ព័ត៌មានអន្ដរជាតិ
៩ឆ្នាំទៀត មេដឹកនាំពិភពលោកសន្យាបញ្ឈប់ការបំផ្លាញព្រៃឈើ
ក្រុមមេដឹកនាំពិភពលោក COP26 នឹងចុះហត្ថលេខាលើកិច្ចព្រមព្រៀងធំលើកដំបូងក្នុងកិច្ចប្រជុំកំពូលស្តីពីអាកាសធាតុនៅថ្ងៃអង្គារ៍នេះនៅពេលពួកគាត់សន្យាបញ្ឈប់ការកាប់បំផ្លាញព្រៃឈើត្រឹមឆ្នាំ២០៣០។
ប្រទេសហត្ថលេខីនៅទីក្រុង Glasgow នឹងរាប់បញ្ចូលទាំងប្រេស៊ីលដែលមានព្រៃឈើ Amazon ដ៏ធំត្រូវបានកាប់បំផ្លាញ។
ការបាត់បង់ព្រៃឈើបានរួមចំណែកធ្វើឲ្យមានការប្រែប្រួលអាកាសធាតុ ពីព្រោះវាបំផ្លាញព្រៃឈើដែលស្រួបយកឧស្ម័ន CO2។
ថវិកាបន្ថែមក៏ត្រូវការសន្យាដើម្បីការពារ និងស្តារព្រៃឈើឡើងវិញ។ ប្រទេសជាង១០០បាននិយាយថា ពួកគេនឹងចុះហត្ថលេខាលើកិច្ចសន្យាដែលគ្រប់ដណ្តប់លើព្រៃឈើទូទាំងពិភពលោកប្រហែលជា៨៥%។
រដ្ឋាភិបាលនៃប្រទេស២៨នឹងប្តេជ្ញាចិត្តលុបបំបាត់ការបំផ្លាញព្រៃឈើពីពាណិជ្ជកម្មម្ហូបអាហារជាសកល និងផលិតផលកសិកម្មផ្សេងៗដូចជាប្រេងដួង សណ្តែកសៀង និងកាកាវជាដើម។
ឧស្សាហកម្មទាំងនេះធ្វើឲ្យបាត់បង់ព្រៃឈើដោយសារយកទីកន្លែងសម្រាប់សត្វពាហនៈ និងដាំដំណាំ។
លោកនាយករដ្ឋមន្ត្រីអង់គ្លេស Boris Johnson ដែលរៀបចំធ្វើម្ចាស់ផ្ទះកិច្ចប្រជុំអាកាសធាតុសកលនឹងអំពាវនាវឲ្យមានកិច្ចព្រមព្រៀងជាប្រវត្តិសាស្ត្រដើម្បីការពារ និងស្តារព្រៃឈើឡើងវិញនៅលើផែនដី។
គោលសំខាន់ក្នុងកិច្ចប្រជុំអាកាសធាតុកំពូល COP26
- ការប្រែប្រួលអាកាសធាតុជាកង្វល់ធំបំផុតរបស់ពិភពលោក។ រដ្ឋាភិបាលត្រូវសន្យារួមដៃគ្នាដើម្បីកាត់បន្ថយការឡើងកម្តៅជាសកល។
- កិច្ចប្រជុំនៅទីក្រុង Glasgow ជាកន្លែងដែលការប្រែប្រួលអាចកើតឡើង។ លោកអ្នកត្រូវការតាមដានចំពោះការសន្យាដែលត្រូវបានធ្វើឡើងដោយប្រទេសដែលមានការបំពុលអាកាសធាតុធំបំផុតក្នុងពិភពលោក ដូចជា សហរដ្ឋអាមេរិក និងចិន ហើយប្រទេសក្រីក្រត្រូវគាំទ្រ។
- ជីវិតមនុស្ស និងសត្វទាំងអស់នឹងផ្លាស់ប្តូរ។ ការសម្រេចចិត្តត្រូវបានធ្វើនៅទីនេះអាចជះឥទ្ធិពលលើការងារ របៀបធ្វើឲ្យផ្ទះក្តៅ អ្វីដែលមនុស្សបរិភោគ និងមធ្យោបាយធ្វើដំណើរ៕
ប្រែសម្រួល៖ វីរបុត្រ
ប្រភព៖ BBC
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា