នគរបាលប៉ុស្ដិ៍ភ្នំពេញថ្មី បើកវេទិកាសាធាណៈ និងផ្សព្វផ្សាយពីផលប៉ះពាល់គ្រឿងញៀន

កម្លាំងប៉ុស្ដិ៍រដ្ឋបាលនគរបាលភ្នំពេញថ្មី នៃអធិការដ្ឋាននគរបាលខណ្ឌសែនសុខ កាលពីថ្ងៃអាទិត្យ ទី២៨ ខែកក្កដាឆ្នាំ២០២៤ បានចុះបើកវេទិកាសាធារណៈ ផ្សព្វផ្សាយពីផលប៉ះពាល់ពីបញ្ហាក្មេងទំនើង គ្រឿងញៀន និងបញ្ហាភូមិសង្កាត់មានសុវត្ថិភាព។

តាមរយៈវេទិកានេះ មានប្រជាពលរដ្ឋដែលបានចូលរួមបានលើកឡើងនូវបញ្ហា និងទុក្ខកង្វល់ និងសំណូមពរ ដោយផ្ទាល់មាត់ ដើម្បីឲ្យអាជ្ញាធរធ្វើការឆ្លើយតប ដោះស្រាយ ពិសេសបញ្ហាប្រឈមមួយចំនួនដូចជា បញ្ហាអនាម័យបរិស្ថាន សំរាម ហេដ្ឋារចនាសម្ព័ន្ធ ផ្លូវលូ ភ្លើងបំភ្លឺសាធារណៈ ជាមួយនឹងជីវភាពរស់នៅជាប្រចាំថ្ងៃរបស់ពួកគាត់។

សូមបញ្ជាក់ថា អាជ្ញាធរមូលដ្ឋាន ក៏បានធ្វើការផ្សព្វផ្សាយ ពីផលប៉ះពាល់គ្រឿងញៀនដល់ពលរដ្ឋ និងត្រូវសូមនិយាយថា «ទេ» ចំពោះគ្រឿងញៀន ចូលរួមលុបបំបាត់គ្រឿងញៀន ការសេពគ្រឿងញៀន គឺបំផ្លាញខ្លួនឯង ក្រុមគ្រួសារ និងសង្គម គ្រឿងញៀនធ្វើឲ្យមនុស្សស្លូតក្លាយជាមនុស្សកាចសាហាវ និងធ្វើឲ្យសង្គមស្អប់ខ្ពើម៕

អត្ថបទ៖ ម៉េង