ព័ត៌មានជាតិ

រាជរដ្ឋាភិបាល បានសម្រេចផ្តល់សិទ្ធិទៅឱ្យក្រុមហ៊ុនទ្រីភាពក្នុងទំហំចុះបញ្ជីទុន១៧លានដុល្លារ វិនិយោគអភិវឌ្ឍន៍ កោះត្បាល់

បានផុស

៤ years មុន

នៅ

ថ្ងៃសុក្រ ៣០ កញ្ញា ២០២២

ដោយ

ក្រុមប្រឹក្សាអភិវឌ្ឍន៍កម្ពុជា (CDC) បានសម្រេចគម្រោងអនុម័ត វិនិយោគរបស់គម្រោងអភិវឌ្ឍន៍ កោះត្បាល់ ឱ្យវិនិយោគដែលមានទីតាំង ស្ថិតនៅក្នុងភូមិកែប សង្កាត់កែប ក្រុងកែប ខេត្តកែប ទៅឲ្យក្រុមហ៊ុន Try Pheap Koh Tunsay Resorts Co., Ltd ក្នុងចំណាយទុនចុះបញ្ជីឱ្យវិនិយោគចំនួន ១៧លានដុល្លារអាមេរិក និងអាចបង្កើតការងារបានចំនួន ១០៥កន្លែងទីតាំង។ នេះបើយោងទៅតាមការឲ្យដឹងពីក្រុមប្រឹក្សាអភិវឌ្ឍន៍កម្ពុជាតាមរយៈបណ្តាញសង្គមហ្វេសប៊ុក នៅកាលពីថ្ងៃទី ៣០ ខែកញ្ញា ឆ្នាំ២០២២នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តម សោម ពិសិដ្ឋ អភិបាលខេត្តកែប ក៏ធ្លាប់បានលើកឡើងឱ្យដឹងថា ខេត្តកែប គឺមានកោះចំនួន១២ និងថ្មប៉ប្រះទឹក១ ដែលសុទ្ធតែជាទីតាំងមានសក្តានុពលខ្ពស់ក្នុងការអភិវឌ្ឍដោយមានវិស័យទាក់ទាញទេសចរណ៍។

នៅក្នុងគម្រោងអភិវឌ្ឍន៍តាមបណ្តាកោះទាំង ១២នៅក្នុងខេត្តកែប ពិតណាស់នឹងផ្តល់ផលវិជ្ជមានសម្រាប់ទាក់ទាញវិស័យទេសចរណ៍ និងសេដ្ឋកិច្ចរបស់ខេត្តកែប ដើម្បីលើកកម្ពស់ជីវភាពរបស់ប្រជាពលរដ្ឋនៅមូលដ្ឋាន ដែលអាចផ្តល់ឱ្យមានកន្លែងការងារ សំដៅកាត់បន្ថយការពីចំណាកស្រុក ដូចនេះក្នុងការធ្វើឲ្យគម្រោងវិនិយោគបានលេចចេញជារូបរាងឡើងជារឿងដែលយើងបានខិតខំបន្ត។

សូមរំលឹកផងដែរថា ក្រៅពី កោះត្បាល់ ដែលក្រុមប្រឹក្សាអភិវឌ្ឍន៍កម្ពុជាទើបអនុម័តឱ្យក្រុមហ៊ុន ទ្រីភាព កោះទន្សាយ រីស៊តនេះ កាលពីឆ្នាំ ២០១៩កន្លងទៅ ក្រុមហ៊ុននេះ ក៏ទទួលបានសិទ្ធិអភិវឌ្ឍន៍កោះទន្សាយរហូត ៥០ឆ្នាំ ដោយចំណាយទុនវិនិយោគរហូត ១៣០លានដុល្លារ ហើយនៅបច្ចុប្បន្ននេះកំពុងតែដំណើរការអភិវឌ្ឍន៍គម្រោងក្រុមហ៊ុនរបស់ខ្លួន ដែលមានបំណងបង្កើតទីក្រុងរណបថ្មីមួយនៅខេត្តកែបសម្រាប់វិស័យទេសចរទៅថ្ងៃមុខបន្ថែម៕

ដោយ ៖ សឹង រ៉ាត់