ក្រសួងការងារជូនដំណឹងពីការទទួលស្គាល់ជំនាញពីមុនរបស់អតីតពលករខ្មែរមកពីប្រទេសថៃ

ក្រសួងការងារ និងបណ្តុះបណ្តាលវិជ្ជាជីវៈ នឹងរៀបចំការធ្វើតេស្តទទួលស្គាល់ជំនាញពីមុន (RPL) ជូនដល់អតីតពលករខ្មែរមកពីប្រទេសថៃ ដោយប្រែក្លាយបទពិសោធការងារ និងចំណេះជំនាញពីការអនុវត្តជាក់ស្តែងទៅជាលិខិតទទួលស្គាល់ជំនាញផ្លូវការ។

ការប្រកាសទទួលស្គាល់ជំនាញពីមុនរបស់អតីតពលករខ្មែរមកពីប្រទេសថៃនេះ ធ្វើឡើងដោយយោងតាមអនុសាសន៍ដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការជំរុញការអភិវឌ្ឍ។

បើតាមក្រសួងការងារ ការទទួលស្គាល់នេះ អតីតពលករខ្មែរមកពីប្រទេសថៃ នឹងអាចយកទៅប្រើប្រាស់ក្នុងការទទួល បានឱកាសការងារល្អ និងប្រាក់ចំណូលខ្ពស់ជាងមុន ចាប់ពីថ្ងៃទី២៤ ខែមេសា ឆ្នាំ២០២៦ តទៅ ដោយរាជរដ្ឋាភិបាល ជាអ្នកបង់ថ្លៃធ្វើតេស្តជំនួស លើមុខជំនាញចំនួន ៨ ក្នុងវិស័យសំណង់៕