នាយ ចេនឡា ហួសចិត្តខ្លាំងក្រោយគេបង្ហោះថាខ្លួនស្លាប់ ស្របពេលកំពុងមានជំងឺ​

តារា​កំប្លែង និង​សម្តែង នាយ អៀង ចេនឡា បាន​បង្ហាញ​អារម្មណ៍​ហួសចិត្ត​ខ្លាំង ខណៈ​នៅ​សុខៗ​ស្រាប់​តែ​ឃើញ​មាន​គេ​បង្ហោះ​រូបភាព​បង្ហាញ​ថា​ លោក​ទទួលមរណភាព​ដោយ​គ្មាន​ការពិត​ទេ។

រូបភាព​ភ្ញាក់ផ្អើល​នេះ​ត្រូវ​បាន​គេ​ប្រទះឃើញ​បង្ហោះ​ចែករំលែក​តាមរយៈ​បណ្ដាញ​សង្គម​ Tik Tok ស្រប​ពេល​ដែល​សាមីខ្លួន ​លោក អៀង ចេនឡា កំពុង​មាន​ជំងឺ​ ហើយ​ចូល​ព្យាបាល​នៅ​មន្ទីរពេទ្យ​កាល​ពី​ថ្មីៗ​កន្លង​ទៅ​នេះ។

ឆ្លើយតប​នឹង​រឿង​គេ​យល់​ច្រឡំ​នោះ​ លោក ​អៀង ចេនឡា បាន​និយាយ​ថា​ ចៃដន្យ​ពេក ​ឯង​កំពុង​ឈឺ​ លេង​អញ្ចឹង​អត់​សប្បាយ។ អរគុណ​ខាង​សារព័ត៌មាន​ដែល​បាន​ជួយ​បកស្រាយ​ ហើយក៏​សូម​អរគុណ​បង​ប្អូន​តែងតែ​បារម្ភ​ពី​សុខទុក្ខ​របស់ខ្ញុំ។

លោក អៀង ចេនឡា បាន​បញ្ជាក់​ដែរ​ថា ​ខ្ញុំ​ក៏​ភ្ញាក់​ដែរ ពេល​ឃើញ​គេ​បង្ហោះ​ក្នុង ​Tik Tok ​ព្រោះ​មើល​ទៅ​សាហាវ​ពេក​ហើយ​ ណាមួយ​ស្រប​ពេល​ដែល​យើង​កំពុង​ឈឺ​ស្រាប់​ផង​។ ​

ប៉ុន្តែ​សូម​បញ្ជាក់​ថា ​នេះ​ពុំ​មែន​ជា​ការ​ពិត​ទេ​ តែ​អ្វី​ដែល​ហួសចិត្ត​ គឺ​អ្នក​ដែល​ថត​យក​ទៅ​បង្ហោះ​ធ្វើ​ឲ្យ​ផ្អើល​ដល់​គេឯង​តែម្ដង​៕

អត្ថបទ ៖ ចាន់រ៉ា