ធ្វើពិធីសាសនា​លើ​កំណាត់​ផ្លូវ​ជាតិ​លេខ ៥៦ កើត​មាន​គ្រោះថ្នាក់​ចរាចរណ៍​រាល់ថ្ងៃ

ខេត្តបន្ទាយមានជ័យ៖ គណៈបញ្ជាការឯកភាពរដ្ឋបាលក្រុងសិរីសោភ័ណ បានធ្វើពិធីខាងជំនឿសាសនា ប្រោះព្រំ​បួង​សួង​សុំសេចក្តីសេចក្តីចម្រើន ដើម្បី​បញ្ចៀស​គ្រោះថ្នាក់ចរាចរណ៍នៅតាមផ្លូវជាតិលេខ៥៦ ពីសាលាក្រុងសិរីសោភ័ណ ដល់ព្រំប្រទល់តាម៉ាក្នុងឱកាសចូលឆ្នាំសកល។

ពិធីបួងសួងប្រោះព្រំបញ្ចៀស​គ្រោះថ្នាក់ចរាចរណ៍​នេះធ្វើនៅមុខសាលាក្រុងសិរីសោភ័ណនៅព្រឹកថ្ងៃទី២៧ ខែ ធ្នូ ឆ្នាំ ២០២១។

លោកហុឹល រ៉ាយ៉ា អភិបាលក្រុងសិរីសោភ័ណបានប្រាប់អ្នកយកព័ត៍មានឲ្យដឹងថា ការធ្វើពិធីបួងសួងសុំក្តីសុខចម្រើនគឺដើម្បីបញ្ចៀស​គ្រោះថ្នាក់ចរាចរណ៍នៅតាមដងផ្លូវជាតិនេះ ក្នុងឱកាសពិធីចូលបុណ្យឆ្នាំសកល។

លោកហុឹលរ៉ាយ៉ាបានបញ្ជាក់ថា កន្លងមកផ្លូវ​ជាតិ​លេខ ៥៦ នេះ មានគ្រោះថ្នាក់ចរាចរណ៍កើតមានឡើងជាញឹកញាប់មិនលោះថ្ងៃឡើយ ដោយសារតែអ្នកបើកយានយន្តមិនគោរពច្បាប់ចរាចរណ៍ ដូច្នេះលោកបានពិធីបួងសួងនិងប្រោះព្រំនេះ គោលបំណងបញ្ចៀស​គ្រោះថ្នាក់ចរាចរណ៍ដើម្បីសុំសេចក្តីសុខចចម្រើននាឱកាសចូលឆ្នាំសកល

អត្ថបទ៖ វ៉ាន់ ណាង