Netflix គ្រោងនឹងឡើងថ្លៃ បន្ទាប់ពីការធ្វើកូដកម្មរបស់តារាហូលីវូដបានបញ្ចប់

កាលពីថ្ងៃអង្គារ ទី៣  ខែតុលា សារព័ត៌មាន Wall Street រាយការណ៍ថា ក្រុមហ៊ុន Netflix គ្រោងនឹងដំឡើងតម្លៃសេវាកម្ម បន្ទាប់ពីការធ្វើកូដកម្មរបស់តារាហូលីវូដបានបញ្ចប់ ។

Netflix កំពុងពិភាក្សាអំពីការដំឡើងតម្លៃនៅក្នុងទីផ្សារទូទាំងពិភពលោក ប៉ុន្តែទំនងជាចាប់ផ្តើមជាមួយសហរដ្ឋអាមេរិក និងកាណាដាមុនគេ ។

យើងមិនទាន់ដឹងនៅឡើយទេថា Netflix នឹងឡើងថ្លៃប៉ុន្មាន ឬនៅពេលណា ។ សម្រាប់បច្ចុប្បន្ន គម្រោងរបស់វាមានតម្លៃចាប់ពី ២,៩៩ ដុល្លារ ដល់ ៩,៩៩ ដុល្លារ ។

ការពិភាក្សារវាងសហជីពតារាភាពយន្ត SAG-AFTRA និងសម្ព័ន្ធអ្នកផលិតរូបភាព និងទូរទស្សន៍ (AMPTP) កំពុងបន្ត ដោយកិច្ចប្រជុំបន្ទាប់របស់ពួកគេគ្រោងនឹងធ្វើឡើងនៅថ្ងៃពុធ ទី៤ ខែតុលារ ។

SAG-AFTRA បានធ្វើកិច្ចព្រមព្រៀងបណ្តោះអាសន្នជាមួយ AMPTP កាលពីសប្តាហ៍មុន បន្ទាប់ពីការចរចាបរាជ័យអស់រយៈពេលប្រាំខែ ។

គួរឲ្យដឹងថា ក្រុមហ៊ុន Netflix បានកាត់បន្ថយតម្លៃនៃគម្រោងរបស់ខ្លួនតាមបណ្ដាប្រទេសមួយចំនួនកាលពីខែកុម្ភៈ ។ ក្នុងខែដដែលនេះ វាបានដាក់ចេញនូវផែនការមួយ ដើម្បីបង្ក្រាបលើការចែករំលែកលេខសម្ងាត់ដែលដាក់ឱ្យប្រើប្រាស់នៅក្នុងប្រទេសជាង ១០០ ប្រទេស ក្នុងខែឧសភា ៕

ប្រែសម្រួល៖ វារី

ប្រភព៖ AsiaOne

ចុចអាន៖ Netflix គ្រោងចាយប្រាក់ ២.៥ពាន់លានដុល្លារ លើវិស័យភាពយន្តកូរ៉េ