ថ្មីៗនេះលីគកំពូល អាមេរិក MLS បានប្រកាសអំពីឈ្មោះកីឡាករបាល់ទាត់លំដាប់កំពូលទាំង ១០ ដែលត្រូវបានលក់អាវដាច់បំផុតសម្រាប់ឆ្នាំ ២០២៥ ហើយក្នុងនោះអាវលេខ ១០ របស់ Messi នៅតែជាប់ជាអាវលក់ដាច់បំផុតក្នុងរយៈពេល ៣ ឆ្នាំជាប់គ្នា។

ដោយឡែកខ្សែប្រយុទ្ធសញ្ជាតិ កូរ៉េខាងត្បូង Son ឈរលេខ ២, កីឡាករ Hirving Lozano របស់ក្រុម San Diego FC ឈរនៅលេខ ៣, កីឡាករ Luis Suarez របស់ Inter Miami ឈរនៅលេខ ៤, កីឡាករ Miguel Almiron របស់ Atlanta United ឈរនៅលេខ ៥។

កីឡាករ Jordan Morris របស់ Seattle Sounders FC ឈរនៅលេខ ៦, កីឡាករ Rodrigo de Paul របស់ Inter Miami ឈរនៅលេខ ៧, កីឡាករ Darlington Nagbe របស់ក្រុម Columbus Crew ឈរនៅលេខ ៨, Wilfried Zaha របស់ Charlotte FC ឈរនៅលេខ ៩ និង Marco Reus របស់ LA Galaxy ឈរនៅលេខ ១០។

ខាងក្រោមនេះ ជាតារាងចំណាត់ថ្នាក់កីឡាករលំដាប់កំពូលទាំង ១០៖

ប្រែសម្រួល៖ សេម កុសល
ប្រភព៖ GOAL

The post Messi ឈរលើ Son ជាកីឡាករត្រូវបានលក់អាវដាច់បំផុតនៅ​លីគ អាមេរិក ឆ្នាំ ២០២៥ appeared first on Kampuchea Thmey Daily.

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា ក្លិប LAFC បានព្រមព្រៀងលក្ខខណ្ឌជាគោលការណ៍ក្នុងការចុះកិច្ចសន្យាយក Son នៅរដូវកាលក្តៅនេះ ដែលគ្រប់យ៉ាងគឺត្រូវបានធ្វើជាលក្ខណៈពាក្យសម្តី។ Son បានទទួលយកសំណើរបស់ក្លិប LAFC ហើយ បន្ទាប់ពីការប្រកួតមិត្តភាពមុនបើករដូវកាលបញ្ចប់ រូបគេនឹងមិនត្រឡប់ទៅកាន់ទីក្រុង ឡុងដ៍ វិញឡើយ ដោយឥឡូវនេះរូបគេកំពុងរង់ចាំចុះកិច្ចសន្យាជាមួយក្លិបថ្មី។

គួរឱ្យដឹងថា Son បានរួមរស់ជាមួយ Spurs អស់រយៈពេល ១០ ឆ្នាំគត់ ពោលគឺពីឆ្នាំ ២០១៥ ដល់ ២០២៥។ ក្នុងអំឡុងពេល ១០ ឆ្នាំនេះ ខ្សែប្រយុទ្ធសញ្ជាតិ កូរ៉េខាងត្បូង វ័យ ៣៣ ឆ្នាំ ធ្លាប់បានឈ្នះពាន ១ ជាមួយក្រុមមាន់ខ្នាយមាស នោះគឺពាន UEFA Europa League កាលពីរដូវកាលមុន ២០២៤-២០២៥៕

ប្រែសម្រួល៖ សេម កុសល
ប្រភព៖ Fabrizio Romano

The post ទីបំផុត Son សម្រេចចិត្តចាកចេញពី Spurs ដោយ​​ទៅចូល​រួម​ក្លិបធំមួយនៅ អាមេរិក appeared first on Kampuchea Thmey Daily.

យោងតាមប្រភពពីអ្នក​ខាងក្នុង​បាន​បង្ហើប​ថា តារាជួរមុខទាំង៣ដួងនេះ គ្រោង​ថត​ផ្សាយ​ពាណិជ្ជកម្ម​ជាមួយ​គ្នា​នៅ​ថ្ងៃ​នេះតែម្ដង។ យ៉ាងណា វារឿងដ៏​កម្រ​និងមិន​គួរឲ្យជឿ ​ដែលទស្សនិកជនបាន​ឃើញ​តារា​លំដាប់​កំពូល​នៅ​កន្លែង​តែ​មួយ ហើយ​មាន​ការ​រំពឹង​ទុក​ជា​ខ្លាំង​សម្រាប់​ការ​សហការ​គ្នា​។

ព្រមជាមួយគ្នានោះ អ្នកទាំងបីធ្លាប់បានថតផ្សាយពាណិជ្ជកម្មរៀងៗខ្លួនពីមុនមក ហើយនេះជាលើកដំបូងដែលពួកគេនឹងបង្ហាញខ្លួនរួមគ្នាក្នុងយុទ្ធនាការតែមួយ ដែលធ្វើឲ្យកិច្ចសហការកាន់តែមានសារៈសំខាន់បំផុត។

ក្រុមហ៊ុន Hana Financial Group បាននឹងកំពុងបន្តស្វែងរកទីផ្សារដោយថាមពលរបស់តារាល្បីៗ។ យោងតាមរបាយការណ៍ពីក្រុមហ៊ុនបានបង្ហាញ Kang Ho-dong និង Son Heung-min ពីមុនមក ធ្លាប់ជាទូតសុឆន្ទៈឲ្យម៉ាកយីហោមួយនេះរួចមកហើយ ហើយថ្មីៗនេះទើបប្រកាស G-Dragon ជាម៉ូដែលថ្មីបំផុតរបស់ខ្លួនបន្ថែមទៀត។

ជាងនេះទៅទៀត Hana Financial Group ពិពណ៌នាតារាកំប្លែង Kang Ho-dong ជារូបតំណាងនៃភាពជាដៃគូដែលអាចទុកចិត្តបាន ចំណែកឯខ្សែប្រយុទ្ធសញ្ជាតិកូរ៉េខាងត្បូង Son Heung-min ជានិមិត្តសញ្ញានៃភាពជាអ្នកដឹកនាំដែលមានសុខភាពល្អ និង G-Dragon តំណាងឲ្យតួអង្គទាន់សម័យ និងច្នៃប្រឌិត។ លើសពីនេះ តារាចម្រៀង Lim Young-woong បាននិងកំពុងចូលរួមក្នុងព្រឹត្តិការណ៍បាល់ទាត់សប្បុរសធម៌របស់ធនាគារ Hana Bank ដែលត្រូវបានចាត់តាំងជាមុខនៃការពិចារណាដោយចិត្តកក់ក្តៅ។

ការសម្រេចចិត្តក្នុងការសម្ដែង G-Dragon ត្រូវបានប្រកាសជាមួយនឹងសេចក្តីថ្លែងការណ៍ថា ការកំណត់និន្នាការ និងរូបភាពប្រកបដោយភាពច្នៃប្រឌិតរបស់ស្ដេចចម្រៀងK-Pop ដែលបង្ហាញតាមរយៈតន្ត្រីតែមួយគត់របស់គាត់ សមស្របនឹងចក្ខុវិស័យរបស់ក្រុមហ៊ុន Hana Financial Group ក្នុងការបង្កើតតម្លៃថ្មីនៅក្នុងផ្នែកហិរញ្ញវត្ថុ។

ការជួបជុំគ្នានៃតួអង្គដ៏ល្បីទាំងនេះមិនមែនគ្រាន់តែជាការផ្លាស់ប្តូរទីផ្សារនោះទេ វាជាតំណាងឲ្យការសហការដែលមានឥទ្ធិពលខ្ពស់ដែលទំនងជាបង្កើតឲ្យមានការភ្ញាក់ផ្អើលទាំងក្នុង និងក្រៅប្រទេសកូរ៉េផងដែរ៕

អត្ថបទ៖ សាង ស្រីល័ក្ខ

ចុចអាន៖ផ្ទុះការវែកញែក ក្រោយ Suga បរិច្ចាគប្រាក់ជួយដល់កុមារ រងជំងឺអូទីស្សឹម 

The post កំពូលតារាកូរ៉េ៣រូប ត្រៀមប៉ះគ្នាក្នុងពាណិជ្ជកម្មរបស់ធនាគារល្បីមួយ appeared first on Kampuchea Thmey Daily.

ព្រះរាជអាជ្ញាបានលាតត្រដាងថា ស្រ្តីឈ្មោះ Yang ដែលត្រូវបានគេរាយការណ៍ថា អតីតមិត្តស្រីរបស់ Son Heung-min បានផ្ញើរូបភាពអ៊ុលត្រាសោនមករូបគាត់ ដោយអះអាងថា នាងមានផ្ទៃពោះជាមួយខ្សែប្រយុទ្ធសញ្ជាតិកូរ៉េខាងត្បូង ដែលតាម​ពិតទៅ ក្មេង​នោះ​ត្រូវ​បាន​បុរស​ម្នាក់​ទៀត​ចិញ្ចឹម។ ដោយខ្លាចមានការខូចខាតដែលអាចកើតមានចំពោះអាជីព និងកេរ្តិ៍ឈ្មោះ លោកបានសម្រេចផ្ដល់ប្រាក់ដំបូងចំនួន ៣០០ លានវ៉ុន (ប្រហែល ២១៩,០០០ ដុល្លារ) ។

ការប៉ុនប៉ងប្រើប្រាស់ blackmail មិនបានបញ្ចប់នៅទីនោះទេ។ នាង Yang និងលោក Yong ក្រោយមកបានទាមទារបន្ថែម ៧០ លានវ៉ុនបន្ថែម ប៉ុន្តែសំណើទីពីរនេះត្រូវបានបដិសេធ ខណៈពេលដែលរបាយការណ៍ដំបូងរបស់ប៉ូលិសបានចង្អុលទៅលោក Yong ជាជនល្មើសចម្បងនោះ ការស៊ើបអង្កេតកោសល្យវិច្ច័យនៃឧបករណ៍ឌីជីថល និងកំណត់ត្រាធនាគារបានបញ្ជាក់ថា ភាគីទាំងពីរបានឃុបឃិតគ្នានៅក្នុងគម្រោងនេះ។

ព្រះរាជអាជ្ញាបាននិយាយថា ពួកគេនឹងប្រឹងប្រែងឲ្យអស់ពីសមត្ថភាព ដើម្បីធានាឲ្យមានការដាក់ទណ្ឌកម្មសមរម្យសម្រាប់ចុងចោទទាំងពីររូប។ ជាពិសេសនោះគឺការស្វែងរកយុត្តិធម៌ឲ្យកីឡាករបាល់ទាត់កូរ៉េ។

ថ្វីដ្បិតតែមានភាពចលាចលខាងផ្លូវច្បាប់ក៏ដោយ ក៏កីឡាករបាល់ទាត់វ័យ៣២ឆ្នាំ នៅតែបន្តទំនាក់ទំនងជាមួយអ្នកគាំទ្រ។ រូបលោកបានរក្សាវត្តមានជាសាធារណៈផ្ទាល់ខ្លួនដោយបង្ហាញខ្លួននៅលើកម្មវិធីកម្សាន្ត និងវេទិកាឌីជីថល ទទួលបានការសរសើរចំពោះភាពអត់ធន់របស់គាត់។

មិនតែប៉ុណ្ណោះ អ្នកគាំទ្របានកត់សម្គាល់ជាពិសេសពីភាពស្និទ្ធស្នាលរបស់គាត់ ជាមួយតារាសម្តែង Park Seo-joon ព្រមជាមួយនឹងរូបថតនៃការអបអរសាទរជ័យជម្នះនាពេលថ្មីៗនេះរបស់អ្នកទាំងពីរ បានធ្វើឲ្យមានការកោតសរសើរជាខ្លាំងនៅចំណងមិត្តភាពអស់រយៈកាលជាយូរ។

នៅពេលដែលករណីផ្លូវច្បាប់បានលាតត្រដាង ការដោះស្រាយស្ថានការណ៍ប្រកបដោយសេចក្តីថ្លៃថ្នូររបស់ Son Heung-min បានពង្រឹងមុខមាត់កាន់តែល្បីល្បាញជាងមុន ដោយពង្រឹងឋានៈរបស់គាត់មិនត្រឹមតែជាអត្តពលិកលំដាប់ពិភពលោកប៉ុណ្ណោះទេ ប៉ុន្តែក៏ជាគំរូអាដលក្រោមសម្ពាធផងដែរ៕

អត្ថបទ៖ សាង ស្រីល័ក្ខ

ចុចអាន៖សំណុំរឿងក្ដីក្ដាំ Kim Soo Hyun ឈានដល់រឹបអូសទ្រព្យមេធំរបស់វិទ្យាស្ថាន Garo Sero

The post ​រឿងក្ដីកីឡាករឆ្នើម  Son Heung-min ទីបំផុតទទួលបានយុត្តិធម៌ appeared first on Kampuchea Thmey Daily.

ពេលបង្ហាញមុខក្នុងប្រព័ន្ធផ្សព្វផ្សាយ មុខរបស់នាង Yang មានសភាពព្រិលៗមើលពុំសូវច្បាស់ ដូច្នេះហើយអ្នកលេងអ៊ីនធឺណិតជ្រុលនិយមជាច្រើន បានផ្តោតការសង្ស័យរបស់ពួកគេទៅលើតារា​ចម្រៀង​និង​សម្ដែង​​ និងជាអ្នកបង្កើតក្បាច់រាំនាង Jung Min Hee ទៅវិញ​​។

ពួកគេជាច្រើនបានផ្ញើសារទៅកាន់តារាចម្រៀងស្រីកូរ៉េរូប​នេះ ហើយចោទសួរថា តើនាងជាអតីតមិត្តស្រីរបស់ Son Heung Min ដែរឬទេ? កត្តា​នេះ​បាន​ធ្វើ​ឲ្យតារា​ស្រី​រូប​នេះ​ខឹង​ នឹង​សារ​តប​វិញ​ដោយ​សរសេរ​ថា​ «​មិនមែនខ្ញុំទេ! អ្នកណាជាអ្នកចាប់ផ្តើមរឿងនេះ? បញ្ឈប់ការទាក់ទង តាមដាន និងបញ្ចេញមតិទៀត​ទៅ»។

ប្រតិកម្ម​យ៉ាង​ដាច់​អហង្ការ​ចំពោះ​ពាក្យ​ចចាម​អារ៉ាម​ដែល​ភ្ជាប់​នាង​ទៅ​នឹង​ករណីមួយនេះ ទទួលបានការគាំទ្រយ៉ាងច្រើនពីមហាជនយ៉ាងភ្លូកទឹកភ្លូកដី។ ពួកគេ​បាន​និយាយ​ថា ក្រុមអ្ន​កលេង​អ៊ីនធឺណិត​ជ្រុល​និយម​ដែល​បន្ត​ផ្ញើសារ​បាន​ប៉ះពាល់​ដល់​ជីវិត និង​កេរ្តិ៍ឈ្មោះ​របស់ Jung Min Hee សុទ្ធតែមិនមានភត្តុតាងច្បាស់លាស់ និងបញ្ចេញមតិតាមតែគ្នាប៉ុណ្ណោះ។

តារាស្រី Jung Min Hee កើតក្នុងឆ្នាំ ១៩៩២ ហើយបានបង្ហាញខ្លួននៅលើឆាកតន្ត្រីក្នុងឆ្នាំ២០១៦ ជាមួយនឹងការសម្តែងតន្ត្រី Aida ហើយចាប់តាំងពីពេលនោះមក នាងបានសាងអាជីពលើឆាកដ៏រឹងមាំមួយនៅឆាកចម្រៀង។ រូបនាងផ្ទាល់ ក៏ត្រូវ​បាន​គេ​ស្គាល់​ថា ​ជា​អ្នក​រាំ​ដ៏​មាន​ទេព​កោសល្យ​ម្នាក់។ នាងបានបង្រៀនក្បាច់រាំដល់តារាចម្រៀង Jennie, Yeom Jung Ah, Lim Ji Yeon និង Park Joon Myun ក្នុងកម្មវិធីដ៏ល្បី Unnies’ Farm-to-Table ថែមទៀតផង។

ដោយឡែកសម្រាប់់កីឡាករឆ្នើម Son Heung Min គឺជាកីឡាករលេខ១ របស់ប្រទេសកូរ៉េ និងជាប្រធានក្រុមជម្រើសជាតិរបស់ប្រទេស។ ប៉ុន្មានថ្ងៃនេះ លោកទើបតែទទួលបានសេចក្តីរីករាយយ៉ាងខ្លាំងដោយបានបញ្ចប់ក្តីសុបិនអាក្រក់របស់ខ្លួនក្នុងអាជីពជាកីឡាករបាល់ទាត់រយៈ​ពេល​ ១៥ ឆ្នាំ ក្រោយឈ្នះពានជាលើកដំបូងជាមួយក្លឹបមាន់ខ្នាយមាស Tottenham Hotspur ក្នុងការប្រកួតវគ្គផ្តាច់​ព្រ័ត្រពាន Europa League។ ប៉ុន្តែក៏ស្ថិតនៅក្រោមសម្ពាធយ៉ាងខ្លាំងពីការរំលូតកូន និង ករណី blackmail ជាមួយអតីតមិត្តស្រីរបស់គាត់។

ភាពចម្រូងចម្រាសបានចាប់ផ្តើមនៅពេលដែលបុគ្គលពីរនាក់ត្រូវបានចាប់ខ្លួនដោយចោទប្រកាន់ពីបទទារប្រាក់ពី Son Heung Min ខណៈកំពុងក្លែងបន្លំថាមានផ្ទៃពោះ។ កាលពីថ្ងៃទី២២ ខែឧសភា ស្ថានីយ៍ប៉ូលីស Gangnam ក្នុងទីក្រុងសេអ៊ូល បានបញ្ជាក់ពីការផ្ទេរការឃុំឃាំងស្ត្រីម្នាក់ដែលមានអាយុ ២០ ឆ្នាំ និងបុរសម្នាក់ដែលមានអាយុ ៤០ ឆ្នាំ។

រម្លឹកទៅកាន់ខែមិថុនា ឆ្នាំ ២០២៣ ស្ត្រីម្នាក់ដែលមាននាមត្រកូល Yang បានអះអាងថា ជាអតីតមិត្តស្រីរបស់ Son Heung Min បានប្រកាសថា នាងមានផ្ទៃពោះកូនរបស់គាត់។ ដើម្បីរក្សាព័ត៌មាននេះជាសម្ងាត់ លោកបានផ្ទេរប្រាក់របស់នាងចំនួន ៣០០ លានវ៉ុន ហើយបានចុះហត្ថលេខាលើកិច្ចព្រមព្រៀង និងផាកពិន័យចំនួន ៣ ពាន់លានវ៉ុន ប្រសិនបើនាងបំពាន។

បន្ទាប់ពីបែកគ្នាជាមួយ Son Heung Min ស្រ្តីឈ្មោះ Yang បានចាប់ផ្តើមណាត់ជួបបុរសម្នាក់ដែលមាននាមត្រកូល Yong ដែលជាប់ទោសពីបទជំរិតទារប្រាក់។ នៅពេលដែលគាត់បានរកឃើញកិច្ចព្រមព្រៀងរវាងអ្នកទាំងពីរ លោក Yong បានស្នើសុំឲ្យកីឡាករបង់ប្រាក់បន្ថែមចំនួន ៧០ លានវ៉ុន ដើម្បីរក្សាព័ត៌មានសម្ងាត់។ ពេល​ត្រូវ​បាន​គេ​បដិសេធ លោក Yong បានធ្វើឲ្យ​បែក​ធ្លាយ​រឿង​នេះ​ទៅ​កាន់​សារព័ត៌មាន។

ជា​ការ​ឆ្លើយ​តប​នឹង​ការ​ចោទ​ប្រកាន់​នេះ លោក Son Heung Min បាន​ដាក់​ពាក្យ​បណ្តឹង​ទៅ​ប៉ូលិស Gangnam។ ជនជាបចោទ ទាំង Yang និង Yong ត្រូវ​បាន​ចាប់​ខ្លួន​សម្រាប់​ការ​ស៊ើប​អង្កេត​នៃ​ការ​ជំរិត​ទារ​ប្រាក់។ សារព័ត៌មាន Dispatch បង្ហើបថាស្រ្តីឈ្មោះ Yang មានទំនាក់ទំនងស្នេហាជាមួយទាំង Son Heung Min និងអ្នកជំនួញម្នាក់ទៀត ក្នុងពេលជាមួយគ្នា ដែលនាំឲ្យមានចម្ងល់អំពីឪពុកពិតរបស់កូន។

យ៉ាងណាមិញ មតិសាធារណៈជនកូរ៉េជាច្រើនបានចូលទៅបញ្ចេញយោបល់ខុសៗគ្នាជុំវិញហេតុការណ៍នេះ។ អ្នកខ្លះបានរិះគន់នាង Yang ថា ជាបុគ្គលលោភលន់ ខណៈពេលដែលអ្នកផ្សេងទៀតចោទសួរពីអាកប្បកិរិយារបស់កីឡាករបាលទាត់ Son Heung Min ជាពិសេសទំនាក់ទំនងរបស់គាត់ជាមួយស្ត្រីដែលមាននាមត្រកូល Yang ។ មកដល់សព្វថ្ងៃ កេរ្តិ៍ឈ្មោះ​របស់​កីឡាករ​ត្រូវ​បាន​ប៉ះ​ពាល់យ៉ាងខ្លាំង ក្នុងពេលដែលរូបលោកទើបទទួលបានពានរង្វាន់កាលពីថ្មីៗដែរ៕

អត្ថបទ៖ សាង ស្រីល័ក្ខ

ចុចអាន៖ចាប់ខ្លួនជនសង្ស័យ២រូប ក្រោយជំរិតទាយលុយនិងប៉ងបង្ខូចកេរ្តិ៍ឈ្មោះកីឡាករ Son Heung Min

The post ស្រ្តីដែលបង្ខូចកេរ្តិ៍ឈ្មោះកីឡាករឆ្នើម Son Heung Min ត្រូវមហាជនច្រឡំថា ជាតារាចម្រៀងកំពុងល្បី appeared first on Kampuchea Thmey Daily.

ក្រុមមាន់ខ្នាយមាស Tottenham Hotspur បានធ្វើឱ្យ Man United សម្រក់ទឹកភ្នែកនៅក្នុងការប្រកួតវគ្គផ្តាច់​ព្រ័ត្រពាន Europa League យប់មិញ ត្រូវនឹងយប់រំលងអាធ្រាត្រឈានចូលថ្ងៃ ព្រហស្បតិ៍ ទី ២២ ខែ ឧសភា បន្ទាប់ពីពួកគេយកឈ្នះក្នុងលទ្ធផល ១ ទល់នឹង ០ ដែលស៊ុតបញ្ចូលទីដោយកីឡាករ Brennan Johnson នៅនាទីទី ៤២។

ជុំវិញជ័យជម្នះនេះបានធ្វើឱ្យ Spurs ក្លាយជាម្ចាស់ពាន Europa League ជាផ្លូវការ និងបញ្ចប់កំណត់ត្រាមិនឈ្នះពានសោះក្នុងរយៈពេល ១៧ ឆ្នាំ។ ងាកមកកាន់ Son វិញ សម្រាប់ពានមួយនេះ គឺកាន់តែមានអត្ថន័យ និងគួរឱ្យរំភើបចំពោះគេបំផុត ពីព្រោះនេះគឺជាពានដំបូង​ដែលរូប​គេ​បានឈ្នះជាមួយក្លិបអាជីពក្នុងរយៈពេល ១៥ ឆ្នាំកន្លងមក។

គួរបញ្ជាក់ថា Son បានចាប់ផ្តើមអាជីពជាកីឡាករបាល់ទាត់ដំបូងជាមួយក្រុម អាល្លឺម៉ង់ Hamburger SV នៅឆ្នាំ ២០១០។ លុះលេងនៅទីនោះបាន ៣ ឆ្នាំ រូបគេក៏បានផ្លាស់ទៅកាន់ក្រុម Bayer Leverkusen។ បន្ទាប់ពីលេងនៅទីនោះដល់ឆ្នាំ ២០១៥ រូបគេបានផ្លាស់មកកាន់ក្រុម Spurs រហូតមកដល់បច្ចុប្បន្ន៕

អត្ថបទ៖ សេម កុសល

The post ប្រឡូកក្នុងអាជីពបាល់ទាត់ ១៥ ឆ្នាំ ទីបំផុត Son ស្គាល់រស់ជាតិពានលើកដំបូង appeared first on Kampuchea Thmey Daily.

ជនសង្ស័យជាស្ត្រីឈ្មោះ Yang មានអាយុ២០ ឆ្នាំ និងបុរសម្នាក់អាយុ ៤០ ឆ្នាំមានឈ្មោះ Yong កំពុងត្រូវបានស៊ើបអង្កេតពីបទព្យាយាមជំរិតទារប្រាក់ពីកីឡាករបាល់ទាត់ Son Heung Min ដោយអះអាងថា Yang មានផ្ទៃពោះកូនរបស់គាត់។ លោកចៅក្រម Yoon Won Mook បានបើកសវនាការ ដែលបានចាប់ផ្តើមនៅម៉ោង ២:០០ រសៀល។

ស្រ្តីរូបនោះបានមកដល់តុលាការនៅម៉ោងប្រហែល ១:៤៤ រសៀល ដោយស្លៀកពាក់ខោអាវឈុតពណ៌ទឹកដោះគោចាស់ ខណៈដែលដៃរបស់នាងត្រូវគេចងជាមួយក្រណាត់ពណ៌ខ្មៅ។ យ៉ាងណា ជុំវិញការចោទប្រកាន់ នាងនៅស្ងៀមក្នុងការឆ្លើយតបទៅនឹងសំណួររបស់អ្នកសារព័ត៌មាន រួមទាំងថា តើនាងបានសារភាពចំពោះការចោទប្រកាន់ពីបទប្រើសារ blackmail និងថាតើនាងនៅតែអះអាងថា ខ្លួននៅតែមានផ្ទៃពោះជាមួយ Son Heung Min ដែរឬទេ។

ដោយឡែក ភាគីខាងបុរសដែលជាជនជាប់ចោទឯណោះវិញ បានបង្ហាញខ្លួនក្នុងឈុតសម្លៀកបំពាក់ពណ៌ខ្មៅ និងបានបដិសេធមិនឆ្លើយសំណួរអំពីហេតុផលទាមទារប្រាក់រាប់សិបលានវ៉ុនពីដើមចោទ និងបដិសេធរៀបចំផែនការជាមួយស្រ្តីឈ្មោះ Yang ផងដែរ។

ទោះបីជាយ៉ាងណក៏ដោយ ស្រ្តីឈ្មោះ Yang ដែលពីមុនមកនាងទំនាក់ទំនងជាមួយ Son ត្រូវបានគេរាយការណ៍ថាបានផ្ញើរូបភាពអ៊ុលត្រាសោនឲ្យគាត់កាលពីខែមិថុនាឆ្នាំមុន ដោយអះអាងថាមានផ្ទៃពោះ។ នាង​បាន​ចោទ​ប្រកាន់​ថា​ បាន​ប្រើ​ពាក្យ​បណ្ដឹង​ដើម្បី​បង្ខូច​កេរ្តិ៍​គាត់ ហើយ​ទទួល​បាន​ប្រាក់​ចំនួន ៣០០ លាន​វ៉ុន (ប្រហែល ២១៤ ៨៨៩ ដុល្លារ)។

ក្រោយ​ពី​ទំនាក់​ទំនង​ត្រូវ​បាន​បញ្ចប់ Yang ចាប់​ផ្ដើម​មានទំនាក់ទំនងជាមួយបុរសឈ្មោះ Yong ។ នៅពេលដឹងថានាងបានទទួលប្រាក់ពី Son Heung Min រួចហើយ បុរសនោះបានទាមទារបន្ថែមចំនួន ៧០០០ លានវ៉ុន (ប្រហែល ៥០,០០០ដុល្លារ) ពីភាគីរបស់កីឡាករ ដោយគំរាមកំហែងថានឹងលាតត្រដាងស្ថានភាព។ នេះបាននាំឲ្យភ្នាក់ងារគ្រប់គ្រងរបស់កីឡាករវ័យ ៣២ឆ្នាំ សម្រេចដាក់របាយការណ៍ប៉ូលិស ទើបឈានដល់ការចាប់ផ្តើមការស៊ើបអង្កេតជាផ្លូវការតែម្ដង។

ភ្លាមៗនោះ ប៉ុស្តិ៍នគរបាល Gangnam បានទទួលពាក្យបណ្ដឹងកាលពីថ្ងៃទី៧ ខែឧសភា។ ជនសង្ស័យត្រូវបានចាប់ខ្លួននៅល្ងាចថ្ងៃទី១៤ ខែឧសភា ហើយប៉ូលិសបានដាក់ពាក្យសុំដីកាឃុំខ្លួនបណ្តោះអាសន្ននៅថ្ងៃបន្ទាប់។ បច្ចុប្បន្ន អាជ្ញាធរកំពុងធ្វើការស៊ើបអង្កេតលើភាពត្រឹមត្រូវនៃរូបភាពអ៊ុលត្រាសោន និងអង្គហេតុសំខាន់ៗផ្សេងទៀតនៅក្នុងសំណុំរឿងនេះ៕

អត្ថបទ៖ សាង ស្រីល័ក្ខ

ចុចអាន៖ការ​ធ្លាក់​ចុះ​​វិស័យ​អចលន​ទ្រព្យ​នៅ​ហុងកុង​ ​ប៉ះ​ពាល់​ដល់​តារា​ល្បី​ៗ និងមហាសេដ្ឋីគ្រាក់ៗ

The post ចាប់ខ្លួនជនសង្ស័យ២រូប ក្រោយជំរិតទាយលុយនិងប៉ងបង្ខូចកេរ្តិ៍ឈ្មោះកីឡាករ Son Heung Min appeared first on Kampuchea Thmey Daily.

យោងតាមសារព័ត៌មានកូរ៉េ Allkop បានដកស្រង់នូវ​សេចក្តី​ថ្លែង​ការណ៍របស់តំណាងផ្នែកច្បាប់របស់កីឡាករវ័យ២២ឆ្នាំនេះថា Lee Kang In មានការសោកស្ដាយជាខ្លាំង និងបានសារភាពពីទោសកំហុសរបស់គាត់ ជាថ្មីម្តងទៀត គាត់សូមអភ័យទោសចំពោះការបង្កភាពមិនស្រួល និងកង្វល់ដល់អ្នកគាំទ្របាល់ទាត់ជាច្រើន។ ដោយពិចារណាថា​គាត់ជាចំណុចកណ្តាលនៃជម្លោះ Lee Kang In ជឿថាការសុំទោស ជាជាងផ្តល់ព័ត៌មានលម្អិតជាក់លាក់នៃឧប្បត្តិហេតុនោះ គឺជាសកម្មភាពសមស្របបំផុត។

ទោះជាយ៉ាងណាក៏ដោយ អត្ថបទថ្មីៗ រួមទាំងអត្ថបទពី Dispatch ជាព័ត៌មានមិនពិត ដែលត្រូវបានបំផ្លើស និងផលិតឡើងវិញដូចជាការពិត។ អាស្រ័យហេតុនេះ យើងខ្ញុំចាំបាច់ត្រូវកែតម្រូវរាល់ព័ត៌មានមិនពិតនិងការចោទប្រកាន់ទាំងស្រុងមកលើកីឡាករបាល់ទាត់ Lee Kang In ។

១) អត្ថបទ​ដែល​សរសេរ​ថា Lee Kang In បាន​ប្រលែងកណ្តាប់ដៃចំ​មុខ Son Heung Min ពេល Son Heung Min ចាប់​កអាវ​គឺ​ខុស​ពី​ការពិត។

២) ក្នុងអំឡុងពេលឧប្បត្តិហេតុវាយកូនឃ្លីលើតុ ក៏មានកីឡាករវ័យចំណាស់មានវត្តមានដែរ ហើយកីឡាវាយកូនឃ្លីលើតុគឺជាសកម្មភាពទូទៅមុនថ្ងៃនោះតែប៉ុណ្ណោះ។

ជា​ថ្មី​ម្តង​ទៀត សូម​អភ័យទោស​ដោយ​ស្មោះ​ចំពោះ​អ្នក​រាល់​គ្នា​ដែល Lee Kang In ​ធ្វើ​ឲ្យ​ខកចិត្ត។ យើងខ្ញុំនឹងបញ្ជាក់ និងដោះស្រាយបញ្ហាដែលនៅសេសសល់នៅពេលក្រោយ។

ទន្ទឹមនោះទៀតសោត យោងតាមរបាយការណ៍របស់ Dispatch ក៏បានចេញផ្សាយពីឧប្បត្តិហេតុដែលបានកើតឡើងក្នុងថ្ងៃទទួលទានអាហារពេលល្ងាចនៅ Asian Cup ថា Son Heung Min ត្រូវបានដាល់ចំមុខដោយ Lee Kang In ដោយគ្មានឱកាសដើម្បីគេច ហើយការប៉ះទង្គិចគ្នាបន្ថែមទៀតបានកើតឡើងក្នុងចំណោមអ្នកលេងឃ្លីលើតុ ។ ក្នុង​អំឡុង​ពេល​វាយ​គ្នា ម្រាមដៃ​របស់កីឡាករ​បាល់ទាត់​របស់ក្លឹបមាន់ខ្នាយមាស Tottenham Hotspur បាន​ជាប់​ក្នុង​សំលៀកបំពាក់​របស់​អ្នក​ដទៃ រហូតភ្លាត់បាក់ឆ្អឹង​ម្រាម​ដៃ​របស់​គាត់​។

ក្រោយមក ទើបខ្សែបម្រើវ័យ២២ឆ្នាំ​ Lee Kang In បានបង្ហោះសារសុំទោសទាក់ទងនឹងជម្លោះរបស់គាត់ជាមួយ Son Heung Min តាមរយៈបណ្ដាញសង្គម Instagram ផ្ទាល់ខ្លួន។ ថ្វីដ្បិតតែមានការបកស្រាយនូវកំហុសរបស់​ លោក​ជាសាធារណៈយ៉ាងណាក៏ដោយ ប៉ុន្តែមិនបានធ្វើឲ្យអ្នកគាំទ្របាល់ទាត់ស្រាកស្រាន្តនូវកំហឹងដែលរូបគេមានវ័យក្មេងជាង បែរជាធ្វើទង្វើមិនសមរម្យលើប្រធានក្រុមមានវ័យចាស់ជាងនោះទេ។

លើសពីនេះទៀតសោត បច្ចុប្បន្ននេះអ្នកលេងអ៊ីនធឺណិតកូរ៉េជាច្រើនកំពុងទាមទារឲ្យសមាគមកីឡាបាល់ទាត់កូរ៉េលុបចោលការលើកលែងកាតព្វកិច្ចយោធាជាកាតព្វកិច្ចរបស់ Lee Kang In ដែលគាត់ទទួលបានបន្ទាប់ពីក្រុមជម្រើសជាតិកូរ៉េខាងត្បូងឈ្នះមេដាយមាសផ្នែកបាល់ទាត់បុរសក្នុងព្រឹត្តិការណ៍ 2022 Hangzhou Asian Games​ ផងដែរ៕

អត្ថបទ៖ សាង ស្រីល័ក្ខ

ចុចអាន៖Lee Kang In បង្ហោះសារសុំទោស ក្រោយជ្រុលដាក់មួយដៃចំមុខ Son Heung Min

The post តំណាងច្បាប់បញ្ចាក់ថា Lee Kang In ដាល់មុខ Son Heung Min គឺខុសពីការពិតទាំងស្រុង appeared first on Kampuchea Thmey Daily.