ព័ត៌មានជាតិ

អាជ្ញាធរសង្កាត់ចាក់អង្រែក្រោម ប្ដេជ្ញាបម្រើសេវាសាធារណៈជូនពលរដ្ឋ ឲ្យបានលឿន និងរហ័ស

បានផុស

២ years មុន

នៅ

ថ្ងៃព្រហស្បតិ៍ ១៨ កក្កដា ២០២៤

ដោយ

អាជ្ញាធរសង្កាត់ចាក់អង្រែក្រោម បានប្ដេជ្ញាបម្រើសេវាសាធារណៈជូនប្រជាពលរដ្ឋឲ្យបានលឿន និងរហ័ស។ ក្នុងនោះ អាជ្ញាធរ ក៏បានអំពាវនាវដល់ប្រជាពលរដ្ឋអញ្ជើញទៅទទួលយកការធ្វើសេវាឯកសារដោយខ្លួនឯង ជៀសវាងពឹងពាក់តាមអ្នករត់ការ នាំឲ្យខាតបង់ប្រាក់កាស និងពេលវេលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជា សុខៃ ចៅសង្កាត់ចាក់អង្រែក្រោម បានឲ្យដឹងថា បច្ចុប្បន្ននេះ នៅមានប្រជាពលរដ្ឋខ្លះ បន្តពឹងពាក់អ្នកដទៃលើការរត់ឯកសារ ដោយមិនបានមកទទួលធ្វើឯកសារដែលខ្លួនចង់បំពេញ នេះជាកត្តានាំឲ្យពួកគាត់ខាតបង់ប្រាក់កាស និងត្រូវចំណាយពេលវេលា។

លោកបន្តថា ការផ្តល់សេវាលើតម្រូវការឯកសាររបស់ប្រជាពលរដ្ឋនេះ រដ្ឋបាលសង្កាត់ មានក្រុមមន្ត្រីប្រចាំការជាប់ជាប្រចាំនៅរៀងរាល់ម៉ោងធ្វើការ ដើម្បីរង់ចាំទទួលស្វាគមន៍ជានិច្ច រាល់អ្នកដែលមកបំពេញការធ្វើសេវា តាមរយៈយន្តការច្រកចេញចូលតែមួយ ដោយក្រុមមន្ត្រី នឹងបំពេញជូនភ្លាមចំពោះឯកសារមិនត្រូវចំណាយ រង់ចាំ ពោលគឺអាចចាំទទួលយកផ្ទាល់តែម្ដង។

ជាមួយនេះ លោកចៅសង្កាត់ ក៏បានប្ដេជ្ញា ណែនាំដល់មន្ត្រី ឲ្យបម្រើប្រជាពលរដ្ឋមានប្រសិទ្ធភាព លឿន និងរហ័ស។ បន្ថែមនោះ លោក បានណែនាំជាប្រចាំមិនឲ្យទទួលការសូកប៉ាន់ណាមួយឡើយ ក្នុងករណីមានបញ្ហា ឬការទទួលលុយនោះ លោកនឹងសុំគោលការណ៍ថ្នាក់ដឹកនាំអនុវត្តអភិក្រមទាំង ០៥ តែម្ដង៕

អត្ថបទ ៖ សុភា