ព័ត៌មានជាតិ

បើទោះបីព្រឹត្តិការណ៍៣វិច្ឆិកាបានកន្លងផុត តែវិធានការបង្ការ និង ទប់ស្កាត់ការឆ្លងកូវីដ-១៩នៅតែបន្ត

បានផុស

៥ years មុន

នៅ

ថ្ងៃសុក្រ ២០ វិច្ឆិកា ២០២០

ដោយ

ភ្នំពេញ ៖ បើទោះបីព្រឹត្តិការណ៍៣វិច្ឆិកាបានកន្លងផុត ក៏ពិតមែន ប៉ុន្តែវិធានការបង្ការនិងទប់ស្កាត់ការឆ្លងកូវីដ-១៩ អាជ្ញាធរនៅតែបន្តធ្វើនៅតាមទីផ្សារនានានៅរាជធានីភ្នំពេញ ដោយអនុវត្ត វិធានទៅតាមការណែនាំរបស់ក្រសួងសុខាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងសម្រាប់ព្រឹក ថ្ងៃទី២០ ខែវិច្ឆិកា ឆ្នាំ២០២០នេះ គណៈកម្មការផ្សារបឹងកេងកង ខណ្ឌបឹងកេងកង បានបន្តដឹកនាំមន្ត្រីរបស់ខ្លួនចុះត្រួតពិនិត្យ ក៏ដូចជាការផ្សព្វផ្សាយ បាញ់ទឹកអាកុលលាងដៃ ចែកម៉ាសជូនបងប្អូនអាជីវករនិងបងប្អូនប្រជាពលរដ្ឋដែលត្រូវចេញ ចូលផ្សារនេះ ដើម្បីបង្ការនិងទប់ស្កាត់ការឆ្លងកូវីដ-១៩។

លោកឯក និមល ប្រធានគណៈកម្មការផ្សារនបឹងកេងកងបានមានប្រសាសន៍ថា នៅពេលថ្មីៗនេះម៉ាសដែលជាអំណោយរបស់សម្ដេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាផ្ដល់មករដ្ឋបាលរាជធានីភ្នំពេញនោះ ត្រូវបានរដ្ឋបាលរាជធានីភ្នំពេញប្រគល់ឲ្យមកគណៈកម្មការផ្សារបឹងកេងកងចំនួន១២០០ម៉ាស ហើយម៉ាសទាំងនេះ យើងបានចែកជូនបងប្អូនអាជីវករនៅក្នុងផ្សារអស់ហើយ។

លោកបន្តថា រាល់ថ្ងៃនេះយើងបានដាក់អាកុលនៅតាមច្រកចេញចូលចំនួន១៣ច្រក និងវាស់កំដៅនៅតាមច្រកធំៗចំនួន៣ច្រក ជាមួយនឹងការចែកម៉ាសជូនអាជីវករ ពិសេសចែកជូនបងប្អូនម៉ូតូឌុបនិងរ៉ឺម៉កកង់បីនិងផ្សព្វផ្សាយតាមមីក្រូ ស្តីពីការបង្ការទប់ស្កាត់នូវជំងឺកូវីដ-១៩ ទៅតាមការណែនាំរបស់ក្រសួងសុខាភិបាល។ ចំណែកការធ្វើអនាម័យ បរិស្ថាននិងការរៀបចំសណ្តាប់ធ្នាប់ក៏បានធ្វើឡើងជាប្រចាំផងដែរ ដែលធ្វើអោយតួផ្សារទាំងមូលមានអនាម័យ បរិស្ថាននិងសណ្តាប់ធ្នាប់ល្អប្រសើរ៕
ដោយ ៖ ស្រីរ័ត្ន