ព័ត៌មានជាតិ
សិស្សនៅស្រុកកំពង់សីលា ជិតមានរថយន្តក្រុងជិះ បញ្ចៀសសុំរថយន្តអ្នកដំណើរជិះទៅសាលារៀន
ថ្លែងក្នុងសន្និសីទសារព័ត៌មានកាលពីម្សិលមិញដែលរៀបចំឡើងដោយអង្គភាពអ្នកនាំពាក្យរដ្ឋាភិបាល លោក គួច ចំរើន អភិបាលនៃគណៈអភិបាលខេត្តព្រះសីហនុបានឱ្យដឹងថា នៅពេលខាងមុខក្រោយទទួលបានការឧបត្ថម្ភរថយន្តក្រុងពីក្រុមហ៊ុន ប៊ូយ៉ុង នឹងអាចដោះស្រាយបញ្ហាលំបាករបស់សិស្សសិក្សានៅវិទ្យាល័យ ហ៊ុន សែន កំពង់សីលា ដែលរាប់ឆ្នាំតែងតែពឹងអាស្រ័យលើការសុំរថយន្តអ្នកដំណើរជិះទៅមកសាលារៀន។
លោកគួច ចំរើន បានបញ្ជាក់ថា សិស្សសិក្សានៅវិទ្យាល័យកំពង់សីលាតាមផ្លូវជាតិលេខ ៤ ក្នុងស្រុកកំពង់សីលា មួយចំនួនត្រូវពឹងអាស្រ័យលើការសុំរថយន្តអ្នកដំណើរជិះទៅមកសាលារៀនជារៀងរាល់ថ្ងៃ។ ប៉ុន្តែលោកអភិបាលខេត្តរំពឹងទុកថា តាមរយៈការឧបត្ថម្ភរថយន្តក្រុងប្រមាណ ៦០ គ្រឿងរបស់ក្រុមហ៊ុនប៊ូយ៉ុងមករដ្ឋបាលខេត្ត នឹងអាចជួយដោះស្រាយ និងកាត់បន្ថយការលំបាកសម្រាប់សិស្សនៅតំបន់ឆ្ងាយៗដែលខ្វះមធ្យោបាយធ្វើដំណើរមកសាលារៀន។
បើតាមលោកអភិបាលខេត្ត កន្លងមករដ្ឋបាលខេត្តក៏បានគិតគូរដោយបានចំណាយថវិកាទិញម៉ូតូ ដើម្បីឱ្យមន្រ្តីមូលដ្ឋានមានលទ្ធភាពដឹកសិស្សទៅមកសាលារៀន។ តែដោយសារនៅស្រុកកំពង់សីលា ជាតំបន់ដែលមានទឹកភ្លៀងច្រើន ហើយការប្រើប្រាស់មិនសមស្របគ្មានសុវត្ថិភាព ណាមួយមិនគ្រប់គ្រាន់តាមតម្រូវការ ទើបសិស្សខ្លះក៏នៅតែបន្តជ្រើសរើសវិធីសាស្ត្រកាក់សុំរថយន្តតាមផ្លូវ ដើម្បីអាចជិះធ្វើដំណើរទៅសាលារៀន។
លោកគ្រូ គង់ សុវុទ្ធី នាយកសាលាវិទ្យាល័យហ៊ុន សែន កំពង់សីលា បានប្រាប់បណ្តាញព័ត៌មានថា ទម្លាប់ការសុំរថយន្ដតាមផ្លូវរបស់សិស្សកើតមានតាំងពីឆ្នាំ ២០០០។
លោក សុវុទ្ធី បញ្ជាក់យ៉ាងដូច្នេះថា៖ «ផ្ទះសិស្សខ្លះមានចម្ងាយប្រមាណ ៥-៦ គីឡូម៉ែត្រពីសាលារៀន ហើយគ្រួសារមានជីវភាពខ្សត់ខ្សោយ។ ដោយឡែកអាណាព្យាបាលសិស្សមួយចំនួន ទោះបីមានលទ្ធភាពទិញម៉ូតូឱ្យកូនជិះក៏មិនហ៊ានបណ្តោយ ព្រោះបារម្ភពីសុវត្ថិភាពចរាចរណ៍ការជិះធ្វើដំណើរតាមផ្លូវជាតិដែលសំបូររថយន្តតូចធំបរកាត់»។
លោកនាយកសាលាបានបន្តថា ក្នុងមួយថ្ងៃមានសិស្សសុំជិះជិត ១០០ នាក់ ហើយមានតែរថយន្តដឹកធុនធំប៉ុណ្ណោះដែលច្រើនជួយយកអាសារដឹកសិស្សទៅមករាល់ថ្ងៃ៕
ដោយ៖ ថារី
ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
អភិបាលខេត្តក្រចេះ ៖ ការចូលរួមបរិច្ចាគធនធានពីពលរដ្ឋគ្រប់ទិសទី ជាថាមពលផ្តល់កម្លាំងចិត្តកងទ័ព
រដ្ឋមន្ត្រីកសិកម្ម ណែនាំឱ្យកសិករភ្នំគូលែន សិក្សាលទ្ធភាពចិញ្ចឹមមាន់ស្រែ និងជ្រូក ដែលកំពុងមានតម្រូវការ
អភិបាលខេត្តប៉ៃលិន អំពាវនាវដល់ព្រះសង្ឃ និងមន្ត្រីរាជការចូលរួមថែរក្សា និងលើកកម្ពស់វប្បធម៌ក៏ដូចជាវិស័យព្រះពុទ្ធសាសនា ដែលជាដួងព្រលឹងជាតិ
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
គួរឲ្យសរសើរអាយុ ៤៦ឆ្នាំ Pacquiao ស្មើម្ចាស់ខ្សែក្រវាត់ Barrios ក្រោយប្រកួត១២ទឹកពេញ
សោកនាដកម្មលិចទូកទេសចរណ៍នៅវៀតណាម រកឃើញមនុស្សស្លាប់ ដល់ ៣៤នាក់
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?
-
ព័ត៌មានជាតិ១ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១៤ ម៉ោង agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ៧ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៧ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៧ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម២ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន