ព័ត៌មានជាតិ

ផឹកស្រារាល់ថ្ងៃ ខ្យល់គដេកស្លាប់ក្នុងផ្ទះ

បានផុស

៤ years មុន

នៅ

ថ្ងៃព្រហស្បតិ៍ ១៣ ឧសភា ២០២១

ដោយ

មានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចព្រមទាំងគ្រូពេទ្យចុះមកពិនិត្យលើសាកសពបុរសម្នាក់ដែលដេកស្លាប់ក្នុងផ្ទះរបស់ខ្លួន កាលពីវេលាម៉ោង១៩:៥៨នាទីយប់ ថ្ងៃទី១២ ខែឧសភា ឆ្នាំ២០២១ ស្ថិតក្នុងភូមិត្រពាំងចក ឃុំព្រៃតាអី ស្រុកស្វាយទាប ខេត្តស្វាយរៀង។

បើយោងតាមសមត្ថកិច្ចប៉ុស្តិ៍នគរបាលរដ្ឋបាលឃុំព្រៃតាអី បានឲ្យថា សមត្ថកិច្ចប៉ុស្តិ៍រដ្ឋបាលទទួលព័ត៌មានពីលោក ជឹម ភុន ដែលជាមេភូមិត្រពាំងចក ឃុំព្រៃតាអី បានរាយការណ៍ថា: មានបុរសម្នាក់ឈ្មោះ ព្រំ ហ៊ុ ភេទប្រុស អាយុ៥៩ឆ្នាំ រស់នៅភូមិឃុំខាងលើ បានស្លាប់នៅផ្ទះរបស់ខ្លួន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបានបន្តទៀតថា ក្រោយពីសមត្ថកិច្ចបានទទួលព័ត៌មានភ្លាម ក៏បានចុះទៅដល់ផ្ទះកើតហេតុដោយបានសហការណ៍ជាមួយសមត្ថកិច្ចជំនាញ នគរបាលស្រុក និងលោកគ្រូពេទ្យមណ្ឌលសុខភាព ពពែត ធ្វើការពិនិត្យនៅលើសាកសព។ ក្រោយពីពិនិត្យរួចសមត្ថកិច្ចជំនាញបានបញ្ជាក់ថា:សាកសពឈ្មោះ ព្រំ ហ៊ុ បានស្លាប់ដោយខ្យល់គរពិតមែន មិនមែនជាករណីផ្សេងនោះទេ។

បើតាមការបំភ្លឺរបស់ក្រុមគ្រួសារសពបានឲ្យដឹងដែរថា បុរសខាងលើនេះគឺស្លាប់ដោយសារគាត់ហូបស្រាស្រវឹងជាប្រចាំថ្ងៃ មិនដែលខានមួយថ្ងៃឡើយ។

បច្ចុប្បន្ននេះសមត្ថកិច្ចបានប្រគល់សពឲ្យទៅក្រុមគ្រួសារដើម្បីធ្វើបុណ្យតាមប្រពៃណី៕

អត្ថបទ ៖ ភក្ដី