ព័ត៌មានដ៏រសើបនេះកើតឡើង បន្ទាប់ពីលោក Xabi Alonso ចាកចេញពី Real Madrid ក្រោយដឹកនាំបានរយៈពេលកន្លះរដូវកាល។ បុរសសញ្ជាតិ អេស្ប៉ាញ នៅតែទទួលបានការចាប់អារម្មណ៍ពីក្លិបធំៗនៅតំបន់ អឺរ៉ុប ទោះបីជាលោកមិនជោគជ័យនៅ Real Madrid ក៏ដោយ។ ថ្មីៗនេះ លោកកំពុងមានពាក្យចចាមអារ៉ាមជាច្រើន អំពីទំនាក់ទំនងនឹងអាចទៅដឹកនាំក្រុម Liverpool នៃក្របខណ្ឌលីគកំពូល អង់គ្លេស។

លោក Xabi Alonso មិនទាន់មានព័ត៌មានច្បាស់លាស់ អំពីក្លិបថ្មីនៅឡើយទេ ប៉ុន្តែបើតាមសារព័ត៌មាន អេស្ប៉ាញ Marca បានអះអាង ថា អតីតគ្រូបង្វឹកក្រុម Bayer Leverkusen រូបនេះ មានគម្រោងសម្រាកពីការងារគ្រូបង្វឹកមួយរយៈខ្លីសិន រហូតទាល់តែ Liverpool ទាក់ទងមកលោក។ ប្រភពដដែលបានបន្ថែម ថា លោក Xabi អាចនឹងទៅ Anfield ឆាប់ៗ ដោយសារគ្រូបង្វឹកបច្ចុប្បន្ន លោក Arne Slot កំពុងរងសម្ពាធខ្លាំង ទោះបីជា Liverpool មានស្ថិតិមិនចាញ់ ១២ ប្រកួតជាប់គ្នាក៏ដោយ ប៉ុន្តែពួកគេបានស្មើរហូតដល់ទៅ ៦ ប្រកួត។

រដូវកាលមុនលោក Slot បានជួយឱ្យ Liverpool លើកពាន Premier League ប៉ុន្តែរដូវកាលនេះ ក្រុមចាប់ផ្តើមហាក់ពុំសូវបានល្អប៉ុន្មានឡើយ។ បច្ចុប្បន្នមានកត្តា ៤ ដែលធ្វើឱ្យកៅអីបុរសសញ្ជាតិ ហូល្លង់ រូបនេះឡើងកម្តៅ រួមមាន ការលេងមិនទាក់ទាញ បើទោះបីជាលទ្ធផលមិនអាក្រក់។ ការមិនពេញចិត្តពីអ្នកគាំទ្រ ជាពិសេស បន្ទាប់ពីស្មើ Burnley ១-១។ ក្រុមមិនអាចយកឈ្នះក្រុមដែលទើបឡើងមកថ្មីៗ។ ចុងក្រោយ គឺជម្លោះសាធារណៈរវាង Slot និងខ្សែប្រយុទ្ធ Mohamed Salah៕

ប្រែសម្រួល៖ សេម កុសល
ប្រភព៖ Mirror

The post លោក Xabi Alonso បើកចិត្តចង់ទៅដឹកនាំក្លិបធំមួយនៅ Premier League appeared first on Kampuchea Thmey Daily.

នាយប់រំលងអាធ្រាត្រឈានចូលថ្ងៃទី ១៣ ខែ មករា ឆ្នាំ ២០២៦ (ម៉ោងនៅកម្ពុជា) ក្លិប Real Madrid បានប្រកាសចែកផ្លូវគ្នាជាមួយលោក Xabi Alonso ហើយ បន្ទាប់ពីការប្រកួតចុងក្រោយ លោកដឹកនាំក្រុមចាញ់ក្រុម Barcelona ក្នុងការប្រកួតវគ្គផ្តាច់ព្រ័ត្រពាន Spanish Super Cup ក្នុងលទ្ធផល ៣ ទល់នឹង ២។

ភ្លាម​ៗ​នេះ ក្លិប Real Madrid បានប្រកាសតែងតាំងលោក Álvaro Arbeloa មកធ្វើជាគ្រូបង្វឹកថ្មី ដោយ​​មាន​សុពលភាព ដើម្បីដឹកនាំក្រុមរហូតដល់បញ្ចប់រដូវកាល។ បុរសសញ្ជាតិ អេស្ប៉ាញ ៤២ ឆ្នាំរូបនេះ គឺជាអតីតកីឡាកររបស់ Real Madrid ផ្ទាល់តែម្តង។

មុនទទួលបានសេចក្តីទុកចិត្តពីថ្នាក់លើ Real Madrid លោក Álvaro Arbeloa ធ្លាប់មានបទពិសោធដឹកនាំក្រុមយុវជន Real Madrid រយៈពេល ៥ ឆ្នាំ ២០២០ ដល់ខែ មករា ឆ្នាំ ២០២៦៕

អត្ថបទ៖ សេម កុសល

The post Real Madrid តែងតាំងអតីតកីឡាករខ្លួនម្នាក់ ​ជាគ្រូថ្មីភ្លាមៗ ក្រោយបញ្ចប់តំណែងលោក Xabi appeared first on Kampuchea Thmey Daily.

Rodrygo ត្រូវបានក្លិប Real Madrid ចុះកិច្ចសន្យាយកបានពី Santos នៅឆ្នាំ ២០១៩ ក្នុងតម្លៃ ៥១ លានដុល្លារអាមេរិក។ អំឡុងពេលស្ថិតក្រោមការដឹកនាំរបស់លោក Zinedine Zidane និងលោក Carlo Ancelotti ខ្សែប្រយុទ្ធសញ្ជាតិ ប្រេស៊ីល រូបនេះ បានក្លាយជាកីឡាករដ៏សំខាន់ និងបង្ហាញខ្លួនស្ទើរគ្រប់ការប្រកួត ប៉ុន្តែចាប់ពីលោក Xabi Alonso ចូលដឹកនាំនៅរដូវកាល ២០២៥-២០២៦ នេះ Rodrygo មិនសូវបានបង្ហាញខ្លួនជាប់លាប់នោះទេ។

កន្លងមក Arsenal, Chelsea និង Liverpool ត្រូវបានគេអះអាងថា មានបំណងចង់បាន Rodrygo។ ប៉ុន្តែ Liverpool ពេលនោះចាប់អារម្មណ៍លើ Florian Wirtz ជាង ហើយចុងក្រោយពួកគេ បានទិញយកខ្សែប្រយុទ្ធសញ្ជាតិ អាល្លឺម៉ង់ វ័យ ក្នុងតម្លៃ ១៥២.៦៨ លានដុល្លារអាមេរិក។

ងាកមកកាន់ Real Madrid វិញ ក៏ធ្លាប់ចង់ទិញ Wirtz ដែរ ប៉ុន្តែពួកគេមិនហ៊ានចាយលុយក្នុងតម្លៃខ្ពស់តាមដែល Bayer Leverkusen ត្រូវការ។ បច្ចុប្បន្ន ខណៈពេល Wirtz កំពុងប្រឈមភាពលំបាកសម្រាប់ការសម្របខ្លួននៅ Premier League ស្រាប់តែក្លិប Real Madrid មានបំណងចង់ដាក់ Rodrygo ជាលក្ខខណ្ឌដើម្បីប្តូរយក Wirtz មកវិញ។

របាយការណ៍បាននិយាយថា Xabi Alonso គឺពេញចិត្តខ្លាំង ប្រសិនបើបាន Wirtz មកចូលរួមជាមួយក្រុម។ ទោះបីយ៉ាងណា ការផ្លាស់ប្តូរនេះ នឹងក្លាយជារឿងលំបាក ព្រោះ Liverpool ឥឡូវនេះ មិនមានបំណងចង់បញ្ចេញខ្សែប្រយុទ្ធសញ្ជាតិ អាល្លឺម៉ង់ វ័យ ២២ ឆ្នាំ នៅពេលឆាប់ៗនេះនោះទេ៕

ប្រែសម្រួល៖ សេម កុសល
ប្រភព៖ Sportbible

The post លោក Xabi Alonso ពិចារណាដាក់ខ្សែប្រយុទ្ធខ្លួនម្នាក់ ប្តូរយក Wirtz ពី Liverpool មកវិញ appeared first on Kampuchea Thmey Daily.

លោក Xabi បានធ្វើការប្រៀបធៀបបែបនេះ បន្ទាប់ពី Valverde បំពេញតួនាទីរបស់ខ្លួនបានយ៉ាងល្អ ក្នុងនាមជាខ្សែបម្រើ និងបានរួមចំណែកស៊ុតបញ្ចូលទីមួយគ្រាប់ជួយឱ្យ Real Madrid យកឈ្នះលើក្រុមមកពី ម៉ិកស៊ិក Pachuca ក្នុងលទ្ធផល ៣-១ នៅក្នុងការប្រកួតពូល H នៃពានរង្វាន់ FIFA Club World Cup កាលពីយប់មិញ ត្រូវនឹងយប់រំលងអាធ្រាត្រឈានចូលថ្ងៃ ចន្ទ ទី ២៣ ខែ មិថុនា។

ថ្លែងក្រោយការប្រកួត គ្រូបង្វឹក Real Madrid សញ្ជាតិ អេស្ប៉ាញ វ័យ ៤៣ ឆ្នាំបានមានប្រសាសន៍លើកសរសើរពីខ្សែបម្រើសញ្ជាតិ អ៊ុយរូហ្គាយថា៖ «Fede Valverde គឺជា Steven Gerrard។ គ្រប់គ្រូបង្វឹក គឺចង់បាន Fede ទៅក្នុងក្រុមរបស់គាត់។ គាត់គឺពិតជាមិនគួរឱ្យជឿ»។

គួរឱ្យដឹងថា បន្ទាប់ពីទទួលជ័យជម្នះលើក្រុម Pachuca យប់មិញ Real Madrid បច្ចុប្បន្នបានហក់ឡើងមកឈរកំពូលតារាងនៃពូល H វិញហើយ ដោយឆ្លងកាត់ ២ ប្រកួត ពួកគេឈ្នះ ១ និងស្មើ ១ មាន ៤ ពិន្ទុក្នុងដៃ ស្មើគ្នាជាមួយក្រុមឈរលេខ ២ RB Salzburg៕

ប្រែសម្រួល៖ សេម កុសល
ប្រភព៖ Fabrizio Romano

The post លោក Xabi ចាត់ទុកកូនក្រុមខ្លួនម្នាក់ ជា Steven Gerrard បន្ទាប់ពីឈ្នះ Pachuca យប់មិញ appeared first on Kampuchea Thmey Daily.

គ្រប់យ៉ាងគឺបានចេញជាផ្លូវការហើយ ដោយកាលពីថ្ងៃ ចន្ទ ទី ១២ ខែ ឧសភា ម្សិលមិញ សហព័ន្ធបាល់ទាត់ប្រេស៊ីល បានប្រកាសអំពីការយកបានលោក Ancelotti មកដឹកនាំពួកគេ។ ជាមួយគ្នានេះយោងតាមការចុះផ្សាយដោយអ្នកកាសែត អ៊ីតាលី លោក Fabrizio Romano បានឱ្យដឹងថា បុរសសញ្ជាតិ អ៉ីតាលី វ័យ ៦៥ ឆ្នាំនឹងចាប់ផ្តើមដឹកនាំក្រុមរហស្សនាមសាំបាចាប់ពីថ្ងៃទី ២៦ ខែ ឧសភា តទៅ ហើយលោកនឹងទទួលបានថ្លៃនឿយហត់ចំនួន ១១ លានដុល្លារអាមេរិក បូកជាមួយប្រាក់លើកទឹកចិត្តផ្សេងៗទៀតចំនួន ៥.៥ លានដុល្លារអាមេរិកក្នុងមួយឆ្នាំ។

ដកស្រង់ចេញពីប្រភពដដែលបានឱ្យដឹងថា Real Madrid បានឈានដល់កិច្ចព្រមព្រៀងចុះកុងត្រាយកលោក​ Xabi Alonso ហើយ។ បុរសសញ្ជាតិ អេស្ប៉ាញ វ័យ ៤៣ ឆ្នាំរូបនេះនឹងចាប់ផ្តើមដឹកនាំក្រុមអធិរាជសចាប់ពីការប្រកួតពានរង្វាន់ Club World Cup តទៅ ដោយកិច្ចសន្យារបស់លោកមានសុពលភាពរយៈពេល ៣ រដូវកាល ពោលគឺពីរដូវកាល ២០២៥-២០២៦ ដល់ខែ មិថុនា ឆ្នាំ ២០២៨៕

ប្រែសម្រួល៖ សេម កុសល
ប្រភព៖ Fabrizio Romano

The post ផ្លូវការ! Real Madrid បានបញ្ចប់តំណែងលោក Ancelotti ហើយ ខណៈXabi Alonso មកជំនួស appeared first on Kampuchea Thmey Daily.

លោក Alonso ត្រូវបានគេចាត់ទុកជាអ្នកចាត់ការដ៏ជោគជ័យមួយរូបនៅ Bayer Leverkusen ដោយលោកបានមកដឹកនាំក្លិបនេះកាលពីរដូវកាលក្តៅឆ្នាំ ២០២២។ ខណៈកាលពីរដូវកាលមុន លោកបានជួយឱ្យក្លិបរបស់ អឺល្លឺម៉ង់ មួយនេះឈ្នះពាន Bundesliga ជាលើកដំបូងក្នុងប្រវត្តិសាស្ត្រក្លិប និងបានជួយឱ្យពួកគេឈ្នះពាន DFB-Pokal ផងដែរ។

បុរសសញ្ជាតិ អេស្ប៉ាញ វ័យ ៤៣ ឆ្នាំរូបនេះ ត្រូវបានគេអះអាងថា នឹងក្លាយជាអ្នកជំនួសកន្លែងលោក Carlo Ancelotti នៅ Real Madrid ក្នុងរដូវក្តៅនេះ។ គ្រប់យ៉ាងត្រូវបានគេរំពឹងទុកកាន់តែខ្លាំង បន្ទាប់ពីលោកប្រាប់អ្នកសារព័ត៌មានកាលពីថ្មីៗនេះថា លោកនឹងចាកចេញពី Bayer Leverkusen ឆាប់ៗ។

ប្រែសម្រួល៖ សេម កុសល
ប្រភព៖ GOAL

The post ក្តៅៗ! លោក Xabi Alonso បានប្រកាសជាផ្លូវការនឹងចាកចេញពី Bayer Leverkusen ឆាប់ៗ appeared first on Kampuchea Thmey Daily.

លោក Alonso បច្ចុប្បន្នកំពុងដឹកនាំក្រុមការពារតំណែងជើង​ឯកលីគអាល្លឺម៉ង់ Bayer Leverkusen ប៉ុន្តែថ្មីៗនេះមានរបាយការណ៍ថា បុរសសញ្ជាតិ អេស្ប៉ាញ វ័យ ៤៣ ឆ្នាំនឹងក្លាយជាអ្នកចាត់ការបន្ទាប់របស់ Real Madrid ប្រសិនបើលោក Carlo Ancelotti ចាកចេញ។

យោងតាមការចុះផ្សាយដោយសារព័ត៌មាន Mundo Deportivo បានឱ្យដឹងថា លោក Xabi Alonso គឺពេញចិត្តចង់បានខ្សែការពារសញ្ជាតិ អាល្លឺម៉ង់ Jonathan Tah មកតាមខ្លួន​នៅ​ Real Madrid នៅពេលលោកទទួលបានតំណែងនៅទីនេះជាផ្លូវការ។

Jonathan Tah នឹងអស់សុពលភាពកិច្ចសន្យាជាមួយ Bayer Leverkusen នៅចុងបញ្ចប់រដូវកាលនេះ ដូច្នេះរូបគេនឹងនឹងក្លាយជាកីឡាករគ្មានតម្លៃខ្លួននៅរដូវកាលក្តៅនេះ។ យ៉ាងណា Jonathan Tah ក៏មានរបាយការណ៍ផងដែរ ថារូបគេបានព្រមព្រៀងលក្ខខណ្ឌផ្ទាល់មាត់រួចហើយ ក្នុងការទៅចូលរួមជាមួយ Barcelona ដែលជាគូប្រជែងរបស់ Real Madrid៕

ប្រែសម្រួល៖ សេម កុសល
ប្រភព៖ Sportskeeda

The post Xabi Alonso ចង់បានកូនក្រុមនៅ Bayer Leverkusen ម្នាក់តាមខ្លួនមក Real Madrid appeared first on Kampuchea Thmey Daily.

ជារឿងដ៏គួរឲ្យភ្ញាក់ក្នុងរដូវកាលនេះ សម្រាប់អ្នកគាំទ្រ​ក្នុងប្រទេសអាល្លឺម៉ង់ និងទូទាំង​ពិភពលោក គឺ​ក្រុមខ្លាំង Bayern Munich ជិត​អស់​​ឱកាស​ប្រជែងជើង​ឯក​ Bundesliga ក្នុងរដូវកាលនេះ និង​​អាច​ជា​ការ​អ​ត់​ឈ្នះ​ជើង​ឯក​លីគ​ជា​លើក​ដំបូង​​រយៈពេល១១​រដូវ​កាល​ចុង​ក្រោយ​ ពី​ឆ្នាំ២០១២-២០១៣ ដល់​២០២២​-​២០២៣។ អ្វីៗ​នឹង​ត្រូវបានបញ្ចប់ក្នុងរដូវកាលនេះ បន្ទាប់ពីក្រុម Bayer Leverkusen ដឹកនាំដោយលោក Xabi Alonso ត្រូវ​ការ​ត្រឹម​តែ​២​ពិន្ទុ​ទៀត​​​ នឹងក្លាយជា​ជើងឯកលីគកំពូលអាល្លឺម៉ង់​ ខណៈការប្រកួតនៅសល់​៦​លើក​ទៀត។

ក្រុម Bayer Leverkusen ត្រូវការឈ្នះតែ១ប្រកូតទៀត ដើម្បីក្លាយជា​ជើង​ឯក​លីគកំពូលអាល្លឺម៉ង់។ បច្ចុប្បន្នគិតត្រឹមសប្ដាហ៍ទី២៨ ពួកគេមាន៧៦ពិន្ទុ ហើយ​ក្រុម​លេខ​២ Bayern Munich មាន​៦០ពិន្ទុ ទោះ​ឈ្នះ​ទាំង​៦​ប្រកួត​ដែល​នៅ​សល់​ក៏​មិន​អាច​ប្រជែង​នឹង Bayer Leverkusen បាន​ឡើយ។

ក្រុម Bayer Leverkusen កំពុងឆ្ពោះទៅ​បំបែកកំណត់ត្រាជាក្រុមមិនទាន់ចាញ់សោះ ក្រោយការប្រកួត២៨លើក ឈ្នះ២៤ ស្មើ៤ ដូច្នេះ​ចាំមើល៦ប្រកួត​នៅ​សល់ ថា​តើ​​លោក Xabi Alonso អាចបំបែកកំណត់ត្រាជាក្រុមឈ្នះជើងឯកលីគកំពូលអាល្លឺម៉ង់​មិនស្គាល់បរាជ័យសោះក្នុង១រដូវកាល៕

អត្ថបទ៖ ផា រតនា

The post មិនទាន់ចាញ់សោះ Leverkusen ត្រូវការ២ពិន្ទុទៀត នឹងឈ្នះជើងឯកលីគអាល្លឺម៉ង់លើកដំបូង appeared first on Kampuchea Thmey Daily.