ព័ត៌មានអន្ដរជាតិ

រុស្ស៊ីទាមទារអ៊ុយក្រែនដកទ័ពចេញពីខេត្តទាំង៤ដែលរុស្ស៊ីកាន់កាប់ ខណៈហ្សេលេនស្គីឲ្យបស្ចឹមប្រទេសបន្តជួយ

បានផុស

១ year មុន

នៅ

ថ្ងៃសុក្រ ១៦ ឧសភា ២០២៥

ដោយ

សារព័ត៌មានរុស្ស៊ី RT បានរាយការណ៍ថា កិច្ចជំនួបចរចារវាងប្រតិភូរុស្ស៊ីនិងអ៊ុយក្រែននៅប្រទេសតួកគីនៅថ្ងៃសុក្រនេះ ភាគីគណៈប្រតិភូរុស្ស៊ីទាមទារឲ្យអ៊ុយក្រែនដកកងទ័ពចេញពីខេត្តទាំង៤ដែលរុស្ស៊ីកាន់កាប់ បើមិនដូច្នោះទេ រុស្ស៊ីនឹងយករហូតដល់៥ខេត្ត។

ជំនួយការប្រធានាធិបតីរុស្ស៊ី និងជាប្រធានប្រតិភូចរចាភាគីរុស្ស៊ី លោក Vladimir Medinsky។ RT

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការផ្សាយរបស់ CNN នៅមុននេះ បានឲ្យដឹងថា ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី បាននិយាយទូរស័ព្ទភ្លាមៗទៅកាន់ប្រធានាធិបតីសហរដ្ឋអាមេរិក លោក ដូណាល់ ត្រាំ បន្ទាប់ពីគណៈប្រតិភូអ៊ុយក្រែនបញ្ចប់ការចរចាជាមួយប្រតិភូរុស្ស៊ីនៅថ្ងៃសុក្រនេះ ដោយ អ៊ុយក្រែនត្រៀមរួចរាល់ដើម្បីចាត់វិធានការកាន់តែឆាប់តាមដែលអាចធ្វើទៅបានសម្រាប់សន្តិភាព។

ការនិយាយទូរស័ព្ទទៅកាន់លោក ដូណាល់ ត្រាំ ខណៈពេលដែលលោក ហ្សេលេនស្គីនៅជួបជុំជាមួយមេដឹកនាំអឺរ៉ុបសំខាន់ៗផ្សេងទៀត មាន ប្រធានាធិបតិបារាំង នាយករដ្ឋមន្ត្រីអង់គ្លេស អធិការបតីអាល្លឺម៉ង់ និងនាយករដ្ឋមន្ត្រីប៉ូឡូញជាដើម។ នៅថ្ងៃសុក្រនេះ មេដឹកនាំអឺរ៉ុបបានជួបប្រជុំគ្នានៅក្នុងប្រទេសអាល់បានី។

តាមសេចក្តីរាយការណ៍របស់ CNN ប្រធានាធិបតីអ៊ុយក្រែនបានស្នើឲ្យបស្ចឹមប្រទេសបង្កើនការដាក់សម្ពាធខ្លាំងបន្តែមទៀតទៅលើរុស្ស៊ី។ លោក ហ្សេលេនស្គី ត្រូវបានស្រង់សម្តីដូចបាននិយាយថា៖«អ៊ុយក្រែនត្រៀមរួចរាល់ដើម្បីចាត់វិធានការរហ័សបំផុតតាមដែលអាចធ្វើទៅបាន ដើម្បីនាំមកនូវសន្តិភាពពិតប្រាកដ ហើយ វាសំខាន់ណាស់ដែលពិភពលោកមានជំហររឹងមាំ»។ .

ជំហររបស់យើងគឺថា ប្រសិនបើរុស្ស៊ីច្រានចោលបទឈប់បាញ់ដែលគ្មានលក្ខខណ្ឌ និងការបញ្ចប់ការសម្លាប់ ការដាក់ទណ្ឌកម្មដ៏តឹងរឹងត្រូវតែធ្វើតាមនោះ។ ការដាក់សម្ពាធលើរុស្ស៊ីត្រូវតែរក្សារហូតដល់រុស្ស៊ីត្រៀមរួចរាល់ដើម្បីបញ្ចប់សង្គ្រាម។ សូមអរគុណដល់អ្នកទាំងអស់គ្នាក្នុងពិភពលោកដែលកំពុងតែជួយ!»។

សេចក្តីរាយការណ៍ក្រោយមកទៀតរបស់ CNN ក៏បានអះអាងថា លោក ពូទីន និងលោកដូណាល់ ត្រាំ នឹងជួបគ្នាដើម្បីនិយាយដោះស្រាយបញ្ចប់សង្គ្រាមនៅអ៊ុយក្រែន៕

ដោយ រ៉ាន់ រើយ