ព័ត៌មានអន្ដរជាតិ
ចិន ប្រកាសបញ្ជូនកងទ័ពនិងរថក្រោះទៅ រុស្ស៊ី នៅខែក្រោយ
ប្រទេសចិន នឹងបញ្ជូនកងទ័ព និងរថក្រោះទៅកាន់ប្រទេសរុស្ស៊ីនៅខែក្រោយនេះ ដើម្បីចូលរួមក្នុងការប្រកួតកីឡាកងទ័ពអន្តរជាតិ ថ្វីបើមានការថ្កោលទោសជាសកលចំពោះទង្វើរបស់លោក ពូទីន នៅអ៊ុយក្រែនក៏ដោយ។

កងទ័ពរំដោះប្រជាជនចិន នឹងបញ្ជូនគណៈប្រតិភូទៅកាន់ទីក្រុងមូស្គូ ខណៈយោធា រថក្រោះ និងរថយន្តយោធា ទើបតែចាកចេញពីទីក្រុង Manzhouli នៃតំបន់ស្វយ័ត Inner Mongolia នៃប្រទេសចិន នាពេលថ្មីៗនេះ។
ទូរទស្សន៍រដ្ឋរបស់ប្រទេសចិនបានប្រកាសកាលពីដើមសប្តាហ៍ថា ក្រុមនេះ កំពុងឆ្ពោះដំណើរទៅកាន់តំបន់ Zabaikalsk នៅចុងបូព៌ាប្រទេសរុស្សី។

កងទ័ពចិន ត្រូវបានគេរំពឹងថានឹងប្រកួតប្រជែងជាមួយកងទ័ពមកពីប្រទេស និងតំបន់ចំនួន ៣៧ ផ្សេងទៀតនៅក្នុងសមយុទ្ធយោធាពហុជាតិសាសន៍ធំបំផុតរបស់រុស្ស៊ី ចាប់ពីថ្ងៃទី១៣ ដល់ថ្ងៃទី២៧ខែសីហា។
ប្រទេសដែលគេរំពឹងថានឹងចូលរួម រួមមាន រុស្ស៊ី អ៊ីរ៉ង់ ឥណ្ឌា កាហ្សាក់ស្ថាន អ៊ូសបេគីស្ថាន អាស៊ែបៃហ្សង់ និងអាមេនី។

ដោយត្រូវបានប្រព័ន្ធផ្សព្វផ្សាយរុស្ស៊ីដាក់ឈ្មោះឲ្យថា ជា “ការប្រកួតសម្រាប់បុរសពិត”, ព្រឹត្តិការណ៍នេះ រួមបញ្ចូលទាំងកម្មវិធីមួយដែលមានឈ្មោះថា Tank Biathlon ដែលក្រុមមួយត្រូវរត់លើផ្លូវឧបសគ្គចម្ងាយ៥គីឡូម៉ែត្រ ហើយត្រូវបាញ់កាំភ្លើងឲ្យចំគោលដៅផងដែរ។
យោធា អាចជ្រើសរើសការប្រកួតប្រជែងក្នុងវិញ្ញាសាកងទ័ពចំនួន ២៨ រាប់ចាប់ពីការប្រកួតបញ្ចេញសមត្ថភាព Medical Relay Race រហូតដល់ Field Kitchen ដែលជាការប្រកួតចុងភៅកងទ័ព។
ព្រឹត្តិការណ៍ប្រចាំឆ្នាំនេះ ត្រូវបានផ្តួចផ្តើមដោយរដ្ឋមន្ត្រីការពារជាតិលោក Sergei Shoigu ក្នុងឆ្នាំ ២០១៥ ហើយត្រូវបានគេស្គាល់ថាជា កីឡាអូឡាំពិកសង្គ្រាម។

គួរបញ្ជា់ថា មហាអំណាចទាំងពីរ គឺចិន និងរុស្ស៊ី បានចូលរួមជាទៀងទាត់នៅក្នុងសមយុទ្ធយោធារួមគ្នា ខណៈពួកគេព្យាយាមដកខ្លួនចេញឲ្យឆ្ងាយពីលោកខាងលិច។
កិច្ចសហប្រតិបត្តិការយោធារវាងប្រទេសទាំង២ បានបង្កឲ្យមានការសង្ស័យ ប៉ុន្តែប្រជាជាតិទាំងពីរអះអាងថា ពួកគេមិនមានចេតនា កំណត់គោលដៅប្រទេសទីបីនោះទេ ហើយរឿងនេះកើតឡើង ចំពេលដែលការភ័យខ្លាចកាន់តែខ្លាំងថា ចិននឹងលុកលុយតៃវ៉ាន់ ដូចដែលរុស្ស៊ី វាយលុកអ៊ុយក្រែន៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ រុស្ស៊ី គ្រោងធ្វើសមយុទ្ធទ្រង់ទ្រាយធំ ដើម្បីបង្ហាញថា កម្លាំងយោធារបស់ខ្លួន នៅតែខ្លាំង

-
ព័ត៌មានអន្ដរជាតិ១ សប្តាហ៍ ago
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
បច្ចេកវិទ្យា៤ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានជាតិ៧ ម៉ោង ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ៦ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៦ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៣ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៦ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម៩ ម៉ោង ago
ជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន