អាវុធហត្ថសម្តែងនូវការអរគុណចំពោះ ក្រុមហ៊ុន ខែ្មរប៊ែវើរីជីស ដែលផ្តល់ភេសជ្ជៈសម្រាប់៣គោលដៅប្រចាំការ

កម្លាំងអាវុធហត្ថរាជធានីភ្នំពេញ ឈរជើងនៅមណ្ឌលសម្រាកព្យាបាលជំងឺកូវីដ១៩ ចំនួន០៣គោលដៅ សម្តែងនូវការអរគុណចំពោះ ក្រុមហ៊ុន ខែ្មរ ប៊ែវើរីជីស ដែលផ្តល់ភេសជ្ជសម្រាប់កម្លាំងអាវុធហត្ថ៣គោលដៅយាមប្រចាំការការពារទីតាំងព្យាបាលអ្នកវិជ្ជមានកូវីដ១៩នាថ្ងៃនេះក្នុងពេលយុទ្ធនាការប្រឆាំងនឹងកូវីដ១៩ដ៍កាចសាហាវនេះ។

ការថ្លែងអំណរគុណរបស់អាវុធហត្ថធ្វើឡើងខណៈពេលទទួលការឧបត្ថម្ភ ទឹកសុទ្ធ ភេសជ្ជៈ ពី ក្រុមហ៊ុន ខែ្មរ ប៊ែវើរីជីស ដោយក្នុងនោះ ទី១ គោលដៅមន្ទីរពេទ្យហ្លួងម៉ែ ក្នុងអំឡុងខែមេសា ឆ្នាំ២០២១ ទទួលបានការឧបត្ថម្ភ ទឹកសុទ្ធកម្ពុជា ចំនួន១០០កេស, ភេសជ្ជៈ WURKZ ចំនួន២០កេស, តង់ចំនួន០២, ទី២ គោលដៅ វិទ្យាល័យ ជា ស៊ីម សាមគ្គី ក្នុងអំឡុងខែមេសា ឆ្នាំ២០២១ ទទួលបានការឧបត្ថម្ភ ទឹកសុទ្ធកម្ពុជា ចំនួន៥០កេស, ភេសជ្ជៈ WURKZ ចំនួន០៥កេស, ភេសជ្ជៈ IZE ចំនួន១៣យួរ, តង់ចំនួន០១ និងទី៣ គោលដៅ The Great Duke ក្នុងអំឡុងខែឧសភា ឆ្នាំ២០២១ ទទួលបានការឧបត្ថម្ភ ទឹកសុទ្ធកម្ពុជា ចំនួន៣០កេស, ភេសជ្ជៈ WURKZ ចំនួន១០កេស, ភេសជ្ជៈ IZE ចំនួន២០យួរ ដើម្បីបន្ថែមលើអាហាររូបត្ថម្ភ ក៏ដូចជា ប្រើប្រាស់ជាប្រយោជន៍សម្រាប់កងកម្លាំង ដែលបានមមាញឹក ក្នុងយុទ្ធនាការប្រយុទ្ធប្រឆាំងការរីករាលដាលជំងឺកូវីដ-១៩ ។

ឆ្លើយតបទៅនឹងសណ្តានចិត្តរបស់សប្បុរសជនខាងលើ កម្លាំងអាវុធហត្ថរាជធានីភ្នំពេញដែលកំពុងបំពេញបេសកកម្ម តាមគោលគោលដៅ មានចិត្តរំភើបកក់ក្តៅបំផុត និងសូមជូនពរ ម្ចាស់ក្រុមហ៊ុន ខែ្មរ ប៊ែវើរីជីស ជួបតែពុទ្ធពរទាំង៤ប្រការ គឺ អាយុ វណ្ណៈ សុខៈ លៈ កុំបីឃ្លៀងឃ្លាតឡើយ ៕

អត្ថបទ ៖ វិមាន