ព័ត៌មានជាតិ
ខេត្តកណ្តាល មានផែនការចាក់វ៉ាក់សាំងជូនពលរដ្ឋ និងកម្មករ-កម្មការិនី ជាង១លាននាក់បន្ថែមទៀត
អភិបាលខេត្តកណ្តាល បានឲ្យដឹងថា រដ្ឋបាលខេត្តបានដាក់ផែនការចាក់វ៉ាក់សាំងការពារជំងឺកូវីដ‑១៩ ជូនដល់ប្រជាពលរដ្ឋនិងកម្មករ-កម្មការិនី តាមបណ្ដាក្រុង ស្រុក ជាង១លាននាក់ជាបន្តបន្ទាប់ទៀត។
ថ្លែងក្នុងឱកាសទទួលអំណោយសម្រាប់ប្រើប្រាស់ក្នុងការងារគ្រប់គ្រង បង្ការ ទប់ស្កាត់ជំងឺកូវីដ-១៩ ពី លោក ប្រាក់ សុខុន ឧបនា យករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ និងជាអនុប្រធានក្រុមការងាររាជរដ្ឋាភិបាលចុះមូលដ្ឋានខេត្តកណ្តាល នៅពីព្រឹកថ្ងៃទី២៩ ឧសភា នេះ លោកគង់ សោភណ្ឌ័ អភិបាល នៃគណៈអភិបាលខេត្តកណ្តាល បានមានប្រសាសន៍បន្តថា សម្រាប់ការងារចាក់វ៉ាក់សាំង រដ្ឋបាលខេត្តសម្រេចបាន ១០០% លើដំណាក់កាលទី១ សម្រាប់ចាក់ជូនមន្រ្តីរាជការ កងកម្លាំងប្រដាប់អាវុធទាំងបី ក្រុមប្រឹក្សាខេត្ត ស្រុក ឃុំ សង្កាត់ មន្រ្តីភូមិ ក្រុម ដែលមានអាយុចាប់ពី៦០ឆ្នាំឡើង។
លោកអភិបាលខេត្តបានបន្តទៀតថា« សម្រាប់ផែនការចាក់វ៉ាក់សាំង ក្នុងជំហានបន្ទាប់ រដ្ឋបាលខេត្ត បានរៀបចំផែនការស្ដីពីការប៉ាន់ស្មានតម្រូវការវ៉ាក់សាំងកូវីដ-១៩ សម្រាប់ចាក់ជូនប្រជាពលរដ្ឋ និងកម្មករ-កម្មការិនី តាមបណ្ដាក្រុង ស្រុក សរុបចំនួន ១ ១៥៣ ២៣៧ នាក់ (ស្រី ៦៧៥ ៥៧៨ នាក់) »។
ខេត្តកណ្តាលជាខេត្តគោលដៅទីពីរដែលត្រូវទទួលវ៉ាក់សាំងការពារជំងឺកូវីដ‑១៩នាពេលខាងមុខនេះបន្ទាប់ពីរាជធានីភ្នំពេញ។ តាមរយៈសារសំឡេងតាម តេឡេក្រាម នៅព្រឹកថ្ងៃទី២៩ឧសសភានេះ ប្រមុខរាជរដ្ឋាភិបាលកម្ពុសម្តេចតេជោ ហ៊ុន សែន បានថ្លែងថា «ការចាក់នៅរាជធានីភ្នំពេញ គឺជាអាទិភាពខ្ពស់បំផុតរបស់យើង បន្ទាប់ទៅគឺ បណ្ដាទីប្រជុំជននៅក្នុងខេត្តកណ្ដាល ហើយបន្ទាប់មកបានយើងចេញទៅគោលដៅសំខាន់ៗនានា នៅតាមទីរួមខេត្ត ទីប្រជុំជន និងតំបន់រោងចក្រដែលមានកម្មករកកកុញ»។
សម្តេចបានបន្តថា «យើងបានដាក់ចេញនូវផែនការមេដែលជាយុទ្ធសាស្ត្រ សម្រាប់ដំណើរការចាក់វ៉ាក់សាំង ក្នុងនោះគឺយុទ្ធសាស្ត្រផ្ការីក ដែលចាក់ពីក្នុងចេញក្រៅ ហើយតាមស្ថាប័ន និងរាជធានី-ខេត្ត គឺមិនអាចប្រើវ៉ាក់សាំង ទៅកន្លែងនេះបន្តិច កន្លែងនោះបន្តិចបានទេ បើធ្វើយ៉ាងដូច្នេះ យើងនឹងមិនទទួលបានផលក្នុងការចាក់វ៉ាក់សាំងនោះទេ»។
សម្តេចតេជោ បានបន្ថែមថា នៅពេលដែលយើងចុះទៅគឺចុះចាក់ស្រោចយកទាំងក្រុងតែម្ដង បើមិនបានទៅតាមជនបទទេក៏យើងប្រមូលផ្ដុំចាក់នៅតាមទីក្រុង ទីប្រជុំជន និងកន្លែងដែលមានកម្មកររស់នៅកកកុញ ជារួមគឺចាក់នៅកន្លែងដែលមានមនុស្សកកកុញជាមុន ធ្វើយ៉ាងដូច្នេះទើបមានភាពសាំក្នុងសហគមន៍ដែលមានអ្នកចាក់វ៉ាក់សាំងបានច្រើន។
សម្ដេចតេជោ បាន បញ្ជាក់ថាតាមការប៉ាន់ស្មានចំនួនតួលេខ មនុស្សដែលមានអាយុលើសពី១៨ឆ្នាំគឺមានជាង១០ លាននាក់។បើប៉ាន់ស្មានសម្រាប់អ្នកដែលគ្រូពេទ្យហាមឃាត់មិនអាចចាក់វ៉ាក់សាំងបានគឺចំនួនមនុស្សដែលត្រូវចាក់មានប្រមាណជា ១០ លាននាក់។
ផ្អែកតាមផែនការមេសម្រាប់យុទ្ធនាការចាក់វ៉ាក់សាំងប្រជាពលរដ្ឋទាំងអស់ដែលមានអាយុចាប់ពី១៨ឆ្នាំឡើងទៅនៅក្នុងរាជធានីភ្នំពេញនិងទទួលបានការចាក់វ៉ាក់សាំងគ្រប់គ្នាៗយ៉ាងយូរបំផុតក្នុងអំឡុងខែមិថុនាឆ្នាំ២០២១ខាងមុខនេះ។
រហូតមកដល់ពេលនេះសាលារាជធានីភ្នំពេញកំពុងតែសម្រុកវ៉ាក់សាំងជូនដល់ប្រជាពលរដ្ឋចំនួន១១ខណ្ឌរួមមាន ខណ្ឌមានជ័យ, ខណ្ឌដង្កោ, ខណ្ឌកំបូល,ខណ្ឌពោធិ៍សែនជ័យ, ខណ្ឌឫស្សីកែវ ខណ្ឌទួលគោក ខណ្ឌបឹងកេងកង ខណ្ឌសែនសុខ។ចំណែកខណ្ឌចំការមន ខណ្ឌ៧មករានិងខណ្ឌច្បារទើបចាប់ផ្តើមចាក់វ៉ាក់សាំងការពារជំងឺកូវីដ១៩សម្រាប់ដូសទី១នៅកាលពីថ្ងៃទី២៥ខែឧសភាឆ្នាំ២០២១៕
អត្ថបទ៖ សំអឿន
-
ព័ត៌មានជាតិ២ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
ជីវិតកម្សាន្ដ៦ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
សេចក្ដីជូនដំណឹង៤ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ៤ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ៦ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
កីឡា៣ ថ្ងៃ ago
ស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ៤ ថ្ងៃ ago
បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ
-
សេដ្ឋកិច្ច៦ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ