កីឡា

លឹម ចិត្រា បានបញ្ជាក់ថារបួសកជើងមិនអីនោះទេចាប់ផ្ដើមចូលហ្វឹកហាត់វិញបណ្ដើរៗហើយ

បានផុស

៤ ខែ មុន

នៅ

ថ្ងៃព្រហស្បតិ៍ ៥ កុម្ភៈ ២០២៦

ដោយ

កីឡាករវ័យរបស់ក្លឹបបាល់ទះវិសាខា លឹម ចិត្រា បានបញ្ជាក់ពីរបួសកជើងរបស់ខ្លួនថាមិនអីនោះទេ ពោលចាប់ផ្ដើមចូលហ្វឹកហាត់វិញបណ្ដើរៗហើយ និងត្រៀមខ្លួនចូលជួយក្រុមក្នុងការប្រកួតពានរង្វាន់សម្ដចេ ក្រឡាហោម ស ខេង លើកទី៤ ឆ្នាំ២០២៦ នេះ។

កីឡាករ លឹម ចិត្រា

លឹម ចិត្រា បានលើកឡើងថា របួសកជើងអំឡុងការប្រកួតមិត្តភាពជាមួយក្រុមស្នងការខេត្តស្វាយរៀងកន្លងទៅនេះគឺមិនអីនោះទេ ពោលឥលូវនេះចាប់ផ្ដើមចូលហ្វឹកហាត់វិញបណ្ដើរៗហើយ។ រូបគេអាចចូលលេងវិញបានហើយ ប៉ុន្តែមិនទាន់ជារបួស ១០០% ដូចមុននៅឡើយទេ។

ស្មាត់វ័យក្មេងរបស់វិសាខារូបនេះបន្ថែមទៀតថា ក្រោយសម្រាករយៈពេលប៉ុន្មានថ្ងៃមកនេះបានធ្វើឲ្យរបួសកជើងរបស់ខ្លួនប្រសើរឡើងវិញជាបណ្ដើរផងដែរ។ រូបគេសង្ឃឹមថានឹងអាចជួយក្រុមរបស់ខ្លួនបានទាន់ពេលក្នុងការប្រកួតពានរង្វាន់សម្ដេចក្រឡាហោម ឆាប់ៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពប្រកួតមិត្តភាព

បញ្ជាក់ដែរថា កីឡាករ លឹម ចិត្រា ជាស្មាត់វ័យក្មេងរបស់ក្លឹបបាល់ទះវិសាខា។ រូបគេមានរបួសកជើងកាលពីថ្ងៃទី៣០ ខែមករា ឆ្នាំ២០២៦ ក្នុងជំនួបមិត្តភាពកម្ដៅសាច់ដុំជាមួយក្រុមបាល់ទះស្នងការខេត្តស្វាយរៀង។ វិសាខា ក៏ដូចជាក្រុមធំៗនឹងត្រូវចូលរួមប្រកួតប្រជែងពានរង្វាន់សម្ដេចក្រឡាហោម លើកទី៤ ចាប់ពីថ្ងៃទី៧ ខែកុម្ភៈ ឆ្នាំ២០២៦ តទៅ៕