ព័ត៌មានជាតិ

មន្ទីរពេទ្យរដ្ឋពីរកន្លែង អនុញ្ញាតិដល់ពលរដ្ឋនៅភ្នំពេញ ចាក់វ៉ាក់សាំងកូវីដ

បានផុស

៥ years មុន

នៅ

ថ្ងៃអាទិត្យ ៨ សីហា ២០២១

ដោយ

ភ្នំពេញ៖ ក្រសួងសុខាភិបាល ប្រកាសឲ្យប្រជាពលរដ្ឋដែលមានអាយុចាប់ពី ១៨ ឆ្នាំឡើងទៅនៅរាជធានីភ្នំពេញ ដែលខកខានមិនបានទទួលការចាក់វ៉ាក់សាំងនៅក្នុងយុទ្ធនាការចាក់វ៉ាក់សាំងកន្លងទៅ និងអ្នកដែលទើបគ្រប់អាយុ១៨ឆ្នាំ សូមទៅទទួលការចាក់វ៉ាក់សាំងចាប់ពីថ្ងៃទី៩ ខែសីហានេះតទៅ។ នេះបើយោងតាមសេចក្តីជូនដំណឹងរបស់ក្រសួងសុខាភិបាល។

ក្នុងសេចក្តីជូនដំណឹងបានបញ្ជាក់ថា យុទ្ធនាការចាក់វ៉ាក់សាំងការពារជំងឺកូវីដនាពេលកន្លងទៅ មានប្រជាពលរដ្ឋមួយចំនួនខកខានមិនបានមកទទួលការចាក់វ៉ាក់សាំង ក្នុងនោះមានដូចជាស្ត្រីមានគ័ភ៌ទើបសម្រាលកូនរួច អ្នកជាប់អនុវត្តវិធានការចត្តាឡីស័ក អ្នកមានបញ្ហាសុខភាពត្រូវព្យាបាល អ្នកមានធុរៈចាំបាច់ខានមិនបាន។

ម្យ៉ាងទៀត ក៏មានយុវជនខ្លះមិនទាន់គ្រប់អាយុ ១៨ ឆ្នាំផងដែរ។ ដូច្នេះក្រសួងសុខាភិបាលនឹងរៀបចំការផ្ដល់វ៉ាក់សាំងនេះជូនដល់ប្រជាពលរដ្ឋនៅសេសសល់ គឺនៅមន្ទីរពេទ្យអង្គឌួង និងមជ្ឍមណ្ឌលជាតិគាំពារមាតានិងទារក៕