ព័ត៌មានអន្ដរជាតិ
លោក ពូទីន បង្ហាញពីកង្វល់របស់ចិន ចំពោះវិបត្តិ អ៊ុយក្រែន (មានវីដេអូ)
កាលពីថ្ងៃព្រហស្បតិ៍ទី១៥ខែកញ្ញា លោក វ្ល៉ាឌីមៀរ ពូទីន បានទទួលស្គាល់ ក្តីព្រួយបារម្ភរបស់ចិន ចំពោះវិបត្តិអ៊ុយក្រែន នៅក្នុងកិច្ចពិភាក្សាទល់មុខគ្នាជាលើកដំបូងជាមួយលោកប្រធានាធិបតី ស៊ី ជីនពីង ចាប់តាំងពីការលុកលុយរបស់រុស្ស៊ី។
ថ្លែងនៅខាងក្រៅកិច្ចប្រជុំកំពូលរបស់អង្គការកិច្ចសហប្រតិបត្តិការសៀងហៃ (SCO) ក្នុងទីក្រុង Samarkand នៃប្រទេសអ៊ូសបេគីស្ថាន លោកពូទីន ក៏បានអរគុណចិនផងដែរ សម្រាប់ជំហរមានតុល្យភាពរបស់ខ្លួន ហើយបាននិយាយថា ការប៉ុនប៉ងរបស់សហរដ្ឋអាមេរិក ក្នុងការបង្កើតពិភពលោកមានប៉ូលតែមួយ នឹងត្រូវបរាជ័យ។
ទន្ទឹមនោះ លោក ស៊ី បានគូសបញ្ជាក់ថា ប្រទេសចិន មានឆន្ទៈធ្វើការរួមគ្នាជាមួយរុស្ស៊ីជា “មហាអំណាច”។
ចិន មិនបានគាំទ្រការវាយលុករបស់រុស្ស៊ីនៅអ៊ុយក្រែនទេ ប៉ុន្តែបានបង្កើនពាណិជ្ជកម្ម និងទំនាក់ទំនងផ្សេងទៀតជាមួយទីក្រុងមូស្គូ ចាប់តាំងពីប្រតិបត្តិការនោះ ចាប់ផ្តើម។
លោក ពូទីន បានប្រាប់លោក ស៊ី ថា “យើងសូមវាយតម្លៃខ្ពស់ ចំពោះជំហរតុល្យភាពរបស់មិត្តចិន។ ចិនបានយល់អំពីស្ថានភាពទាំងនេះ”។
ការវាយលុកនេះ បានធ្វើឲ្យទីក្រុងមូស្គូ ធ្លាក់ចូលទៅក្នុងវិបត្តិដ៏អាក្រក់បំផុតរបស់ខ្លួនជាមួយលោកខាងលិច ចាប់តាំងពីសង្គ្រាមត្រជាក់ ហើយបានបណ្តាលឲ្យតម្លៃស្បៀងអាហារ និងថាមពលសកលកើនឡើងខ្ពស់។
វាក៏ជាបញ្ហាប្រឈមដ៏ធំមួយសម្រាប់ប្រទេសចិនផងដែរ ដែលទំនាក់ទំនងរបស់ខ្លួនជាមួយលោកខាងលិចបានធ្លាក់ចុះយ៉ាងខ្លាំងក្នុងរយៈពេលប៉ុន្មានឆ្នាំថ្មីៗនេះ ជុំវិញបញ្ហានានារួមមានសិទ្ធិមនុស្ស និងអនាគតរបស់តៃវ៉ាន់ជាដើម៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ បញ្ហាសំខាន់ចំនួន២ នឹងលើកឡើងក្នុងកិច្ចប្រជុំរវាងលោក ពូទីន និងលោក ស៊ី នៅថ្ងៃស្អែកនេះ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២៣ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល