ព័ត៌មានអន្ដរជាតិ

មេដឹកនាំអឺរ៉ុបច្រើនរូប ទៅជុំគ្នានៅទីក្រុងកៀវ ក្នុងខួប៤ឆ្នាំ នៃសង្គ្រាមរុស្ស៊ី-អ៊ុយក្រែន

បានផុស

៣ ខែ មុន

នៅ

ថ្ងៃអង្គារ ២៤ កុម្ភៈ ២០២៦

ដោយ

រដ្ឋមន្ត្រីការបរទេសអ៊ុយក្រែន Andriy Sybiha បានប្រកាសស្វាគមន៍ មេដឹកនាំអឺរ៉ុបច្រើនរូបអញ្ជើញមកដល់ទីក្រុងកៀវ នៅខួប៤ឆ្នាំនៃសង្គ្រាមរុស្ស៊ី-អ៊ុយក្រែន ដែលអ្នកទាំងនោះ រួមមានប្រធានគណៈកម្មការអឺរ៉ុប លោកស្រី Ursula von der Leyen, ប្រធានក្រុមប្រឹក្សាអឺរ៉ុប លោក António Costa, មេដឹកនាំនៃក្រុម Nordic-Baltic Eight និងមេដឹកនាំក្រូអាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការផ្សាយរបស់ UNN នៅថ្ងៃទី២៤ ខែកុម្ភៈ ឆ្នាំ២០២៦, លោក Sybiha បានបង្ហោះនៅលើបណ្តាញសង្គម X ថា៖ «សូមស្វាគមន៍មកកាន់ទីក្រុងកៀវ សម្ព័ន្ធមិត្តជាទីស្រឡាញ់ និងសូមអរគុណចំពោះការគាំទ្រអ៊ុយក្រែននៅថ្ងៃនេះ និងពេញអស់រយៈពេលបួនឆ្នាំនៃសង្គ្រាមទ្រង់ទ្រាយធំដ៏ឃោរឃៅរបស់រុស្ស៊ី»។

លោកបន្តថា៖ «ខ្ញុំមានសេចក្តីសោមនស្សរីករាយក្នុងការស្វាគមន៍ប្រធានគណៈកម្មការអឺរ៉ុប លោកស្រី Ursula von der Leyen និងប្រធានក្រុមប្រឹក្សាអឺរ៉ុប លោក António Costa មកកាន់ទីក្រុងកៀវ។ នៅថ្ងៃទី២៤ ខែកុម្ភៈ ឆ្នាំ ២០២២ ជាឆ្នាំដែលអឺរ៉ុបបែងចែកប្រវត្តិសាស្ត្រជារៀងរហូតទៅ។ វាជានិមិត្តរូបដែលថ្ងៃនេះ មេដឹកនាំសហភាពអឺរ៉ុបនៅជាមួយយើង»។

លោកបន្ថែមថា៖ «យើងមានសេចក្តីសោមនស្សរីករាយក្នុងការស្វាគមន៍មេដឹកនាំនៃក្រុម Nordic-Baltic Eight ដែលជាសម្ព័ន្ធមិត្តពិត និងជិតស្និទ្ធរបស់យើងក្នុងការការពារសេរីភាព យុត្តិធម៌ និងសច្ចភាព។ សូមអរគុណប្រទេសអេស្តូនី ឡេតូនី អ៊ីស្លង់ ហ្វាំងឡង់ ដាណឺម៉ាក ស៊ុយអែតនិងន័រវែសដែលគាំទ្រអ៊ុយក្រែនឥតងាករេ និងឲ្យតម្លៃ ជាពិសេសអនុវត្តគោលការណ៍រួមរបស់អឺរ៉ុប»៕

ប្រែសម្រួល៖ ណឺ មិនា