បច្ចេកវិទ្យា
ក្រុម See You Soon នឹងតំណាងកម្ពុជាក្នុងការប្រកួតពិភពលោក M3 World Championship ដោយមានការគាំទ្រពីក្រុមហ៊ុន Smart Axiata
ជើងឯកកីឡាអេឡិចត្រូនិកក្នុងកម្មវិធីប្រកួត MPL Cambodia រដូវកាលទី១ ក្រុម ‘See You Soon’ នឹងតំណាងឱ្យព្រះរាជាណាចក្រកម្ពុជា ក្នុងព្រឹត្តិការណ៍ប្រកួតជើងឯកពិភពលោក M3 World Championship វគ្គបី ដែលជាការប្រកួតហ្គេម Mobile Legends: Bang Bang World Championship ដែលត្រូវបានរំពឹងទុកយ៉ាងខ្លាំងនៅប្រទេសសិង្ហបុរី ហើយដោយមានការគាំទ្រពីក្រុមហ៊ុន Smart Axiata ដែលបានវិនិយោគយ៉ាងសន្ធឹកក្នុងការអភិវឌ្ឍន៍អ្នកមានទេពកោសល្យក្នុងវិស័យកីឡាអេឡិចត្រូនិកនៅកម្ពុជា។
សមាជិកក្រុមចូលរួមចំនួន ១៦ ក្រុមមកពី ១២ ប្រទេសក្នុងទ្វីប អាស៊ី អឺរ៉ុប និងអាមេរិក នឹងប្រជែងគ្នា ដើម្បីដណ្តើមយកទឹកប្រាក់រង្វាន់ចំនួន ៨០០,០០០ ដុល្លារ។ ការប្រកួតបានចាប់ផ្តើមពីថ្ងៃទី ០៦ ដល់ថ្ងៃទី ១៩ ខែធ្នូ។ អ្នកគាំទ្រកីឡាអេឡិចត្រូនិកកម្ពុជាអាចមើលការផ្សាយផ្ទាល់នៃការប្រកួតនេះ នៅលើហ្វេសប៊ុក Leng by Smart។
ប្រធានក្រុម See You Soon សំ សុផានី (ឈ្មោះហៅក្រៅ Paragon) បាននិយាយ “ខ្ញុំមានគម្រោងបង្កើតបរិយាកាសឲ្យកាន់តែជិតស្និតដូចជាក្រុមគ្រួសារ ដោយជំរុញឲ្យប្រសើរឡើងការខិតខំប្រឹងប្រែងផ្នត់គំនិត ការតាំងចិត្ត ការតស៊ូ និងភាពក្លាហាន។ ជ័យជំនះពី M3 World Championship នឹងមានសារៈសំខាន់ខ្លាំងណាស់សម្រាប់ពួកយើង ក៏ដូចជាសម្រាប់អ្នកចូលចិត្តហ្គេម Mobile Legends នៅកម្ពុជាផងដែរ។ វាពិតជាអស្ចារ្យណាស់ដែលយើងទទួលបានឱកាសតំណាងឱ្យប្រទេសកម្ពុជានៅលើឆាកអន្តរជាតិ ជាពិសេសជាមួយនឹងការគាំទ្រពេញទំហឹងពីក្រុមហ៊ុន Smart Axiata ក្នុងការសម្រេចបាននូវឱកាសនេះសម្រាប់ពួកយើង”។
ក្នុងអំឡុងពេលយុទ្ធនាការដណ្តើមពានក្នុងឆ្នាំនេះ ក្នុងការប្រកួត MPL Cambodia រដូវកាលទី១ ក្រុម See You Soon បានបង្ហាញឱ្យឃើញពីភាពស៊ីសង្វាក់គ្នាក្នុងការប្រកួតប្រជែង ដោយយកឈ្នះក្រុម DG Quantum 3 ទល់នឹង 2 ក្នុងការប្រកួតវគ្គចុងក្រោយ។
ដោយមានការគាំទ្រពីក្រុមហ៊ុន Smart ក៏ដូចជាភាពជាដៃគូជាមួយក្រុមហ៊ុន Moonton Games ដែលជាក្រុមហ៊ុនដែលបង្កើតហ្គេម Mobile Legends: Bang Bang ការប្រកួត MPL Cambodia ត្រូវបានចាប់ផ្ដើមប្រកួតកាលពីខែសីហា ឆ្នាំ ២០២១។ ការប្រកួតកីឡាអេឡិចត្រូនិកបានបញ្ចប់ដោយក្រុម See You Soon ទទួលបានជយលាភី ហើយជាលទ្ធផលក្រុមនេះ ក៏បានទៅចូលរួមការប្រកួតពិភពលោក M3 World Championship នៅប្រទេសសិង្ហបុរី។
ការប្រកួត MPL Cambodia រដូវកាលទី ២ នឹងត្រឡប់មកវិញនៅឆ្នាំក្រោយ ហើយនឹងកាន់តែរំភើប ដើម្បីផ្តល់នូវភាពសប្បាយរីករាយ និងការកម្សាន្តនៃកីឡាអេឡិចត្រូនិកកាន់តែច្រើន។
លោក Feiruz Ikhwan នាយកប្រតិបត្តិស្តីទីក្រុមហ៊ុន Smart Axiata មានប្រសាសន៍ថា “ការកើនឡើងនៃកីឡាអេឡិចត្រូនិក និងការចូលរួមរបស់ក្រុមកម្ពុជាក្នុងការប្រកួតជាលក្ខណៈអន្តរជាតិជួយបង្កើនទំនាក់ទំនង ភាពជាអ្នកដឹកនាំ ការងារជាក្រុម និងជំនាញផ្នែកឌីជីថលរបស់យុវជនកម្ពុជា និងរួមចំណែកយ៉ាងច្រើននៃការអភិវឌ្ឍន៍ក្នុងវិស័យនេះនៅកម្ពុជា។ យើងមានមោទនភាព ដែលបានជួយក្រុមកម្ពុជាឱ្យទទួលបានបទពិសោធន៍លើឆាកអន្តរជាតិ ដោយក្នុងនាមជាអ្នកឧបត្ថម្ភក្នុងស្រុកផ្លូវការក្នុងការប្រកួតជើងឯកពិភពលោក M3”។
ការប្រកួត MPL Cambodia រដូវកាលទី ១ ទទួលបានការចូលមើលរាប់លានដងលើអ៊ីនធើណេត នៅពេលចាប់ផ្តើមដំបូងកាលពី ខែសីហា ឆ្នាំ ២០២១។ ចំនួនអ្នកចូលមើលលីក MPL Cambodia ច្រើនបំផុតរហូតដល់ទៅ ៦២ ម៉ឺននាក់ ក្នុងពេលមួយនោះ។
ក្នុងនាមជាប្រតិបត្តិករសេវាទូរគមនាគមន៍ឈានមុខគេរបស់កម្ពុជា ក្រុមហ៊ុន Smart បានប្តេជ្ញាក្នុងការផ្តល់សេវាប្រព័ន្ធអ៊ីនធើណេតកាន់តែលឿន និងទិន្នន័យកាន់តែច្រើន។ ក្រុមហ៊ុនក៏បានឈានមុខគេក្នុងការអភិវឌ្ឍវិស័យហ្គេម និងកីឡាអេឡិចត្រូនិកផងដែរ។
នៅមុនព្រឹត្តិការណ៍កីឡាអាស៊ីអាគ្នេយ៍ ឆ្នាំ២០២៣ ដែលកម្ពុជានឹងធ្វើជាម្ចាស់ផ្ទះ ក្រុមហ៊ុន Smart បានដើរតួនាទីយ៉ាងសំខាន់ក្នុងការជួយអ្នកចូលចិត្តហ្គេមអេឡិចត្រូនិកនៅកម្ពុជាក្នុងការរៀបចំការប្រកួតនានា ក្នុងតំបន់ លើបណ្តាញដ៏រឹងមាំ និងគួរឱ្យទុកចិត្តរបស់ខ្លួន។
សម្រាប់ព័ត៌មានបន្ថែមអំពីការផ្ដល់ជូន និងព្រឹត្ដិការណ៍នានានៃកីឡាអេឡិចត្រូនិករបស់ក្រុមហ៊ុន Smart សូមចូលទៅកាន់ហ្វេសប៊ុករបស់ Leng by Smart ឬទៅកាន់ www.smart.com.kh៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង