Jennie សមាជិកក្រុម BLACKPINK ស្រក់ទឹកភ្នែកក្នុងកម្មវិធី Fan Signing

ក្រុមចម្រៀងនារី BLACKPINK បានរៀបចំព្រឹត្តិការណ៍ Fan Signing ដើម្បីផ្សព្វផ្សាយអាល់ប៊ុមពេញ ‘BORN PINK’ ប៉ុន្តែនៅក្នុងកម្មវិធីដ៏សប្បាយរីករាយនោះ បែរជា Jennie ត្រូវបានគេប្រទះឃើញស្រក់ទឹកភ្នែកទៅវិញ ពេលកំពុងនិយាយជាមួយអ្នកគាំទ្រ។

បន្ទាប់ពីកម្មវិធី Fansign បានបញ្ចប់ មានអ្នកគាំទ្រម្នាក់បានបង្ហោះវីដេអូ JENNIE យំអមជាមួយនឹងចំណងជើងថា ‘ថ្ងៃនេះ Jennie ស្ទើរតែស្រក់ទឹកភ្នែក អំឡុងពេលព្រឹត្តិការណ៍ចុះហត្ថលេខាឲ្យអ្នកគាំទ្រ’ ដោយធ្វើឲ្យផ្ទុះការចាប់អារម្មណ៍យ៉ាងខ្លាំង។

ភ្លាមៗនោះអ្នកគាំទ្របានសរសេរចែករំលែកអំពីរឿងរ៉ាវនៅខាងក្រោមវីដេអូនោះថា “ខ្ញុំបានប្រាប់ Jennie ថា ទោះនាងធ្វើអ្វីក៏ដោយ ពួកយើងនៅក្បែរ និងលើកទឹកចិត្តនាងជានិច្ច ហើយនាងគួរតែសម្លឹងមើលឆ្ពោះទៅមុខ និងធ្វើអ្វីជាខ្លួនឯង” ។

ជាមួយគ្នានេះដែរ ក្រោយការមានបង្ហោះវីដេអូនេះនៅអ៊ីនធឺណិត Jennie ក៏បានបង្ហោះនៅលើបណ្តាញសង្គមដើម្បីថ្លែងអំណរគុណដល់អ្នកគាំទ្រដែលបានចូលរួមកម្មវិធីនោះផងដែរ ដោយសរសេរថា “ខ្ញុំពិតជារីករាយណាស់ដែលបានជួបអ្នកគាំទ្រថ្ងៃនេះ ។ ខ្ញុំនឹងប្រមូលកម្លាំង និងប្រឹងប្រែងបន្ថែមទៀតដើម្បីអ្នកគាំទ្រនាពេលអនាគត” ៕

ប្រែសម្រួល ៖ នាងតូច

ចុចអាន៖ធ្លាយឃ្លិប Jennie ឱបក V និងរាំសប្បាយ ក្នុងកម្មពិធីសម្ពោធអាល់ប៊ុម “Born Pink”