ជីវិតកម្សាន្ដ

ស្អាតប្លែក ! ព្រះនាង តូច ជេនណា នរោត្តម គ្រងឈុតនារីខ្មែរថែអង្គរធ្វើឲ្យអ្នកគាំទ្រលាន់មាត់សរសើរគ្រប់គ្នា

បានផុស

៤ years មុន

នៅ

ថ្ងៃពុធ ៦ មករា ២០២១

ដោយ

ភ្នំពេញ ៖ អ្នកប្រើប្រាស់បណ្តាញសង្គមហ្វេសប៊ុក និង ទស្សនិកជនជាច្រើនបានសម្តែងការចាប់អារម្មណ៍ហើយស្ងើចសរសើរគ្រប់គ្នា បន្ទាប់ពីឃើញរូបភាពជាច្រើនសន្លឹករបស់ព្រះនាងតូច ជេនណា នរោត្តម ក្នុងសកម្មភាពថតគ្រងសម្លៀកបំពាក់ប្រពៃណីបុរាណខ្មែរក្នុង ឈុតនារីខ្មែរថែអង្គរ ដែលត្រូវបានចែករំលែកនៅលើបណ្តាញសង្គមមុននេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើសង្កេតតាមរយៈរូបភាពរបស់ព្រះនាងតូច ជេនណា នរោត្តម ដែលមានឈ្មោះថាឈុតនារីខ្មែរថែអង្គរ នេះមិនត្រឹមតែមានរូបសម្ផស្សស្រស់ស្អាតទន់ភ្លន់សក្តិសមជានារីខ្មែរពេញលក្ខណៈនោះទេគឺព្រះនាងថែមទាំងបញ្ចេញនូវទឹកមុខភ្ជាប់ជាមួយស្នាមញញឹមយ៉ាងស្រសោភាគួរឲ្យទាក់ទាញចិត្តមហាជនគ្រប់មជ្ឈដ្ឋានទៀតផង។

បង្ហោះភ្ជាប់ជាមួយរូបភាពនេះដែរព្រះនាងតូច ជេនណា នរោត្តម បានមានព្រះរាជបន្ទូលថាខ្ញុំសប្បាយរីករាយណាស់ដែលបានរៀបសម្លៀកបំពាក់បែបប្រពៃណីខ្មែរច្នៃថ្មី មិនហួសពីទំនៀមទម្លាប់សម្លៀកបំពាក់របស់ខ្មែរមានឈ្មោះថា ឈុតនារីខ្មែរថែអង្គរ។ ក្នុងឈុតនេះ មានលក្ខណៈពិសេសប្លែកគួរឲ្យចាប់អារម្មណ៍ណាស់ ដោយមានដាក់បញ្ចូលអត្តសញ្ញាណនៃព្រលឹងជាតិយើង ដូចជា ដើមត្នោត និងផ្ការំដួល។

ព្រះនាងតូច ជេនណា នរោត្តម ទ្រង់បានមានព្រះរាជបន្ទូលទៀតថា ខ្ញុំសូមអរគុណចំពោះអ្នករចនាម៉ូដនេះ ដែលប្រកបដោយការច្នៃប្រឌិតខ្ពស់។ ដើម្បីបានជ្រាបកាន់តែច្បាស់សូមបង្វែរអារម្មណ៍ប្រិយមិត្តទៅទស្សនានូវរូបភាពជាច្រើនសន្លឹកដែលព្រះនាងតូច ជេនណា នរោត្តម យកមកបង្ហាញខាងក្រោមនេះទាំងអស់គ្នា៕

ដោយ ៖ ចាន់រ៉ា