សុទ្ធិ លឹមថងគុល ដួលបោកក្បាល រយះ ដេរ ២០ថ្នេរ

ជនជ្រុលនិយមថៃនិងជាអ្នកចូលចិត្តនិយាយអួតក្អែងក្អាង បញ្ឆេះជម្លោះ ឈ្មោះសុទ្ធិ លឹមថងគុល បានរងរបួសក្បាលធ្ងន់ដេរ២០ថ្នេរ។

តាមការផ្សាយរបស់ Thai Enquirer នៅថ្ងៃសុក្រទី២០ខែកុម្ភៈ សុទ្ធិ បានដួលបោកក្បាលពេលចុះពីរថយន្តនៅផ្លូវ Phra Athit ក្នុងទីក្រុងបាងកក បណ្តាលឲ្យរងរបួស រួចត្រូវបានបញ្ជូនទៅកាន់មន្ទីរពេទ្យ Siriraj ដើម្បីព្យាបាល។

លោក សុទ្ធិ គឺ​​​ជាមេចលនា​​ត​វ៉ា​ប្រឆាំង​រដ្ឋាភិបាល​​របស់​ខ្លួន​ជាញឹកញាប់ និង ជា​សកម្មជន​​​​ស៊ីវិលជាតិនិយម។ សកម្មជន​​​​វ័យចំណាស់រូបនេះតែង​បញ្ចេញវោហារ​ស័ព្ទ​ ​បំពាន​កម្ពុជា​យ៉ាងធ្ងន់ធ្ងរ និងជាមនុស្សញុះញង់ ចង់ឲ្យតែកើតសង្គ្រាមប៉ុណ្ណោះ។

អ្នកតាមដាន និងវិភាគនយោបាយ លោក យឿន យឿត ក៏ធ្លាប់ពន្លះបុគ្គលជ្រុលនិយមថៃរូបនេះដែរ ដែលតែងវាយប្រហារ និងប្រមាថមកលើសម្តេចតេជោ ហ៊ុន សែន និងតែងចិញ្ចឹមចិត្តឈ្លានពានកម្ពុជា។

សម្រាប់លោក យឿន យឿត, សុទ្ធិគឺជាបុគ្គលដែលឥតបានការ អត់ប្រយោជន៍ បានតែដើរស្រែកតាមផ្លូវ គ្មានតម្លៃអ្វីនឹងអាចប្រៀបធៀបជាមួយរដ្ឋបុរស និងជាបិតាសន្តិភាពរបស់កម្ពុជាបានឡើយ៕

អត្ថបទ៖ សុខ សុវណ្ណ