ពូទីន ប្រកាសកែនទ័ព នៅក្នុងប្រទេស រុស្ស៊ី (មានវីដេអូ)

ប្រធានាធិបតីរុស្ស៊ី លោក វ្ល៉ាឌីមៀរ ពូទីន នៅថ្ងៃពុធទី២១ខែកញ្ញានេះ បានប្រកាសអំពីការកែនទ័ពមួយផ្នែកនៅក្នុងប្រទេសរុស្ស៊ី ខណៈសង្រ្គាមនៅអ៊ុយក្រែន ឈានជិតដល់ខែទី៧។

សុន្ទរកថារបស់លោក ពូទីន ទៅកាន់ជនរួមជាតិ បានកើតឡើងមួយថ្ងៃ បន្ទាប់ពីតំបន់គ្រប់គ្រងដោយរុស្ស៊ីនៅភាគខាងកើត និងភាគខាងត្បូងប្រទេសអ៊ុយក្រែន បានប្រកាសផែនការរៀបចំការបោះឆ្នោតដើម្បីក្លាយជាផ្នែកនៃប្រទេសរុស្ស៊ី។

កិច្ចខិតខំប្រឹងប្រែងដែលគាំទ្រដោយវិមានក្រឹមឡាំង ដើម្បីលេបយកតំបន់ចំនួន៤ អាចកំណត់ជាដំណាក់កាលកាន់តែសំខាន់សម្រាប់ទីក្រុងមូស្គូក្នុងសង្រ្គាម បន្ទាប់ពីអ៊ុយក្រែនទទួលជោគជ័យនៅលើសមរភូមិ។

ការបោះឆ្នោតប្រជាមតិ នឹងចាប់ផ្តើមនៅថ្ងៃសុក្រក្នុងតំបន់ Luhansk, Kherson និងផ្នែកមួយដែលគ្រប់គ្រងដោយរុស្ស៊ីគឺ Zaporizhzhia និង Donetsk៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ AP

ចុចអាន៖ លោក ពូទីន បង្ហាញ ពី កង្វល់ របស់ ចិន ចំពោះវិបត្តិ អ៊ុយក្រែន