កាលពីថ្ងៃទី ១៥ ខែ មិថុនា ឆ្នាំ ២០២៦ ក្លិប Real Madrid បានប្រកាសជាផ្លូវការ អំពីការចុះកិច្ចសន្យាយកបានខ្សែការពារស្លាបឆ្វេង Marc Cucurella ពីក្លិប Chelsea ក្នុងកិច្ចសន្យារយៈពេល ៦ រដូវកាល ពោលគឺដល់ខែ មិថុនា ឆ្នាំ ២០៣២។

សារព័ត៌មាន ESPN បានអះអាង ថា ក្លិប Real Madrid បានទិញ Marc Cucurella ពី Chelsea ក្នុងតម្លៃ ៧៥.១ លានដុល្លារអាមេរិក។ ខ្សែការពារជម្រើសជាតិ អេស្ប៉ាញ វ័យ ២៧ ឆ្នាំ គឺជាកីឡាករដំបូងគេ ដែលក្លិបអធិរាជសយកបានជាផ្លូវការនៅរដូវកាលនេះ។

ក្រៅពីនេះ ក្លិប Real Madrid ក៏បានឈានដល់កិច្ចព្រមព្រៀងផ្ទេរយកកីឡាករ ៣ នាក់ទៀតផងដែរ រួមមានខ្សែការពារ Ibrahima Konate របស់ Liverpool, Denzel Dumfries របស់ Inter Milan និង Bernardo Silva របស់ Manchester City។

Ibrahima Konate និង Bernardo Silva ត្រូវបានគេរាយការណ៍ ថា នឹងផ្លាស់មក Real Madrid ដោយគ្មានតម្លៃខ្លួន បន្ទាប់ពីកីឡាករទាំង ២ ផុតកិច្ចសន្យាជាមួយក្លិបបច្ចុប្បន្ន។ ចំណែក Dumfries ត្រូវបាន Real Madrid ព្រមព្រៀងទិញយកពី Inter Milan ក្នុងតម្លៃ ២៣ លានដុល្លារអាមេរិក៕

ប្រែសម្រួល៖ សេម កុសល
ប្រភព៖ ESPN

The post រដូវកាលថ្មី Real Madrid លេងធំ ចាយលុយជិត ១០០ លានដុល្លារ យកបានតារាលំដាប់ពិភពលោក ៤ នាក់ appeared first on Kampuchea Thmey Daily.

យោងតាមអ្នកកាសែត អីតាលី លោក Fabrizio Romano បានឱ្យដឹង ថា ក្រុមអធិរាជស Real Madrid កំពុងស្ថិតលើផ្លូវវិជ្ជមាន ក្នុងការចុះកិច្ចសន្យាយកខ្សែការពារ ២ នាក់ រួមមានខ្សែការពារកណ្តាលរបស់ Liverpool គឺ​កីឡាករ Ibrahima Konaté និងខ្សែការពារស្លាបស្តាំ Denzel Dumfries របស់ក្លិប Inter Milan។

ប្រភពដដែលបានឱ្យដឹង ថា Konaté នឹងចូលរួមជាមួយ Real Madrid ប្រសិនបើលោក Florentino Perez ជាប់ឆ្នោតជាប្រធានក្លិបក្នុងអាណត្តិថ្មី។ ភាគីក្លិប និងកីឡាករបានឈានដល់កិច្ចព្រមព្រៀងផ្ទាល់មាត់ជាមួយគ្នាលើកិច្ចសន្យារយៈពេល ៤ ឆ្នាំ។ ខ្សែការពារសញ្ជាតិ បារាំង វ័យ ២៧ ឆ្នាំ កំពុងក្លាយជាកីឡាករគ្មានតម្លៃខ្លួន បន្ទាប់ពីរូបគេ និង Liverpool សម្រេចចិត្តចែកផ្លូវ​គ្នា ក្រោយអស់សុពលភាពកិច្ចសន្យា។

ដោយឡែកខ្សែការពារស្លាបស្តាំ Dumfries វិញ ក៏បានឈានដល់កិច្ចព្រមព្រៀងរួចរាល់ផងដែរ ដើម្បីផ្លាស់មកកាន់ក្លិប Real Madrid នៅរដូវកាលថ្មី។ ក្លិប និងក្លិបបានព្រមព្រៀងគ្នាក្នុងតម្លៃផ្ទេរ ២៣.២៦ លានដុល្លារអាមេរិក។ បន្ទាប់ពីការព្រៀងព្រៀងរួចរាល់ ភាគីក្លិប និងកីឡាករ ត្រូវបានគេរំពឹង ថា នឹងចុះកិច្ចសន្យាផ្លូវការឆាប់ៗ។

គួរឱ្យដឹងថា នេះគឺជាកីឡាករថ្មី ២ នាក់ដំបូង ដែល Real Madrid កំពុងកៀកនឹងចុះកុងត្រាយកកាន់ទីក្រុង ម៉ាឌ្រីត នៅរដូវកាលថ្មី។ តាមការចុះផ្សាយរបស់សារព័ត៌មានបរទេសកន្លងមក គឺ Real Madrid កំពុងដាក់រ៉ាដានាំយកកីឡាករមួយចំនួនទៀតមកពង្រឹងក្រុម ស្របតាមការចង់បានរបស់អនាគតគ្រូបង្វឹកថ្មីលោក Jose Mourinho៕

ប្រែសម្រួល៖ សេម កុសល
ប្រភព៖ Fabriozio Romano

The post Real Madrid ឈានដល់កិច្ចព្រមព្រៀងផ្ទេរយកខ្សែការពារឆ្នើម ២ នាក់ ត្រៀមរដូវកាលថ្មី appeared first on Kampuchea Thmey Daily.

លោក Mourinho ត្រូវបានគេរាយការណ៍ ថា បានព្រមព្រៀងលក្ខខណ្ឌត្រឡប់មកកាន់ Real Madrid វិញហើយ បន្ទាប់ពីចាកចេញអស់រយៈពេល ១៣ ឆ្នាំ ដោយគ្រោងចុះកិច្ចសន្យារយៈពេល ២ ឆ្នាំ អមជាមួយជម្រើសបន្ត ១២ ខែបន្ថែមទៀត។

យោងតាមការចុះផ្សាយដោយសារព័ត៌មាន អេស្ប៉ាញ បានឱ្យដឹង ថា គ្រូបង្វឹកសញ្ជាតិ ព័រទុយហ្គាល់ វ័យ ៦៣ ឆ្នាំ បានស្នើទៅកាន់ថ្នាក់លើ Real Madrid ដើម្បីចុះកិច្ចសន្យានាំយកកីឡាករថ្មី ៦ នាក់ មកដោះស្រាយបញ្ហាក្រុមទាំងមូល។ លោកចង់បានខ្សែការពារកណ្តាល ២ នាក់ ខ្សែការពារស្លាបស្តាំម្នាក់ និងឆ្វេងម្នាក់ រួមជាមួយខ្សែបម្រើ ២ នាក់ទៀត។

ទោះបីជាយ៉ាងណា របាយការណ៍មិនបានបញ្ជាក់អំពីឈ្មោះកីឡាករ ដែលលោក Jose Mourinho បានស្នើសុំនោះទេ ប៉ុន្តែកន្លងមកធ្លាប់មានពាក្យចចាមអារ៉ាមខ្លះៗផងដែរ អំពីកីឡាករមួយចំនួន ដែលក្រុមអធិរាជសចង់បាន។ នៅក្នុងតួនាទីខ្សែការពារកណ្តាល គឺ Real ធ្លាប់តាមដានកីឡាករ ៣ នាក់រួមមាន កីឡាករ Jacobo Ramon របស់ក្រុម Como, កីឡាករ Micky van de Ven របស់ Spurs និង Nico Schlotterbeck របស់ Borussia Dortmund។

ចំណែកខ្សែការពារស្តាំវិញ ពួកគេបាននឹងកំពុងតាមដានលើកីឡាករ Pedro Porro របស់ Spurs, Michael Kayode របស់ Brentford និង Diogo Dalot របស់ Manchester United។ រីឯខ្សែការពារឆ្វេង គឺពួកគេធ្លាប់ចង់បានកីឡាករ Josko Gvardiol របស់ Machester City ប៉ុន្តែបានជួបបញ្ហា ដោយសារតែតម្លៃខ្លាំងពេក។

ងាកទៅកាន់បម្រើវិញ គឺ Real Madrid កំពុងមានព័ត៌មានរសើបជាមួយកីឡាករឆ្នើមៗមួយចំនួន ដូចជា Rodri របស់ Man City, Alexis Mac Allister របស់ Liverpool, Enzo Fernandez របស់ Chelsea និង Nico Paz របស់ Como។

ទន្ទឹមនឹងការចង់បានខាងលើ គឺ Real Madrid ក៏មានកីឡាករមួយចំនួននឹងត្រូវចាកចេញនៅរដូវក្តៅខាងមុខនេះផងដែរ។ គិតត្រឹមពេលនេះ មានកីឡាករ ២ នាក់ហើយ ដែលច្បាស់ការនឹងចាកចេញ រួមមានប្រធានក្រុម Dani Carvajal និង David Alaba៕

ប្រែសម្រួល៖ សេម កុសល
ប្រភព៖ Football 365

The post លោក Jose ត្រូវការកីឡាករថ្មី ៦ នាក់នៅ ២ តួនាទី ដើម្បីដោះស្រាយបញ្ហា Real Madrid appeared first on Kampuchea Thmey Daily.

យុទ្ធនាការទទូចឱ្យ Mbappe ចាកចេញ ឬ “Mbappe out” បានផ្ទុះឡើងនៅលើបណ្ដាញសង្គមក្នុងប៉ុន្មានថ្ងៃចុងក្រោយនេះ ក្រោយខ្សែប្រយុទ្ធវ័យ ២៧ ឆ្នាំ ត្រូវបានគេឃើញទៅសម្រាកលំហែកាយនៅកោះ Sardinia ក្នុងប្រទេស អ៉ីតាលី ជាមួយមិត្តស្រីរបស់គេ គឺតារាសម្ដែង Ester Exposito។

ប្រការនេះ បានធ្វើឱ្យអ្នកគាំទ្រ Real Madrid ខឹងសម្បារយ៉ាងខ្លាំង ដោយសារក្រុម Real Madrid កំពុងស្ថិតក្នុងដំណាក់កាលពិបាកបំផុត ដែលសឹងតែមិនអាចឈ្នះពានសូម្បីតែ ១ នៅរដូវកាលនេះ ប៉ុន្តែ Mbappe វិញ បែរ​ជាកំពុងមានរបួស ស្រាប់តែទៅដើរលេងជាមួយមិត្តស្រីរបស់ខ្លួននៅប្រទេស អ៉ីតាលី ហាក់មិនមានរឿងអ្វីកើតឡើង។

ញត្តិ “Mbappe out” នេះបានចាប់ផ្តើមកាលពីថ្ងៃអង្គារ៍ ដោយដំបូងឡើយ អ្នកគាំទ្រទាំងនោះមានគោលដៅប្រមូលចំនួនអ្នកបោះឆ្នោតត្រឹមតែ ២០ ម៉ឺននាក់ប៉ុណ្ណោះ ប៉ុន្តែក្រោយមកបានកើនឡើងយ៉ាងលឿនដល់ ២០ ម៉ឺននាក់ ហើយបន្តមកទៀត ក៏បានឡើងលើស ១ លាននាក់ក្នុងរយៈពេលតែប៉ុន្មានម៉ោង បន្ទាប់ពីបើកដំណើរការ។ មកដល់ថ្ងៃ ពុធ នេះ ចំនួនអ្នកដាក់ញត្តិបានកើនលើស ៤ លាននាក់ហើយ។ នេះបើតាមការរាយការណ៍របស់ The Sun៕

ប្រែសម្រួល៖ សេម កុសល
ប្រភព៖ VN Express

The post អ្នកគាំទ្រកើនដល់ ៤ លាននាក់ ដាក់ញត្តិបណ្តេញ Mbappe ចេញពីក្លិប ក្រោយគេសាងកំហុសធំ ១ appeared first on Kampuchea Thmey Daily.

នាមួយរយៈចុងក្រោយនេះ មានព័ត៌មានរសើបជាច្រើនអំពីក្រុម Real Madrid បានកំណត់មុខសញ្ញាគ្រូឆ្នើមៗជាច្រើន ក្នុងនោះមានទាំងអតីតគ្រូ Liverpool លោក Jurgen Klopp ម្នាក់ផងដែរ ដើម្បីមកជំនួសតំណែងគ្រូបង្វឹកបច្ចុប្បន្នលោក Álvaro Arbeloa នៅរដូវកាលក្រោយ ២០២៦-២០២៧។

ទោះបីជាយ៉ាងណា សារព័ត៌មាន AS បានរាយការណ៍ថា លោក Klopp មិនមានបំណងដឹកនាំ Real Madrid នៅរដូវកាលក្រោយនេះនោះទេ។ លោកចង់ទៅកាន់តំណែងគ្រូបង្វឹករបស់ក្រុមជម្រើសជាតិ អាល្លឺម៉ង់ ជាង។ ប្រការនេះ បានធ្វើឱ្យលោក Klopp សម្រេចចិត្តបដិសេធសំណើរបស់ Real Madrid ហើយលោកកំពុងរង់ចាំឱកាសទៅកាន់តំណែងជាគ្រូបង្វឹករបស់ក្រុមឥន្ទ្រីដែកនាពេលអនាគត។

សារព័ត៌មានអេស្ប៉ាញក៏បានបញ្ជាក់ផងដែរថា លោក Klopp មានការគោរពដល់លោក Julian Nagelsmann ដែលជាគ្រូបង្វឹកបច្ចុប្បន្ន។ ដូច្នេះលោកមិនប្រញាប់ប្រញាល់ក្នុងការជំនួសតំណែងនេះនោះទេ។ លោកសុខចិត្តនៅរង់ចាំរហូតដល់ឱកាសសមស្របមកដល់។

គួរបញ្ជាក់ ថា លោក Klopp បច្ចុប្បន្នកំពុងកាន់តំណែងជានាយកផ្នែកកីឡាសកលរបស់សម្ព័ន្ធ Red Bull ដែលមានចំនួន ៦ ក្លិបរួមមាន Leipzig, RB Bragantino, New York, RB Omiya, Leeds United និង Paris FC៕

ប្រែសម្រួល៖ សេម កុសល
ប្រភព៖ bein SPORTS

The post លោក Klopp បានបដិសេធ​សំណើរបស់ Real Madrid ដោយចង់ដឹកនាំក្រុមមួយផ្សេង appeared first on Kampuchea Thmey Daily.

យោងតាមសារព័ត៌មាន Record របស់ ព័រទុយហ្គាល់ បានឱ្យដឹង ថា ប្រធានក្លិប Real Madrid លោក Florentino Pérez កំពុងមិនសប្បាយចិត្តនឹងការដឹកនាំរបស់លោក Arbeloa ដែលដឹកនាំក្រុមមិនទទួលបានលទ្ធផលល្អនាមួយរយៈចុងក្រោយនេះ។

ប្រភពដដែលបានអះអាង ថា ប្រធានក្លិបសញ្ជាតិ អេស្ប៉ាញ វ័យ ៧៩ ឆ្នាំត្រៀមធ្វើការផ្លាស់ប្តូរធំៗនៅពេលខាងមុខ ហើយគ្រូបង្វឹកលោក Arbeloa ក៏គ្រោងនឹងធ្វើការផ្លាស់ប្តូរផងដែរ ខណៈពេលនេះលោក Mourinho កំពុងក្លាយជាជម្រើសសំខាន់បំផុត ដើម្បីមកជំនួស។

លោក Mourinho ធ្លាប់ដឹកនាំ Real Madrid ចន្លោះឆ្នាំ ២០១០ ដល់ ២០១៣ ដោយបានឈ្នះពាន ២ រួមមាន La Liga និង Copa del Rey។ បុរសរហស្សនាម “Special One” រូបនេះ ត្រូវបានគេចងចាំ ថា ជាគ្រូបង្វឹកដែលអាចប្រកួតប្រជែងជាមួយ FC Barcelona ក្នុងសម័យកំពូល ដែលស្ថិតក្រោមការដឹកនាំរបស់លោក Pep Guardiola។

ទោះបីមិនទាន់មានការចរចាផ្លូវការក៏ដោយ Mourinho ដែលបច្ចុប្បន្នដឹកនាំ Benfica ត្រូវបាននិយាយថា មានចិត្តបើកចំហចំពោះការត្រឡប់មកវិញ។ ការពិភាក្សាផ្ទៃក្នុងរបស់ក្លិប នឹងត្រូវសម្រេចឆាប់ៗនេះអំពីអនាគតគ្រូបង្វឹកថ្មី។

ទោះបីជាយ៉ាងណា Real Madrid ក៏មិនមែនមើលឃើញលោក Mourinho តែម្នាក់នោះដែរ។ ក្រៅពីនេះពួកគេ កំពុងពិចារណាលើគ្រូបង្វឹកល្បីៗ ៤ នាក់ទៀតដូចជាលោក Jürgen Klopp, Mauricio Pochettino, Didier Deschamps និង Zinedine Zidane៕

ប្រែសម្រួល៖ សេម កុសល
ប្រភព៖ GOAL

The post Real Madrid សម្រិតសម្រាំងគ្រូ ៥ នាក់មកជំនួស Arbeloa ខណៈមានគ្រូម្នាក់លេចធ្លោជាងគេ appeared first on Kampuchea Thmey Daily.

ក្នុងប្រវត្តិ UCL ដោយរាប់ចាប់ពីឆ្នាំ ២០១២ មកដល់បច្ចុប្បន្ន ក្រុម Real Madrid និង Bayern Munich ធ្លាប់ជួបគ្នាសរុបចំនួន ៨ លើក ក្នុងនោះ Real Madrid ឈ្នះ ៦ លើក និងស្មើ ២ លើក។ ជំនួបរវាងក្រុមទាំង ២ សុទ្ធតែស្ថិតនៅក្នុងវគ្គសំខាន់ៗ ដូចជាវគ្គពាក់កណ្តាលផ្តាច់ព្រ័ត្រ និងវគ្គ ៨ ក្រុមចុងក្រោយ។

ការជួបគ្នានៅឆ្នាំ ២០១៤ គឺស្ថិតក្នុងវគ្គពាក់កណ្តាលផ្តាច់ព្រ័ត្រ ដោយជើងទី ១ Real Madrid ឈ្នះ Bayern Munich ១-០ និងជើងទី ២ ឈ្នះ ៤-០។ ឆ្នាំ ២០១៧ ក្រុមទាំង ២ ជួបគ្នាក្នុងវគ្គ ៨ ក្រុមចុងក្រោយ ក្នុងនោះជើងទី ១ Real Madrid ឈ្នះ ២-១ និងជើងទី ២ ឈ្នះ ៤-២។

ឆ្នាំ ២០១៨ ក្រុមទាំង ២ ជួបគ្នាម្តងទៀត ក្នុងវគ្គពាក់កណ្តាលផ្តាច់ព្រ័ត្រ ដោយជើងទី ១ Real Madrid ឈ្នះ ២-១ និងជើងទី ២ ស្មើគ្នា ២-២។ កាលពីឆ្នាំ ២០២៤ ក្រុមទាំង ២ ជួបគ្នាក្នុងវគ្គពាក់កណ្តាលផ្តាច់ព្រ័ត្រ ដោយជើងទី ១ ស្មើគ្នា ២-២ និងជើងទី ២ Real Madrid ឈ្នះ ២-១។

ផ្អែកតាមស្ថិតិខាងលើ ឃើញ ថា Real Madrid មានកំណត់ត្រាល្អជាង ប៉ុន្តែវាមិនបានជះឥទ្ធិពលដល់ក្រុមទាំង ២ នាពេលបច្ចុប្បន្ននោះទេ ដោយសារក្រុមពួកគេរៀងៗខ្លួនមានសមាសភាពកីឡាករថ្មីសុទ្ធតែល្អៗច្រើន។ យ៉ាងណា នៅឆ្នាំ ២០២៦ នេះ ពួកគេត្រូវជួបគ្នាវគ្គ ៨ ក្រុម ២ ជើង ដោយជើងទី ១ ធ្វើឡើងនៅ អេស្ប៉ាញ ថ្ងៃ ៨ ខែ មេសា និងជើងទី ២ ធ្វើនៅ អាល្លឺម៉ង់ ថ្ងៃទី ១៦ ខែ មេសា ឆ្នាំ ២០២៦៕

អត្ថបទ៖ សេម កុសល

The post មុនជួបគ្នាយប់នេះ Bayern មានកំណត់ត្រាលេងមិនឈ្នះ Real Madrid សោះ ក្នុង១៤ឆ្នាំចុងក្រោយ appeared first on Kampuchea Thmey Daily.

ខ្សែបម្រើម្ចាស់ពាន Ballon d’Or ២០២៤ រូបនេះ ត្រូវបានគេចាត់ទុកជាអ្នកនាំលេងដ៏សំខាន់ម្នាក់របស់ Man City នាពេលបច្ចុប្បន្ន។ ទោះបីជាយ៉ាងណា កីឡាករមិនបានមើលឃើញខ្លួនឯងនឹងបន្តលេងនៅទឹកដី Etihad រហូតនោះទេ ដោយអនាគត រូបគេក៏អាចនឹងចាកចេញផងដែរ ស្របពេលផែនការរបស់គេ គឺចង់វិលទៅលេង អេស្ប៉ាញ វិញ។

នៅក្នុងកិច្ចសម្ភាសជាមួយសារព័ត៌មាន អេស្ប៉ាញ Rodri ត្រូវបានអ្នកសារព័ត៌មានសួរអំពីលទ្ធភាពនៃការចូលរួមជាមួយ Real Madrid ហើយភ្លាមនោះកីឡាករបានឆ្លើយទៅវិញ ថា៖ «មានកីឡាករជាច្រើន ដែលបានដើរតាមផ្លូវនោះហើយ។ មិនមែនភ្លាមៗនេះនោះទេ ប៉ុន្តែអាចនៅពេលអនាគត សម្រាប់ខ្ញុំមិនអាចបដិសេធបានទេ ជាមួយការចូលរួមជាមួយក្លិបល្អបំផុតក្នុងពិភពលោក»។

ជាមួយគ្នានេះ Rodri ត្រូវបានគួរសួរបន្ថែម ថា តើគាត់យល់យ៉ាងណា បន្ទាប់ពីមានរបាយការណ៍កន្លងមក អំពីលោក Florentino Perez ចង់បានគាត់? ខ្សែបម្រើវ័យ ២៩ ឆ្នាំបានឆ្លើយ ថា៖ «ខ្ញុំមិនដឹងទេ ពួកគេមិនបានជជែកជាមួយខ្ញុំដោយផ្ទាល់ទេ។ ពួកគេជជែកជាមួយភ្នាក់ងាររបស់ខ្ញុំ»។

គួរឱ្យដឹង ថា Rodri នៅសល់កិច្ចសន្យាជាមួយ Man City ជាង ១ រដូវកាលទៀតប៉ុណ្ណោះ ដោយនឹងផុតសុពលភាពនៅខែ មិថុនា ឆ្នាំ ២០២៧៕

ប្រែសម្រួល៖ សេម កុសល
ប្រភព៖ BBC

The post Rodri បើកចិត្តចង់ចូលរួមក្លិបយក្សមួយនៅ អេស្ប៉ាញ appeared first on Kampuchea Thmey Daily.