កម្ពុជានឹងធ្វើជាម្ចាស់ផ្ទះនៃកម្មវិធីប្រកួត Miss Planet International លើកទី៥ ក្នុងឆ្នាំ២០២៦

នៅឆ្នាំ២០២៦ ខាងនេះ កម្ពុជានឹងក្លាយជាម្ចាស់ផ្ទះក្នុងការរៀបចំការប្រកួតសម្រស់បវរកញ្ញាភពផែនដីអន្តរជាតិ Miss Planet International ជាលើកទី៥ ក្នុងឆ្នាំ២០២៦ ខាងឆាប់ៗនេះ។

បើគិតត្រឹមឆ្នាំ២០២៤ កន្លងទៅ កម្ពុជាបានក្លាយជាម្ចាស់ផ្ទះក្នុងការរៀបចំកម្មវិធីប្រកួតសម្រស់Miss Planet International គឺមានរយ:ពេល ៤ឆ្នាំមកហើយ ពោលបើគិតចាប់តាំងពីឆ្នាំ២០១៩ មកនោះ ខណ:កម្មវិធីប្រកួតបវរកញ្ញាខាងលើកមុន ក៏ទទួលបានការគាំទ្រពីមហាជននិងអ្នកនិយមតាមដានវិស័យនេះផងដែរ។

កម្មវិធី Miss Planet International គឺជាកម្មវិធីប្រកួតបវរកញ្ញាដែលបង្កើតឡើងដោយកូនខ្មែរហើយ នៅក្នុងការធ្វើជាម្ចាស់ផ្ទះជាលើកទី៥នេះ គឺបវរកញ្ញាដែលនឹងតំណាងឱ្យកម្ពុជា នឹងចូលរួមប្រកួតនោះ ជាស្រីស្អាតកូនខ្មែរកាត់អាមេរិក ស៊ីដនី ម៉ារិទ្ធ Miss Planet Cambodia 2025 ។

សូមបញ្ជាក់ថា ជាថ្មីម្តងទៀត នៅឆ្នាំ២០២៦ ខាងមុខនេះកម្ពុជាបានក្លាយទៅជាម្ចាស់ផ្ទះ នៃការប្រកួត Miss Planet Cambodia ដោយការប្រកួតផ្តាច់ព្រ័ត្រនឹងរៀបចំឡើងនៅថ្ងៃទី១៥ ខែមីនាឆ្នាំ២០២៦។ ក្នុងនោះដែរ បវរកញ្ញាដែលមកពីបណ្តាប្រទេសនានានឹងធ្វើដំណើរមកកាន់កម្ពុជា នៅថ្ងៃទី០៥-០៦ខែមីនា ឆ្នាំ២០២៦។

ជាការពិត បវរកញ្ញាភពផែនដីអន្តរជាតិ គឺជា​កម្មវិធី​ប្រកួត​សម្រស់​អន្តរជាតិ​ប្រចាំ​ឆ្នាំ​ ដែល​រៀបចំ​ដោយស្ថាប័នបវរកញ្ញាភពផែនដីអន្តរជាតិ ដែលមាន​ទីស្នាក់ការ​នៅព្រះរាជាណាចក្រកម្ពុជា។ MPI គឺជាស្ថាប័នមួយដែលផ្តោតលើការលើកកម្ពស់គោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ៕ ដោយ ៖ ចាន់រ៉ា