ព័ត៌មានអន្ដរជាតិ

ថៃ ៖ សត្វស្វាប្រមាណជាង ១ ពាន់ក្បាល ចេញហាលថ្ងៃ ដោយសារអាកាសធាតុចុះត្រជាក់ខ្លាំង

បានផុស

៣ years មុន

នៅ

ថ្ងៃអង្គារ ៣ មករា ២០២៣

ដោយ

ប្រទេសថៃ ៖ ហ្វូងសត្វស្វាប្រមាណជាង ១.០០០ ក្បាល បានចេញប្រសេចប្រសាចពីក្នុងប្រាង្គមួយកន្លែង ដើម្បីនាំគ្នាមកយកកម្ដៅថ្ងៃ ស្របពេលអាកាសធាតុធ្លាក់ខ្យល់ត្រជាក់ខ្លាំងពេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្មានថ្ងៃដើមខែមករា ឆ្នាំ ២០២៣ នេះ ក្នុងខេត្តឡុបបុរី ប្រទេសថៃ អាកាសធាតុបានធ្លាក់ចុះមកនៅចន្លោះពី ១៦ ដល់ ១៩ អង្សាសេ ព្រមទាំងមានខ្យល់បក់មកជាប់ជាប្រចាំផង ដែលធ្វើឲ្យហ្វូងស្វាទាំងនេះ ទ្រាំនឹងភាពត្រជាក់មិនបាន។

ព្រឹកឡើងនៅពេលដែលព្រះអាទិត្យចាប់ផ្ដើមបញ្ចេញរស្មី ហ្វូងស្វាទាំងតូចទាំងធំ បានរត់ចេញពីព្រៃខ្លះ និងខ្លះទៀតកំពុងរស់នៅក្នុងប្រាង្គប្រាសាទកំពូល ៣ មួយកន្លែង ក្នុងខេត្តឡុបបុរី នាំគ្នារត់ប្រដេញគ្នាដោយភាពកក់ក្ដៅ ខ្លះចេញមកបំបៅដោះកូន ខ្លះទៀតអោបគ្នាដេកយកកម្ដៅថ្ងៃ។

ដោយឡែកសត្វស្វាចំណាស់ៗមួយចំនួន បានលាក់ខ្លួនសំងំនៅតាមចន្លោះជញ្ជាំងប្រាង្គ ដើម្បីគេចពីខ្យល់ត្រជាក់ មើលទៅប្រមាណជាង ១ ពាន់ក្បាល គួរជាទីទាក់ទាញក្រសែភ្នែកភ្ញៀវទេសចរមែនទែន ប៉ុន្តែដោយសារតែមានការអភិរក្ស ទើបមិនមាននរណាម្នាក់ ហ៊ានប៉ះពាល់ដល់ហ្វូងស្វាទាំងនេះឡើយ៕

អត្ថបទ ៖ សោ និយមរ័ត្ន