នៅក្នុងការបង្ហោះនៅលើប្រព័ន្ធបណ្តាញ​សង្គម X លោក ហ្សេលេនស្គី បានសរសេរថា បទឈប់បាញ់គឺជាការសម្រេចចិត្តត្រឹមត្រូវដែលនាំទៅដល់ការបញ្ចប់សង្គ្រាម។ វាមានន័យថាការជួយសង្គ្រោះជីវិត ការបោះបង់ចោលការបំផ្លិចបំផ្លាញទីក្រុង និងភូមិនានា និងអនុញ្ញាតឲ្យរោងចក្រថាមពល និងហេដ្ឋារចនាសម្ព័ន្ធផ្សេងទៀតដំណើរការជាធម្មតា ហើយដូច្នេះផ្តល់នូវពេលវេលា និងលក្ខខណ្ឌចាំបាច់សម្រាប់ការទូតដើម្បីផ្តល់លទ្ធផល ដោយបន្ថែមថា អ៊ុយក្រែនគាំទ្រវាជានិច្ច។

លោក ហ្សេលេនស្គី បាននិយាយថា ស្ថានភាពនៅក្នុងតំបន់មានផលប៉ះពាល់ជាសកល ដោយព្រមានថា ការគំរាមកំហែងណាមួយចំពោះសន្តិសុខ និងស្ថិរភាពនៅមជ្ឈិមបូព៌ា និងឈូងសមុទ្រ បង្កើនបញ្ហាប្រឈមសម្រាប់សេដ្ឋកិច្ច និងថ្លៃដើមនៃការរស់នៅក្នុងប្រទេសនីមួយៗ។

អ៊ុយក្រែនតែងតែអំពាវនាវឲ្យមានបទឈប់បាញ់នៅក្នុងសង្គ្រាមដែលធ្វើឡើងដោយរុស្ស៊ីនៅទីនេះក្នុងទ្វីបអឺរ៉ុប ប្រឆាំងនឹងរដ្ឋ និងប្រជាជនរបស់យើង ហើយយើងគាំទ្របទឈប់បាញ់នៅមជ្ឈិមបូព៌ា និងឈូងសមុទ្រ ដែលបើកផ្លូវសម្រាប់កិច្ចខិតខំប្រឹងប្រែងផ្នែកការទូត។

ប្រធានាធិបតីអ៊ុយក្រែនប្រាប់រុស្ស៊ីម្តងទៀតថា យើងត្រៀមខ្លួនរួចជាស្រេចដើម្បីឆ្លើយតបវិញ ប្រសិនបើរុស្ស៊ីបញ្ឈប់ការវាយប្រហាររបស់ពួកគេ។ វាច្បាស់ណាស់សម្រាប់មនុស្សគ្រប់គ្នាថា បទឈប់បាញ់អាចបង្កើតលក្ខខណ្ឌជាមុនត្រឹមត្រូវសម្រាប់កិច្ចព្រមព្រៀង៕

អត្ថបទ៖ សាង ស្រីល័ក្ខ

The post ហ្សេលេនស្គី ចង់​បា​ន​បទ​ឈប់បាញ់​​ អ៊ុយក្រែន-រុស្ស៊ី​​ ដូចកើតមាន​​រវាង​​​អាមេរិក និងអ៊ីរ៉ង់ appeared first on Kampuchea Thmey Daily.

យោងតាមសារព័ត៌មាន NHK លោកហ្សេលេនស្គី បានធ្វើការអំពាវនាវនេះនៅក្នុងការបង្ហោះប្រព័ន្ធផ្សព្វផ្សាយសង្គមកាលពីថ្ងៃអាទិត្យ ខណៈដែលយោធារុស្ស៊ីបានបន្តវាយប្រហារបណ្តាញអគ្គិសនីរបស់អ៊ុយក្រែន។ ការវាយប្រហារនេះបានកាត់បន្ថយការទទួលបានអគ្គិសនី និងកំដៅរបស់ប្រជាជន ស្របពេលដែលឥឡូវនេះជារដូវរងានៅក្នុងប្រទេសអ៊ុយក្រែន។

មេដឹកនាំបានសរសេរថា កងកម្លាំងរុស្ស៊ីបានបន្តវាយប្រហារទីក្រុង Sumy, Kharkiv និងតំបន់ចំនួនបួនផ្សេងទៀតចាប់ពីយប់ថ្ងៃសៅរ៍រហូតដល់ព្រឹកថ្ងៃអាទិត្យ។ ប្រធានាធិបតីអះអាងថា ការវាយប្រហារទាំងនោះ ក៏បានធ្វើឲ្យមនុស្សយ៉ាងហោចណាស់២នាក់ស្លាប់ និងរាប់សិបនាក់រងរបួស រួមទាំងកុមារម្នាក់ផងដែរ។

លោកហ្សេលេនស្គី បានគូសបញ្ចាក់បន្ថែមថា ក្នុងអំឡុងពេលមួយសប្តាហ៍កន្លងមក កងកម្លាំងរុស្ស៊ីបានបាញ់យន្តហោះគ្មានមនុស្សបើកវាយប្រហារជាង ១,៣០០ គ្រឿង គ្រាប់បែកតាមអាកាសដឹកនាំប្រហែល ១,0៥០ គ្រឿង និងមីស៊ីលចំនួន ២៩ គ្រាប់ប្រភេទផ្សេងៗគ្នា។

យ៉ាងណាមិញ មុនពេលប្រធានាធិបតីអ៊ុយក្រែនស្នើសុំប្រទេសជាច្រើនការពារដែនអាកាសខ្លួន កាលពីថ្ងៃទី១២ ខែមករា លោកក៏ធ្លាប់ព្រមានដែរថា ការវាយប្រហារតាមអាកាសថ្មីអាចនឹងកើតឡើងឆាប់ៗនេះ ខណៈកងកម្លាំងសង្គ្រោះបន្ទាន់បានខិតខំប្រឹងប្រែងដើម្បីស្តារកំដៅ និងថាមពលឡើងវិញដល់ប្រជាជននៅទីក្រុងកៀវ ដែលរងការឡោមព័ទ្ធ​ជាងបីថ្ងៃ បន្ទាប់ពីការវាយប្រហាររបស់រុស្ស៊ីលើគោលដៅថាមពល។

ដោយឡែក គណៈប្រតិភូ​មន្ត្រីជាន់ខ្ពស់​អ៊ុយក្រែន​មួយក្រុម គ្រោង​ជួបជាមួយ​ប្រេសិតពិសេស​របស់​សហរដ្ឋអាមេរិក លោក Steve Witkoff នៅសហរដ្ឋអាមេរិក ដើម្បីពិភាក្សាអំពីផែនការសន្តិភាព​ដែលមានគោលបំណងបញ្ចប់ការប្រយុទ្ធគ្នា។ ទន្ទឹមនោះដែរ លោកហ្សេលេនស្គី និងប្រធានាធិបតីសហរដ្ឋអាមេរិក លោក ដូណាល់ ត្រាំ នឹងចូលរួមក្នុងកិច្ចប្រជុំប្រចាំឆ្នាំរបស់វេទិកាសេដ្ឋកិច្ចពិភពលោក ដែលនឹងចាប់ផ្តើមនៅទីក្រុង Davos ប្រទេសស្វីស នាថ្ងៃចន្ទ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

លោក ហ្សេលេនស្គី ព្រមានថា រុស្ស៊ីអាចនឹងវាយប្រហារតាមអាកាសជាថ្មី

The post លោក ហ្សេលេនស្គី សុំឲ្យប្រទេសលើលោក ជួយការពារដែនអាកាស អ៊ុយក្រែន appeared first on Kampuchea Thmey Daily.

ការអំពាវនាវរបស់ប្រធានាធិបតី អ៊ុយក្រែន​ រូបនេះបានកើតឡើង ខណៈពេលដែលទីក្រុងមូស្គូបានចាប់ផ្តើមការវាយប្រហារដ៏ធំបំផុតមួយនាពេលថ្មីៗ ដោយបានបាញ់មីស៊ីលចំនួន ៤០ គ្រាប់ និងយន្តហោះគ្មានមនុស្សបើកជិត ៦០០គ្រឿង វាយប្រហារលើអ៊ុយក្រែនបានសម្លាប់មនុស្សបីនាក់ និងរាប់សិបនាក់រងរបួស។

ជាមួយគ្នានេះសហភាព​អឺរ៉ុប​ទើបតែ​ប្រកាស​ទណ្ឌកម្ម​ជុំ​ទី​១៩​របស់ខ្លួន​ប្រឆាំង​រុស្ស៊ី​ដើម្បី​ដាក់ទណ្ឌកម្ម​ចំពោះ​សង្គ្រាម​។ លោក ដូណាល់ ត្រាំ ក៏បាននិយាយថា លោកត្រៀមខ្លួនរួចជាស្រេច ដើម្បីដាក់ទណ្ឌកម្មកាន់តែតឹងរ៉ឹងលើរុស្ស៊ី ប៉ុន្តែលុះត្រាតែប្រទេសណាតូទាំងអស់ឈប់ទិញប្រេងពីរុស្ស៊ី។ ប្រធានាធិបតីហ្សេលេនស្គី ក៏ចង់ឱ្យសហរដ្ឋអាមេរិក និងណាតូផ្តល់ការសន្យាសន្តិសុខរយៈពេលវែងដល់អ៊ុយក្រែន ដូច្នេះរុស្ស៊ីមិនអាចវាយប្រហារម្តងទៀតបានទេ បន្ទាប់ពីសង្គ្រាមបានបញ្ចប់។

អង្គការណាតូបានបង្កើនការការពាររបស់ខ្លួននៅអឺរ៉ុបខាងកើត បន្ទាប់ពីយន្តហោះគ្មានមនុស្សបើករបស់រុស្ស៊ីបានហោះចូលទៅក្នុងប្រទេសប៉ូឡូញ និងរ៉ូម៉ានី ហើយយន្តហោះចម្បាំងរុស្ស៊ីចំនួនបីគ្រឿងបានឆ្លងចូលទៅក្នុងដែនអាកាសរបស់អេស្តូនីកាលពីថ្ងៃសុក្រ។ ប្រការ​នេះ​បាន​ធ្វើ​ឲ្យ​ប្រទេស​ជិត​ខាង​មាន​ការ​ព្រួយ​បារម្ភ​ពី​ការ​រីក​រាល​ដាល​នៃ​សង្គ្រាម។

ប្រទេសប៉ូឡូញបានបញ្ជូនយន្តហោះផ្ទាល់ខ្លួនរបស់ខ្លួនដើម្បីការពារផ្ទៃមេឃរបស់ខ្លួន ហើយចក្រភពអង់គ្លេសបានហោះហើរយន្តហោះចម្បាំងពីលើប្រទេសប៉ូឡូញ ដែលជាផ្នែកនៃបេសកកម្មរបស់អង្គការណាតូ។ យ៉ាង​ណា​មិញ រុស្ស៊ី​បាន​បដិសេធ​ថា យន្តហោះ​របស់​ខ្លួន​បាន​ចូល​ក្នុង​ប្រទេស​អេស្តូនី បើ​ទោះ​ជា​រ៉ាដា​អេស្តូនី និង​អាកាសយានិក​បាន​បញ្ជាក់ច្បាស់​ក៏ដោយ៕

អត្ថបទ៖ ប៊ុន សុភាព

The post ហ្សេលេនស្គី នឹងជួប ត្រាំ នៅក្រៅមហាសន្និបាតUN ស្របពេលរុស្ស៊ីបង្កើនការវាយប្រហារ appeared first on Kampuchea Thmey Daily.

សេចក្តីថ្លែងការណ៍រួមដែលចេញដោយមេដឹកនាំនៃចក្រភពអង់គ្លេស បារាំង អ៊ីតាលី អាល្លឺម៉ង់ ប៉ូឡូញ ហ្វាំងឡង់ និងគណៈកម្មការអឺរ៉ុប បាននិយាយថា «ផ្លូវទៅកាន់សន្តិភាពនៅអ៊ុយក្រែនមិនអាចសម្រេចបានដោយគ្មានអ៊ុយក្រែនទេ»​។ យោង​សេចក្តីថ្លែងការណ៍​រ​បស់​គណៈកម្មការ​​​អឺរ៉ុប​។​

​​​សេចក្តីរាយការណ៍​របស់ BBC ​បាន​លើក​ឡើងថា ​​​ក្រុមប្រទេស​​ធំៗនៅអឺរ៉ុបបានចេញ​ប្រតិកម្ម​​​បែបនេះ នៅ​​ក្រោយ​ពេលដែលលោក ដូណាល់ត្រាំ ត្រៀមជួបពិភាក្សាជាមួយប្រធានាធិបតីរុស្ស៊ីលោក Vladimir Putin ក្នុងរដ្ឋអាឡាស្កា នៅថ្ងៃសុក្រ​ក្នុងសប្តាហ៍​បន្ទាប់​នេះ​។

​​​សេចក្តីរាយការណ៍​របស់​​សារព័ត៌មាន​ NBC ​មាន​មូលដ្ឋាន​​នៅសហរដ្ឋអាមេរិក មន្ត្រី​សេតវិមាន​​​កំពុង​ពិចារណា​បញ្ចូល​​​​ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី ទៅក្នុង​ជំនួប​នោះដែរ។ ប៉ុន្តែ​​ មានទាន់​មាន​ការ​បញ្ជាក់​ជាផ្លូវការ​នៅ​ឡើយ​ ខណៈដែល​លោក​ហ្សេលេនស្គី បាន​​​​បដិសេធ​​ការ​​ធ្វើសម្បទាន​ទឹកដី​ដែល​រុស្ស៊ី​កាន់​កាប់​​ទៅ​ឲ្យ​រុស្ស៊ី​ដែល​ធ្លាប់​ទាមទារ​បែបនេះ​។

យោង​តាម BBC ដោយបារម្ភថាអ៊ុយក្រែននឹងមិនត្រូវបានអញ្ជើញឱ្យចូលរួមក្នុងកិច្ចចរចាសន្តិភាពរបស់ខ្លួននោះ ប្រធានាធិបតី ហ្សេលេនស្គី​ បាននិយាយថា កិច្ចព្រមព្រៀងណាមួយដោយគ្មានទីក្រុងកៀវ​ នឹងស្មើនឹង «ការសម្រេចចិត្ត​ងាប់​រួច​ទៅ​ហើយ​»​ ។

កាលពីល្ងាចថ្ងៃសៅរ៍ មន្ត្រីសេតវិមានបាននិយាយថា លោក ត្រាំ​ នឹងសុខចិត្តរៀបចំកិច្ចប្រជុំត្រីភាគីជាមួយលោកពូទីន និងលោក ហ្សេលេនស្គី​ ប៉ុន្តែសម្រាប់ពេលនេះ វានៅសល់តែពួកគេទាំងពីរប៉ុណ្ណោះ ដូចដែលបានស្នើសុំដំបូងដោយមេដឹកនាំរុស្ស៊ី។

សង្គ្រាម​រុស្ស៊ី​ និង​អ៊ុយក្រែន​បាន​ចំណាយ​ពេលអស់​ជាង​៣ឆ្នាំកន្លះ ប៉ុន្តែ​រុស្ស៊ី​មិន​អាច​សម្រេចមហិច្ឆតា​របស់​ខ្លួន​ក្នុង​ការ​គ្រប់គ្រង​អ៊ុយក្រែន​បាន​ឡើង ប៉ុន្តែ​ផ្ទុយទៅវិញ​បាន​បាត់​បង់កិត្យានុភាព​ជា​មហាអំណាច​​​លំដាប់លេខ២ ខណៈ​អ៊ុយក្រែន​បាន​​​​អភិវឌ្ឍខ្លួន​រហូត​ដល់​អាច​ផលិត​អាវុធ​ខ្លួន​ឯង និង ផលិត​យន្តហោះ​គ្មានមនុស្ស​បែក​​​ដើម្បីវាយប្រហារ​​​​លើ​រុស្ស៊ី​វិញ​។ រហូតដល់​ពេលនេះ រុស្ស៊ីគ្រប់គ្រង​ទឹកដី​​​អ៊ុយក្រែន​ប្រមាណ​១០ម៉ឺន​គីឡូម៉ែត្រ​ការ៉េ ឬ​ប្រមាណ​១ភាគ៥​នៃ​​​​ទឹកដីអ៊ុយក្រែន។

រុស្ស៊ី​ក៏ទាមទារ​ឲ្យ​អ៊ុយក្រែន​​​ទទួលស្គាល់​​ដី​នោះ​ជារបស់​រុស្ស៊ី ជាថ្នូរ​បញ្ចប់សង្គ្រាម​ប្រយុទ្ធ​បង្ហូរឈាម ប៉ុន្តែ​អ៊ុយក្រែន​តែ​​ងតែ​បដិសេធ​ជានិច្ច​ សូម្បី​ផ្ទៃដី​នៅឧបទ្វីបគ្រីមៀរដែល​រុស្ស៊ី​កាន់កាប់តាំង​ពីឆ្នាំ​២០​​១៤ ក៏​អ៊ុយក្រែន​​មិន​ទទួលស្គាល់​ឲ្យរុស្ស៊ី​​​ធ្វើជាម្ចាស់​ដែរ៕​

រ៉ាន់ រើយ​

The post ​ជាថ្មីទៀត សម្ព័ន្ធ​មិត្តអឺរ៉ុប​ផ្តាំទៅត្រាំថា «កុំចោល​អ៊ុយក្រែន» appeared first on Kampuchea Thmey Daily.

លោក Oleg Kozhemyako អភិបាលនៃតំបន់ភាគខាងកើតនៃប្រទេសរុស្ស៊ី បាននិយាយកាលពីថ្ងៃព្រហស្បតិ៍ថា ឧត្តមសេនីយឯក Mikhail Gudkov ដែលជាអនុប្រធាននៃកងទ័ពជើងទឹករុស្ស៊ីដែលបានដឹកនាំកងពលតូចប្រយុទ្ធប្រឆាំងនឹងអ៊ុយក្រែន​​​ ត្រូវបានសម្លាប់នៅក្នុងតំបន់ Kursk របស់ប្រទេសរុស្ស៊ី។

​​តំបន់​ Kursk ត្រូវ​បាន​រុស្ស៊ី​អះអាង​​​រំដោះបាន​ទាំងស្រុង​កាល​ពី​ប៉ុន្មានខែ​មុន​ នៅពេលដែល​សហរដ្ឋអាមេរិក​និង​​​​អ៊ុយក្រែន​បាន​ចាប់ផ្តើម​ចរចា​គ្នា​ជាលើក​ដំបូង​នៅ​ប្រទេស​អារ៉ាប៊ី សាអូឌីត ប៉ុន្តែ​ត្រូវ​បាន​ភាគី​អ៊ុយក្រែន​​បដិសេធ​ថា រុស្ស៊ី​មិនទាន់រំដោះបាន​ទាំងស្រុង​នោះទេ​ ហើយ​ការ​អះអាងនោះ គ្រាន់តែ​ជា​​​ «មនោគមវិជ្ជា​​» ប៉ុណ្ណោះ។

​​ទីភ្នាក់ងារ​ព័ត៌មាន​ Reuters ​បានរាយការណ៍​ដោយ​យោង​ បណ្តាញ Telegram យោធារុស្ស៊ី និងអ៊ុយក្រែនមិនផ្លូវការបានរាយការណ៍មុននេះថា ឧត្តមសេនីយឯក Gudkov ត្រូវបានសម្លាប់រួមជាមួយទាហាន ​១០​នាក់ផ្សេងទៀតនៅក្នុងការវាយប្រហាររបស់អ៊ុយក្រែនលើប៉ុស្តិ៍បញ្ជាមួយនៅ Korenevo ក្នុងតំបន់ Kursk ដែលជាប់ព្រំដែនអ៊ុយក្រែន។

​យោ​ងសារព័ត៌មាន​អ៊ុយក្រែន​ Kyiv Independent លោក Oleg Kozhemyako អភិបាលខេត្ត Primorsky Krai របស់រុស្ស៊ី បានបញ្ជាក់កាលពីថ្ងៃទី៣ ខែកក្កដា ថា ​មន្ត្រី​​កងទ័ពជើងទឹកជាន់ខ្ពស់រុស្ស៊ី ឧត្តមសេនីយ៍ Mikhail Gudkov ត្រូវបានសម្លាប់នៅក្នុងការវាយប្រហាររបស់អ៊ុយក្រែន។

Gudkov ដែលជាមេបញ្ជាការរងនៃកងទ័ពជើងទឹករុស្ស៊ីត្រូវបានសម្លាប់នៅក្នុងស្រុកព្រំដែននៃ Korenevo។ នេះបើយោងតាម ​​Kozhemyako​៕​

រ៉ាន់ រើយ​

The post ​អ៊ុយក្រែន​​​​​សម្លាប់​មេ​បញ្ជាការរង​កង​ទ័ព​ជើងទឹករុស្ស៊ី​ Mikhail Gudkov appeared first on Kampuchea Thmey Daily.

​សេចក្តីរាយការណ៍​របស់​​ បណ្តាញ​​ផ្សព្វផ្សាយ​របស់​​អង់គ្លេស BBC បាន​ឲ្យ​ដឹង​ថា ​មហាអំណាច​រុស្ស៊ី​ទទួលបាន​ ប្រាក់​ចំណូល​​ពីការលក់ប្រេង និងឧស្ម័ន មាន​​ចំនួនជិតមួយភាគបីនៃប្រាក់ចំណូលរដ្ឋរបស់រុស្ស៊ី និងច្រើនជាង ៦០​% នៃការនាំចេញរបស់​ខ្លួន​។ ចំណូល​នោះ គឺជាគន្លឹះក្នុងការរក្សាម៉ាស៊ីនសង្រ្គាមរបស់រុស្ស៊ី​ឲ្យ​នៅអូសបន្លាយ​បាន​រហូត​មក​ដល់​បច្ចុប្បន្ន​ និង​បន្ត​ទៅមុខ​​ទៀត​​។

​បន្ទាប់​ពី​លើក​ទ័ព​ចូល​លុក​លុយប្រទេសអ៊ុយក្រែ​ន​កាល​ពី​​ខែ​​កុម្ភៈ​ឆ្នាំ​២០២២ ​សម្ព័ន្ធ​មិត្ត​លោក​ខាងលិច ដឹកមុខ​ដោយសហរដ្ឋអាមេរិកក្នុងរដ្ឋការ​របស់​​អតីត​ប្រធានាធិបតី ចូ បៃ​ដិន បាន​​​​ដាក់​ចេញ​​នូវ​វិធានការ​ទណ្ឌកម្ម​សេដ្ឋកិច្ច​ និង​ កា​របង្កក​សាច់​ប្រាក់​​​របស់​រុស្ស៊ី​​នៅ​ក្រៅ​ប្រទេស​ ដែល​ពួកគេ​ជឿថា នឹង​​ផ្តាច់​មូល​និធិ​​ ធ្វើឲ្យរុស្ស៊ី​ចុះខ្សោយ និង​ងាក​ទៅ​រក​ការ​បញ្ចប់សង្គ្រាម។ ​

ទណ្ឌកម្ម​​​​​សេដ្ឋកិច្ច​លើ​ប្រទេសរុស្ស៊ី​ គឺ​សំដៅ​ជាចំបង​​លើ​​ការ​នាំ​ចេញ​ប្រេង​​និង​ឧស្ម័ន​ ដែលជា​ប្រភព​ចំណូល​ដ៏សំខាន់​របស់​ប្រទេសរុស្ស៊ី ប៉ុន្តែ​ ផ្ទុយស្រឡះ​ពីការ​អនុវត្ត​​ទណ្ឌកម្មនោះ រុស្ស៊ី​បែ​ជា​ទទួលបាន​ចំណូល​កាន់​តែ​ច្រើន ពី​ការ​នាំចេញ​ប្រេង​និង​ឧស្ម័ន​ទៅកាន់​​ទីផ្សារសកលលោក រួម​ទាំង​ទីផ្សារ​របស់​ប្រទេសសមាជិក​របស់​អង្គការណាតូផង ច្រើន​លើស​ពី​​ជំនួយ​​ដែល​​អ៊ុយក្រែន​ទទួល​បាន​ពីសម្ព័ន្ធ​មិត្តដែលបាន​ផ្តល់ដើម្បី​​​ប្រយុទ្ធ​ប្រឆាំង​នឹង​​ប្រទេសរុស្ស៊ី​។

​BBC ​បានរាយការណ៍​ថា បន្ទាប់ពីការលុកលុយខែកុម្ភៈឆ្នាំ ២០២២​ សម្ព័ន្ធមិត្តរបស់អ៊ុយក្រែនបានដាក់ទណ្ឌកម្មលើឥន្ធនៈ​អ៊ីដ្រូកាបូនរបស់រុស្ស៊ី។ សហរដ្ឋ​អាមេរិក និង​ចក្រភព​អង់គ្លេស​បាន​ហាមប្រាម​ប្រេង និង​ឧស្ម័ន​របស់​រុស្ស៊ី ខណៈ ប្រទេស​​ជាច្រើន​នៅ​ក្នុងសហភាព​អឺរ៉ុប​ (EU) បាន​​ហាមប្រាម​ការ​នាំ​ចូល​ប្រេងឆៅ​ពី​សមុទ្រ​របស់​រុស្ស៊ី ប៉ុន្តែ​មិនមែន​ឧស្ម័ន។

​សេចក្តីរាយការណ៍​​នោះ បានរកឃើញ​ថា គិតត្រឹមថ្ងៃទី ២៩​ឧសភា ​​ប្រទេស​រុស្ស៊ី​ទទួល​បាន​ចំណូល​ជាង ៨៨៣​ ពាន់​លាន​អឺរ៉ូ (៩៧៣​ ពាន់លានដុល្លារ) ពីការនាំចេញឥន្ធនៈហ្វូស៊ីលចាប់តាំងពីការចាប់ផ្តើមនៃការលុកលុយពេញលេញ​កាល​ពី​ខែ​កុម្ភៈ​២០២២ រួមទាំង​​សាច់​ប្រាក់​ ២២៨​ពាន់លានអឺរ៉ូ ពីបណ្តាប្រទេសដាក់ទណ្ឌកម្ម។ ​នេះបើយោងតាមមជ្ឈមណ្ឌលស្រាវជ្រាវថាមពល និងខ្យល់ស្អាត (CREA) ។

​ជាមួយ​គ្នា​នេ ប្រទេស​អ៊ុយក្រែន​ទទួល​ជំនួយ​​​​គ្រប់ប្រភេទ​គិត​ជាសាច់​ប្រាក់​មានត្រឹមតែ​​៣០៩​ពាន់​លាន​ដុល្លារ​ ប៉ុណ្ណោះ​។ ​នៅ​ក្នុងតារាង​ដែលវិភាគ​ដោយ​​ BBC ​ប្រទេសសមាជិក​ណា​តូ​ បានផ្តល់​ជំនួយ​ដល់​ប្រទេសអ៊ុយក្រែន​មានទឹកប្រាក់២៣៦​ពាន់​លានដុល្លារ ខណៈ​រដ្ឋសមាជិក​ណាតូ បាន​ចំណាយ​ទិញ​​ឥន្ធនៈពីរុស្ស៊ី​​​មាន​រហូត​ដល់​៣៣៥​ពាន់​លាន​ដុល្លារ​។

​​សេចក្តី​រាយការណ៍​ រកឃើញ​ថា ​ប្រទេស​អង់គ្លេសដែល​ជា​​ប្រទេសចេញមុខ​​ប្រឆាំង​រុស្ស៊ី តាមរយៈ​ការ​​គាំទ្រ​​​​អ៊ុយក្រែនតាំង​ការ​ទូត​​និង​ហិរញ្ញវត្ថុ ​ក៏​​មានចំណែក​​​នាំចូល​ឥន្ធនៈ​​​ពី​បណ្តាប្រទេសជាសមាជិក​របស់​អឺរ៉ុប ដែលមានទឹកប្រាក់​២០៩​ពាន់​លាន​អឺរ៉ូ​​។​

រដ្ឋសហភាពអឺរ៉ុបបានបន្តការនាំចូលឧស្ម័នតាមបំពង់ដោយផ្ទាល់ពីប្រទេសរុស្ស៊ីរហូតដល់អ៊ុយក្រែនកាត់បន្ថយការដឹកជញ្ជូននៅខែមករាឆ្នាំ ២០២៥​ ហើយប្រេងឆៅរបស់រុស្ស៊ីនៅតែត្រូវបានបង្ហូរទៅកាន់ប្រទេសហុងគ្រី និងស្លូវ៉ាគី​នៅ​ឡើយ​ទេ​​។

ឧស្ម័នរុស្ស៊ីនៅតែត្រូវបានបញ្ជូនទៅកាន់អឺរ៉ុបក្នុងបរិមាណកើនឡើងតាមរយៈ​ប្រទេស​តួកគី៖ ទិន្នន័យរបស់ CREA បង្ហាញថាបរិមាណរបស់វាបានកើនឡើង ២៦,៧៧​ភាគរយ​ ក្នុងខែមករា និងខែកុម្ភៈ ឆ្នាំ២០២៥​ ធៀប​រយៈពេលដូចគ្នាក្នុងឆ្នាំ២០២៤​។

​ប្រទេសហុងគ្រី និងស្លូវ៉ាគី ដែល​ជាសមាជិក​អង្គការ​ណាតូ និងដែល​មាន​មេដឹកនាំ​​មានទំនាក់​ទំនង​យ៉ាង​​ជិត​ស្និទ្ធ​ជាមួយ​ប្រធានា​​​ធិបតី​រុស្ស៊ី វ៉្លាឌីមៀរ ពូទីន នៅតែទទួលបានឧស្ម័ន​ពី​រុស្ស៊ី​តាម​បំពង់បង្ហូរប្រេងពី​ប្រទេស​រុស្ស៊ីតាមរយៈតួក​​គីនៅឡើយ​ទេ​៕​

ដោយ រ៉ាន់ រើយ​

The post ក្នុងសង្គ្រាមជាង​៣ឆ្នាំ រុស្ស៊ី​លក់​ប្រេងបាន​ចំណូល​លើស​​​៣ដង ​ធៀប​​ជំនួយ​ផ្តល់​ឲ្យ​អ៊ុយក្រែន​​​ appeared first on Kampuchea Thmey Daily.

ការ​ផ្សាយ​របស់​​ CNN ​នៅមុន​នេះ​ បាន​ឲ្យដឹងថា ប្រធានាធិបតី​​អ៊ុយក្រែន​ លោក វ៉ូឡូឌីមៀរ ហ្សេលេនស្គី ​បាន​និយាយ​ទូរស័ព្ទ​ភ្លាម​​ៗ​ទៅ​កាន់​ប្រធានាធិបតី​​សហរដ្ឋអាមេរិក លោក ​ដូណាល់ ត្រាំ ​បន្ទាប់​ពី​​គណៈ​ប្រតិភូ​​​​​អ៊ុយក្រែន​​បញ្ចប់​ការ​ចរចា​​ជាមួយ​ប្រតិភូ​​​រុស្ស៊ី​នៅ​ថ្ងៃ​​សុក្រ​នេះ​ ដោយ​​​​ អ៊ុយក្រែន​​​ត្រៀម​រួច​រាល់​ដើម្បី​​ចាត់វិធានការ​​កាន់តែ​ឆាប់​​តាមដែលអាចធ្វើទៅបាន​សម្រាប់​សន្តិភាព។

ការ​និយាយ​ទូរស័ព្ទ​​​ទៅកាន់​លោក ដូណាល់ ត្រាំ ខណៈពេលដែល​​​លោក ហ្សេលេនស្គី​​នៅ​​ជួប​ជុំ​ជាមួយ​មេដឹកនាំ​អឺរ៉ុប​សំខាន់ៗ​​ផ្សេង​ទៀត មាន​ ប្រធានាធិបតិ​បារាំង នាយករដ្ឋមន្ត្រី​អង់គ្លេស អធិការបតី​អាល្លឺម៉ង់ និង​នាយករដ្ឋមន្ត្រី​ប៉ូឡូញ​ជា​ដើម​។ នៅ​ថ្ងៃ​សុក្រនេះ មេដឹកនាំ​អឺរ៉ុប​បាន​ជួប​ប្រជុំ​គ្នា​នៅ​ក្នុង​ប្រទេសអាល់បានី​​។

​តាមសេចក្តីរាយការណ៍​របស់​ CNN ប្រធានាធិបតី​​អ៊ុយក្រែន​បានស្នើ​ឲ្យ​​បស្ចឹម​ប្រទេស​​បង្កើន​ការដាក់​សម្ពាធ​​ខ្លាំងបន្តែមទៀត​ទៅ​លើរុស្ស៊ី។ លោក ហ្សេលេនស្គី ត្រូវ​បានស្រង់សម្តីដូចបាន​និយាយថា៖«​​អ៊ុយក្រែន​ត្រៀម​រួច​រាល់​ដើម្បី​​ចាត់​វិធានការរហ័ស​បំផុត​​តាមដែលអាច​ធ្វើទៅបាន ដើម្បី​​នាំ​មក​នូវ​សន្តិភាព​ពិត​ប្រាកដ​ ហើយ ​វា​សំខាន់​ណាស់​ដែល​​ពិភពលោក​​​មាន​​​ជំហរ​​រឹងមាំ»។ .

​ជំហររបស់​យើង​គឺថា ប្រសិន​បើ​​រុស្ស៊ី​​​ច្រានចោល​​​បទ​ឈប់បាញ់​​​ដែលគ្មាន​លក្ខខណ្ឌ​ និង​ការ​បញ្ចប់​​ការសម្លាប់​ ការ​ដាក់​ទណ្ឌកម្ម​​ដ៏តឹងរឹងត្រូវតែ​ធ្វើ​តាមនោះ។ ​ការ​ដាក់សម្ពាធ​​លើ​រុស្ស៊ីត្រូវតែរក្សា​​រហូតដល់រុស្ស៊ី​ត្រៀម​រួចរាល់​​ដើម្បី​បញ្ចប់សង្គ្រាម​។ សូមអរគុណ​ដល់​អ្នក​ទាំងអស់​គ្នា​ក្នុង​ពិភពលោក​ដែល​កំពុង​តែជួយ​!»។

​សេចក្តីរាយការណ៍​ក្រោយ​មក​ទៀត​របស់​ CNN ក៏បាន​អះអាងថា ​លោក​ ពូទីន និង​លោក​ដូណាល់ ត្រាំ នឹង​​​​ជួប​គ្នា​ដើម្បី​និយាយដោះស្រាយ​​​​បញ្ចប់​សង្គ្រាម​នៅអ៊ុយក្រែន​៕​

ដោយ រ៉ាន់ រើយ​

The post ​រុស្ស៊ី​ទាមទារ​​​​អ៊ុយក្រែន​ដក​ទ័ព​ចេញ​ពីខេត្តទាំង៤​ដែលរុស្ស៊ីកាន់កាប់​ ខណៈ​ហ្សេលេនស្គី​​ឲ្យបស្ចឹមប្រទេស​បន្តជួយ​ appeared first on Kampuchea Thmey Daily.

​​តាមរយៈ​បណ្តាញ​សង្គម​ Telegram របស់ខ្លួន សារព័ត៌មាន RT​ របស់​ប្រទេសរុស្ស៊ី បានរាយការណ៍ថា ​កិច្ច​ប្រជុំ​នោះ​​បាន​បញ្ចប់​​​ទៅ​ត្រឹមរយៈពេលតិច​ជាង​​២ម៉ោង​។​

​ទីភ្នាក់ងារ​ព័ត៌មាន​រ៉យទ័រ ក៏បា​​ន​​រាយការណ៍​ដូច​គ្នា​ដែរថា កិច្ចប្រជុំ​​ក្នុងគ្រាដំបូង​បន្ទាប់​ពីការ​បើក​ផ្លូវ​របស់​ប្រធានាធិបតី​រុស្ស៊ី វ្ល៉ាឌីមៀរ ពូទីន កាល​ថ្ងៃ​ទី​១១ខែឧសភា​នោះ បាន​​​បញ្ចប់​ទៅ​​បន្ទាប់​ពី​ប្រជុំតិច​ជាង​២ម៉ោង។

​សេចក្តីរាយការណ៍​ ដែលត្រូវរាយការណ៍​បន្ត​ដោយ​ Sky News បាន​អះអាង​ថា​ មិន​មាន​ការ​រីកចម្រើ​ន​ថ្មី​ពីការ​ចរចា​​ដ៏​តក់ក្រហល់​នេះ​នោះទេ។

​​សារ​ព័ត៌មាន​ RT របស់​រុស្ស៊ី បាន​ផ្សាយ​​ក្រោយមក​ថា ​ភាគី​​ទាំងពីរ​​យល់​ព្រម​ដោះដូរ​ឈ្លើយសឹក​សង្គ្រាម​ទ្រង់ទ្រាយធំ រហូតដល់​១០០០​នាក់​ក្នុង​ភាគីម្ខាង។ ​ជុំវិញ​បទឈប់បាញ់ ដែលអ៊ុយក្រែន​ស្នើ គឺ​​​រុស្ស៊ី​មិនទាន់​យល់ព្រមទេ ខណៈ​​ភាគី​អ៊ុយក្រែន​ស្នើ​ឲ្យ​មានជំនួប​ប្រមុខរដ្ឋទាំងពីរ​។​

​​ជំនួប​​ទ្វេភាគី​រវាងរុស្ស៊ី​និង​អ៊ុយក្រែន​ ក្រោយ​កិច្ច​សម្រប​សម្រួល​​របស់​ប្រទេស​តួកគី ​គឺ​ជា​កិច្ចប្រជុំ​លើក​ដំបូង​បន្ទាប់​ពីភាគី​ទាំង​​​បាន​​ផ្អាក​ការ​និយាយ​រក​គ្នា​​ជា​ង៣ឆ្នាំ​មុន ចាប់​ពីខែ​មីនា​​២០២២។ លោក ពូទីន បាន​​បង្ហើប​បើក​ផ្លូវចរចា​ជាមួយអ៊ុយក្រែន​ដោយ​គ្មានដាក់​លក្ខខណ្ឌ​មុន (​Preconditions) ​ក្រោយ​បាន​និយាយ​តាមទូរស័ព្ទ​​ជាមួយ​ប្រធានាធិបតី​តួកគី​ កាល​ថ្ងៃទីរ​១១​ខែឧសភា​។

​​ភាគី​អ៊ុយក្រែន​​ស្វាគមន៍​ការ​លើក​ឡើង​របស់​លោក ពូទីន ប៉ុន្តែ​បាន​ទាមទារ​ឲ្យ​លោក​ពូទីន យល់​ព្រម​លើ​បទ​ឈប់បាញ់​៣០ថ្ងៃ​ជាមុនសិន មុន​ការ​ចរចា ហើយ ​ចង់​ឲ្យលោក​ ពូទីន ចូលរួម​ការ​ចរចា​​ដោយផ្ទាល់​​​តែម្តង​។ ទោះបី​ជា​បែបណា លោក ពូទីន មិនបាន​ធ្វើ​អត្ថាធិប្បាយអ្វីប​ន្ថែមទេ​ ក្រោយ​ការ​សើ្ន​​​​នោះ និង​ មិនបានចូលរួម​ផ្ទាល់សម្រាប់​ការចរចា​នៅទីក្រុង អ៊ីស្តង់ប៊ុល​ ជាទីដែលខ្លួនស្នើ​សម្រាប់​កិច្ចប្រជុំនៅថ្ងៃទី​១៥ខែឧសភា​នោះទេ។

​ផ្ទុយទៅវិញ លោក ពូទីន ​បាន​​​បញ្ជូន​ប្រតិភូ​ដែលមាន​ត្រឹម​ជំនួយការរបស់​លោក ទៅចូលរួម​កិច្ច​ចរចាលើក​ដំបូងនេះប៉ុណ្ណោះ ខណៈ​ភាគី​អ៊ុយក្រែន គឺ​ប្រធានាធិបតី​ វ៉ូឡូឌីមៀរ ហ្សេលេនស្គី បាន​ត្រៀម​ខ្លួន​សម្រាប់ជំនួប​កំពូល​ដែល​ខ្លួន​ទទូច​ចង់បាន​​​​បំផុត​នោះ៕​

ដោយ រ៉ាន់ រើយ​

The post ​រុស្ស៊ី-អ៊ុយក្រែន​​​យល់​ព្រម​​ដោះ​ដូរ​ឈ្លើយសឹក​​​ម្ខាង​១០០​០​នាក់​ ​ប៉ុន្តែ​​គ្មាន​លទ្ធផល​បញ្ចប់សង្គ្រាម​ appeared first on Kampuchea Thmey Daily.