនឡើងនៃអ្នកទស្សនា បន្ទាប់ពីមានភាពចម្រូងចម្រាស ដោយបានជួយឲ្យវារក្សាតំណែងកំពូលរបស់ខ្លួន នៅក្នុងចំណាត់ថ្នាក់ស៊េរីរបស់ប្រទេសកូរ៉េខាងត្បូង និងបន្តជោគជ័យជាបន្តបន្ទាប់៕

អត្ថបទ៖ សាង ស្រីល័ក្ខ

ចុចអាន៖Suga ជាសមាជិក BTS ដំបូងស្ថិតក្រោមការស៊ើបអង្កេត ហើយអាចនឹងចាកចេញពីក្រុមដូចករណី T.O.P

The post កម្មវិធីថ្មី Netflix ឡើងកូដខ្លាំង ក្រោយនិន្នាការ Influencer ស្រីកៀកកើយជាមួយថៅកែ HYBE appeared first on Kampuchea Thmey Daily.

Netflix កំពុងពិភាក្សាអំពីការដំឡើងតម្លៃនៅក្នុងទីផ្សារទូទាំងពិភពលោក ប៉ុន្តែទំនងជាចាប់ផ្តើមជាមួយសហរដ្ឋអាមេរិក និងកាណាដាមុនគេ ។

យើងមិនទាន់ដឹងនៅឡើយទេថា Netflix នឹងឡើងថ្លៃប៉ុន្មាន ឬនៅពេលណា ។ សម្រាប់បច្ចុប្បន្ន គម្រោងរបស់វាមានតម្លៃចាប់ពី ២,៩៩ ដុល្លារ ដល់ ៩,៩៩ ដុល្លារ ។

ការពិភាក្សារវាងសហជីពតារាភាពយន្ត SAG-AFTRA និងសម្ព័ន្ធអ្នកផលិតរូបភាព និងទូរទស្សន៍ (AMPTP) កំពុងបន្ត ដោយកិច្ចប្រជុំបន្ទាប់របស់ពួកគេគ្រោងនឹងធ្វើឡើងនៅថ្ងៃពុធ ទី៤ ខែតុលារ ។

SAG-AFTRA បានធ្វើកិច្ចព្រមព្រៀងបណ្តោះអាសន្នជាមួយ AMPTP កាលពីសប្តាហ៍មុន បន្ទាប់ពីការចរចាបរាជ័យអស់រយៈពេលប្រាំខែ ។

គួរឲ្យដឹងថា ក្រុមហ៊ុន Netflix បានកាត់បន្ថយតម្លៃនៃគម្រោងរបស់ខ្លួនតាមបណ្ដាប្រទេសមួយចំនួនកាលពីខែកុម្ភៈ ។ ក្នុងខែដដែលនេះ វាបានដាក់ចេញនូវផែនការមួយ ដើម្បីបង្ក្រាបលើការចែករំលែកលេខសម្ងាត់ដែលដាក់ឱ្យប្រើប្រាស់នៅក្នុងប្រទេសជាង ១០០ ប្រទេស ក្នុងខែឧសភា ៕

ប្រែសម្រួល៖ វារី

ប្រភព៖ AsiaOne

ចុចអាន៖ Netflix គ្រោងចាយប្រាក់ ២.៥ពាន់លានដុល្លារ លើវិស័យភាពយន្តកូរ៉េ

The post Netflix គ្រោងនឹងឡើងថ្លៃ បន្ទាប់ពីការធ្វើកូដកម្មរបស់តារាហូលីវូដបានបញ្ចប់ appeared first on Kampuchea Thmey Daily.

ការ​ប្រកាសនូវគម្រោងធំរបស់ក្រុម Netflix ​​ត្រូវ​បាន​ធ្វើ​ឡើង​ក្នុង​អំឡុង​ពេល​សន្និសីទ​សារព័ត៌មាន​​ក្នុង​ទីក្រុង​សេអ៊ូល ដោយ​​ក្រុមហ៊ុន​ស្ទ្រីម​យក្សមួយនេះ ​គ្រោងនឹងចំណាយប្រាក់ជាងពីរពាន់ដុល្លារសម្រាប់ផលិតភាពយន្តកូរ៉េ និងដើម្បីបង្កើនទំនុកចិត្តដល់សមាជិករបស់ Netflix នៅទូទាំងពិភពលោក។

បន្ទាប់ពីមើលឃើញពីការរីកចម្រើននៃវិស័យភាពយន្តកូរ៉េ និងដោយមើលឃើញថា ភាពយន្តកូរ៉េជាច្រើនរឿងទទួលជោគជ័យជាបន្តបន្ទាប់ដូចជា Squid Game, All of Us Are Dead និង The Glory ជាដើម ដូច្នេះ Netflix ប្ដេជ្ញាបន្ថែមប្រាក់វិនិយោគសម្រាប់បង្កើតមាតិកាភាពយន្តកូរ៉េឱ្យកាន់តែសម្បូរបែប ​និងគុណភាពខ្ពស់ ខណៈប្រាក់ចំណាយសម្រាប់ឆ្នាំ២០២៤-២០២៨ នឹងឡើងដល់ ២.៥ពាន់លានដុល្លារអាមេរិក៕

ប្រែសម្រួល៖ សន្យា

ចុចអាន៖ ទម្លាយតម្លៃគ្រឿងអលង្ការរាប់សែនដុល្លារ ដែល ​Lisa ពាក់បង្អួតទស្សនិកជនថ្ងៃមុន

The post Netflix គ្រោងចាយប្រាក់ ២.៥ពាន់លានដុល្លារ លើវិស័យភាពយន្តកូរ៉េ appeared first on Kampuchea Thmey Daily.

សម្រាប់រឿង Squid Game វគ្គ ១ ចាក់បញ្ចាំងនៅថ្ងៃទី១៧ ខែកញ្ញា ឆ្នាំ២០២១ វាពេញនិយមខ្លាំងក្នុងចំណោម ៩៤ ប្រទេសឯណោះ និងរកចំណូលបានដល់ទៅ ៩០០ លានដុល្លារ ។

ចំណែកក្នុងរឿង Squid Game វគ្គ ២ វិញ តួសម្ដែងថ្មីដែលនឹងមានវត្តមានគឺ Yim Si-wan, Kang Ha-neul, Park Sung-hoon និង Yang Dong-geun ។ ពួកគេទាំងអស់បានសម្ដែងរួមជាមួយតួចាស់ៗដូចគ្នា គឺ Lee Byung-hun តួបុរសស្រោមមុខខ្មៅ, Wi Ha-jun តួអ្នកស៊ើបអង្កេតដែលលួចចូលតំបន់លេងល្បែង និងជាពិសេស Lee Jung-jae តួអ្នកលេងផ្លាកលេខ ៤៥៦ ។

គួរបញ្ជាក់ថា ចុងបញ្ចប់ក្នុងវគ្គទី ១ តួឈ្មោះ Seong Gi-hun ដែលឈ្នះការប្រកួត ជាអ្នកនៅមានជីវិតម្នាក់ឯង ដូច្នេះគាត់សម្រេចចិត្តទៅលេងម្ដងទៀតដើម្បីបញ្ចប់បញ្ហាដ៏ឃោរឃៅនេះ ៕

ប្រែសម្រួល ៖ វារី

ប្រភព ៖ Enews

ចុចអាន ៖ ធ្លាយតម្លៃខ្លួនតួឯកប្រុស “Squid Game” វគ្គ២ សម្ដែងមួយភាគ សឹងចាយបានកន្លះជីវិត

The post Netflix ទម្លាយឈ្មោះតួថ្មីក្នុងរឿង Squid Game វគ្គ ២ appeared first on Kampuchea Thmey Daily.

ជាមួយគ្នាដែរ Netflix បានផលិតកកម្មវិធីប្រកួត Squid Game បែបពិតៗ ដោយបេក្ខជនចូលរួមមានចំនួន ៤៥៦នាក់ ដើម្បីផ្ដល់ទឹកប្រាក់ ៤.៥៦លានដុល្លារអាមេរិកដល់អ្នកដែលឈ្នះ ហើយហ្គេមនីមួយៗស្រដៀងគ្នានឹងហ្គេមក្នុងខ្សែភាពយន្តដែរ។

យ៉ាងណាមិញ អំឡុងដំណើរការប្រកួតពិត បេក្ខជនមួយចំនួនបានចេញមកបកអាក្រាតថា ការថតរបស់ Netflix ​ពិតជាអមនុស្សធម៌ខ្លាំង និងជាកម្មវិធីពុករលួយ គ្មានភាពយុត្តិធម៌សម្រាប់បេក្ខជនធម្មតា ព្រោះអ្នកដែលអាចឈានទៅកាន់វគ្គបន្ទាប់ សុទ្ធសឹងជាបេក្ខដែលមានប្រជាប្រិយនៅលើបណ្ដាញសង្គម។

បេក្ខនារីម្នាក់សុំមិនបញ្ចេញឈ្មោះ បាននិយាយថា មុនពេលថតកម្មវិធីនៅម៉ោង៩ នាងត្រូវក្រោកតាំងពីម៉ោង ៣:៣០ ទៀបភ្លឺ ខណៈសម្លៀកបំពាក់ផ្ដល់ភាពកក់ក្ដៅដល់រាងកាយ ក៏ពុំមានស្លៀកពាក់ដែរ។ លើសពីនេះ បេក្ខនារីម្នាក់ទៀត ទម្លាយថា ហ្គេម “Red Light Green Light” (ភ្លើងក្រហម ភ្លើងបៃតង) មានរយៈពេលដល់ទៅ ២៦នាទីក្នុងមួយជុំ ដែលវាលើសពីម៉ោងកំណត់ចំនួន២នាទីឯណោះ។

ប្រភពពី Rolling Stone បានឱ្យដឹងថា យ៉ាងហោចណាស់មានបេក្ខជនចំនួន ១០នាក់បានដួលសន្លប់ ក្នុងអំឡុងថ្ងៃដំបូងនៃការថត ព្រោះពួកគេត្រូវឈរយូរម៉ោង បូករួមនឹងអាកាសធាតុត្រជាក់ផង។

បន្ថែមពីលើការចោទប្រកាន់ពីទង្វើអមនុស្សធម៌ចំពោះបេក្ខជន ក្រុមហ៊ុន Netflix ក៏រងពាក្យរិះគន់ចំពោះភាពលម្អៀងផងដែរ ដោយបេក្ខជនមួយចំនួនអះអាងថា វេទិកាស្ទ្រីមនេះបានជ្រើសរើសបេក្ខជន-នារី ដែលមានឥទ្ធិពលស្រាប់នៅសង្គមអនឡាញ មុនពេលផ្ដល់ឱកាសឱ្យពួកគេឈានទៅកាន់វគ្គបន្ទាប់៕

ប្រែសម្រួល៖ សន្យា

ចុចអាន៖ តួឯកប្រុស “Squid Game” ពីអ្នករត់តុកាហ្វេ ក្លាយជាកំពូលតារាស៊ីថ្លៃខ្ពស់ជាងគេរបស់កូរ៉េខាងត្បូង

The post ​បេក្ខជនចូលរួមលេងកម្មវិធី Squid Game រិះគន់ Netflix ថា គ្មានមនុស្សធម៌ និងអយុត្តិធម៌ខ្លាំង appeared first on Kampuchea Thmey Daily.

ក្រោយវគ្គ១ ទទួលជោគជ័យ ដែលមានអ្នកចូលមើលរហូតដល់ជាង ១.២ពាន់លានម៉ោងនៅលើ Netflix ផលិតករបានប្រកាសថតភាពយន្ត “Wednesday” វគ្គ២ភ្លាមៗ ប៉ុន្តែមិនដឹងជាមានរឿងអ្វីឱ្យប្រាកដនោះទេ ស្រាប់តែផលិតករប្រកាសលុបចោលការថតវគ្គ២វិញ។

ទោះយ៉ាងណា ពេលនេះភាពយន្ត “Wednesday” បានប្រកាសថតវគ្គ២ ឡើងវិញ នៅប៉ុន្មានខែខាងមុខ ដោយវគ្គនេះនឹងកាន់តែរន្ធត់ ហើយអាថ៌កំបាំងជាងវគ្គ១ទៅទៀត។ ចំណែកតារាស្រី Jenna Ortega ដែលសម្ដែងជាតួ ​ Wednesday Adams នឹងនៅតែលេចមុខជាតួឯកដដែល៕

ប្រែសម្រួល៖ សន្យា

ចុចអាន៖ តួឯកស្រីភាពយន្ត Avatar ក្លាយជាតារាសម្ដែងរកចំណូលបានខ្ពស់ជាងគេលំដាប់ទី២ ប្រចាំឆ្នាំ២០២៣

ចុចអាន៖ ព្រះអង្គម្ចាស់ Harry បង្ហើបថា ធ្លាប់ប្រើថ្នាំផ្លូវចិត្តបន្ទាប់ពីបាត់បង់មាតាជាទីស្រលាញ់ 

The post លុបចោលម្ដងហើយ ពេលនេះភាពយន្ត Wednesday ប្រកាសថតវគ្គ២ម្ដងទៀត appeared first on Kampuchea Thmey Daily.