ព័ត៌មានជាតិ
ការថែទាំនិងផ្ដល់ចំណីឱ្យសត្វតោដែលដកហូតធ្វើដូចម្ចាស់ដើមដែរ
ការផ្ដល់ចំណីឱ្យសត្វតោដែលសមត្ថកិច្ចដកហូតពីជនជាតិចិនយកទៅរក្សាទុកនៅសួនសត្វព្រៃភ្នំតាម៉ៅគឺធ្វើឡើងដូចគ្នាទៅនឹងម្ចាស់ដើមផ្តល់ឱ្យសាច់ឆៅប្រមាណ ៦ គីឡូក្រាមក្នុងមួយថ្ងៃ។
មន្ត្រីអភិរក្សនៅសួនសត្វភ្នំតាម៉ៅ លោក យ៉ុង រតនា បានប្រាប់កម្ពុជាថ្មី នៅល្ងាចថ្ងៃទី ៣០ ខែមិថុនានេះថា ការផ្ដល់ចំណីសាច់គោ គឺដូចម្ចាស់ដើម ៦ គីឡូដែរ។
នៅពេលដែលសួរថា លោកយល់យ៉ាងណាចំពោះពលរដ្ឋលើកឡើងថា មិនមានការថែទាំងបានល្អដូចម្ចាស់ដើម?លោក យ៉ុង រតនា មិនធ្វើការឆ្លងតបអ្វីទេ តែលោកថា បើប្រៀបធៀបជាមួយសត្វតោនៅភ្នំតាម៉ៅ សត្វតោដែលសមត្ថកិច្ចដកហូតយកមកនោះ មានលក្ខណៈស្គមជាងសត្វតោនៅភ្នំតាម៉ៅ ប៉ុន្តែបើនិយាយពីចំនួនសាច់ដែលវាស៊ីច្រើនជាងសត្វតោនៅភ្នំតាម៉ៅ ខណៈតោនៅភ្នំតាម៉ៅ ផ្តល់ត្រឹមតែ ៤ គីឡូវក្នុងមួយថ្ងៃ។
លោកប្រាប់ថា ពេលនៅម្ចាស់ដើម គឺស្ងោសាច់ឱ្យឆ្អិនហើយបានយកឱ្យស៊ី ដូច្នេះ សាច់ហ្នឹងវាបាត់បង់ជីវជាតិស្រស់សម្រាប់ទ្រទ្រង់សារពាង្គកាយតោហ្នឹងហើយ។ លោកបន្តថា ” សម្រាប់តោភ្នំតាម៉ៅ ខាងខ្ញុំផ្ដល់ឱ្យសាច់គោមួយថ្ងៃ ៤ គីឡូ ខណៈដែលតោភ្នំតាម៉ៅគឺធាត់លើសគីឡូ”។
អាជ្ញាធរចម្រុះ នៅព្រឹកថ្ងៃទី ២៧ ខែមិថុនា បានចុះធ្វើការដកហូតយកសត្វតោឈ្មោលមួយក្បាលពីជនជាតិចិនដែលបានចិញ្ចឹមដោយខុសច្បាប់នៅក្នុងលំនៅដ្ឋានរបស់ខ្លួនស្ថិតនៅផ្ទះលេខ២២ ផ្លូវ៣០៦ ភូមិ៧ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ។
សត្វតើឈ្មោល មានទម្ងន់ ៧០ គីឡូត្រូវបានបុរសជនជាតិចិនចិញ្ចឹមតាំងពីតូច រហូតដល់មានអាយុប្រមាន ១ឆ្នាំកន្លះ ដោយឱ្យវាស៊ីសាច់ឆៅ ៦ គីឡូក្រាមក្នុង១ថ្ងៃ។
ក្នុងកិច្ចសហប្រតិបត្តិការចុះដកហូតសត្វតោដែលជាប្រភេទសត្វព្រៃកម្រនេះ ដឹកនាំដោយ លោក គាំ សីហា នាយខណ្ឌរដ្ឋបាលព្រៃឈើភ្នំពេញ សហការជាមួយព្រះរាជអាជ្ញារងអមសាលាដំបូងរាជធានីភ្នំពេញ និងមានការចូលរួមពីអង្គការសម្ព័ន្ធមិត្តសត្វព្រៃ Wildlife Alliance ព្រមទាំងសមត្ថកិច្ចចម្រុះមូលដ្ឋានដើម្បីចុះដកពីជនជាតិចិនដែលបានចិញ្ចឹមសត្វតោឈ្មោលមួយក្បាលជាប្រភេទសត្វព្រៃនៅក្នុងផ្ទះដោយខុសច្បាប់។
នាយខណ្ឌរដ្ឋបាលព្រៃឈើភ្នំពេញបានឱ្យដឹងថា ដោយសារមានប្រជាពលរដ្ឋជិតខាងបានរាយការណ៍ប្រាប់អំពីការចិញ្ចឹមសត្វតោនៅក្នុងផ្ទះវីឡាខាងលើពីសំណាក់បុរសជនជាតិចិន ទើបអាជ្ញាធរសហការជាមួយអាជ្ញារមូលដ្ឋានចុះធ្វើការស្រាវជ្រាវឈានដល់ការចុះដកហូតយកសត្វតោឈ្មោលមួយក្បាលនោះ ដើម្បីបញ្ជូនទៅថែរក្សាទុក។
លោកបន្តថា ពលរដ្ឋមិនមានសិទ្ធិក្នុងការចិញ្ចឹមសត្វព្រៃដែលជាប្រភេទសត្វកម្រនោះទេ ដែលផ្ទុយពីច្បាប់ និងមាត្រា ៤៩ នៃច្បាប់ស្តីពីព្រៃឈើ កថាខ័ណ្ឌ២ ត្រង់ចំណុច៣ ដែលបានចែងថា ការយកធ្វើជាកម្មសិទ្ធិ សន្និធិ ឬថែរក្សាជាលក្ខណៈសួនសត្វ ឬគ្រួសារនូវប្រភេទសត្វក្នុងក្រុមជិតផុតពូជ ត្រូវបានហាមឃាត់៕ អត្ថបទ៖ ឡេង ដេត
ត្រាំ បញ្ជាក់ថា «ពន្ធឱ្យស្មើគ្នា» នឹងដាក់លើគ្រប់ប្រទេសទាំងអស់
ក្រសួង ហាមមិនឱ្យលេងបាញ់ទឹក ជះទឹក លាបម្សៅ តាមសាលារៀនរដ្ឋ និងឯកជន
តំបន់ទេសចរណ៍ល្បី «បឹង Inle» នៅមីយ៉ាន់ម៉ា មានអ្នកស្លាប់កើនដល់៨៩នាក់ក្នុងគ្រោះរញ្ជួយដី
អ៊ីរ៉ង់ តម្រង់ក្បាលមីស៊ីលរបស់ខ្លួនទៅលើមេឃ ក្រោយ ត្រាំ គំរាមទម្លាក់គ្រាប់បែក
កសិដ្ឋានដាំមើមឈូកជប៉ុន មានសមត្ថភាពផ្គត់ផ្គង់ជាង១តោន ក្នុងមួយថ្ងៃ
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
ក្លិនសាកសពស្អុយរលួយ សាយភាយក្នុងទីក្រុង Mandalay ខណៈតួលេខមនុស្សស្លាប់ នឹងហក់ឡើងខ្ពស់
តួលេខអ្នកស្លាប់នៅមីយ៉ាន់ម៉ា កើនឡើងជិត ៣ ០០០នាក់ហើយ ព្រោះគ្រោះរញ្ជួយដី
Update៖ អគ្គិភ័យឆេះនៅខណ្ឌឬស្សីកែវយប់មិញឆេះផ្ទះពលរដ្ឋសរុប១១ខ្នង
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី