ព័ត៌មានជាតិ
ឯកឧត្តម ឌី វិជ្ជា និងក្រុមគ្រួសារ សម្តែងក្តីរន្ធត់ តក់ស្លុត និងសោកស្តាយយ៉ាងខ្លាំងចំពោះមរណភាពរបស់លោក នុប តុលា
ឯកឧត្តម ឌី វិជ្ជា ប្រធានក្លិបបាល់ទាត់ព្រះខ័នរាជស្វាយរៀង និងក្រុមគ្រួសារនៅរសៀលថ្ងៃពុធនេះ មានសេចក្តីក្តុកក្តួល រន្ធត់តក់ស្លុត និងសោកស្តាយជាអនេក ចំពោះមរណភាពរបស់លោក នុប តុលា អតីតកីឡាករក្លិបព្រះខ័នរាជស្វាយរៀង និងជាអតីតកីឡាករបាល់ទាត់ជម្រើសជាតិកម្ពុជា ដែលបានទទួលមរណភាពកាលពីថ្ងៃអង្គារ ទី១៩ ខែវិច្ឆិកា ឆ្នាំ២០២៤ ក្នុងជន្មាយុ ២៨ឆ្នាំ។
តាមរយៈបណ្តាញសង្គមហ្វេសប៊ុក ឯកឧត្តម ឌី វិជ្ជា បានសរសេរថា៖ «ក្នុងវេលាប្រកបដោយសមានទុក្ខដ៏ក្រៀមក្រំនេះ ខ្ញុំសូមចូលរួមសម្តែងនូវមរណទុក្ខដោយក្តីស្រណោះ អាឡោះអាល័យ ជាមួយគ្រួសារ ព្រមទាំងញាតិមិត្តទាំងអស់នៃសព ចំពោះការបាត់បង់ដ៏ធំធេងនូវ ប្អូនប្រុសបង្កើត ស្វាមី ឱពុក ជាទីគោរពស្រលាញ់ដ៏ជ្រាលជ្រៅ។ ខ្ញុំសូមឧទ្ទិសបួងសួងដល់ដួង វិញ្ញាណក្ខន្ធ លោក នុប តុលា បានទៅកាន់ឋានបរមសុខ ក្នុងសុគតិភព កុំបីឃ្លៀងឃ្លាតឡើយ»។
អតីតកីឡាករបាល់ទាត់ជម្រើសជាតិកម្ពុជា លោក នុប តុលា បានបាត់បង់ជីវិត ក្នុងវ័យ ២៨ឆ្នាំ។ នេះ គឺជាការបាត់បង់ធនធានកីឡាករ និងជាដំណឹងដ៏សោកសៅ ក្រៀមក្រំបំផុតសម្រាប់វិស័យកីឡាបាល់ទាត់កម្ពុជា និងនៅក្នុងតំបន់។ នុប តុលា ជាអតីតយុវជនរបស់ក្លិបព្រះខ័នរាជស្វាយរៀង ហើយបានក្លាយជាកីឡាករបាល់ទាត់ដ៏ឆ្នើមម្នាក់ដែលលេងឲ្យក្លិបជាច្រើន មានដូចជា ព្រះខ័នរាជស្វាយរៀង ណាហ្គាវើលដ៍ គីរីវង់សុខសែនជ័យ និងសមាគមបាល់ទាត់ក្រសួងមហាផ្ទៃ។
លោក នុប តុលា បានជាប់ជម្រើសជាតិកម្ពុជាតាំងពីយុវជន រហូតដល់ក្រុមធំពីឆ្នាំ២០១១ ដល់២០១៧ ដែលបានលេងទាំងពានរង្វាន់កម្រិតអាស៊ាន អាស៊ី និងពិភពលោក។ តាមដំណឹង លោក នុប តុលា ទំនងជាមានវិបត្តិធ្ងន់ធ្ងរដែលបានបង្ហោះសារចុងក្រោយលាក្រុមគ្រួសារកាលពីថ្ងៃទី១៨ ខែវិច្ឆិកា ឆ្នាំ២០២៤។ ក្រុមគ្រួសារបានស្វែងរកឃើញម៉ូតូ និងសម្ភារប្រើប្រាស់ទុកចោលនៅជិតស្ពានព្រែកសំរោង (ស្ពានតាខ្មៅ)។ នៅព្រឹកថ្ងៃទី២០ ខែវិច្ឆិកា ឆ្នាំ២០២៤ សពលោក នុប តុលា ត្រូវបានរកឃើញនៅកោះអន្លង់ចិន៕
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៣ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន