កីឡា

តើការចេញសេវាបានលឿនធ្ងន់ល្អនឹងជួយអ្វីខ្លះចំពោះការប្រកួតបាល់ទះ…

បានផុស

២ ខែ មុន

នៅ

ថ្ងៃសុក្រ ២២ ឧសភា ២០២៦

ដោយ

ការប្រកួតកីឡាបាល់ទះផ្លូវការចំពោះការលោតវាយសេវាជាចំណុចចាប់ផ្ដើម នៃការលេងមួយដ៏មានសារសំខាន់ និងចាំបាច់ក្នុងដំណើរការប្រកួត និងជាការរួមចំណែកមួយនឹងជួយឲ្យក្រុមទទួលបានពិន្ទុ ឬឈ្នះការប្រកួតផ្សេងៗនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ Jalen Penrose

នេះបើតាមលោក អ៊ូ សុផល គ្រូបង្វឹករបស់សមាគមបាល់ទះក្រសួងមហាផ្ទៃ ថាការលោតសេវាគឺមានសារសំខាន់ខ្លាំងក្នុងការចាប់ផ្ដើមប្រកួត។ ប្រសិនបើក្រុមមួយមានសេវាវាយចេញល្អមានទម្ងន់ធ្ងន់ និងលឿននោះគឺនឹងធ្វើឲ្យក្រុមដែលជាដៃគូពិបាកក្នុងការទទួលបាល់។ ការទទួលសេវាមិនសូវបានល្អរបស់ដៃគូនេះហើយជាផលចំណេញ និងមានភាគរយខ្ពស់រហូតដល់ទៅ ៨០% ឯណោះក្នុងការលោតធ្វើរនាំងបានពិន្ទុ។

កីឡាករ Jalen Penrose

ដូច្នេះប្រសិនបើក្រុមមួយមិនមានសេវាល្អនោះទេគឺពិបាកក្នុងការប្រកួតយកជ័យជម្នះបន្តិចពីដៃគូប្រកួត។ ព្រោះកាលណាវាយសេវាស្រួលៗ ឬស្រាលនោះវាធ្វើឲ្យដៃគូមានភាពងាយស្រួលក្នុងការទទួលបាល និងប៉ះបានល្អទៅដល់គ្រប់តួនាទីស្មាត់។

ចំណែកគ្រូៗជើងចាស់ក្នុងវិស័យបាល់ទះផ្សេងៗទៀតក៏ធ្លាប់លើកឡើងស្រដៀងលោក អ៊ូ សុផល ដូចគ្នា។ ការណាក្រុមមួយមានសេវាល្អភាគរយៈនៃការឈ្នះក៏ច្រើនដូចគ្នា។ ពោលនៅពេលកីឡាករលោតវាយសេវាបានល្អគឺធ្វើឲ្យដៃគូពិបាកក្នុងការទទួលបាល់ ឬពិបាកបញ្ជូនបាល់ទៅដល់អ្នកប៉ះសេ។ កាលណាអ្នកប៉ះសេរត់ទៅកែបាល់ហើយនោះគឺពិតជាពិបាកក្នុងការបោះឲ្យបានល្អទៅស្មាត់ដើម្បីម៉ាត់ផ្ដាច់ដូចគ្នា។

កីឡាករឥណ្ឌូណេស៊ី LUVI FN

និយាយពីការប្រកួតតេជោលីគ រដូវកាលទី៣ ចំនួន ៤ប្រកួតកន្លងទៅនេះគេមើលឃើញថាមានកីឡាករដែលលោតសេវាបានល្អ លឿន មានទម្ងន់ និងរកបានច្រើនគ្រាប់នោះរួមមានដូចជាកីឡាករឥណ្ឌូណេស៊ី LUVI FN កីឡាករ ស៊ុយ ខន របស់បញ្ជាការដ្ឋានអង្គរក្ស កីឡាករ ធី ម៉េងហួង របស់ក្រសួងមហាផ្ទៃ កីឡាករ លឹម ចិត្រា របស់វិសាខា កីឡាករ Jalen Penrose របស់ស្នងការ ន.ប ខេត្តស្វាយរៀង និងកីឡាករ ចាន់ វាសា របស់ស្នងការរាជធានីភ្នំពេញជាដើម៕