សេដ្ឋកិច្ច

ថ្លៃដឹកជញ្ជូនកម្ពុជា កើនឡើង ២៥% ដោយសារជម្លោះនៅតំបន់មជ្ឈិមបូព៌ា

បានផុស

២ ខែ មុន

នៅ

ថ្ងៃពុធ ៦ ឧសភា ២០២៦

ដោយ

ប្រធានសមាគមភស្តុភារកម្មកម្ពុជា ឧកញ៉ា ស៊ិន ចន្ធីបានថ្លែងថា ការអូសបន្លាយសង្គ្រាមក្នុងតំបន់មជ្ឈិមបូព៌ា បានកំពុងបង្កឱ្យមានផលប៉ះពាល់លើតម្រូវការសកល ដោយសារតែការកើនឡើងថ្លៃប្រេងឥន្ធនៈធ្វើឱ្យក្រុមហ៊ុនផ្ដល់សេវាដឹកជញ្ជូនដំឡើងថ្លៃពី ២០% ទៅ ២៥%។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧកញ៉ា ស៊ិន ចន្ធី ក៏ជាអគ្គនាយកក្រុមហ៊ុនឡាញហល អិចប្រេស ប្រាប់កម្ពុជាថ្មីថា តម្លៃដឹកជញ្ជូនបានកើនឡើងពី ២០ ទៅ ២៥% ចាប់តាំងពីផ្ទុះសង្គ្រាមនៅតំបន់មជ្ឈិមបូព៌ាចាប់តាំងពីដើមខែមីនា។ លោកបានបញ្ជាក់ឱ្យដឹងថា ការឡើងថ្លៃប្រេងឥន្ធនៈ បានធ្វើឱ្យពិភពលោកបន្ថយការបញ្ជាទិញ និងបន្ថយការចំណាយសម្រាប់ប្រើប្រាស់ ប៉ុន្តែមិនបានធ្វើឱ្យពាណិជ្ជកម្មធ្លាក់ចុះនោះទេ។

ឧកញ៉ា ស៊ិន ចន្ធី បន្ថែម៖ «វាគ្រាន់តែការឡើងថ្លៃនូវប្រេងឥន្ធនៈហ្នឹង វាប៉ះពាល់ទៅដល់វិស័យដឹកជញ្ជូនវិញទេ ព្រោះអីក្នុងវិស័យនេះ ប្រេងឡើងថ្លៃ យើងមិនបានឡើងថ្លៃទេ គឺយើងខិតខំសម្របសម្រួលជាមួយអតិថិជនយើងដែលជាអ្នកនាំចេញ-នាំចូល ការឡើងថ្លៃពី ២០-២៥% គឺថាមិនគ្រប់ទាំងអស់ ហើយអតិថិជនខ្លះយើងមិនបានឡើងថ្លៃផង ហើយអតិថិជនខ្លះយើងឡើងតិចតួច ឡើងនេះគឺបង្គ្រប់តម្លៃប្រេង យើងមិនឡើងយកផលចំណេញលើហ្នឹង អត់ទេ»។

យោងតាមអគ្គនាយកដ្ឋានគយ និងរដ្ឋាករកម្ពុជា (GDCE) ការដោះដូរទំនិញរវាងកម្ពុជា ជាមួយដៃគូអន្តរជាតិសម្រេចបាននូវទំហំទឹកប្រាក់ជាង ១៦,៩ ពាន់លានដុល្លារ នៅក្នុងរយៈពេល ៣ ខែ ដំបូងឆ្នាំ ២០២៦ កើនឡើង ១៧,២% ប្រៀបធៀបនឹងរយៈពេលដូចគ្នា នៅឆ្នាំ ២០២៥ ដែលមានទំហំទឹកប្រាក់ ១៤,៤ ពាន់លានដុល្លារ៕

អត្ថបទ៖ ឡេង ដេត

Related Topics:ថ្លៃដឹកជញ្ជូនកុងតឺន័រ